#NSS個人 [Guest] 小弟由小學開始有ADHD同ASD，而上年得知自己確診燥鬱。 一直以嚟屋企人對於ADHD同ASD都冇任何反感，唔會用歧視字眼稱呼我，而同學方面叫我自閉仔其實我都無所謂。（因為我知係講笑） 但有咗燥鬱之後我成個人唔同曬，問題越嚟越多。 例如聽到類似嘅名我都會好焦慮，但偏偏屋企人開始叫我精神病，自閉仔之類，我一駁嘴控制唔到發脾氣（我從來冇因為病情傷害到任何人）就威脅我call白車話我病發，去精神病院等等。 又或者我唔想被其他人知道我有燥鬱，而盡量唔出街同唔想翻學，加上我就快考dse，成績本身因為ADHD已經考得唔好又唔知點算。 種種問題問題令我好大壓力唔知點算，想問吓有冇舒壓嘅方法同埋我應該點面對屋企人同學同課業thx
#NSS其他 [Guest ] 小妹今年高中，有個讀大學嘅表姐。其實純粹都係想發洩吓，因為喺佢面前發洩過叫佢改，佢又話盡量啦，其實我根本覺得佢冇佢改過，咁唯有攤出嚟同大家講吓🥺🌝 我同佢關係一直都唔差嘅。但係最近佢成日放我飛機，之前話去Disney，本身傾好咗，雖然大家都諗住去到先book飛，但係以嗰日嘅人數應該趕得切book，重點係嗰日學校係school day，我想以最快嘅速度返屋企換衫食飯。放學嘅時候班fd仲問我一唔一齊食飯，我想講我好難得約到佢哋，咁當然我因為要去迪士尼所以拒絕咗佢哋啦。當我準備出門口嘅時候，佢先來同我講‘sorry ar,我今日唔得，我今日要..…’(重點係仲要我打俾佢佢先咁同我講)都算喇，本身我都諒解U係多活動，但係係咪都應該有啲交帶呢？如果係佢收到有活動即刻同我講，或者就算佢主動同我講，咁我一定唔會嬲佢/就算有都一定係覺得可惜嗰啲 之後佢有同我道歉，我一心一意以為佢會改。之後我哋仲諗住約嘅，本身諗住約平安夜，已經講好咗話嗰日見，點知我第二日我有啲關於平安夜嗰日嘅事宜想問佢，佢先來同我講話佢有活動😹，但係都可能就到啲時間出嚟，佢當初係咁講，不過佢都話最遲都要我搵佢之後嘅第二日先confirm到。到咗第二日佢又唔答覆嗰條問題，到我問佢嘅時候佢又話‘ Sorry 啊 我嗰日唔得閒😭😭 reli sorryyy’(我原句摘錄冇改過架)係，冇聽錯我係真係冇改過佢啲對話，照copy and paste😹心諗如果唔係我問你，我平安夜嗰日咪戇鳩鳩咁喺條街度等佢囉，我自己都有朋友想約，不過去到最後佢哋嗰日個個都唔得閒⋯ 其實我有諗過係咪我自己玩得太癲，我啲朋友有啲唔係話特別鍾意出街，但係我就好鬼鍾意去街。雖然佢哋係唔太鍾意出街，但都肯同我一齊出去食飯，甚至有時都會無所事事一齊行吓街(雖然唔係成日)。我都只係因為覺得表姐重要先同佢一齊去姐，之後我講比佢聽話其實我嗰日都約咗朋友，佢嘅反應竟然係真係慘ar🥺咩意思？攞彩振興？😉 各位唔知係咪我太敏感，我上次約佢出街只係去錯咗meet個地方姐，佢竟然可以話佢想返屋企，但係佢放我飛機雖然我都只係表現得少嬲佢，但係一定冇佢咁強烈囉。麻煩各位幫我評下理，係咪我對於佢呢種行為太敏感🙇🏻♀️ 麻煩admin幫我po上IG，thx🙇🏻♀️
