—類投稿

#NSS社會 [GUEST] 最近見到有好多人就政治嘅議題投稿。咁我都忍唔住加幾句。事先sor for 1999，加翻句長文慎入先下。 一，咩係無立場？ 生於香港呢個社會入面，面對黃藍之分，唔少人會選擇企埋一邊。而其中選擇兩者之外嘅，一係就中立，一係就無立場。但係一個人要冇立場，其實好難。我地係屬於呢個世界嘅人，每日都處理，思考，面對呢個世界嘅事物。要講我地對呢個世界毫無意見，心入面毫無想法，呢個係冇可能嘅。見到一個又一個嘅雲端中人，政府高層，各位議員，因為一個生日會全部去晒竹篙灣，試問會有人仍然覺得佢地無可指摘？試問會有人仍然認為佢地係對香港最好嘅領導人？就算係藍絲，心入面都一定有個結論，只係唔知佢地肯唔肯去面對，去處理。每個人心入面都有一把秤，正所謂公道自在人心，唔係就係呢個道理？所以，結論就係：呢一班所謂無立場嘅人，對於黃藍兩大陣營，都揀唔落手，或者基於某啲矛盾嘅價值觀，落唔到一個結論。 中立就擺到明揀唔落，所以多年黎，中立甚至被定性為一種罪。天主教入面彼拉多係一個罪人，就係因為佢冇就耶穌嘅判決表示立場，喺人命關天嘅時候選擇中立。二戰期間，德國人一旦中立，可能會引來殺身之禍。前蘇聯甚至唔容許藝術發展/較為自由嘅思想，唔允許任何存在嘅第二個立場，冇中立/立場可言。（例子可能唔係咁好，但其實有好多。）我地可能亦都講中立嘅人比作彼拉多，喺多宗嚴重傷人，甚至係關係到人命嘅事件之中，似乎冇打動佢地加入其中一邊立場。但係，一個人嘅表態，係咪就係佢嘅一切？我地會唔會忽略左佢當時嘅情況，太急於比佢一個判決？宜家好多人就係因為立場上嘅唔同起爭執，廢青廢老之爭喺無數個家庭中浮現。其實我地如果想改變社會，想解決撕裂，淨係有一邊贏係唔得嘅。2021，藍絲明顯贏左啦，社會有改善到咩？換個諗法，假如有一日，我地煲底相見，我地又係付出左啲咩代價？我地靠住不斷嘅摧毀，到最後，又建設到啲咩？ 咩係無立場？講左咁耐，其實無立場都係一種立場。無立場，係一個對自由最後嘅表態，因為真正嘅自由，可以選擇黃，可以選擇藍，更可以選擇好多其他唔同嘅選擇，包括中立同埋無立場。甚至佢地唔需要選擇，社會都唔會對佢地有所指責。 二，黃=支持民主自由，藍=愛黨愛國？ 小妹係相信人應該有自由。人生在世，僅此一次。我地要行點嘅路，有啲咩選擇，有啲咩決定，都係我地一個人承擔。所以，我地對自己嘅人生應該有自主，喺所在嘅社會應該有呢個自由。民主，就係社會入面嘅人，佢地對一個重大嘅決定嘅一次討論。呢個討論，講到尾，小數服從多數，如果你係小數，就要心服口服跟大隊。民主係為左大眾利益，為左有更多人可以表態，令呢啲小數嘅意見即使最後冇被接納，佢地嘅聲音亦都可以比其他人聽到，從而引起大眾嘅深思，引起大眾嘅關注。咁樣，先至係小妹心目中嘅民主。 但係黃絲們，你地又真係實行得到民主？一系列嘅杯葛、分類、批鬥、襲擊、起底，你地私了嘅人，何罪之有？就係立場。佢地嘅立場係佢地嘅罪。我唔排除有一啲大奸大惡嘅藍絲（先不論最高層嘅太太，何君堯呢個名，打出黎都覺得污染緊自己嘅螢幕），但係真係可以一竹篙打一船人咩？你地都識講，黃絲之中，真係激進嘅人其實唔多。同樣道理，極端嘅藍絲有幾多個？ 而你地對內地人嘅不滿，就係好多人成為藍絲嘅原因。內地人民，只有少數係小粉紅玻璃心。唔通一個人喺邊度出世係有得揀？你估佢地14億人真係全部都想喺嗰邊出世？點解呢班受害者仍然要比你地歧視、鄙視？佢地唔了解，情有可原。但如果佢地了解，甚至支持，你地仍然有一啲人，唔理三七廿一，繼續你地嘅罵戰？ 正如有個樓主所講（唔記得邊個sor），黃藍嘅政治光譜中嘅兩端，兩個同立場嘅人背後信念可以好唔同。以一個立場統稱佢地，以一個立場將佢地定性、定型，釘死佢地，對佢地，對我地，唔公道。 講住咁多先。真係有好多嘢忍左好耐。小妹唔係冇立場，亦唔係想繼續分化。只係想打醒某啲人。我希望時至今日，我嘅一聲吶喊，仍然有回音。

