—類投稿

#NSS愛情 [Guest] 長文慎入👀 大家好～小妹第一次投稿，可能有少少1999，請見諒🙈 交代一下背景先～ 我今年18，亦都係今屆dse～而男朋友今年19，一齊左差唔多三個月左右，依家感情都好穩定。 . 我依家讀緊既學校係band1a，唔煙唔酒，成績中上，想入八大，平時有整開甜品同埋打羽毛球既喜好，鋼琴考到8級；而男朋友讀緊high-dip，雖然佢靠dse前幾個月發奮，最後都讀到high dip，但其實佢對讀書好反感，喺讀書方面完全被動，而佢因為之前既經歷，例如喺中學比人bully，所以冇乜信得過既朋友，之前有返part-time，依家佢就搵緊工。佢都將我哋比喻為大雄同靜香，佢話佢似冇運動細胞，成績差又懶惰既大雄；佢亦都話我似成績同運動唔錯，又識整甜品同彈鋼琴既靜香。 . 我哋喺交友app識，一開頭我哋都係晚晚傾電話同埋message而了解下對方，本身一開始我對佢都未算好有feel，反而佢就好主動，識左差唔多一個禮拜就認定左我，覺得我好細心，善解人意，成績又好，唔任性，又孝順，係一個好女仔。但可能因為識左唔算好耐，所以我嗰陣暫時對佢有保留，直至了解多左大家，我就開始對佢有feel，但心入面都唔係好肯定係咪真係鍾意佢。 . 喺第一次見面前一晚，佢就再一次同我表白，而我就話比一晚時間我，另一日講個答案比佢聽。去到另一日，即係正式見面嗰日，佢就一如既往咁主動，又溫柔細心，我就怕怕醜醜咁。同一般情侶一樣，都係拖下手攬下對方咁，然後我哋去左海旁行下傾吓計咁，之後佢隔住口罩錫左我幾啖，我第一時間就係唔識反應，但反而我冇避開佢，同時佢平時對我又溫柔，為我著想，好貼心，又專一同埋唔蒲。佢之前有食煙既習慣，亦都肯為左我而戒煙，都係一個好男仔。嗰陣心入面好似覺得對佢既感覺升溫左，真係confirm左我係真係鍾意佢。 . 去到依家，我哋甚少鬧交，就算每次鬧交都喺10分鐘內和好，佢都好主動咁比我check電話，證明自己已經del左交友app同埋冇同其他女仔有親密關係。但因為我覺得每個人都有私隱，所以我就好客氣咁同佢講話唔使，不過我知道佢想我放心，所以最後我都順佢意，check下電話就算。而佢知道我鍾意鬼滅同mha呢兩套動漫，有時佢會偷偷地買figures送比我，雖然好開心，但係始終比既都係佢啲錢，我又唔捨得佢晒錢，所以我有勸過佢話唔使買咁多嘢比我，佢就話男朋友比錢係應該既，我為左aa，有時同佢食飯同埋買嘢，我會主動比返錢🙈而每次出街，都係佢主動搭巴士過嚟搵我出街，之後都會不顧一切送我返屋企，真係覺得佢好好，同時同佢行街拍拖又拍得開心。 . 喺我同佢屋企人方面，我屋企管得比較嚴，雖然屋企人唔反對我拍拖，但係佢哋以唔影響學業為由，我都唔反對佢哋既觀點，同時阿媽唔會比我出夜街，會覺得我拍拖之餘，都要focus學業；相反男朋友屋企人比較寬鬆，就算食煙飲酒同埋出夜街都冇問題，但最緊要係生性。加上男朋友真係好愛我，好錫我，好珍惜我，對感情專一，雖然一齊唔算好耐，但我都已經認定左佢。上個禮拜男朋友邀請我去佢屋企同auntie uncle食晚飯，期間我哋都有傾有笑，而auntie同uncle都話好鍾意我，同佢地毫無爭執，亦都好放心同我講希望好好睇住男朋友，支持佢搵工，嗰陣既我霎時覺得有種歸屬感，男朋友都笑住話未來佢阿爸阿媽有我呢個好新抱，依家佢都有個好女朋友甚至未來老婆，我聽到之後真係好感動，佢阿爸阿媽又當我半個女咁錫，真係好開心。 . 呢幾個月入面，我都間唔中去佢屋企食飯，睇戲，上堂同埋溫書，而性呢方面都ok，有戴套既，有時我或者佢未必想要，我哋都尊重大家唔做住。同時男朋友都知道我要dse，所以佢都一直喺我身邊陪住我，支持我，開心就一齊笑，唔開心就一齊喊，而佢都買左屬於我哋兩個既定情信物，例如戒指，手帶，音樂盒等等，象徵住我哋兩個，眼中只有大家，雖然呢啲定情信物好普遍，但係對我哋兩個嚟講何等重要，當佢哋係寶咁珍惜。 . 與此同時，男朋友同我都好眼淺，即係好容易喊嗰種，但係可能因為男朋友由細到大都係喊包feel，有時我唔覺意鬧佢幾句，佢就會喊住求我唔好嬲，加上佢之前有抑鬱，有幾次我哋行行下街，佢喺街度喊到收唔到聲，我二話不說即刻攬緊佢，輕輕摸下佢個頭，安慰佢，佢都攬我攬得好實，好怕我離開佢咁😢每次我見佢喊到好淒涼，唔忍心見佢咁心痛嗰陣，我都會好心軟咁即刻攬住佢，大家抱頭痛哭，加上男朋友之前拍嗰兩次拖，兩次都受過傷，而屋企方面，佢同佢阿爸借過財仔，阿媽為左幫佢還款，兩母子都好大壓力，男朋友有時覺得自己好冇用，之後亦都應承我唔再借，所以做女朋友既我，都應該要好好愛錫佢，保護佢，唔比佢再受傷。 . 可能因為我哋太掛住對方，所以上個禮拜期間，日日都去佢屋企上堂溫書，但係因為阿媽平時唔比我出街，想我留喺屋企專心溫書，所以每次我都話返學校做嘢為由出街，但其實係偷偷地去搵男朋友。可惜紙包唔住火，最後都係比佢識穿左我同男朋友拍拖行街，而唔係返學校做嘢。一嚟講大話，令到阿媽好嬲，二嚟佢對我男朋友有唔好印象，以為佢教唆我講大話，係咁話我識左個壞人，我一聽到真係好嬲，先係同阿媽道歉，其次係嬲佢咁話我男朋友，因為我搵佢係我自願，唔係我男朋友逼我，更何況我冇因為男朋友而唔溫書或者唔上堂，啲功課交齊。加上男朋友既出現，係我努力考好dse既動力，又愛我，錫我，珍惜我。去到依家，阿媽都見到佢對我既好，開始對我男朋友都幾好，但係阿媽都唔想我為左佢成日出街，避免我又講大話偷偷地出街，咁唯有呢段時間就下阿媽唔出街，同男朋友日日facetime，遲啲再出嚟見咯～ .

