—類投稿

#NSS學校 [Guest ] Hi 大家好 我地班有個公主病 我本身同佢好friend，但因為發生這些事，我就很憎她。她成日講人哋壞話，再講大話話冇，擘大眼講大話。成日逼人同佢做friend，我個friend 同同學A和B好friend，小息會一齊傾計，之後佢成日插嘴。 佢之前話我鍾意某一隊k-pop有錯的，有事就搵我冇事就講我壞話，成日已讀不回。 之前電腦堂佢講明星，之後老師鬧佢，話老師有問題，成日扮可憐。 我之前暑假都同佢過鬧交，但係我YouTube 突然破1000訂所以先同我做番friend，佢想借我1000訂俾人知道佢所謂既’best friend’係好多粉絲。之前我同佢都有做YouTuber，我就發宣傳佢既片，好簡短，好多like，之後佢偷我片然後發放在佢的YouTube 到，咁我就緊係問佢啦，我問完她之後，她封鎖我所有聯絡方式。 我現家真係好無言😑😑 （純share自己experience

#NSS學業 [GUEST] 點樣令到自己冇咁頹，同埋有動力溫書 明知自己成績唔好但係就係冇心機溫書😢 btw各位考試加油‼️

#NSS愛情 [九龍某間女校 ] 女校暗戀女同學真係好辛苦 我暗戀緊一個女仔 同左班幾年 今年就分左唔同班 佢同另一個女仔 上年突然好frd 然後我今年就從我個frd到得知原來佢同另一個女仔拍緊拖 但係佢地都冇同我講 咁我就繼續扮唔知 我表面都會扮冇嘢咁同佢地相處 我日日睇住佢地相處真係呷晒醋 但係我知道自己冇資格 真係好辛苦 點算好🥲

#NSS愛情 [guest] （admin plz po🙏🏻🙏🏻🙏🏻） 自由係咩？ 小弟同我女朋友係一齊差唔多大半年，佢成日同d fd （男女比例差唔多7:3（其中2pair 情侶））去玩呢樣玩個樣，去睇戲啊，密室啊個d。 小弟都有幾個異性朋友，但係因為有時候吹下水，普通無相問下近況個d，令到佢唔開心，咁就同個d fd 0 contact啦，係真係一d 聯絡都無個d。 之後佢，玩完返到屋企就打比我同我call啊個d，ok ，咁都當記得我la，但係call嘅話題係圍繞住佢玩得有幾開心，同班fd幾嗨啊個d，我個下真係勁_難頂，想cut線，但係大家都知la，如果咁做，大部分女性就開始發揮佢d想像力，發揮佢d 戲功la，要氹返佢都唔知要幾耐，所以選擇左忍，之後同佢傾過都係意見接受，態度照舊。有d人實會話，女朋友係要錫ge啦，要氹ge啦，但係想講點都有把尺，自由有個尺度，唔係放飛自我。🙃 希望作為有另一半嘅一d人，自己衡量下同異性有幾close；仲有明知人地有另一半嘅人，請你地都保持返一個適當嘅距離。 （題外話：係呢度祝各位未出pool嘅今年出pool，出左pool嘅99）

#NSS家庭 [Guest] 點先可以同細佬分房瞓 明明我屋企有三間房，屋企得四個人(唔計工人)。我阿媽寧願攞第三間房做書房都唔俾我同細佬分房瞓，話咩兩兄弟share一間房感情好啲。(明明我日日同細佬嗌交，根本一啲用都無)。 其實我都已經16歲，想要返小小私隱都唔得，成日溫溫吓書個細佬就會走入嚟煩我，搞到我要走入書房溫(書房個wifi太差所以先唔喺嗰度溫)。到底我要點做先可以同細佬分房? TL;DR: 我應該點先可以說法阿媽俾我同細佬分房瞓

#NSS愛情 [Guest] 是咁的，最近有個識咗好耐又好close嘅男仔frd同我表白，我就應承咗啦，但係其實我好似冇鐘意過佢，應承嘅原因係因為唔想佢sad同唔識點拒絕（小女第一次拍拖），但係一起咗之後我有嘗試過鐘意佢但係發現好似真係冇feel。我承認可能一開始拒絕會好啲，但係我個陣做錯咗決定，導致而家我都唔知要點面對佢好🤦🏿‍♀️🤦🏿‍♀️🤦🏿‍♀️

