—類投稿

#NSS個人 [Guest] 係咁的，我我今年f3識咗3個frd 開頭我地都幾frd，放學會一齊搭車，小息會一齊傾計。有一次我地學校放假，佢哋3個一齊出街食飯而冇搵埋我，咁我就有啲嬲，去咗我哋嘅WhatsApp group講”你哋出街唔預我，冇愛啦”然後我就退出咗個group。 我嗰時都唔係好嬲，我就諗住佢哋會搵返我，同我講返下次會約返我咁，但係佢哋完全冇理我，咁我太嬲就remove咗佢哋IG follower+unfollow 佢地。 咁第二日返學佢哋都冇搵我講嘢，所以我都冇搵佢地講嘢。到到而家依件事已經有幾個禮拜，但係我覺得我會唔會太衰，我應唔應該搵返佢哋講嘢？我應唔應該同佢哋be返friend ？我想大家俾啲意見我🙇🏻‍♀️雖然我而家都好嬲佢地，但係我又唔想因為呢啲嘢而同佢地unfrd

#NSS愛情 [GUEST] 好奇同性戀呷醋係呷對象同異性定同性

#NSS個人 [頂佢地唔順。] 好簡單。我頂我班朋友唔順。個個都假到死。 完。多謝聆聽。

#NSS個人 [GUEST] 介紹翻背景先 小妹今年中五 學業成績唔係好好 而且一月份係考試週所以就不斷溫書啦 搞到呢排個人黑眼圈好重 月經都好似失調遲左兩個星期都未黎 壓力成日都好大 會成日無啦啦喊 最近玩細佬都要考試 但我屋企人都唔識英文 所以我細佬嘅英文課業都係我黎輔導 . 我細佬都係啲唔鍾意讀書，有輕微自閉症嘅人黎 佢宜家初小 但英文冇一次合格過 我每次同佢溫書佢都好唔認真 然後教完要佢做題目佢又唔識咁（應該係我教學方式有問題） 而最近我又係考試週 要overall 中四嘅野一齊考 所以聖誕假開始冇耐就開始溫書 日日都凌晨兩點幾先訓 睡眠不足咁

#NSS愛情 [屯門某個學校] 我好喜歡我的小學同學 從一年級就開始暗戀了直到現在 因為疫情關係所以到六年級都沒有跟他表白 但是我忘記他的聯繫方式了怎麼辦 家人們😭

#NSS學業 [能不說嗎寶貝] 本人中五，有好嚴重嘅拖延症自己都知DSE仲有唔夠500日但係永遠都好難去做嘢（ 書都唔想攞）同埋英文個底差到一個點（ 有冇見過cinema睇咗做Camera嘅人）次次都滴定心肝明明已經有真正嘅目標但係都係驅使唔到我做嘢而家我迷惘過迷惘高達請問各位萬能嘅香港高中生有咩方法搞掂？好人一生平安 祝睇到呢篇文嘅各位去廁所永遠有廁紙 sor for 1999

#NSS社會 [九龍某band2中學] [邪教？］ 小弟今年中五，平時宗教主要係拜神裝香。同班同學有好多都係基督教，其中有一個係我朋友。不過十二月佢哋無啦啦想邀請我入教會。不過我已經同佢哋講咗我係唔屬於呢個宗教，我主要係拜神裝香，我已經不斷say NO。跟住佢哋就冇講嘢行開咗。差唔多一個禮拜之後，佢哋係WhatsApp話今個禮拜教會有活動，想邀請我返去，可能佢哋唔記得咗，跟住我再同佢地講一次我唔係基督徒，我係唔屬於呢個宗教，嗰日我會唔嚟。跟住佢地D語氣開始有啲變得唔耐煩。「返啦，兩個宗教冇衝突，你返嚟背下聖經，祈下禱，唔係咗你好耐姐，三個鐘囉。」呢一刻我O晒嘴，我心諗明明講咗我唔係基督徒，你地係咁逼我返教會？short咗？你都痴撚線，我心念強大，我唔使返教會，唔使背經文。我即刻唔理佢哋，順手block埋佢哋。 到咗要返教會嗰日，大概一個鐘之前，嗰陣時早上七點幾我都未瞓醒，佢哋拍門聲好大，我去開門。我心諗咁早邊個拍門，點知我個friend帶埋佢一個同學上嚟我屋企門口搵我。「喂快啲返教會啦，我哋等你。」到咗呢一刻，我終於忍唔住鬧佢哋，我講咗句屌你老母走撚開啦！！！然後大力閂門，我老母出嚟睇吓咩事，我就同我老母解釋返，我老母諗住開門同佢哋講，結果佢哋走咗lu。 小弟其實都知唔同宗教信仰都要尊重，但係有時真係過咗火。我尊重你，唔該你都尊重返我。屌你好似洗晒腦咁樣，係都要逼人返教會，有時我嘅諗法唔代表你哋嘅諗法，可唔可以唔好再強迫人？同你解釋咗三番四次你都唔撚聽，有時真係忍唔住要鬧你地 小弟文筆唔好,sorry for 1999

#NSS其他 [Guest] 「係BL boys love, not bi」每次見到有po係關於Bi嘅，就梗有條友係下面講呢句西嘢，真係見到都忟。Bi means Bisexual， BL你媽。見到啲自己唔知嘅就急急腳「糾正」人哋，查都唔查咗先，係度懶叻。建議以為唔識啲咩都查咗先，唔好做on9仔唔該。 希望admin po呢篇，每次見到啲人講呢句真係大煞風景

#NSS愛情 [港島區band1學校] 小妹a0，鍾意左個男仔 佢大我三年 我地唔相識 但係就成日對望 維持左一段長時間 有時候我地會不經意地有身體接觸 佢又冇刻意去避開 我想呢件事同frd講 但又驚佢地會追問之後就會好難做 我比較被動 唔會主動識異性 唔識搵人攞ig 我都幾想同佢一齊 但係就連佢又冇女朋友都唔知 究竟佢係咪鍾意我？大家可唔可以教下小妹點做🙏🏻 sor for 1999

#NSS家庭 [[中三 女]] 背景：我老豆娶我老母之前有過一段婚姻，有一女一仔。個女意外過身，個仔智力有問題，歸我老豆養。細細個問老豆，問佢個仔係邊個生，佢就話係執返嚟。老豆冇講我知之前有過一段婚姻，所有我知嘅嘢全部都係我自己搵出嚟。好耐之前我就領悟到我生於一個再婚家庭。老豆隔好多年先娶我老母。 係咁嘅。老豆成日WhatsApp搵佢前妻，成日搵佢出嚟飲茶，次次約佢都呃我同阿媽話約同事，大事大節都會同佢前妻過咗節先。一開頭我有少少反感，但係之後我就接受唔到。老豆每個月都會俾一兩千蚊俾佢前妻，WhatsApp搵前妻，前妻唔覆，老豆會問返佢點解唔覆佢。佢仲會帶佢前妻返我阿嫲屋企(親戚喺晒度，親戚本身就歧視阿媽同我) 我係睇老豆嘅聊天記錄先知有呢啲事發生。 我唔係好明點解佢哋兩個仲會有聯絡，如果話係因為仔女之間互相問候下我都無所謂，但係佢哋個女已經過咗身，個仔喺宿舍度。當佢哋智力冇問題，都健在嘅話，都有40歲。 都咁多年，唔明佢哋點解仲會有來往。 而家我心情好複雜。 我應該點做，之前已經Del咗佢前妻個電話，但係都繼續有聯絡⋯⋯ sor for 1999