#NSS家庭 [Guest] 我真係好*憎我老豆 唔想見到佢地 ‼️長文慎入‼️ 小妹f3 有個10歲細佬 本身我老豆係錫我多d ，到上中學開始就開始成日無理取鬧，十問九唔應，睇小我 小妹成績中下，大概一兩科5合格，其他大概攞50-60（？）而家進步緊頂多擺70幾 有時侯明明系細佬搞我先 系都要鬧我點做家姐:)又有一次我同佢講想去外國讀書，佢叫我發下夢先，後尾有次我發現佢將我同佢講想去外國讀書件事擺咗喺我親戚嗰個WhatsApp group度，之後有個人就覆左我老豆話「佢搞掂咗佢啲成績先啦😂」我知我成績需要改善，但心諗使唔使咁樣暗中諷刺我。上年年中考試係好明顯進步左（幾科）但係都有兩科唔合格（本身都係衰嗰幾科）我就好開心咁同佢講我進步咗20幾分，諗住佢會燉我開心，點知佢一粒聲都冇出到仲要講「咁又點？」，又有一次我同佢講話我嗰次測驗衰咗啲乜乜乜，然後佢就覆咗我一句「成功嘅人揾方法，失敗嘅人揾藉口!」我嗰刻好唔開心，（佢前年嗰陣我考衰咗佢都會同我講啲鼓勵說話好似「下次再努力啦」）自此以後我都唔想再同佢講我測驗考成點我考試考成點。 另一件事 可能大家星期六日都會九點後先起身因為假期。係呢啲日子我就比我老竇七點幾八點嗌我起身。我覺得好辛苦，點解假期唔可以瞓晏啲？一陣間如果俾佢叫咗起身之後過咗一陣我都唔出嚟佢又會話「再唔出嚟揼咗你份早餐」老實講一句，而家平日要及早起身我每日都好眼瞓，基本上每日起身我都好攰，佢完全唔明我每日返學返到屋企有幾攰，又鬧我成日喺度瞓覺，但真心我真係好攰，寧願日日返學唔放假都好過平靜嘅朝頭早咁樣就俾佢叫起身溫書。然後每晚到咗10點就逼我去瞓覺，當時我仲未溫曬書/做晒功課，可能有時嗰個時間我都想睇吓手機娛樂下都唔俾，佢直接熄咗Wi-Fi唔俾我睇手機（我冇數據） 最後用成日用身材諷刺我，我本身都唔高，比起同齡平均身高矮一兩cm到。有時候佢會無啦啦同我講你細佬都就嚟高過你，第時就會耷低頭同你講嘢（然後模仿嗰個情景喺度笑我）。佢有時又話「你再唔食多啲嘢你個身材以後就會係咁」我覺得好自卑，雖然我個身材同d frd,同學,真係差好遠（瘦+平）我已經好盡力食多啲嘢。但係佢每次一講我都覺得好唔開心。 仲有好多好濕碎嘅事我唔多講。反正每次佢做咗啲嘢令到我好唔開心都會有個念頭想離開呢個家庭，就算我阿媽對我好好，我都唔想再對住佢，每次要當佢花咗工出咗街我先會縮一口氣做我想做嘅嘢。究竟我可以點樣先至變得開心啲。每一次佢對我做一啲好hurt嘅事之後可以影響到我成日嘅心情。 我都試過同friend講返呢啲事，搵吓嗰啲情緒支援平台，但係似乎講完之後都仲係每日好唔開心。每次佢一講完一堆道理鬧我我都會對自己冇晒信心同埋好自卑。究竟我點樣先至可以開心返………. 小妹中文文法差, sor for 1999 希望admin可以po thank

