#NSS愛情 [某東區中學] 身邊嘅同學全部都倒數緊仲有100日就考dse嗰陣 我自己每次温習時, 卻永遠集中不了 唯一知道嘅就係得番61日,就畢業啦 每晚凝望晨星, 總想起妳那梨渦淺笑, 雖然妳當時早已強調只當我為好友 但我知道, 就算以往每晚也視像通話, 到頭來, 妳也不曾對我有任何超越朋友的想法 我亦知道, 妳可能只當我係工具人 點解當時又要與我每晚視像通話呢? 我以為block咗妳, 睇唔到關於妳嘅任何嘢, 就可以忘記以往一切, 集中番係dse度 我錯啦 始終都忍唔住, 偷偷哋借frd account偷睇吓妳 又發現原來妳private仲係有fol緊我
#NSS個人 [唔想透露🙏] 第一次投稿，可能1999🙇♀️ 小妹係一個十分念舊嘅人，屋企有好野都唔捨得丟：例如以前寫過嘅作文、著過嘅制服、以前細個嘅衫、老師送嘅筆，都好唔捨得丟，覺得好有回憶價值之類。望住以前嘅野，我都會諗起以前關於嗰個物件嘅種種，所以好鐘意keep住呢啲舊物，好enjoy回憶過去嘅事。 事源就係最近屋企人要幫我執屋，話我啲衫有好多都已經著得。我之前已經有捐過一次衫，但都係好多。咁裏面肯定有好多我認為有價值嘅衫。 講番嗰一日我屋企人幫我執衫，我嗰陣沖咗個涼，一出到嚟見到我好多衫喺曬地下（執出嚟），其中又見到幾件我好鐘意嘅衫（著唔落同著得落嘅都有）。 我同屋企人講我想留低，但係佢地話已經著唔落。其中有一件衫我真係好鐘意，都已經係好多年前買，好少著。但係我最印象深刻嘅一次同屋企人出去商場買衫，見到都會諗到嗰一日嘅場景。可惜最後都係丟咗。 然後仲有另外一件明明正常平時（夏天）都有著，買唔夠一年嘅短褲，因為阿媽話樣衰，所以丟咗。我梗係話唔好，著唔落就算，佢居然要丟我平時嘅衫褲。阿媽話「呢條咁樣衰就唔好要啦，阿媽帶你買新嘅褲」，我都只好無奈接受（有試過爭論，但佢好似要發我脾氣咁）。 有一啲鐘意嘅合適size嘅衫又比屋企人當抹手布用，我其實好抗拒，又好唔鐘意咁樣。覺得好似踐踏咁自己鐘意嘅野，內心好唔好受。 本來我覺得我都應該接受「舊嘅唔去新嘅唔嚟」，但我真係好後悔，好難過。夜晚又諗起以前關於嗰堆衫嘅回憶，後悔喊咗出嚟，我想留低佢地。 我都知道我好奇怪🥲但我真係好重視身邊嘅野，只要相處一段時間就好難放低。想問下大家係點樣「放下」舊物，坦然面對分離(?)，同埋我要點樣調適心情好？雖然人地會覺得係小事，但我真係冇辦法接受。希望大家比啲具體意見😿 Sor for 1999🙏😞 感謝admin出po
#NSS個人 [GUEST ] 一切嘅嘢都係由我15歲患上咗陰道炎開始 我15歲果年下體成日唔舒服就去咗睇醫生，睇過醫生後，醫生話我陰道發炎。但問題來，我每次睇醫生都要比醫生睇下體，真係好尷尬。再加上我本身個人係偏向緊張，所以有幾次(唔係所有)睇醫生都忍唔住賴咗尿。之後，我睇醫生都要帶定後備褲去換。真係好唔開心。 之後，發炎嘅情況有改善。但我每次一諗起睇醫生嘅話面就會賴尿(特別係夜晚瞓覺)。我媽見到我咁就帶咗我去泌尿科同心理醫生。泌尿系統一切正堂。但心理醫生就話我精神太過緊張就建議我着住尿片瞓覺。 我係不甘願嘅情況下聽心理醫生講住尿片瞓覺。但一着就着咗兩年。 現在，我已經17歲準備考DSE。之前，都有諗辦法點樣可以戒返尿片。試過瞓覺較鬧鐘想去洗手間，瞓覺前一兩個鐘唔飲水。但都唔成功。 我有次唔想着尿片就去咗瞓覺，結果第二日張床係濕曬。啊媽嬲到爆炸。跟住一個星期啊媽都一定要佢幫我着尿片先比我瞓。 我真係好想戒到片有咩方法? 希望中六畢業前戒到。 都試過做一啲輕鬆嘅嘢令自己可以放鬆，但都係照賴咗尿。