#NSS學業 [guest] 係咪嘅……今日考完嘅時候發現內頁好似貼少咗張barcode label，考完先發現，想問下可以點做？係咪要同考評局report返？會唔會扣分扣幾多或降grade㗎？唔該晒…

#NSS學業 [GUEST] 為自己被香港教育制度幾近奪去的資優敬輓 講返小弟嘅背景先啦，我中四，只不過係喺油麻地兩間名校之間嘅平凡中學嘅學生 自小學起，我一直不斷攞到學業成績優異獎、全班第一……等等諸如此類嘅學術性獎項，直到中三嗰一年 回想舊年，自己突然間對學習完全一啲興趣都冇，唯一有興趣嘅只有哲學、倫理呢啲喺中學無法接觸到嘅科目，唔知點解對（學校內）學習覺得冇興趣，久而久之隨着咁樣嘅心態，上學年統測成績突然間跌到好似恆指之前嗰排咁，當然學校都有通知家長有關咁嘅事 時間先就要跳一跳返去十幾年前，仲讀緊小學嗰陣時，當其時我嘅智商檢測係13x（實在抱歉唔可以明講，不過可以比到係131-134其中一個），但係我屋企人選擇埋藏呢個秘密，所以無論幼稚園、小學、或者中學，學校冇人係知道我背後嘅秘密 返返去我屋企人同學校開會嘅時間，咁我哋學校融合組嘅老師就聲稱好關注我，就覺得我係唔係有啲乜嘢特別學習需要，覺得我係自閉症，咁當然我屋企人就覺得唔係，之後就繼續讀落去直到今年二月，執屋嗰陣時我無意中發現到嗰份智商檢測結果 發現咗呢份結果同屋企人傾過之後，咁我老媽子都承認咗呢個的而且確係我嘅智商記錄，但係佢好希望我平凡健康快樂咁成長，所以選擇一直唔坦白呢個事實俾我，亦都冇帶過我去資優教育學苑，我老竇就覺得其實人資優唔資優都冇乜所謂，最緊要開心做人就夠，但係呢一刻嘅我唔知點解突然間轉變左，覺得既然背住資優呢件既係祝福亦係詛咒嘅天賦或責任，點解我唔可以比自己成績變得更加好，就可以做到學校成日同我哋講：「讀好啲書攞到好成績讀大學先係你最美好嘅未來」呢？ 坦白講，以前無論幼稚園小學定係而家中學啲老師，對我嘅評價連成績表都係好聰明，天資聰穎……不過我回憶起讀書呢段過去，好似嗰陣時聰明伶俐嘅孩子，慢慢接受喺精英教育嘅香港教育系統，彷彿佢慢慢咁沉溺，最終死去 一年又一年，我嘅聰明才智有如一直慢慢失去，又像受到哲學影響，過去失去嘅才智又慢慢回歸，再咁落去，究竟我嘅才能有冇可能喺學校上面發揮？我又要渡過呢幾多個永劫嘅輪迴，先能夠將我嘅聰明展露？ 香港教育制度，毋庸置疑根本冇針對資優生客製化，呢個係無法否認嘅事實，尤其係在於好多資優兒童都係偏才，或者佢哋藝術、創造、物理、數學、文學係天才，但係香港教育有曾幾何時有重視過呢啲可以係未來能夠閃耀天際嘅星辰呢？過往我一直被灌輸一定要讀好啲書先諗其他嘢，不過或者咁諗完全大錯特錯，難怪香港資優兒童出現率幾高，同等隕落嘅機率好高，或許係我寫緊呢篇文嘅時候亦都有一個資優兒童嘅才能被埋沒了 幸好，我屋企人決定，，能夠在即將降臨嘅明年一月送我前往海外讀書，佢哋真誠希望人在海外嘅我能夠搵到自己失去良久嘅才能，將佢發光發熱 最後，想同每一個見到呢篇文章嘅同路人講句：「加油！唔好比資優呢個名束縛自己，最緊要能夠搵到自我，發揮才能！」

