#NSS學校 [GUEST] 係咁嘅，隨著新學年的開始，我認識了其中一個同班同學。我想大概講下個處境先，然後提出我嘅問題。真係希望admin可以post ig please.. 我係男,我同學係女。 之前我亦都試過同佢溝通過，佢性格係幾熱情，到開咗學幾個月到而家，我哋有時都會傾下偈， 但係我發覺通常都係我主動揾佢先，(佢有時都有不過係問問題..) 雖然我自己未清楚我哋係咪朋友，但係之前試探過(佢有講朋友嗰兩隻字)，咁我覺得平時都傾到計咁都應該係掛…. 以下落嚟就係我想請求你哋意見嘅原因，因為我哋都識咗一陣，同埋佢比較熱情。我發覺佢同我講嘅嘢係偏向講笑嗰一類，對我不客氣(語氣)，同埋成日向我爆粗，但係我feel到佢唔係惡意 / (就好似登抵你死咁)。所以我自己而家都搞唔清楚..究竟我哋係咩關係，同埋佢係咪討厭我， (我自己都最怕人哋討厭我煩)。不過我記得之前 睇過篇文章，就話好朋友先對對方不客氣(講笑個種？)？ 最後就係，希望你哋可以畀意見我，有咩請照直說，亦都好多謝你哋睇到你呢度..謝謝大家。 亦都希望大家係呢個疫情裏面繼續奮鬥，You are not alone！！ sorry for 1999
#NSS學校 [山區女校] 如果要兩個字黎形容今屆f6 farewell，我會用「荒謬」呢兩個字。 F6 farewell 印象中應該係全校一齊睇各班製作嘅畢業片，然後一齊合唱一啲有代表性嘅歌曲，例如《十八》、《你是你本身的傳奇》等等⋯⋯最後中六各班可以輪流係台上影合照，但學校對我地今屆中六嘅安排實在太唔公平。 我哋今屆F6已經冇咗F5 musical, 三年sport day, 一年picnic………仲有數之不盡嘅實體上課日數同原本應該有嘅開心上堂回憶。原本仲以為我哋起碼仲有個F6 farewell，點知往年每班畢業片時長可以長達8至9分鐘，但我哋今屆畢業片時長縮短到4分鐘……我想問下4分鐘可以剪到啲乜片段？淨係老師佢哋講「加油」嘅片段已經30秒啦🥲 畢業片時長短都算，當日嘅流程安排先係災難。往年都係每班揀8個人上台喺睇完畢業片之後一齊唱歌、開手機電筒揮下揮下咁、然後又會有啲人係台上面喊呀遞紙巾嗰啲。咁我好幸運地可以上台一齊唱歌，farewell前要早會祈禱嗰啲都冇乜問題。但到我哋32個人上台坐低咗(choir用嘅嗰種三層企板)之後，荒謬嘅事情就開始發生。原本畢業片理應投影喺我哋後面同台上左右邊嘅投幕布到，然後我哋32人同全校都可以一齊睇到畢業片(F1-4透過teams直播喺班房度睇)。點知我哋上到去調頭望向後面係乜都冇……於是我地向企喺旁邊嘅mc求助，點知佢話中間部投影儀壞咗，我哋到上台先知原來我哋係冇得睇畢業片。 於是我哋就坐喺度望住台下F5、F6同老師佢哋睇畢業片，我哋自己就聽咗16分鐘左右嘅畢業片。之後仲有各班代表感言、校長分享、向校工贈送禮物環節、修女分享，我哋三十幾個人做背景板到最後一刻先可以落台。而所謂嘅唱歌環節連電話都唔比攞出黎，大家亦冇心情唱落去，變成播歌環節。 途中我地有向企係台上兩側嘅負責老師詢問過可唔可以安排IPad比我地透過teams直播睇畢業片，或者比我地攞手提電話出黎睇直播。但佢以「 直播會有delay」為由拒絕咗，但其實我哋可以將電話/iPad較靜音，就算有聲畫唔同步嘅問題都好過淨係坐然後望住台下睇畢業片呀：） 最令我覺得荒謬嘅點係我用咗兩晚以上時間剪嘅畢業片，到正式播放嗰一日我居然冇得睇返🥲而且各班嘅畢業片都被較咗倍速或再剪輯過後先播出，點解我作為剪片嗰個(八成以上都係我剪)竟然冇收過任何關於畢業片改動嘅通知？影片嘅節奏都會被打亂，聽住隔離班啲片嘅背景音樂被人改倍速，改到甩甩咳咳嘅時候真係覺得好慘。 我真係估唔到我係f6 farewell流眼淚嘅原因唔係因為感動、傷心要同大家分開定點。我真係未試過委屈到喊出黎，仲要比人以為係因為睇到畢業片感動到喊😅我連條片係點都睇唔到，喊條毛呀？ 散場嘅時候嗰位唔俾我哋攞手機出嚟嘅老師仲叫我地快啲離開，而台下我嗰班啲人都已經雞咁腳走咗，到最後都冇影到大合照。
