—類投稿

#NSS學校 [GUEST] 小妹今年中三，俾同學欺凌，唔知點做。 中一開始有個玩得埋嘅 同學(A)，今年我哋唔同班，但係我都有定時 ig dm 佢同佢傾偈，小息又會搵下佢，我朋友唔多所以都嘅珍惜佢，時不時都會買啲嘢送俾佢，直到今年上學期第一次測驗之後，我發現自己成績差咗好多，我諗住去搵A傾訴(A成績幾好，今次測驗科科都有8-9字頭)跟住A聽完之後，過咗幾日就喺佢 story睇到佢將我同佢講嘅嘢po曬出嚟，仲有係全世界都見到個隻，跟住我就有少少嬲，1個禮拜左右無理到佢，之後有個小息我喺佢班房門口睇到佢同另外一個 同學(B)一齊，我就無去阻住佢，返屋企都有dm 佢同佢傾偈，但係佢都係好hea咁覆我，但係轉頭喺佢story又睇到佢同B嘅對話。 過咗幾日，小息見佢自己一個，我走埋去同佢傾偈，但係B突然間行咗埋嚟，話A係等緊佢，叫我行開，我就有少少反感，駁咗B兩句，B跟住就推開我，拉返A返課室，返到屋企，A搵我，佢話想打電話俾我，我梗係諗都冇諗就聽咗電話，跟住就發現B都係個通話入面，仲有3個唔識嘅人喺度，我就諗住收線啦，結果B就開始鬧我，B就話我唔應該同A講心事，影響咗佢心情，跟住仲話我阿媽冇好好教我，阻住人哋講嘢，又話我唔應該出世，佢哋4個人不停喺度鬧我，我真係唔應該同A講心事咩？我係咪又唔應該再同A講嘢？ 返到學校，B會同埋佢其他朋友一齊拉我去廁所打我，鬧我，我開始忍受唔到咁嘅生活，會自己傷害自己，亦都諗過自殺。 去到一個禮拜前左右啦，屋企無人，電話響，我就聽電話啦，但係我聽咗個電話之後，我發現自己咩都講唔到，唔止一次，之後有電話都好，我都講唔出聲，明明已經決定好要講乜嘢，但係就講唔到嘢，收咗線之後會好唔舒服，好似唞唔到氣咁，而之後越來越嚴重，而家連對著人，俾人望住都會覺得唔舒服，就連屋企人都唔想同佢哋留喺同一間房。 我諗過同屋企人講，但係真係俾屋企人問到嘅時候，真係乜嘢都講唔出，以前未經歷過，以為呢啲時候只要同屋企人/社工講就解決到問題，但係而家發現呢啲嘢好難講出口。 點樣先可以有勇氣講出口？

#NSS愛情 [GUEST] 第一次投稿 sor for 1999 文筆差 請見諒🥲 Admin po ig plsss🥺🥲 小妹今年F2，讀女校。小學嘅時候係讀男女校嘅，嗰陣時都有鍾意過好幾個男仔，所以一直覺得自己係直，但最近我發現自己鍾意左一個同班同學。 所謂嘅鍾意，係我會成日諗下佢喺度做緊咩，又成日check住ig，睇下佢有冇搵我，見倒佢同其他女仔行得埋啲又會有少少唔開心。亦有幻想過自己同佢喺埋一齊😵（唔知會唔會有種變態feel sorry😢 問題黎喇，近排有人傳我同佢係cp，我就係咁否認，但佢哋係都要繼續ship，後黎就傳到去當事人倒，我好驚佢之後會唔會疏遠我。我又唔敢同其他人講我鍾意佢，我好驚會比人歧視，又驚個女仔會反感我。 究竟我可以點做？如果同佢表白嘅話我又驚連friend都冇得做，我已經比呢件事困擾左好多日，真係唔知可以點做好🥲🥲

#NSS學業 [GUEST] 雖然from3但已經好大壓力，擔心自己將來入唔入到U。前幾年一直hea讀，因為就嚟要揀科 所以心血來潮開始努力溫書，但英文進度真係差太多，連普通嘅tenses都未搞清楚。唔好彩嘅係今年教英文嗰個miss完全冇心教，問佢嘢十問九唔應。諗住唯有睇yt自學，但咁樣始終唔係辦法…而家成個人好崩潰 有冇邊位可以指點下？😭🙏🏻

