#NSS學業 [GUEST] 是咁的，小妹間學校成日都會有presentation，但從f1開始到依家f4都未適應到，仲係好驚上台present。明明已經係咁俾心理暗示自己（例如話：台下面啲人其實冇人會專心聽你講嘢㗎，千祈唔好驚）但最後正式present都係會好怯，心跳跳得勁快，然後又會驚到全身都震埋。搞到次次因為想快啲完，然後就會不知不覺咁講得勁快，係比起我喺屋企講嗰陣快咗成半分鐘嗰種。而且仲有一點就係因為驚到把聲會震，然後我就唔夠膽講咁大聲，結果就一直俾老師話我太細聲。講真次次見到人地上台present都勁confident我自己真係好羨慕，奈何每次present都係繼續咁驚，所以好想請教吓大家，到底點樣先可以令自己唔會咁怯？
#NSS愛情 [Guest ] 淺談被逼性同性戀/雙性戀 喺心理學中「被逼性同性戀」這個term其實唔存在 不過我喺研究緊同性戀個陣發現咗 有啲人做同性戀純粹係被迫嘅。 利申：我支持LGBTQ 對於同性/雙性戀冇偏見 寫這篇文純粹係解釋「被逼性同性戀」。 什麼情況會出現「被逼性同性戀」呢？通常都係以下幾種情況： 一、同學關係 同學係同性戀 某一日向你告白 你會點做？拒絕？定係接受？有一部分嘅人會因為尷尬或唔識拒絕而接受。當然，唔排除其他真的會接受嘅雙性戀/同性戀嘅人。尷尬或者唔識拒絕嘅人則屬於「被逼性同性戀」。 二、身邊人影響 你有朋友係同性戀嗎？或者好希望你係同性戀嘅人（甚至係一班人）？佢哋可能會影響你嘅性取向。你本身可能係普通性取向，但係佢哋逼你做同性戀，甚至到時想向你告白。受群眾壓力/朋友壓力下，你只好隨波逐流 支持佢哋。 三、男校/女校影響 這種情況喺女校比較常出現。喺青春期，人對於「戀愛」嘅需求/渴望會不斷上升。女仔發育早啲 同時這種思想亦會出現得更早。喺女校，因為周圍都冇男仔，為咗滿足渴望/需求，就只好成為同性/雙性戀。 其實，我哋身邊都有可能會出現這種人，或者你直接搵nss 有關愛情嘅post，有部分嘅就係被逼性同性戀。希望大家不要支持其他唔清楚自己性取向嘅人告白，先弄清楚性取向才行動。
#NSS其他 [某Band1 中學] 本人f1,有個由細玩到大嘅朋友，大家同一間小學，幾friend吓。本身剛剛升中嗰時大家約咗一齊翻學(大家中學相隔唔遠，大約五至十分鐘就行到)，之後因為我過咗暑假之後就唔落去公園玩(學業、唔再鍾意問題)。有日，佢叫我細佬轉告我聽日一定要去公園，唔係就上我屋企拖我落去公園(同一棟樓，隔两層)我一聽就say NO. 第二日我真係冇落公園，佢雖然冇講咩，但第二日就冇再一齊翻學，關係就咁疏離咗。我想問下大家點挽救，因為見到大家個時唔想太尷尬，但都唔太想得罪人。不過都會諗佢點解一叫我做咩，就以威脅形式要我聽佢指揮？同埋佢應該係一個唔知政治但鐘意大陸野嘅人，佢ig全部都係殘體字，又用抖音小紅書，又成日講牛逼，又send大陸短視頻比我，但並不係小粉紅，但都驚自己被同化。都唔知宜家算唔算好事，又想大家可以撞到嗰事唔咁薑。前幾日翻學係小巴站見到佢，大家say左個hi就冇野，佢排係我後面，我上車之後就坐雙人位，佢就係我隔離經過去我後排坐。宜家想問大家點算？
#NSS學校 [GUEST] 小弟近排成日見到一有post提及小學停課或者 wfh 嘅消息, 啲comments就會有勁多人鬧點解政府唔俾中學生停課… 疫情下嘅學生安全的確係有顧慮喺度, 但係喺當中鬧嘅中學生之中, 有幾多個係真係為咗自己嘅健康想停課? 喺為咗所謂嘅”懶” 或者係”唔想返學” 嘅藉口要求停課之前, 有冇思考online lesson嘅效率? 小弟間學校到而家都仲考緊試, 而且要考到農曆新年前幾日先完, 如果停課就有機會再postpone到去之後先考。你哋有冇諗過如果停課會對其他人造成不便? 如果係你哋溫咗成三個月都不能放鬆咁會點? 而家先初中, 唔係考緊dse喎 根本上就係為咗自己方便去造成其他人嘅唔高興同唔方便。