#NSS社會 [屯門區中學] Re #NSS220115E 見你講得咁咁多嘢，令小弟我真係忍唔住投下稿回應下你。 – 首先，你一開始講嘅嘢其實一個正常嘅香港人都知道架啦，藍有唔同程度，黃如是。「話民主黨依d傳統泛民要同本土派係同一類人，成件事根本打橫嚟講。」呢句的確係啱，但係有人咁講？先唔講你主題係回應 #NSS220111D，但係又有無必要去重申一啲絕部份人都清楚嘅觀點？ – 另外，你第二點話一啲自稱自己係「黃絲」嘅回去聽政府指揮，去打針，去scan QR Code，我唔知你係咪係咪對政府指揮有啲咩誤解，但係政府每個以防疫為目的嘅政策，唔遵從係伴隨著唔同程度嘅刑罰如罰款。簡單啲講，政府話要戴口罩，咁我唔戴，就會被狗罰我錢，咁我帶，係咪就係你口中「盲目聽政府指揮」？Scan QR Code唔係因為我哋想用，講得呢句你係咪冇堂食過？Scan QR Code只係因為唔想累到間餐廳比人停賽。 – 再者，你第三點講到話啲19年自稱自己黃嘅同學繼續所謂嘅抗爭，換言之我可以理解你覺得呢種形式係無用啦。咁我想問你有咩高見？唔評論追星，我無追開所以亦都無咩好講。你話食黃店係無用，呢種抗爭唔配有民主。你訓醒未啊？2022年啦，呢個情況唔做啲力可觸及嘅事，衝出去政總同佢講我好不滿，定係上街舉旗，做返2019年嘅事？時勢唔同喇，依家做呢啲唔係「抗爭」，只係送頭。你講到咁，想問你又有咩高見？冇嘅話麻煩摺返埋自己。 – 同埋你文章嘅structure真係不敢恭維，講第二點明明一開始話「首先講咗『政治唔關我事』嘅依類人先」，跟住後面果段又話「講返話『政治唔關我事』嘅人」，所以你前面到底係講緊邊個？你知道你打呢篇文出嚟一定會比人鬧，但係你只係自以為知俾人鬧嘅原因，講一大堆同你阿媽係女人一樣無用、全世界都知嘅廢話出嚟，仲有搞到好似眾人皆醉我獨醒咁，事實你所講嘅嘢只係反映你對社會現況嘅無知，自以為世界係會跟住你諗法而改變嘅膠。呢位妹妹，呢個世界無你諗得咁簡單，唔好咩都只係睇表面然後仲搞到自己看破紅塵咁，讀到兩年書，睇嘢睇得深入啲先發表你嘅偉論啦。 – Sor for 1999，唔認同可以發表下你嘅意見，以上只係小弟我睇完佢投稿嘅少少意見。 完

#NSS個人 [GUEST] Thank you admin擇我！ 以下半長文開門見山！抒發下對八婆嘅厭惡！ 小弟最撚憎啲扮多friend 扮直扮正直敢做唔敢當嘅人（不論男女）事關我學校有班八婆開group鬧人拉埋我同其他人一齊屌撚條女，但係我同條女唔熟，搭嗰一兩嘴但我同班兄弟都覺得條女為人sporty大方有耐性同佢打過幾次波唔係講到佢哋咁撚恐怖，入面仲要……係到畫撚人裸圖…..因為幾十蚊比個班八婆圍仲錄音…..做運動post 個story 都俾人屌，班友仔低能就低能在圍撚人咁撚高調驚死上頭唔知咁…..時後仲要屈人哋話屈到自己入廠「大修」抽幾筒血post 吓story 扮撚可憐，人哋去[物療]睇[CP]「臨床心理學家」就要俾你哋鬧，整親帶護具屌爆WTF?真心反晒白眼🙄️唔知道啲八婆玩屌人屌夠未到依家都屌緊⋯⋯睇到真心好唔舒服…..對唔住咁多粗口！同各位唔鍾意粗口嘅人道歉！但係真係好嬲，唔明點解成日有人話港島名校點好點好 ……..咪都係咁……雖然話名校唔一定好…..圍爐鬧人嘅嗰啲將心比心啦！

#NSS社會 [GUEST] 小弟第一次投稿,請大家多多包容😣😣 是咁的,政府限制令眾所鳩知,冇得晚市 足球場籃球場 又封曬.作為熱愛踢波嘅小弟同班friend就喺呢段期間去咗個冇封嘅足球場踢波.但個龍門有幾個圍㯗阻住.我就冇特登搬開佢.咁我地就照常咁鬥波啦.大家都有戴口罩嘅.只不過好似林鄭咁一帶一路.咁個足球場 後面就有行人行啦咁就佢有佢行我哋有我哋玩.點知踢踢下就有差佬話收到投訴要趕我哋走. 我就真係唔明點解啲人要投訴我哋踢波.你有你生活我有我哋生活.只不過方式唔同. 而且有冇阻到你點解要投訴唔畀我哋踢波? 請大家評下理 第一次投稿,sorry for 1999😖😖