#NSS家庭 [Guest] 其實呢篇文有少少算係翻舊帳大會，唔鍾意就唔好睇喇 我好驚我阿爸，佢喺我細個嗰陣成日打我，仲搶阿媽俾我嘅禮物拎衣架拖鞋熱熔膠膠條鐵棍fit我踢我之類，加上又細到大都聽阿媽老師講咩性侵犯拐子佬，搞到有少少恐男，所以基本上同阿爸冇乜交集（其實恐男已經好咗好多，可以同男仔正常對話，除咗阿爸）。 至於阿媽，佢係一個乜都講得出口好直嘅人，仲試過因為同人鬧交鬧到去警局🤷我細個好想做歌手，但係佢話我唱歌難聽，以至於而家中四都唔咁喺屋企人面前唱歌，但係喺朋友面前ok。我唔鍾意被人一個邋遢嘅印象，所以好注重我嘅髮型，但係佢話我醜梳咁靚都冇用。我知我個人生得醜，但係真係喺阿媽到聽到係好hurt。好耐以前我試過同佢講我鍾意睇人打機，但係佢完全唔理我，話我唔好睇埋d幼稚嘢。總之佢做咗好多我唔鍾意嘅事，例如check我手機，干涉我同邊個做friend，日日都突然衝入我放搞到我成日精神緊張，同佢反映佢又唔聽，仲試過質問我係咪睇鹹片先咁驚佢🤷。而且佢基本上係唔多鍾意我，佢唔知我鍾意食乜，我同佢傾心事佢話咁小事自己唔識解決，我都唔敢同佢講我病咗，佢話佢好後悔當初同我阿爸結婚，以前大把人追佢。 我本來以為個個同父母相處都係咁，結果我朋友話佢同佢父母乜都傾比如傾佢暗戀嘅男仔，又俾阿媽follow ig，而且唔只一個朋友係咁。我知我呢種情況唔係最差，但係我而家每日同屋企人相處都會搞到我好崩潰，但係同時我又好愛佢哋，係佢哋養大我。我聽過話一段好嘅關係係要令自己成長。佢哋養大我，所以算係一段好關係，但係我同佢哋相處我會覺得好痛苦。同過社工講，佢建議話同屋企人傾訴下，但係我嘅壓力來源就係屋企人，我要點傾？其實我真係寧願自己有精神病，咁我阿媽可以多d關心我，而我個心都唔會咁難受。 我想問我要點先可以同屋企人搞好關係？同埋大家同屋企人相處嘅情況係點？ Sor for 1999 Admin po喺ig吖唔該

#NSS其他 [Guest] 想問下大家有冇推薦嘅bl書/劇？ 小妹最近先發現bl世界嘅美好，喺Netflix上面睇完brokeback mountain 同 2gether the series都係未夠皮。Netflix上面嘅bl劇好少，而且有啲男主角唔太靚仔，吸引唔到我。 所以懇請各位腐女/腐男可唔可以推薦下有啲咩bl劇好睇同可以喺邊度睇，書都ok嘅！感激💛 唔知咁瑣碎嘅事admin會唔會幫手po😂 不過admin pls po ig thx💫

#NSS愛情 [Guest] Admin pls po ig thx! 小妹鍾意咗一個男仔9年，又小一到中學，一直都唔敢講。你小一嗰陣講過話鍾意我😂，我有覺得怕羞，都冇放喺心上，只係我開始注意你 之後我因為頭髮太短紮唔到馬尾，只係可以紮孖辮返學，我覺得我好醜樣（客觀事實嚟），但係你話好可愛，我黑人問號 畢業嗰陣我叫你寫紀念冊，你寫係寫咗，但偏係唔寫手機號碼，你話因為你知我住邊，我都知你住邊，我哋住喺同一棟樓，可以隨時揾到對方，所以唔寫lu，我又黑曬問號（而且升咗中學我都唔敢上佢屋企去揾佢） 我哋升咗上唔同嘅中學之後，我冇再見到過你（我哋嘅學校明明好近，返學時間應該差唔多，我都唔明點解會咁），更加冇去揾你傾計，唔知你有冇鍾意其他人，只係我每日都好期待會喺巴士站見到你，只要見到你就好開心 前嗰排，我連續幾日放學嗰陣都見到你。見到你原來係同你個friend一齊買完m記之後一齊等車返屋企，你哋之間嘅氣氛相當和諧。我突然意識到一件事，佢可能係你嘅男朋友（我太腐sorry）。我哋都有各自嘅生活要過，所以我決定唔再鍾意你喇。 我發現男女嘅戀愛入面，女嘅始終要係受嘅一方，我想做攻嗰個。我宜家先發現我其實早就移情別戀，鍾意咗我個friend。所以我向喺度講，我唔鍾意你啦！你好好哋生活啊！sorry我淆底唔敢當面講😂。係咁先！ Sor for 1999