#NSS個人 [GUEST] 大家好，小妹今年F1，有一件事令我困惑左好耐。 大約喺小六下學期嘅時候，我開始會喺夢與夢之間會有一啲好短嘅畫面，而嗰個畫面我未見過，而起身嘅時候都唔會好記得，我只係會記得大部份嘅夢。然而有一次係大約2021年嘅6月左右，又喺夢與夢之間有一個畫面，就係喺一個班房，地版係白色嘅，啲凳係藍色，我大約坐喺右邊數起嘅第二排嘅視覺望到一個男仔背面，佢喺右邊數起嘅第三排，同我差唔多高（我當時147cm)佢著住一件白色恤衫同西褲，係校服嚟嘅，但第二朝起身我已經唔記得咗呢個畫面。 去到我升中一正式返學，我坐咗喺右邊數起嘅第二排，一開始我未勾起嗰個畫面，但直到男班長入咗班房，佢企左喺右邊數起第三排嘅第一個位，嗰一刻我諗返起嗰個畫面，人嘅位置係一模一樣，地方都係一模一樣，我當時呆左，我亦都知道我喺夢見過呢個畫面。 以上呢件事係我最深刻，之後都有唔少同樣嘅事發生，例如喺夢同阿婆阿媽去行花墟但我覺得太悶所以阿婆帶我去行雀仔街，而大約半年之後喺現實發生一樣嘅事。 我想問下有冇人有呢種經歷？ Sorry for 1999!!!Admin please post ig 🙏🏻 Thx Admin🙏🏻

#NSS家庭 [GUEST] 給母親的一封信： 你總是以冷漠的雙眼望我，當我說了令你不高興的話語，你會馬上用極其兇狠的眼神盯我。 即使面前是親生女兒，也恨不得殺死的一種，母親。 你從未稱讚過我，未擁抱過我，更別說在臉頰的輕親。 我從母親那裡得不到一點愛， 至今仍渴望回報的我，怕是想太多了。 我喜歡彈結他，而你只會貶低我。 像扔垃圾一樣，扔走了那結他。 記得我小時候，你會動手打我，直至我長大了， 懂得還手了，你才轉以言語相逼。 未畢業，你已經向我索取家用，就似借條般逼我簽下。 你也叫我和其他男孩相親，讀書沒用。 你不知的是，我早有男朋友。 我不恨你，只是，有點羨慕其他同學。 想問你，為什麼要把我生下？ 難道在肚子內，你已開始討厭我？ 在我的墳墓上，你依然會責罵我嗎？ 這樣的女兒，可以奢求一句“我愛你”嗎？ 如果曾經有親情，是你親手摧毀的。 但我知道，這就是你，你不會因我而改變， 所以我不會繼續在你身上尋找母親的蹤影。 我希望母親消失，想要另一個母親， 我不是你的女兒，你不是我的母親。