#NSS其他 [GUEST] 是咁的，上星期我同D frds去咗行山 係落山嘅過程中，有ㄧ段路係車路，有一對情侶行咗係我前面，因為佢地行得比較慢，所以我同D frds決定行快D超越對情侶。點知呢個時候，我比對情侶入面個女人踩倒其中ㄧ隻鞋,之後佢同我講sorry，係呢個時候我同佢對視咗3秒,我發現咗佢係我訓練班教練嘅女朋友!!!(下稱A) 而A又好似認得我(因為見過幾次A接我教練)，A講咗ㄧ句”點解你會係到嘅?”同一時間A推開咗同佢ㄧ齊行緊嘅男性朋友(下稱B)，(B喺A踩到我之前係喺到攬住A條腰,又間唔中打A屁股, 因為我本來行係佢地後面所以見到)之後A又同我講” 可唔可以當乜都見唔到” 我個刻呆咗冇答佢繼續同d frds行落山 直至今星期三，我去咗訓練班。咁突然我想去廁所，所以同咗教練講聲就出咗去。個廁所同活動室都有一段距離，係我行緊去廁所嘅時候，又見到A同B，(因為已經係晚上，所以成個樓層就得返我，A同B)。 之後我聽到以下嘅對話 A:(攬住B條腰)你快D走la,條傻仔( 應該係指我教練)都差唔多落堂，我要接佢 B: 你幾時同佢分手同我一齊 A:做咩咁掃興啫 B:係吖嘛 A: 得la唔好嬲la,我book咗聽日XX酒店同你staycation，聽日見la B:算你la ( 講完之後A轉咗彎係張凳坐低咗，而B走咗) 我究竟好唔好同我教練講？
#NSS愛情 [GUEST] 標題：我有個一直收係心入面嘅人，但我有男朋友。 知道大家睇到標題會想屌我🥲但聽埋我講先🥺 我有個ex，我同佢原本由小學開始已經識，去到中學每年都會繼續一齊玩。至於我同佢一齊喺中三嘅時候 因為朋友嘅各種慫恿同埋佢嘅表白，我同佢一齊左。 但因為咁啱一齊冇耐就撞正疫情，我同佢冇咩機會可以見面，佢開始會已讀不回我，維持左幾個月，我真係頂唔順ಥ_ಥ。咁啱因為全班要返去攞成績表，所以我就趁呢個機會同佢分手，最後佢都同意左。但即使分左手我同佢都繼續係朋友，會一齊打機一齊玩。 但後來知道佢有玩交友app，仲係嗰度識埋女朋友。我就有少少妒忌..?可能其實我都仲有啲鍾意佢掛…所以我都down左交友app。但冇諗過嘅係，我係交友app識左而家嘅男朋友。我同佢而家一齊半年多啲，我可以肯定嘅係，我的確係鍾意我男朋友，但有時都會掛住ex。 當我前排望到ex嘅細帳有一個post係喺我今年生日嘅時候po，而內容係講佢有一個鍾意嘅女仔，佢知道嗰女仔已經有男朋友，但其實佢希望嗰女仔可以係佢。 我就不停諗，佢講嘅嗰個女仔，會唔會就係我，或者可能我希望係我掛😵💫 不過其實都有段時間，而且今年都已經中六，放多啲心機落DSE好似更好，加上我都已經有男朋友…所以我諗緊，如果係咁，我係咪應該將佢一直收係心入面，定放棄佢… 希望大家可以比啲意見我🙇🏻♀️想屌我就照屌啦 多謝各位 Sorry for 1999
#NSS社會 [某紅底藍校] 希望admin可以放上ig比多啲人知道 小妺俾學校叫去接受訪問，總係覺得良心過唔去 是咁的，早兩個星期，中共央視嚟咗我學校採訪，佢哋搞到我哋要準時八點鐘喺課室坐好，仲要大熱天時着住件校褸，然後開始進行洗腦教育。佢哋係度不停咁講鴉片戰爭中國好慘，搞到香港俾咗英國，同埋香港回歸中國令人很興奮。足足浪費咗成個鐘。 本來諗住甩難嗰陣，央視啲人竟然話仲未拍完，結果佢哋又放返支鏡頭喺課室，影住咗投影幕，前前後後影咗10幾次。最後佢哋仲未滿意，竟然叫坐附近嘅人企出去俾佢哋影。最後搞咗成半粒鐘，我哋啲同學喺度埋怨下先肯走。搞到我哋冇咗堂中文同bio。 