#NSS學業 [GUEST] 最近有個問題好困惑，想咁多位比下意見。小弟依家係外國讀緊IB，23年入大學，困惑嘅位係，我唔知揀邊科好。小弟19年開始紀錄香港，到21年入左間唔大唔細嘅網媒度做part-time 攝記，跟住d行家跑勻香港跑新聞，我係好enjoy 呢樣嘢，又個一刻開始已經想做記者，大學想讀新聞攝影，隨住香港局勢發展係年中移民左外國，讀左個零月就想轉讀醫科（始終新聞呢行真係唔係好搵到食），electives 當然就轉過晒啦。依家個問題係 我唔知讀邊科好，究竟要跟住自己夢想行，定係為生活搵食好？ 最後，祝願咁多位仲留係香港嘅朋友生平安 我們將在沒有黑暗的地方相聚 圖Link: https://ibb.co/gVNpyv5

#NSS個人 [［Guest］] 我今年中二，但我完全搵唔到自己生存落去嘅動力。朋友？我冇。屋企人？佢地好似形同虛設咁。我實在搵唔到啲咩可以支撐我落去。 每一日我都好崩潰，好壓抑，我想釋放，我做唔到。我試過好多方法，我甚至每日都想去介手，自殺。但我做唔到，我冇呢個勇氣，我好驚痛，偏偏我就要承受咁多痛。 可能啲人每日見到我笑，一定好開心好樂觀，但我全部只係扮出黎。慢慢，我原來已經唔識笑，至少係呢兩年都冇試過真正咁笑一次，好似呢個世界已經冇嘢再值得我去笑。好可悲嘅係，我想喊都喊唔出。 其實都羨慕自己細個，咩都唔知，剩係活係世界嘅純真面，無憂無慮。而家每日訓醒要面對唔同壓力，我真係好攰，唔係肉體嘅攰，而係精神上，我覺得自己已經無約可救。我好想，好想，逃避呢個世界嘅所有野，可惜我唔係神，我冇呢個能力。我唔知神係咪存在，如果係，點解你要令我活到生不如死咁？你唔係話個世界要充滿愛咩？點解呢個世界每日仲係咁多痛苦？ 我唔知自己仲可以撐到幾耐，成日夢到我會喺生日之後自殺死，但我好驚自己會連累到其他人。我好似咩都改變唔到咁。 sorry呢篇野可能打擾左大家嘅興致🥲&sor for 1999

#NSS個人 [港島區某中學] 第一次投稿，請見諒 介紹下背景先，小妹F2，咁喺學期初嗰陣有一位鐘意嘅人，佢係一位學霸。申利:我鐘意佢嘅同時亦都當佢係我要追上去並肩嘅目標 返正題，咁開始嗰陣都我都冇乜事。知道後嚟，我朋友話我知佢已經有鍾意人啦，嗰陣時我有小小失望，畢竟如果之後表咗白，佢都未必會say yes所以我就收埋咗。冇幾耐，我嗰朋友就話其實嗰個女仔係唔鍾意學霸嘅，我又再次動搖咗，有返曬信心。 咁好啦，宜家問題就嚟啦: 學霸有鐘意嘅人，但嗰個女仔唔鐘意佢，而我又鐘意學霸。我宜家特別猶疑，唔知要唔要表白好。我問咗身邊啲frd，佢哋話表好啲，起碼唔會後悔，唔係到時佢有女朋友嗰陣有喊住話”如果當初表白就好啦”之類嘅野。所以想問下各位嘅意見 P.S.如果認得出我係邊個都唔好當面問 Thx for admin Sor for 1999 如有錯字請見諒，多謝各位睇到嚟嚟到

#NSS社會 [Guest] 小妹近排無啦啦收到信話要出任陪審員，但係之前冇申請過，中學先啱啱grad。 想知道陪審員係唔係夠18就random抽，定係騙案嚟，如果係真，唔去有冇問題。 利申：工人姐姐同老豆都有收到