#NSS家庭 [GUEST] 我好憎我老豆 我知道佢每日好辛苦好辛苦咁撐起頭家，每日早出晚歸，捱到咁辛苦係為咗畀屋企人一個更好嘅生活，我一直好感恩呢點，多謝你。 但係由細到大我都被佢用言語暴力對待，每一句都係話緊我廢柴、垃圾。我冇溫書就係垃圾、我用電腦畫畫就不停質問我咁做有乜用、哪怕我夜晚臨瞓時睇下書佢都話我扮撚晒嘢。有時我真係會被佢講到好嬲會黑佢面無視佢，如果嗰日佢心情唔好甚至會郁手打我，不停打我後腦，攞衫架打我。 我知道，佢咁講嘢可能係覺得只係講下笑。但係由細到大都被佢咁講真係搞到我好自卑，以我嘅角度睇，佢對我行駛緊暴力，肉體同心理上都係。 佢要點鬧我打我其實我都唔緊要，因為我真係做得唔好，但係一直以來佢對我嘅侮辱令我真係好難受。 呢啲嘢令到我好討厭佢，睇到佢都會覺得厭惡，我好想停止咁諗，但係我就係做唔到，我同時好內疚又繼續好憎我老豆，其實我都想同我老豆關係變好啲…… 以上嘅種種原因，其實仲影響到我個人嘅成長，因為佢嘅言語行為，我經不起人哋嘅質疑或者否定，做好多嘢為咗得到他人嘅認同同讚賞，做嘅每一件事冇人讚就會覺得自己做得好差好差，我好想學識自己欣賞自己。 可能你會話唔好理佢咪得囉，但係佢嘅每一句我真係做唔到扮聽唔到，我覺得自己潛意識同意佢講嘅嘢，我默認自己係一個廢柴，唔敢認同自己，唔識欣賞自己，我好驚我要帶住呢個陰影過一世，我究竟可以點……
#NSS個人 [觀塘某band2中學] 我真係覺得我自己好衰(少長慎入) 小妹我f1個陣識咗個女仔(下稱k)，我同k好啱傾，大家嘅習慣都好似，所以我哋識好耐就變得勁friend勁熟，成日一齊出街食飯，成日深夜call講心事，甚至有試過一齊去staycation。而我哋兩個嘅性格就有啲相反，我人緣比較好又鍾意識人，比較多嘢講嘅，而k就比較怕羞，唔係好鍾意特別去識人，佢大部份嘅friend都係因為我而認識的。 跟住一切就由升上f2開始講起，好幸運咁，我同k入咗同一班(但係班上大部份嘅人我哋都唔識)。我喺學期初就已經識到好多friend，亦都有將佢哋介紹晒比k，咁嗰班friend就成為左我哋嘅common friend，我哋有一個大group，group入邊有4男4女。我哋每日都會講好多嘢，但係k通常都比較少出聲，即使已經識咗接近半年，佢都唔會特別同佢哋講好多事。而我好信得過佢哋每一個人，好想好好咁認識佢哋，跟住我有對其他嗰兩個女仔特別好，仲好過對k，我覺得我同佢哋兩個一齊相處嘅時候覺得好開心，就係咁樣我漸漸地當左我哋三個一齊玩，冇咗k係好自然嘅一件事，有佢喺度反而冇咁放鬆。雖然我同k真係好friend ，我知道friend 之間唔使咁客氣，但係k有時真係做一啲令我好反感嘅事，我同佢講過好多次，但係佢次次都當我講笑，我認真少少佢又要嬲，玩冷戰，次次都係咁樣，最後又係我氹番佢，我真係好攰，點解佢唔可以諗吓我。 下個禮拜，嗰兩個女仔約咗我出街，然後突然同我講話都約咗k一齊嚟，我成個人down晒，直情唔想出去(呢幾日我同k都冇講嘢，就係因為佢凌晨兩點send咗十幾個message俾我我都冇覆佢就嬲咗) 我次次都會咁諗，覺得咁諗冇乜問題，但係之後諗返起又會覺得自己好pk，我應該點樣做? Sorry for 1999 希望大家可以屌醒我。 辛苦了admin🙇🏻♀️
