#NSS愛情 [GUEST] 小妹仲讀緊中學（唔太想透露年級） 同男朋友一齊咗兩個月左右 佢屋企比較自由，日常生活俾我多姿多彩 我屋企人就唔比我出街，所以大多數時候我都只可以留喺屋企，每日嘅生活都係一樣咁重複😕 平日喺學校小息嘅時候會傾偈，但係好多時候都冇咩話題咁 夜晚同佢傾偈，都好似冇咩嘢可以講 我哋係同班同學，所以班上面發生嘅嘢我哋兩個都已經會知🙁 我哋每日都會講下今日發生嘅事，但係我就因為每日都一樣所以根本冇嘢好講 佢唔係話太擅長講嘢，但佢都好盡力去搵話題 我哋已經盡量大小事都會同對方講吓 但係都係一句起兩句止咁 大家成日都both in chat 但就成日都dead air 💀 佢IG又唔係成日po Story& 出post 所以根本回覆唔到🤐 我哋嘅共同興趣係打波，但係呢啲講完就係講完 延伸唔到每日都去講
#NSS愛情 [GUEST] 第一次投稿，小學生一個（認真）求靚仔/女哥哥姐姐意見。 話說小妹學校有個註校社工，佢喺我學校都有幾年，打扮偏中性，但係唔係日日都喺學校，本身都無點留意佢，但係最近聽個friend講佢都鍾意Anson Lo，就成日經過借啲意睇吓佢個位，慢慢就對佢有啲好感。 本身都係暗中留意吓佢，但係佢返工好唔定時，我就想拎佢IG，但係佢平時好cool，好似都冇咩人識佢，一直猶豫咗好耐，差唔多成個月都唔夠膽問佢拎。 今日星期四聽日就要停止面授，大概有一兩個月都唔會見到佢，終於鼓起勇氣去搵佢拎IG，佢第一句就問：「點解要拎我IG呢？」（佢超得意，IG讀挨知😍）。我就答佢因為我都鍾意Anson Lo，佢就講：「咁我同你鍾意Anson Lo關你問我拎IG咩事呢？」 我好細聲講因為你好靚女，唔知佢聽唔聽到，之後佢就話而家唔得閒，叫我到時去搵佢拎，話一定會比我，之後就俾咗個公司電話號碼我，話呢個Number可以call佢，唔知係咪食咗檸檬🥲 sorry for 1999 thanks for your reading 辛苦晒小編喇😆 圖Link: https://ibb.co/GR4QMhB
#NSS愛情 [Guest] 迷惘 曾經的我們，在2020年的一月時，班主任把我們編在一起坐，當時的我，第一眼看見你，已經覺得你非常有魅力。於是，我便想着：「若我和你可以變得更熟就好了！」沒想到，我這個願望竟然成真了。 在那短短的一個月，我和你從本來頭也不會點的同學變成無所不談的好友。那時每天乘車上學，我總是想着等一會兒我和你會聊些什麼？我們在課堂時會一起玩什麼呢？一個月裏面，我們被數不清的老師圈住過、責罵過，而功課也變得越來越差。但這些我不會介意，更慶幸當時我每一天都過得這麼盡興、這麼愉快。還記得，我們上課時總會一起玩真心話大冒險，拿出白板、拿起筆。 在那年的新年派對裏，你的其中一位朋友走過來問我，問：「你喜歡（信中的男生）嗎？」當時的我，傻呼呼的回答我喜歡你，而他亦對你說了這件事。我頓時變得非常尷尬，亦希望你不要介意我這麼衝動的性格。 可惜，那年突如其來的疫情令學校停了四個多月的課。我第一個感受，竟然是傷心、失落，因為我不能看見你，亦不能面對面跟你相處。在這四個月裏，你在一開始曾每天早上跟我問好，而我每天一起床，拿起手機時，看見的，就是你每一句「早上好」，「你今天和我一起玩遊戲機嗎？」你彷彿變成了我的精神食糧，你的一句問候對我來說總是一劑興奮劑。我因為你的一句說話，可以開心一整天，哭喪一整天。過了大概一個月，我變得沒精打采，因為你沒有給我你的精神食糧。 終於，我們復課了。那一天，回到學校時因為我們要按學號順序坐，而你剛好就坐在我旁邊。那時的你對我來說熟悉又陌生，我在學校時沒有跟你說任何東西，只是回到家，問你可否與我一起玩遊戲機。你答應了，另我當時興奮得手舞足蹈。 在往後的一個月，我們每天都有一起聊天，最令我激動的，就是在一個平凡的星期天早上，我曾經問你等一會兒你可以跟我聊聊天嗎。你回答的，就是一個有愛心形狀的答應貼圖。我的嘴角不禁向上揚，更露出了甜甜的笑容。 在往後的一個學年，在10月開始時，直至12月，你每天也會跟我玩真心話大冒險。我把我一切的秘密告訴了你，我們亦為對方設置了特定的信息頭像和特定的表情符號。每天起床的時候，渴望的，就是你的一句早上好；每天準備入睡的時候，渴望的，就是你的一句晚安。你又多次的「錯發了」一些自己畫的心形圖案給我，我心想：難道你也喜歡我？然而，這條問題的答案，我直至現在，都不知道究竟你的回答是「我喜歡」或是「我不喜歡」。 有一天，你到你外婆家暫住，突然間，從你的訊息傳來了一聲「我喜歡你😘」但過了數秒後，你說原來只是你的表弟拿了你的電話來玩。