#NSS社會 [Guest] 長文慎入，please po ig🙏 話說咁快又踏入新一年，回想起2021年，自己身邊嘅環境變化好大，加上見到香港嘅媒體及機構被政權打壓至被迫解散及停業，其實都好心痛同憤怒。 新一年，新開始，有邊年唔係咁講，老實講我覺得2021年可能仲衰過2020年。由2020年國安法實施，其實大家都知未來香港唔會好過，不出所料2021年六月份由蘋果日報開始停刊，到年尾立場新聞停運，直至香港時間1月4號眾新聞因未來嘅不確定因素決定停運，期間仲有數之不進嘅機構同團體都主要因國家安全為由被迫解散。身為一個喺海外嘅港人同學生，要喺幾千公里外目讀呢一切但又無能為力，其實真係好痛苦同不甘。自己嘅學業都未肯定搞唔搞得掂，同時又見到香港嘅墮落，其實都真係唔少壓力，亦都好後悔以前冇珍惜乜都未發生前嘅時光，我所認識嘅香港。一切都唔係喺我掌握之中，唯有做好自己嘅嘢，珍惜當前事物，應該先係我依家嘅本分。 Sorry for 1999 圖Link: https://ibb.co/RhzymRV
#NSS愛情 [東區某中學] 我最近開始留意咗個老師，佢好好人，我小息會去揾下佢喺邊度，當我見到佢，就會好開心，開心到上堂都諗住佢，喺個腦度不斷諗，真係開心到停唔到。 但係呢排見到佢戴咗一隻戒指，唔知係唔係嗰個意思，講真，真係好傷心。 當我知道佢生日，真係好開心，佢每個story 我都會影低留念，之後一睇就睇好耐，仲一路睇一路笑。 每次喺學校見到佢，都超興奮，如果嗰日佢仲同我講過嘢嘅話我就會寫日記，到而家就已經有好多日記係關於佢。 有一次見到佢喺我個story 度投票，我開心到喺屋企度尖叫。 前兩日，佢仲message 我，見到佢嘅訊息真係嚇親，但係都好開心，開心到我嗰日又寫咗日記。 唉！真係好想成日同佢message 呀！
#NSS其他 [GUEST] 呢幾年大家都好積極咁推廣本土文化，本地歌手或者創作者都多咗人去留意，尤其係youtuber方面都多人開始抗拒或者排斥大陸creator，留意返本地薑。但係我發現好多人都可能未接觸過一啲無咁出名嘅channel。今日想推介吓JFFT呢個channel。呢個channel雖然唔係咁出名，但係佢嘅影響對青少年係十分之大，最大嘅影響係jfftone，亦即係其他人口中嘅潮語，例如firm、零X、點部署等等都係由jfft帶起嘅。 雖然channel內容主要圍繞著黃賭毒，內容粗俗，但係佢嘅質素同娛樂度一定係高。jfft亦有副頻道jfflive，定期每星期一至三都有直播，星期四至日有不定期直播。點解我會推介大家睇呢？因為我認為jfflive係一個好啱青少年嘅平台。點解我會話係平台呢？因為直播當中大家可以call in 去分享自己嘅嘢，不論係喜怒哀樂，大家都可以向台主分享或者發洩，發洩自己嘅壓力。星期一有床狗嘅心事台，大家可以call in講吓心事或者分享趣事，星期二有音樂擂台，大家可以聽吓台主姜逼唱歌，又可以聽吓其他觀眾唱歌或者親自打上去唱歌。有時候台主都會開特別節目紅線計劃/我屌你老，比大家識吓朋友，宣洩吓壓力咁。 我覺得全港中學生其實應該要認識jfft，甚至係成為必修內容之一。議論題目可以由「學生應否談戀愛」轉為「學生應否睇JFFT」。 其實jfft唔止咁少嘢係吸引到大家，仲有好多內容或者趣事，不過我寫唔曬咁多，只可以諗到咩就寫咩。希望呢篇投稿係出到之餘，都有從未接觸過jfft嘅人開始follow佢哋。 最後一句講曬，加入jfft永遠都唔會遲！
#NSS學校 [MC] 唔該曬admin 小妹今年form 1 我覺得同D同學格格不入…… 我中意嘅歌＆電影都系偏歐美style嘅 中意嘅日本動漫之類嘅野都系一D經典老番such as eva banana fish之類嘅 同埋中意睇opera 但系我D同學中意嘅野同我完全唔一樣 佢地中意聽D抖音，大陸歌 玩嘅gag都系一D大陸嘅gag(我甘講係因為個D gag 係base on一D普通話嘅發音or大陸人嘅習慣之類，我都唔系好清楚點表示) 我經常絕對我同佢地格格不入……… 我嘗試過去接觸佢地個D中意嘅野 但系對我黎講真系精神污染(如果有中意呢D野嘅人對唔住！！！！無意冒犯！僅表達個人觀點！！！) 想問下大家我應該點算？