#NSS個人 [我今日食咗公仔麵🙂] 我今年F3，算係屬於一個唔大唔細嘅年紀， 我有啲嘢想問吓😖， 想知大家係點樣定義自己嘅性傾向 ？ 我有時會喺IG睇吓女仔 （唔係啲奇怪嘢，絕對係一啲正常嘅嘢！！(｡ì _ í｡) ） 會覺得佢哋幾正，但又未至於去到鍾意咁樣🧐 而有時我喺街都會見到啲靚仔 ， 會望多兩眼或者會有少少好感？？ 但亦都唔係去到好鍾意嗰隻 睇到呢度可能會覺得我係Bi , 但我又唔肯定自己係唔係， 因為如果真係我覺得好似唔會好接受到咁😖 我支持同埋尊重其他人嘅性取向， 即係如果人哋係幾或者其他性取向我都覺得冇問題😀， 但如果我係嘅話就覺得唔係太接受到 ， 我都唔知點解🥲

#NSS社會 [guest] 中國人啊，只因如今的輝煌，就讓你們變得冷血無情了嗎？ 那時的你們被他國人踩在腳底侮辱，骨子裡也仍不甘被屈服。即便實力懸殊，仍不願放棄投降，因為你們知道，國不可滅。你們甘願頂著敵人的槍口，以血和肉祭國，保國家安危。彼時你們那股「野火燒不盡，春風吹又生」的英雄氣派，也是值得後人學習的。 那我想，你們應該比任何人都懂戰爭受害一方的感受吧？ 事實卻非如此，此時烏克蘭與俄羅斯的戰爭已有個多月，儘管在武力完全不敵的情況下，前者也不曾退縮，本著和你們那時一樣「以血肉之軀保國家安危」的想法去保衛自己的家園。只是，此時的你們群聚而笑之，問之，則曰:「不自量力，如此之勢怎能與之為敵？」 冒著敵人的炮火？何其諷刺。 不願做奴隸的人們？何其諷刺。 國歌激情昂揚，其意也值得推崇。但是冷血無情的你們，不配！

#NSS家庭 [Guest ] 可唔可以唔要咁雙重標準 我間唔中喺廳個電視睇下YouTube或mv 而我唔會大聲過60分貝。但每次阿爸就話我好大聲要我細聲啲 話會俾隔離投訴 咁ok細聲啲lo細聲到就嚟聽唔到（45-50分貝）所以我決定唔再喺廳睇電視算 但係每次阿哥or 阿媽睇電視仲要大聲過我勁多，但阿爸唔會理佢，係咪針對我啫？咁都算啦。。但我覺得最雙重標準嘅係，佢自己大概11點幾12點，佢聽歌仲要開埋hifi 😀我連喺房都覺得震到cmg ，說好的驚會俾隔離投訴呢？呢啲係針對我定雙重標準？？咁嘅事件多的是，不能盡錄。。。 Sor for 1999 Thx admin~

#NSS個人 [想去韓國做練習生［求po ig]] [想去韓國做練習生] 小妺而家15歲，學校係band1&2之間，成績中等。由小學一年級開始跳jazz 舞咗6年，choir 學咗7年。喺中一嘅時候已經想去韓國做練習生，但我知道我未預備好&學歷太低，所以就繼續讀書and去咗學K-pop and學唱流行曲2年，而家已經比之前進步咗，而真係好想去，身邊嘅人都好支持我。 我知道好多人都會話而家應該去讀書，唔好再喺度發夢嘥時間，但係我知道到咗呢個年紀已經要開始決定。我想睇吓有冇人可以俾啲意見我？

#NSS個人 [Guest] 我講嘢1999, 文筆都好差, 而且可能會有好多錯別字, 請大家多多包容, diu細力D. 我今年form1, 係一個啱啱升上中學嘅垃圾. 我發現自己最近心理方面變得愈嚟愈差, 我都有嘗試搵過社工, 佢見意我去睇醫生, 但係我擔心我屋企人可能負擔唔起費用同埋驚屋企人擔心. 我近六個月幾乎每日都會失眠, 我嘗試過好多方法, 例如：聽歌、 做呼吸練習、 瞓覺前一兩個鐘唔用手機iPad、 做運動, 但係我依然會最少失眠到一、 兩點先瞓得著. 而且我會處於一個非常緊張嘅狀態, 好容易被一D聲嚇到. 同埋我最近發現自己嘅抗壓能力變得好差, 明明係一個月之後嘅事,