#NSS學業 [guest] 今年f3，知道要揀科，所以都叫自己比啲心機上堂聽書同溫習，但係f1，2都係hea住咁得過且過，所以而家f3開始大壓力，見其他同學都比f2努力好多 最近派卷，成績覺得好平均，唔算好勁，又未算差，但係比起其他frd，我都係好似好落後，溫書嘅時候自律性又低，每次都前一日先溫，然後每次都溫得嗰7成就覺得自己溫完，但之後派卷發現原來好多明明只要溫多啲就有分，我就衰喺懶到 而家下學期，對揀科又冇乜方向，又覺得自己溫書方式好有問題，每次叫自己努力啲，都係得個講字，而家都唔知點算，覺得之後應付dse可能唔掂，如果繼續咁落去🥲 sor for 1999

#NSS愛情 [Guest] Admin po ig pls🙏🏻 睇咗咁多篇愛情投稿，其實自己都身同感受！ 要暗戀一個人真係好辛苦，由其是係要日日見到，但冇機會一齊，我同佢關係朋友以上，戀人未滿。同佢傾計，當值各樣真係好開心，我唔開心嘅時候，佢會嚟安慰我，鼓勵我，成日聽我講心事絕對係一個樹窿！同埋我覺得佢體貼嘅程度真係唔係個個男仔都做到！ 既然我知自己冇可能同一齊，我好想放棄佢，好想令自己對佢冇哂feel,已經半個月都仲係咁，我真係放低唔到，有時聽到啲傷心嘅歌，我第一時間係諗起佢！我曾經認為係一個唔會為異性而喊嘅人，我有咩事都忍到喺心中，呢啲應該都忍到，點知原來唔係 暗戀一個人真係好辛苦呀！

#NSS愛情 [Somewhere in HK] 今年小妹F.3，係大約2年前嘅時候，我去完中一嘅Bridging Program。放學後，我坐係巴士嘅上層，當時你就坐喺我隔離（當時佢無著校服）。嗰日好攰，我喺巴士上面闔着咗，瞓醒之後我發現我挨咗喺你膊頭上面。突然好尷尬，即刻同你講左聲對唔住。當時我地兩個都未到站，我覺得你真係好靚仔，就鼓起勇氣問你攞左IG。你好爽快就答認左。我返到屋企，好開心咁研究你IG，你description寫你係隔離附近一間中學嘅學生。 其實我攞到你IG都冇同你傾過幾多計，好快就冇咗聯絡。直到中二，我個班有一個插班生，嗰一刻我真係嚇一跳。原來插班嘅就係你，你都好快注意到我。慢慢我地開始熟絡，我都開始對你有好感。好幾個同學（有男有女）一齊組成咗一個小圈子，咁多人入邊大家傾咩都唔尷尬，大家亦都有一齊玩真心話大冒險。一次就問到我鍾意邊個，我突然呆咗，完全唔識答。你都注意到我表情嘅變化，你陰陰嘴笑，好似明白咗乜嘢咁。 到咗而家中三啦，我竟然又同你同班，我其實非常之開心。仲有嘅係我同你被編排到坐埋一齊，真係好驚訝。好多巧合嘅事將你同我拉埋一齊，好似比人安排好晒咁。我知道要遇見一個適合嘅人好難，但你係咪嗰個人？ 寫給你的信，一個暗戀你嘅人

#NSS學校 [GUEST] 係咁嘅，隨著新學年的開始，我認識了其中一個同班同學。我想大概講下個處境先，然後提出我嘅問題。真係希望admin可以post ig please.. 之前我亦都試過同佢溝通過，佢性格係幾熱情，到開咗學幾個月到而家，我哋有時都會傾下偈， 但係我發覺通常都係我主動揾佢先，(佢有時都有不過係問問題..) 雖然我自己未清楚我哋係咪朋友，但係之前試探過(佢有講朋友嗰兩隻字)，咁我覺得平時都傾到計咁都應該係掛…. 以下落嚟就係我想請求你哋意見嘅原因，因為我哋都識咗一陣，同埋佢比較熱情。我發覺佢同我講嘅嘢係偏向講笑嗰一類，對我不客氣(語氣)，同埋成日向我爆粗，但係我feel到佢唔係惡意 / (就好似登抵你死咁)。所以我自己而家都搞唔清楚..究竟我哋係咩關係，同埋佢係咪討厭我， (我自己都最怕人哋討厭我煩)。不過我記得之前 睇過篇文章，就話好朋友先對對方不客氣(講笑個種？)？ 最後就係，希望你哋可以畀意見我，有咩請照直說，亦都好多謝你哋睇到你呢度..謝謝大家。 亦都希望大家係呢個疫情裏面繼續奮鬥，You are not alone！！ sorry for 1999