#NSS社會 [黃大仙女校] NSS [re#NSS220111D] 見依篇文好似嘈得幾勁所以想講少少嘢。 小妹今年form 4，唔會話自己黃絲，唔係話支持政府定咩，只係覺得稱為黃屍真係好嘔心。 首先，係我眼中黃藍從來唔可以叫做政見，只能稱為政治光譜。舉個例。大眾眼中可能何君堯同田北辰都係同一類人，會稱佢哋做「藍」，但係事實上佢哋2個嘅立場都相差唔少，一個激進建制一個溫和偏中間建制派，將佢哋放埋一齊感覺會有d夾硬嚟。舉多個例，周庭、鄺俊宇、你哋會唔會都話佢哋係「黃」？前者本土派（even 本土派都有分城邦、獨派、自決派甚至歸英派某程度都可以叫本土，而周庭所屬嘅眾志係自決派），後者唔使講，民主黨從來唔係同路人，雖然話要係政壇發圍，有靠山的確好重要，而民主黨的確係一個唔錯嘅輩山，而佢612的確都付出唔少。但，由佢20年接受中共任命，做多一年議員後，佢從來都唔再係同路人。而佢嘅輩山更加唔使講，可以睇下佢哋website 基本信念嘅第一句：「香港是中國不可分割的一部分，我們支持香港回歸中國。」 話民主黨依d傳統泛民要同本土派係同一類人，成件事根本打橫嚟講。 所以我從來反對淨係用黃藍嚟區分一個人嘅政治立場。 第二，關於「失去立場」、「無立埸」、「邊邊都唔幫」、「政治關我咩事」依類comments 。 首先講咗「政治唔關我事」嘅依類人先，的確細個真係會覺得政治同自己無關，但係其實生活上所有嘢都關政治事，依2年講得最多嘅「防疫」為例就係最好嘅example ，可惜香港人經歷2年仍然唔明可謂瘟疫政治，只會一味聽從政府指揮，去打針、去scan 果個qr code、去停自己嘅社交活動，但好撚諷刺嘅係，依班人仍然會稱自己做「黃絲」，不過防疫大過天咁解，不過依種人等陣再講。 講返話「政治唔關我事」嘅人，想同你哋講的確政治係好煩，但係政治的確係形成社會嘅一個大因素，所以有人嘅地方就會有政治嘅出現，好難話有得避。唔係要求你哋做d咩，不過開始睇下新聞，知多d社會發生咩事，好無？ 而話「失去立場」嘅樓主，你唔係「失去」，而係你係根本唔知，亦都無諗住知自己立場，同聲稱自己「無立場」嘅人一樣，無諗住了解任何立場，只要自己有得吃喝玩樂，外面世界係點完全與自己無關。 至於話「邊邊都唔幫」嘅人同聲稱「無立場」嘅人類似，唔同再依種人會嘗試了解唔同立場嘅睇法。可惜，我會話佢哋睇得唔夠深入，無完全了解，或者只係跟住政府/大眾媒體嘅風向，唔知獨立思考嘅重要性。 第三，關於自稱「黃絲」嘅豬豬們。 身邊有唔少同學2019年會聲稱自己「黃」，會嗌口號會唱歌會食黃店會去遊行打卡，但係除此之外就咩都唔識，而依種人有一部分到依家2022年已經完全回歸到上面講「政治唔關我事」嘅狀態，有部分就會繼續所謂嘅抗爭，即係食黃店，甚至追星，留意返藝人黃藍與抗爭完全無關，所以即時mirror 係黃都唔關我哋事，何況佢哋無（即使姜濤講過香港加油都唔代表咩，依4隻字有好多含義），而viutv 更加係under