我沒有什麼感覺，只是想，若傳送給我的真的是你，那就好了。 在一月時，我好像得了一個答案。從朋友口中，你跟他們說你喜歡我。在上課的我，突然變得喜洋洋。我立刻問你，但你卻否認了。我再向朋友問他是怎麼知道的時候，他傳來了一張訊息截圖。那是真的你跟他說你喜歡我。我拿着這張照片給你看，以為你會承認，再跟我變成情侶。可是，你再一次否認。當時我想着，沒關係，還有數個月我們才畢業，我還有機會的。 然後我們從五月開始，在課室裏可以自己選擇座位坐。當時我們變得更熟悉對方了。課室裏的走廊，是我們常打架、常玩耍、常一起互相折磨的地方。直至畢業，我和你每天都要把大家弄得青一塊、紅一塊。 畢業後的一天，我和一班朋友一起吃飯。而當時亦有男同學在場的。吃飯後的一天，你突然封鎖了我，我不知道為何，便走去向朋友請他去問你為什麼。你說，那是因為我跟其他男生吃飯。我的第一個感受，是開心的。因為我知你着緊我，我嘗試請求你解封我，但當時你也沒有這樣做。直至10多天後，你解封了我，我們再一次聯絡了，可惜，已沒有了從前的那份熟悉、那份安全感。 畢業了這麼久，雖然我們在數月前還有聯絡，可惜現在我已不敢找你。我不知道你還會不會回覆我，亦不知道你還記不記得我是誰。但這些都不要緊，我想，是時候放低你了。或許，我們應該有各自各的生活，願你生活愉快。
#NSS學校 [GUEST] 我地今年中三，第一年接觸biology。 學校嚟咗個新嘅bio老師，一開始覺得冇乜嘢，上堂幾有趣，好正常。 不過宜家真係憎佢憎到核爆… 班同學想向學校投訴佢好耐，但投訴可能又要開班開名，咁個老師一定會知道，大家都唔確定下年會唔會揀bio，以呢個老師性格，佢會秋後算帳，費事以後又俾佢篤背脊。 佢教得勁垃圾，我哋係英中，但佢上堂一句英十句中，唔係話用中文唔得，但佢之前係咁話自己留過幾多年學，依家諗返真係吹水唔抹嘴。 上次考試，佢upload咗份錯嘅答案上google classroom，搞到成part畫圖大概佔9分，冇哂分，大佬呀我真係ball ball you可唔可以盡少少責。 宜家我哋過多幾日就考試，但佢本書成個chapter都未教，今日先喺堂上面講：「原黎隔離班有教啊，我未講吖哈哈哈，依家嗱嗱臨講」，你不如考完先同我講？ 佢偏心到出哂面，自己做第二班班主任，俾曬佢地成張a4紙咁長嘅考試tips，咁仲考啲乜？ 上次考試 ，我哋一級有五班，佢教四班，基本上其實班班嘅進度都好汶水，個個都就嚟教唔切。但佢喺臨考試之前，特登幫佢自己做班主任嗰班補課，唔通其他班就唔係佢嘅學生？其他班未教晒考試範圍都冇問題？ 仲有佢改野係超級慢，成日喺度講自己有教幾咁多班，有幾多嘢改，有幾咁辛苦。我心諗，呢啲唔係你做老師嘅責任嚟嘅咩？莫非因為教得多班，就可以一份quiz 拖成個月都唔派？幾個月前做好嘅report 就可以到而家都仲未改返？ 我哋而家都要讀十幾科，唔通我話我讀十幾科好辛苦所以就唔交你嗰份功課？ 距離考試冇幾日剩，而家個個同學都勁頹…大家上次bio分數已經好低，佢宜家考試範圍都唔記得教，咁搞法點進步？日日喺度嬉皮笑臉，望住佢都火滾。
#NSS家庭 [GUEST] Admin pls post ig 😗 （呢篇有啲長） 家，不是一個地方，而是一種感覺。 幸福，不是金銀滿屋，而是生活充滿愛。 屋企嘅氣氛根本唔似一個溫暖嘅家，而係好冷清，似一場悲劇嘅一個家。 真正嘅幸福——好罕見嘅一樣嘢，要珍惜。 我讀緊初中，先交代下背景。我阿公係millionaire 果類⋯⋯（ sorry 但我唔知點講好，唔好嫌我曬命🙈 ）我細嗰個陣時唔知，去遊樂場玩其他小朋友都會走去問我阿爸阿媽可唔可以同我玩，但係對其他小朋友就唔會，我就覺得好奇怪。細個嗰陣，我話想買乜嘢，阿爸阿媽就會買俾我，所以依家冇乜嘢想買/要，但係明明差唔多咩都有，但係日日都有一種空虛嘅感覺。我都明白無數嘅金錢比唔起無窮無盡嘅幸福快樂。 依家講下我啲屋企人 阿爸阿媽分開咗，所以我唔係同緊阿爸住。佢曾經講過佢想自殺，但係而家冇人同佢住，所以如果佢隨時自殺，冇人阻止佢，我都唔知點算好😭（有意見嘅話pls comment ;-; ) 每次學校啲寫作題目，或者朋友一講「阿爸」呢兩個字，我就會想喊🥲 （sorry 前面果句有啲廢）佢之前都有問過我幾次想唔想一家人一齊食飯，但係我因為溫考試、測驗、默書同埋多功課我哋一家人就冇約到。（阿爸阿媽一齊食飯都會有少少鬧交）如果我阿爸有一日壓力大或某某原因隨時自殺，我真係會好後悔同埋內疚一世。（要讀好書嘅原因繼續睇）