—類投稿

#NSS家庭 [GUEST] （長文🙇🏻‍♀️🙇🏻‍♀️）想講下我阿爸打機課金。。。 喺呢一兩年，我阿爸迷上左隻game，佢不嬲都唔打機嘅，一開始佢係被啲frd叫埋一齊玩，佢都係無聊先玩下，但大概過咗一個禮拜左右，佢玩到發哂脾氣，又講哂粗口又拍枱，掟電話。 再過一個禮拜之後佢啲frd就開始課金，所以我阿爸就跟埋一齊。一開始佢同我講佢課左100蚊，我都不以為意。但後尾佢話課左788蚊，嗰陣我已經有少少想同阿媽講，但之後佢講「如果你想冇左個爸爸嘅話，你就講la」，我聽完之後，我就驚左最尾都冇同阿媽講。從此，佢就冇同我講過佢課左幾多錢呢啲嘢，但我差唔多日日都可以聽到Apple pay 嗰啲「叮」聲同埋佢wts錄音叫佢啲frd幫佢買埋嗰啲嘢。我諗佢買下買下都有成差5,6千 平日阿媽見佢玩到發爛渣都唔理佢，但之後，佢唔覺意俾阿媽聽到佢同佢啲frd講話幫手買嗰啲嘢，之後阿媽就勁嬲咁問佢總共課咗幾多錢，佢就話淨係300蚊，阿媽就講「屋企不嬲都唔夠錢用，仲買埋啲咁嘅嘢？」之後阿媽就嬲左幾日。我嗰陣有少少都覺得對唔住阿媽，但我真係好驚佢知道左之後會同阿爸離婚。所以一直唔知應唔應該講 大家可唔可以俾啲意見我🙇🏻‍♀️ Sor for 1999 Thx admin

#NSS愛情 [Ltfc] 我想投稿🙏🏻 我知你有fol依個ac 所以想透過呢個Ac想同你講 對唔住 我真係傷害你太深 到而家我好後悔我嗰陣唔識珍惜你 你而家搵到個真係好愛你嘅男朋友啦 睇得出佢好錫你 我知佢運動好勁 讀林大輝 仲係港隊睇佢IG見到佢成日出國打俾比賽 依方面我真係永遠都比唔上佢 我淨係想講希望你哋唔好再鬧交 我真係唔想見到你受到任何傷害 我只會默默咁愛你 喺你背後守護住你 如果可以重新嚟過我一定會好好珍惜你 我永遠都會係你背後。我記得你同我講過係我令到你唔再相信愛情但你搵到啦 希望佢會係你最後一任男朋友啦

#NSS社會 [GUEST] 大家好，我係一隻住係香港嘅烏龜。想問下點解香港嘅冬天咁熱嘅？我想冬眠都冬眠唔到呀！

#NSS學業 [GUEST] Hiiii 小妹依家中三 要揀科啦 因為數學好差 考試UT都無合格過(._.) 所以就理所當然(無可奈何)地要投靠文科 幸好小妹既歷史唔差 記憶力尚好 比心機既話可以衝上全級頭30 就打算揀雙史 只不過 好多人都叫我唔好亂黎 唔好揀雙史 但 點解？ 辛苦Admin

#NSS其他 [Guest ] 小妹今年中一，本身小學有一個好friend嘅朋友。我哋都識咗大概六年，不過而家佢移民咗民，所以就少咗聯絡。小學嗰時我哋都有好多共同興趣，上年某個明星嘅演唱會佢買唔到飛。好好彩，我屋企人嘅朋友幫我攞到飛不過用咗好多人情。我都知佢一直都好想睇，於是就決定咗同佢一齊去睇。到咗而家，有個嗰明星嘅嘢，佢就一問我我屋企人攞唔攞到。 其實呢，我唔係一定攞到，同埋屋企人去幫我攞係要用好多人情，唔喺俾錢我就有。而家佢就一直喺度問我有冇辦法攞到，我自己係唔係太想幫佢因為要麻煩屋企人。但係又唔知點拒絕驚會hurt到佢所以每次佢問我都冇即刻回應佢。我應該繼續同佢做朋友定係點。佢又好似淨佢喺度攞着數。 sorry for 1999 麻煩晒admins🙏💕

#NSS愛情 [TVB成日拍戲隔離嗰間] 小妹今年小六，求各位靚仔靚女哥哥姐姐解答🙏 話說我地學校有個駐校社工，佢打扮偏中性（佢女，我都係女）本身唔係好識佢，但之後聽人講佢都鍾意Anson Lo就慢慢對佢有咗好感。 琴日星期四面授最後一日，之後應該一兩個月都唔會見到佢，猶豫咗一個月終於夠膽問佢拎IG，佢問我點解要拎，我同佢講因為我都鍾意Anson Lo同埋你好靚女（超細聲講，唔知佢聽唔聽到）佢就話佢而家唔得閒，通常都係畢業再俾IG（佢超可愛，IG讀挨知），就俾咗個公司電話我，話呢個Number可以call到佢，佢仲攬左我一下，唔知可唔可以同佢做到frd，唔知係咪食咗檸檬🍋😩 sorry for 1999 辛苦晒admin靚仔靚女哥哥姐姐 好長氣但係多謝大家睇晒🙏 圖Link: https://ibb.co/GR4QMhB