#NSS學校 [guest] 是咁的，幾個月之前我移民咗嚟英國，我讀咗一間比較少香港人嘅中學（大概三四個）一入學嘅時候我識咗一個香港女仔，佢唔係好夠膽同外國人溝通所以就搵咗我做 frd，其餘嗰兩個香港人就自己同返自己啲外國frd玩，唔會同香港人傾計。 佢每一日都黐埋嚟我度，break同埋 lunch time 都要一齊，上堂又要一齊坐… 每一日都係咁已經維持左兩三個月，淨係得我同佢真心有啲悶加上我好想好想同啲外國人一齊玩。因為佢成日黐埋嚟，我冇乜機會去識吓啲外國人，咁我自己覺得嚟到英國就梗係識下啲外國人，認識下呢度嘅文化啦… 不過每次我問佢可唔可以俾啲空間我去識吓外國人，用吓英文同人溝通，佢就會眼濕濕咁樣望住我，之後我自己又覺得少少內疚，好似想拋棄佢咁樣，所以最後又冇主動去識啲外國frd… 我有問過佢一唔一齊去識外國frd，我又同佢講聽唔明啲英文可以我做翻譯，不過佢又唔想，話兩個人咁樣玩好好地點解要去再識人… 我真係唔想嚟到英國都剩係得一個香港frd，好想用英文同人溝通… 佢又唔肯同我一齊去識外國frd，得我自己一個人去又好似拋棄咗佢咁樣，我應該點做好？ sor for 1999
#NSS個人 [旺角某Band1] 面具？ 是否從記憶深處，從開始記事的那一刻起，聽到最多的便是：「你已經長大了，要學會懂事」 天性？ 是否從小就被面具壓抑，無法釋放，無法展露，一旦脫下面具，便會被視為異類，或者是所謂的「壞小孩」 我叫Z 從什麼時候起，我們的臉上已經貫上了一層面具，或許就是從「懂事」起 在父母面前扮成乖孩子，在老師面前扮成乖學生，甚至於在朋友面前都不能真正展示自己的天性。 面具 從小烙印在我們的臉上，不是不能摘除，而是不敢摘除。一旦摘下來，便會被人認為是「壞學生」，進入了Band1中學，這種感覺只會越來越強烈。可所謂壞，什麼是壞？何為壞？或者說在現在這充滿謊言的時代，誰能分清什麼是壞？孰是孰非？孰正孰邪？難道解放天性便為壞？難道不束縛自己便為壞？難道脫下面具便為壞？ 不得不說帶上面具是好的，能給人營造好的形象，可它終不是你本身，他只是一層偽裝，一層不容易脫落的偽裝。 戴上面具你的形象會變好，可是你本身會變得虛偽不堪。你有多少次在不熟的朋友面前假笑？有多少次壓抑著自己內心的衝動不去做事？什麼時候我們的童年在面具的覆蓋下早已變成了黑白色，或者說我們根本沒有童年，有的只是「懂事」 我叫Z，是偽裝，在我的面具上又加了一層紗，你不可能揭開我的紗，更不可能找到我的面具，可你說為什麼我要多此一舉？因為即便是那一層薄薄的紗都能給我厚厚的安全感。更何況是那密不透風，如鋼鐵般的面具。 又是誰所貪戀安全感不去摘下面具，我是，大部分人都是。 可早晚會有人摘下自己的面具，闖出自己的一番成就 又或許有人在摘下面具之後默默無名 可摘下面具的那個人 是藝高人膽大還是不知天高地厚 是天才還是瘋子 是被讚美還是被辱駡 ……………….. 一線之隔罷了 Sor for