#NSS學校 [guest] 純分享一下我嘅故事, sorry for 1999 咁我讀嗰間小學係名校，咁我又唔係啲咩band1學生，功課又唔係做得特別好，自然被老師針對。咁我5、6年級就比中英老師針對，一開始冇點在意，但係之後真係愈嚟愈嚴重。 我唔係好記得我英文老師講過啲咩，但係我記得條友成日帶住全班笑我同我個friend，話咩 ‘go see a doctor’ 即係重點係我哋兩個淨係坐喺度乜都冇講過，嗰陣除咗委屈都冇其他感受。印象最深刻果次就係佢無啦啦趕我哋兩個出課室，咁我哋就忍無可忍咁真係走左出去，佢呆咗一陣就叫我哋返入去。 但係我中文老師先係好嘢，嗰陣我功課做得唔好，佢就喺全班面前鬧到我渣都唔係。咁都算啦，有一次我去搵其他老師，但係唔小心入錯佢間課室，然後上堂嗰陣佢雖然冇開名，但係就爆咗呢件事，即係我唔知佢purpose係咩，但係其實我好唔舒服。除此之外，佢同英文老師一樣都會帶其他同學笑鳩我，佢同我隔離位講：「我會同你掉位㗎啦，我知你唔想坐佢隔離」，嗰句真係hurt到爆。咁仲有有一次我唔知點又比佢鬧，咁佢鬧完我就掉頭走，然後佢就鬧咗句「死人(我嗰名)」我記得嗰陣全班都哇左一句，我就呆咗幾秒，然後走咗。然後仲有好多嘢我都唔知點講好。 嗰陣小學成日以為老師講啲嘢就係啱，所以我真係以為自己係啲老師講嘅一樣，自己真係好垃圾，一無是處。我每日都唔想返學，我又唔敢話俾大人聽(我係蠢，唔使屌)去到中一先敢講，然後原來先知可以告佢。就係因為班老師咁樣玩法，我有小五去到而家中四都係一個做任何事冇自信嘅人。 咁最近我學校啲close friends差唔多全部都移曬民，咁我就去嘗試識新朋友，但我頭先都講咗，我冇自信，我完全主動唔到，真心覺得而家社交反而難過讀書，我唔明點解自己會變到咁，明明以前我好外向，而家我完全唔識點樣同人相處，真心覺得自己好垃圾。but anyway, 如果你比某啲人恰到好想死咁唔該一定要話俾人聽或者用任何方法搞死佢 thx
#NSS個人 [Guest] 夜晚思考緊自己嘅往事，突然間想搵返自己以前幼稚園啲嘢，估唔到上YouTube打自己間幼稚園同年份就搵到。 見到以前嘅自己同啲同學，真係好天真好得意，無憂無慮咁，睇到好唔捨得長大，亦都好感嘆時間過得咁快，唔知班同學仔而家點呢，一剎那真係好想搵返佢哋，但係嗰陣咁細又點會識得留contact，就算問我父母應該都冇，真係好想透過某啲途徑搵返佢哋。見到以前啲影片同相片，真係好感嘆同唔捨得，明明嗰陣時咁細個，但就係最天真無瑕嘅時刻。而家要搵返佢哋唔會容易，但無論搵唔搵得返，呢個都係一個好珍貴嘅回憶，以前啲影片同相片，就係呢一切回憶嘅證據，同埋畢業比嘅DVD，雖然唔知仲喺唔喺度。 Sorry for 1999 圖Link: https://ibb.co/G5Pvz4d
#NSS愛情 [Guest] 希望admin 幫我搵到個女仔 是咁的啊! 就係依日 好似童話故事咁 我聽住最近上映嘅月老個首「如果可以」我又見到你 對上一次我見到你係喺火車隔咗成卡我偷偷地望住你 我第一眼已經覺得你好特別 澄清番先我唔係咩痴漢呀😹而今次我又係火車見到你 而今次大家終於同一卡車 唔知點解有少少興奮嘅感覺 當時你隔離咁啱有位 我打算坐嘅時候有人坐咗 我就企左係對面近門口嗰邊 之後偷偷地望咗你一眼 但我怕怕丑丑咁令轉返 然後睇一睇手機 收埋落褲袋 又偷望多咗眼🙈原本諗住爭氣一次問佢攞ig 當認識下 但最後因為一個站嘅車程太快 就落咗車了 如果有幸被post