#NSS其他 [何文田某間中學] 話說1月12號星期三我同兩個frd放學行落斜路嘅時候，突然有個男人着藍色衫啡色褸行埋嚟搭訕，喺到話「咁早放學嘅」「你哋幾年級」，開頭我都無乜所謂，可能佢想搵人傾下計，係咁咦敷衍下佢，之後就行快兩步撇甩佢，點知佢追上嚟，突然之間嗌我咩唔好打咁多飛機，我o晒嘴唔知點應佢。之後我行埋一邊綁鞋帶順便俾佢行先，雖然個男人冇停低等我哋，但係佢邊行邊另轉頭，睇下我哋落嚟未。佢見我哋唔太show佢，佢就行快兩步撩前面隔離學校一男一女，唔知個男人同佢哋講咗啲咩(應該係啲唔太好嘅嘢)，佢哋就即刻行得勁快，之後個男人見又冇人睬佢又另轉頭睇下我哋到未(我幾驚個怪叔叔突然跑返上嚟亂噏呀😖…好彩最後都冇…)

#NSS社會 [GUEST] 「黃」唔係一種立場係一種信念 由2014年831動議引發的雨傘運動已經係香港民主信念的雛形。 9月28日凌晨，「和平佔中」開始，嗰句刻骨銘心嘅「佔領中環 正式啟動」，牽連著香港人每一分每一釐。由政府總部東翼外、添美道的集會會場內，夏慤道行人路，海富中心、統一中心、港鐵金鐘站的聚集示威，去到夏愨道的反包圍，最後突破，前線不斷使用雨傘早已深入人心，示威者向警方怒吼嗰句「我同你都係人！都會思考！政府只當你係工具，不要埋沒良心，你可以放下裝備，香港嘅未來你我都有份！」。呢一刻起，由最少3個學生團體14個社會團體，9個政黨以及無數市民共約120萬人參與的政治運動令民主早已不再是「這麼近，那麼遠。」 刻在心底的民主是遺留在道路上的那把黃色雨傘 2019年由逃犯引渡條例引發的「反送中」令我可以真真正正地用自己嘅手去爭取民主，由單純係記警車車牌，做文宣，到上街遊行，最後企係前線成為拿著黃色雨傘的人。就算疫情，望住一個一個身邊淡出的背影我更認為自己要堅持…因為作為一個學生，我想鑄造自己嘅未來，作為一個抗爭者；我想手握雨傘向前；作為一個香港人，我唔想得一句香港加油。 亂流下，逆風中，我仍會守護那一抹黃色，儘管只是一點黑暗中搖曳的燭光。 星星之火可以燎原，儘管抗爭原因不盡相同，西班牙支持加泰羅尼亞獨立運動的示威者於2019年10月曾參考香港示威者的做法，進行堵塞首府巴塞羅那的機場、破壞當地地下鐵等活動。而香港和巴塞羅那亦出現互相聲援對方的集會。 大批智利聖地亞哥學生因不滿聖地亞哥地鐵加價，當地於2019年10月出現2019－2020年智利示威，並出現拒付地鐵車資的「Evasion Masiva」行動，示威者於10月18日大肆破壞鐵路車站設施，促使總統皮涅拉宣佈聖地亞哥和市郊進入緊急狀態，同時暫緩票價調整。 2019年印尼學運、反抗滅絕及2020年美國佐治·弗洛伊德之死引發的示威活動、2020年泰國示威等抗議事件的示威者都表示從香港示威中汲取了經驗，尚有示威者使用了在香港示威中所用的裝備。 香港人的努力，甚至理念已經被世界所認識 「黃」唔再係一個簡單的立場，係由香港雨傘運動繼承下來的民主理念，係每個為民主作鬥爭的人燃點起的燭光，我地要做嘅係喺亂世中堅守那點燭火，再將燭火傳承下去。 最後，原諒小弟文筆並不好，單純由心而發，祝大家亂流下平安。sorry for 1999 圖Link: https://ibb.co/MVz191y