#NSS學校 [寶馬山一帶某名校] 其實係咪只要教過，無論係咪out of syllabus，都可以喺試卷出現而且計分？ 話說放聖誕假前，老師講咗考試範圍。因為隔離班教學進度唔同，所以最後定咗考到其中一課入面嘅一半(當係10.1同10.2，唔考10.2)，咁再之後嗰啲就唔考。 正常人都會專注喺範圍內㗎啦，應該冇乜人會走去睇唔考嘅嘢，但係我哋睇到卷嗰一刻大家都嚇親－份卷出咗一題10.2同一題ch11嘅題。後尾問番老師，佢嘅答覆係：「會Cancel ch11嗰題，但係因為關於10.2嗰題由於兩班都教咗，所以唔會cancel」 嗰下心入面wtf咗，雖然我哋班係有教過10.2嗰題，但係唔係講好今次考試唔考10.2咩？出條out of syllabus嘅題目仲可以理直氣壯要計分，龍門任你搬😓 純宣洩，Sorry for 1999
#NSS個人 [GUEST] Admin po IG pls 🙏thx admin（長文） Title:係唔係我小事化大？ 是咁的，小妹中一，上中學自然識到新朋友，其中有一個男同學（下稱S）成績好好，咁有時我都會問下佢功課，都只係普通朋友咁，之後S識左女朋友，同班嘅同學，佢地之間嘅粉紅泡泡氛圍全班人都睇得出嘅，而之後我就特登問佢「你係咪同我地班個XXX拍拖啊？」佢就否認，但係個女仔好明顯冧佢。 琴日我同佢網上傾計，佢突然間問我，「諗過最變態嘅想法係啲咩？」，我已經覺得有啲奇怪，就Hea答佢話「折磨人」，佢話「咁咋」跟住就喺度講佢FF啲鹹嘢，我個陣已經覺得有啲唔舒服，因為我同佢唔係好熟。 之後我同佢傾緊動漫嘅嘢，傾吓傾吓佢突然間問「可唔可以上你屋企？」 我答佢「你覺得我會批准咩？」佢就話「會㗎」 於是我就問佢「有咩係要上我屋企做？」佢逃避我嘅問題，話「搵嘢做囉」，我同佢講「你搵XXX（佢個曖昧對象）啦」「佢唔比我上佢屋企」「我都唔會比你上我屋企」 跟住佢話，「你比你屋企地址我」「我去搵你」個刻我真係好唔舒服，感覺被冒犯咁，但係我唔知係咪我小事化大⋯⋯希望有人可以比啲建議我點對付佢，佢係咁陰魂不散煩住我⋯⋯
#NSS文化 [Guest] （本文屬於屌柒mirror同鏡粉 大家可以省略 當然如果你要自己搵苦受 我阻止唔到） 首先第一樣：mirror真係差唔多壟斷咗個市場 我知仲有陳蕾/林家謙/張敬軒等歌手 但係講真 而家出街行兩步路就見到個mirror 無論係上弦定下弦 呢個對fans/mirror嚟講係好事 但係日日喺朗豪坊霸地盤同周街廣告真係唔會令人覺得你嘅鏡仔有實力同點點點 同埋鏡粉質素真係好差，追星追到好似全世界得佢哋idol咁 跟住係我自己感覺到嘅嘢 1.mirror姜濤曾經參加快樂男聲應該個個都知道 之後仲有jer食富臨 Anson Kong飲喜茶等等鍾意藍色idol唔係問題 不過唔該唔好一邊forward完立場/蘋果日報之後去forward mirror 之後仲要話自己係黃 2.唔accept人哋話自己idol，只要有人話自己idol點點點，就會同人哋講香港樂壇係由mirror帶起，或者叫大家欣賞mirror，總之一句唔埋就屌柒你 樂壇我哋仲有好多歌手 你哋選擇性失明唔係你哋盲目認可mirror嘅藉口。AL攞MAMA呢個的確犀利