#NSS愛情 [將軍澳某band1中學] 多謝admin揀中我呢篇投稿🙏🏼 小妹今年f2 平時無咩人係可以比我真真正正咁樣講自己嘅嘢 但係我好辛苦 真係好想有個地方訴下苦。 上年開學嘅時候，班上面我一個人都唔識，因為我同你坐前後桌，所以就唔知點解傾到好開心。之後調左位，自然就無咩交流。 到之後，我地又調位，今次係同你一齊坐，亦都係同你之前坐嘅朋友一齊坐（下稱A）。平時我地三個打打鬧鬧咁樣，雖然你唔係話又高又靚仔嘅人，但係我真係鍾意左你，有幾次，我都想同你表白，但係一諗起如果表白失敗嘅話我地會連朋友都做唔成，我真係唔敢。雖然A當我係閨蜜，但係佢好多野都係會同你講。 平時，你會成日跟風玩d frd test，A嘅地位係top2-5而我嘅地位係top6-10。其實我真係有d sad架，但係因為唔可以表現出我鍾意你，我都要扮到同你只不過係純友誼。 我真係好鍾意你，但係我真係唔敢同你表白…… sor for1999
#NSS愛情 [GUEST] 究竟我點先可以放低你… 小弟今年f3, 話說我今年識咗一個女仔 (稱為A), A今年係我同班同學, f1,2都唔同的, 但硬係有似曾相識的感覺. 喺9月的時候, 我眼中的A就係一個普普通通、正正常常的女仔. 正當我以為會好似f1,2過無聊嘅中學生涯, 直至10月, 我對A開始有莫名的心動的感覺, 某程度上的一見鍾情 (我是喜歡日久生情的), 時時刻刻都想着A, 肯定了我唔係錯覺, 就係因為自從鍾意咗A之後,我就冇再唔想返學的念頭, 想每日見到A. 同時我亦都有諗過幾時要同A表白. 去到颱風嗰日, 我俾個風嘈醒咗, 突然”洪秀全發作” 好似聽到耶穌叫我寫情信俾A,
#NSS個人 [guest] admin po ig pls 講少少好個人嘅野，有感而發，雖然唔知大家係咪咁諗。 小妹係一個讀art嘅人，身邊親朋戚友close frd多多少少都知。雖然好鐘意畫但除咗功課類嘅畫作都唔會比人睇，個人真係唔like比人望住。 最大問題係班人失驚無神就問我可唔可以畫比佢地，一講呢D就好燥，咁當然拒絕啦。之後啲反應一係話我小氣，一係就話我出錢比你你畫幅畫唔係好難啫。 大佬你當你地係邊個…你又當我係咩… 畫幅畫好易咁不如你地自己畫啦:D 我已經好忙仲一個二個當自己老闆叫我畫 我冇義務去做你個小畫家架喎 畫LLM，sorry好燥
#NSS學校 [某band1女校] 小女F2，今年入咗學校orchestra拉小提琴，但係一直好想退出。 (以免大家誤會話咁我做咩想quit又參加，利申比學校間接迫住參加，唔係自己報名參加嘅，佢同我講我入咗orchestra嗰陣已經安排好晒d嘢，基本上就係冇得say no。) 雖然話入得orchestra 都係有比人揀選過有能力嘅先入到，但係其實我自己小提琴唔係真係好好，係orchestra入面絕大部份人都勁過我好多，d pieces 又難，自己追唔上，驚拖累到人哋(主要驚拖累我partner)。 再加上自己對一大班人一齊玩音樂興趣不大，本身又冇咩參加orchestra嘅經歷，搞到每次rehearsal都好緊張。 不過，我小提琴老師話orchestra係一個好好嘅機會學習經驗，屋企人都唔想我quit。我自己亦都知道逃避只會令自己唔識面對挑戰，好似好weak咁(?) 求大家比少少意見/屌醒我，感激不盡🙏🏻 thanks admin
#NSS社會 [Guest] 班黃尸算数啦 近年隨着疫症,遊行大覆減少,政府設立國安和新選制,有不少人失望選擇移民外國,部份「黃絲」買藍店用殘體,香港已徹底失去了希望,有人認為對手咁強大,自己人又唔掂,實失敗但有否想過當年中共已三萬人面對國民黨百萬人仍然堅持。最終勝利。 我地香港人更應該堅持,梁天琦曾經講敵人越打壓,證明越令敵人恐懼,我地香港人應睇遠D,已百年實現目標,唔急於一時,各位都係未來的社會棟樑,大家應該努力讀書,鍛煉自己,在外國的不仿報讀軍校,以色列當年正正依靠大批精英,大家努力,成為社會金字塔頂端的菁英,靠着巨大的財富才能實現目的。 不屈進行曲有句歌詞,銘記眾同伴獻身約誓,讓熱淚和鮮血沒白掉,大家不好忘記烈士,手足,努力成為香港最鋒利的刀刃,當未來香港人有一名兆兆聲的超級富豪,幕後操縱世界,有位研發出先進武器的工程師,有位着名作家,哲學家,才能夠成功。大家要做的就是鍛煉自己,成為香港最鋒利的刀刃,才能擊殺敵人,保護自己。 Admin post PLZ