#NSS個人 [guest] 小妹今年F2，升學個時呢間中學完全冇一個係我識嘅人，同埋呢間中學唔係我自願裏面，而且banding都唔好，所以入呢間中學嗰陣時覺得好陌生，甚至會驚被人排斥 不過係F1嗰陣時，意料之外啲人幾友善過得幾開心，識咗五個frd稱H，大家成日一齊做功課，一齊call，一齊打機等等，H仲同我慶祝生日，呢件事真係令我覺得好感動，因為佢小學嗰陣時我就好少friend，唔知係咪因為家庭原因，父母日日嗌交，細個個時又成日唔喺我身邊，冇點教過我，所以令我覺得自己性格唔好，成日講嘢得罪人，可能係我唔識表達，所以好少friend。 係升F2，我就由B班入咗去A班，而H就由B班入咗去D班，我就好驚升F2，我同H嘅感情會斷，因為H都覺得A班啲人好串好驕傲，我驚H都會覺得我係咁，所以每次小息我都會去搵H，但後來有次我去搵H，H就無視我，可能H真係咁覺得，因為之前係call H有咁講過，但我完全冇咁諗。後尾我都有諗過辦法同返H frd返，但係都冇用，所以我就打算同A班啲人做friend，開頭還可以，但後來我覺得同佢哋夾唔到，可能因為佢哋係成班一齊frd，而我係由B入A，所以夾唔到。 但其中有個都係B升A既人，之前我同C都唔鍾意佢，當然佢都唔鍾意我，想拆散我哋，佢知我而家冇C佢哋，就同A班啲人夾到，因為F1個時佢就同A班啲人識，然後佢再扮同我frd，令佢哋唔鍾意我，咁我都明點解佢咁做，如果我係佢都會咁做啦。 咁我認為係我自己問題最大，但係我真係唔知我而家應該點做，我係好想同返C frd返，所以希望各位可以俾啲意見我點做點改性格或者點識新frd，唔該大家🙇‍♀️🙇‍♀️ Sor for 1999

#NSS愛情 [某九龍區學校] 究竟 是愛 還是恨 我對這段感情，有怨、但無悔。 怨，就怨我一開始找你的方式吧。也許，如果我沒有這樣做，你可能不會討厭我。也許，如果我沒有跟任何人說過我對你的感覺，這個悲劇可能不會發生。 而無悔，雖然我承認你條件很差 但有誰能否認 愛—-就是那神奇的感覺，不需要理由。當你真的愛一個人時，你自然就看不到他的缺點。還記得當初，我答應過自己不會後悔，所以，我亦不會違背對自己定下的承諾。 還記得那天，你跟我談到十一點半 我寧願父母責備我，也不想放下手機 還記得那天，我寧願巴士過站，也不願終止我們的對話 可能在別人的眼中，覺得我很膚淺，但我覺得，能跟你談話，已經很奢侈。 還記得⋯⋯ —— 我們在那麼多短時間裏 經歷了那麼多。 我們相處的時間 真的太少了。 如果沒有她的出現，你又會不會喜歡我？ —— 我浪費了這麼多時間在你身上，但你究竟有沒有想過我的感受？你令到我有多麼難受，你知道嗎？ 你令我感到無比的難受 你也令我感受到前所未有的快樂。

#NSS個人 [Guest] 大家對中學生化妝買名牌化妝品有咩諗法？ 我今年讀S1第二年，上年學校叫我repeat S1(13歲） 由上年6月尾開始，我決定學化妝，係得閒個陣上網搵資料，搵下啲教化妝嘅video睇 一開頭我只係夠膽係網上面買，之後係11、12月個陣，我開始去啲名牌shop到買 每一次買都唔會超過500，次次買個啲錢都係阿爸阿媽每個禮拜俾我個$100慢慢儲錢，大約儲一個月，我就可以搵我個frd陪我去買 琴日我約咗個frd陪我去買，買左支dior嘅唇膏，返到屋企個陣我阿媽講左句「記得落妝」我應咗句哦就去咗廁所 由細到大，我阿媽都唔係個種出街要化妝嘅阿媽，佢張枱上面基本上係冇佢嘅化妝品護膚品，一直以來，我都知佢有化妝，永遠都係喺見啲朋友or影證件相個陣先會化少少 佢好似發現咗我化妝，鄙視咗我一眼，可能我啲化妝品多過佢？甚至係因為我有名牌化妝品佢冇？ 我自己覺得每個女仔都係貪靚嘅，係中學呢個較為free啲嘅年紀開始化妝，係唔影響學業方面同frd出街先化係好正常。而買名牌化妝品唔係一個must，無論你屋企有唔有錢都好，你可以儲錢自己買，我自己平時同係淨係買名牌嘅唇膏，一 over$500就唔會點考慮買，再加上名牌唇膏其實只係三舊水左右 女仔貪靚錯咩？ 中學係唔係就應該專心讀書？ 13歲買名牌有冇錯？🥲 屌細力啲 sor fol 199