#NSS愛情 [GUEST] 小妹今年07 鍾意咗一個男仔差唔多五年（小學鍾意到依家） 直到中一尾開始同佢拍拖，但係佢中二轉左去間男校，所以少咗聯絡佢，同埋屋企人俾我約男仔出街，所以我哋一直都係用手機聯絡。 其實佢之前一直都好好人 ，幾純品 ，對我都幾好 但係佢轉左校之後好似比人教壞咗。 有一排佢成日都搵我 叫我send啲唔著衫嘅相比佢（我就梗係唔show佢啦），仲話佢自己會影返自己啲私密器官send返比我。然之後我見到佢新學校嗰啲朋友IG都好鍾意repost啲黃色迷因出嚟，仲要不斷開車，所以我覺得佢應該係俾佢學校嗰啲人教壞。咁我嗰陣遇到呢啲情況嘅時候冇同屋企人講，因為我擔心佢哋知道之後會逼我同佢分開，而我真係好鍾意佢。佢煩左我幾個月，我都係堅決用啲方法避開佢呢啲問題，所以最後都冇事，但係我到而家仲係有陰影。因為佢之前咁樣搵我，令到我一直都覺得好唔舒服（佢咁樣做根本就係性騷擾🤡），但係我都出於鍾意佢冇直接同佢講自己嘅感受。 但係又過咗一排之後，佢好少搵我（接近成半年冇contact過我），咁我當然係好掛住佢啦，於是就同佢講左聲hello，點知佢成個月都冇覆過。 大家可能會覺得佢學業繁忙，但係嗰陣佢學校放緊假，加埋佢日日都online，所以我覺得佢好似敷衍緊我（直接啲講 佢應該係唔想搵我🤡）。呢種情況仲係唔止一次，我有時有啲重要嘢要問佢，或者佢好偶然覆一覆我，之後我嘗試再聯絡番佢嘅時候，佢成日都係不讀不回，但係佢依然係日日上線。 佢偶然會覆我多啲（即係可能一日覆幾次）但係之後三個月潛水。我自己唔認為自己係大痴身嗰一隻女仔，如果見到佢唔覆我嘅嘢，我通常都可能一個月至兩個月先搵佢一次（內容都係send個hi之類），或者有特別節日先搵佢，但係佢係啲特別節日都係好hea咁樣send幾張貼圖俾我，甚至乎都係不讀不回。 咁嘅情況已經持續左大約九個月，我係呢九個月時間內諗通咗好多嘢，感覺佢對我忽冷忽熱，加埋覺得佢之前叫我影相呢件事好冇道德。同埋喺小學嘅時候佢做咗一啲令到我好失望嘅事（詳情唔方便講咁多⋯⋯），搞到我情緒病越嚟越嚴重。 有時候我想離開佢嗰陣，佢偶然覆下我嘅message已經可以令到我超級開心，拋開分手嘅諗法，然之後就不斷循環以下嘅一個loop（即係佢唔覆我嘢，我好唔開心，想分手，之後佢覆我嘢，我心情好咗好多，又決定繼續留低，然之後佢又唔覆我，就係咁樣不斷惡性循環落去）。 我唔知自己應唔應該同佢分手，但係我知道我好難先放得低佢，所以而家唔知要點做。求吓各位情場高手為小妹指點迷津⋯⋯

#NSS其他 [Guest] .想知道同我一樣,當friend比d三唔識七既人比人鬧，自己會覺得尷尬或者同情（？我唔知咁係咪咁講）。 話說校弟有班好6uo既frd 我地考完試一齊去咗信和行。大家都知信和有d鋪頭專賣鹹蝶/書，跟住班frd係間18+鋪頭面前推黎推去（我係隔離睇住）。跟住有個阿叔係間鋪到好嚴肅咁走出黎然後講：「你地玩夠未呀朋友（雖然我唔點解佢要加個朋友係後面😂）」。之後班frd當然即刻沖就咗，跟住係信和行既成個過程都覺得好尷尬🤡

#NSS個人 [GUEST] 唔知點解我成日都想佔有我啲朋友？？ 我同一個frd （A） 都識咗4-5 年，我成日都唔鐘意人哋痴埋去佢道，但係今年識咗一個frd （B）我feel 到我自己好想佔有佢咁。不過如果我痴埋去 A 到 我就想佔有佢 然後痴埋去 B 道又會想佔有佢？？ 我係咪 les 定係點？？點算～ㅠㅠ

#NSS個人 [Guest] 個friend俾人騷擾 請大家帶眼識人，小心俾人亂認家姐阿哥 話說我個friend（A)自己喺IG開明星fans page,個人acc收到一條友inbox以為係佢個page嘅朋友啦（張圖後面有，請大家小心啲嗰個人😢⚠️）點知A加咗佢電話以為係普通朋友嘅時候，嗰個人越嚟越離譜，不斷叫A做家姐又係咁打電話騷擾佢🥲明明A有男朋友，但係嗰個人一直依然話想同A好幸福⋯⋯ A本身都諗住容忍佢，因為冇話做啲咩。但係今日去街A之後就係因為遲覆左嗰條友少少message，講咗句「大佬我去街」，然後佢就發晒癲😢不斷炸機打電話比A，又將個WhatsApp Icon換咗係A 張相同個電話，跟住又話A要叫佢細佬先原諒佢，否則就繼續騷擾A。 已經講咗話報警 但係都希望大家睇到之後小心啲呢個人+網上面其他來歷不明嘅人🙃 我個friend勁驚搞到完全集中唔到🥲所以而家佢都唔知點好。唯有幫佢投稿睇吓大家覺得仲有冇啲咩方法可以令嗰個人唔再騷擾A🤦🏻‍♀️ 圖Link: https://drive.google.com/drive/folders/1oTxpV8x6xOFbvVMm9lb65Dn44z5RahuZ