你覺得咁就完？未！就係因為老師要揀啲靚仔靚女比佢哋訪問，再加上我係學生大使，所以好自然就揀咗我去接受訪問。佢哋十點半捉咗我地總共三個同學走，央視班人喺度嫌三嫌四，係咁話錄得唔好，要再拍過、又話呢個地方唔好，又要再拍過。前後總共拍左成兩個半鐘，返到課室已經係12點幾1點，上緊最後一堂。 其實我真係唔想上電視，特別係央視，仲要係愛國洗腦節目。本來我哋嗰日可以上PE，但係因為訪問令到全班要著校服，冇得上PE，仲要廿幾度著住件又重又厚嘅校嬲。 希望各位面對洗腦教育要堅決拒絕，否則自食惡果。
#NSS愛情 [山旮旯學校] 本人F4女。我唔知點同啲frd講我拍拖。我覺得瞞住佢哋唔係咁好，好似唔當佢哋係frd咁。有時佢哋問我係咪A0/拍過拖(一大班人一齊嗰陣)我都唔知點答，跟住我就無視咗條問題笑幾下咁。其實我bf真係對我好好(我哋同年F3嗰年開始拍拖本人依家F4)，我行行下街攰嗰陣佢肯墊高個膊頭比我，每朝我番學途中/悶嗰陣佢又肯聽我WhatsApp 9up講廢話，我黎M好躁佢又忍晒我啲脾氣，又超級無敵溫柔咁氹我(忍我🤭)。但係我就好驚公開咗啲同學不停問我或者議論我哋，我哋班已經有前車之鑒，同埋我成日好冇安全感，而且我哋唔同校仲要唔同區🥲，有時考試其間或者忙嗰陣都好少見面，見咗面我哋都特登去啲偏遠啲嘅地方。我可以做嘅就係得閒陪多啲佢，同埋轉個唔明顯嘅icon，我覺得好對唔住佢，佢就成日話唔緊要等我啱timing先，我見其他couple story成日po對方，profile又tag，每逢出街就勁高調，成廿幾萬個story，真係cls，我睇成日都睇唔晒。其實我都知我有啲小題大做，但係我真係好驚被人問黎問去，同埋萬一我哋散咗咁點算… 第一次投稿 Sorry for 1999 求admin po ig 🙏🏻 thx 🙆🏻♀️
#NSS愛情 [GUEST] Admin plz po IG🙏 話說我係今年聖誕假到識咗一個女仔，佢係我同班同學，之前都冇乜傾開計，係近排先至同佢熟，其實係一開學嘅時候已經有留意到佢，覺得佢都幾靚，但係因為今年我要移民，加上佢平時喺學校都好靜(好似好難識到佢😶)，所以我都冇諗住去識佢，不過係前一牌佢突然間問我係咪要移民，而佢係呢一方面到比咗好大嘅建議同睇法我，可以話係我咁多frd入面最詳盡嘅一個，我同佢亦都順住呢個話題開始傾落去，每次傾完一個話題之後，佢都會開個新話題，有一次都傾咗成日，佢有時都會分享吓佢啲日常，平時都會send佢啲寵物俾我睇吓，有時佢都會主動搵下我咁，就咁樣傾咗一排，我開始feel到自己對佢有好感 去到近排我同佢傾起我鍾意邊個，因為我唔想咁快俾佢知我鍾意佢，所以我就係咁隱瞞，搞到佢以為我鍾意第二個，不過仲喺度係咁同佢傾偈，我都feel到佢開始有啲嬲同埋唔耐煩，我問佢係咪有啲唔耐煩同埋嬲，佢都話冇，到而家我feel到佢會好主動咁close話題，同埋開始唔係好想理我咁。 我都知佢可能由頭到尾都只不過係當我普通朋友，搵我傾吓計咁，甚至可能只不過係搵我黎攝時間咁，不過到依家我都幾肯定我係鍾意佢，我都諗緊應唔應該去表白，如果表白得咗嘅話我都會選擇留喺香港。同埋小弟上到中學之後都冇乜去識異性，佢可以話係第一個我真正鍾意嘅女仔。 希望大家可以俾啲建議同埋意見🙏 Sry for 1999😅