#NSS個人 [Guest] 小妹今年F2，之前一直住宿。唔知係咪脫離唑宿舍，突然之間有d唔習慣，係屋企完全瞓唔著，又成日頭痛，但係宿舍冇試過失眠。因為失眠同埋頭痛呢個問題，一直困擾著我成兩個月，但呢個問題冇同daddy mami講過。d frd都叫我去睇醫生，但我冇時間去，最近又要考試，失眠呢個問題好嚴重，已經搞到我上堂冇精神，近排仲要考試，根本集中唔到精神。 我最多淨係得兩個鐘瞓，上堂完全聽唔入耳。夜晚瞓唔著好鍾意睇下夜媽媽仲有冇人係度散步，睇下睇下就已經天光。 講返頭痛，我個頭痛到食唑止痛藥都冇咩用咁，然而我d止痛藥係之前受傷叫醫生開嘅，但而家d止痛藥都食到七七八八，都唔知可以點。 失眠同埋頭痛已經困擾唑成兩個月，真係唔知點算好，求意見 求Admin po ig thx
#NSS學業 [GUEST] 小妹啱啱今年升上中一，整體上來講大部份嘅學科成績目前為止都還可以，係人哋口中所謂嘅「學霸」，但正正係因為呢一啲稱呼，搞到我一直以來都好小心翼翼，好似考低分多少少都好驚。 我自問英文一直唔算好，喺小學嘅時候英文已經係拉低我平均分嘅嗰一科，但我從來冇因為呢樣野而放棄佢，可能本身同英文無緣～但我會更加努力去嘗試讀！ 但啱啱考完嗰個mid term exam英文閱讀理解嗰份卷，其實我大部份題目都識做，但唔知點解我返到屋企之後有種想喊嘅感覺… 我真係好驚，我驚我唔合格，我咁大個女從來未試過驚到咁。以前最多都係驚自己唔滿意個分，從來未去到驚唔合格咁誇張… 可能係因為之前做嘅uniform practice全部都係合格再多少少，俾唔夠信心自己～ 我真係唔知可以點算… 我唔奢求要有幾多分，我淨係想要合格，點解都好似好難？請問大家有冇一啲可以有效提升英文能力嘅方法可以推薦俾小妹🤍 — 第一次投稿 sorry for 1999🙇🏻♀️
#NSS家庭 [Guest] 小妹今年中五，之前同阿媽關係唔好，但宜家大個咗明白咗阿媽嘅苦心，所以今年同阿媽關係好咗好多。平時學校開心唔開心嘅嘢都會同佢講，佢又會同我講佢返工嘅嘢。 佢係一個敢愛敢恨嘅人，活在當下係佢嘅人生態度，佢都係一個好獨立、自強嘅人，稱她為女強人也不為過。雖然她都好固執，成日堅持己見，但她從不會做任何唔好、傷天害理嘅事。 今日佢放工返屋企，我好自然咁同佢傾計，佢突然同我講佢最近隻眼睇嘢變得好模糊，連睇巴士都要架巴士來到眼前先睇到係乜車。我好想強裝鎮定咁叫佢去睇醫生，但先啱啱開口眼水就不受控制咁流。 阿媽其實宜家先四廿幾歲，但我一直以來都好唔省心，先會令到佢有咁多白頭髮。阿媽話佢隻眼咁樣已經有一個月時間，我真係好內疚、好慚愧……阿媽，其實我真係好愛你，我希望你健康平安，我會努力讀書、生活，盡量令你唔好再為我操心。
#NSS愛情 [QES] 說來話長，簡單啲來講就係我鍾意咗隔離班個男仔已經有五年。 當年讀緊中一我就已經識佢，果陣時佢仲係有啲baby fat，肥肥哋，不過佢係一個好 nice 嘅男仔，對大家都超級細心同溫柔，亦都好有責任心，成日都會周圍幫人解決麻煩。就係咁我對佢開始有咗 feel。 😇 不過我同佢稱唔上係朋友，只係普通同級同學。我地傾計嘅次數不多於 10 次，每次傾計都係佢問我一啲班務或者佢問我收功課。有一次小息，佢見我好無聊咁樣做功課，佢就請咗我食一粒士多啤梨糖，我覺得嗰刻係我一生其中一個最喜歡同幸福嘅 moment。😭😭🥲 升到上高form之後，我同佢就冇乜機會見面，再加上我同佢揀嘅 electives 亦都唔係好近，不過我都有隔住一段好遠嘅距離去留意佢。雖然佢成日做埋啲 on9 嘢，不過都令到我好開心，覺得佢好搞笑。而我發現平時返學嘅日子，每一日朝頭早佢都會一個人喺班房度一路做功課，一路食早餐，其實每一次見到佢我都好想行入去同佢傾吓計，可惜都係唔夠膽。🤧 我知道佢係張敬軒嘅 fans，其實我曾經想 whatsapp 佢，問下佢會唔會想同我一齊睇演唱會，不過後來我因為同佢唔係好熟，所以我就冇鼓起勇氣問佢。但後來原來佢考試前一曰，同咗其他男仔 friend 去睇，如果當日我有鼓起勇氣，可能我已經同咗佢一齊去睇演唱會😭😭😭 講到呢度，其實我係想問吓大家我可以點樣做？
#NSS學校 [guest，廢事比人話我損害學校聲譽] 急，admin plz po ig🙏🏻🙏🏻🙏🏻 小妹第一次投稿，先講一句sor for 1999 有咩要鬧即管鬧 最後如果當事人/當事人家屬睇到呢篇文+認得出係講你，我跪求你唔好搞我，匿名投稿冇嘢架 以下呢篇文好長，阻大家5分鐘睇完佢比啲意見thx~ 入正題👇🏻 小妹我今年f1，讀某直升學校，由一年班就開始喺嗰間學校讀。今日想講，有個男仔騷擾我。 話說我學期中同左某同級男仔一齊。我地以前一路都同校車但係唔熟，直到上年我地同班熟左好多，就變左「兄弟」 我暫且將嗰位男仔稱為A。 我同A淨係一齊左一個月就因為佢話影響學業，所以就分左，但依然係朋友。當時覺得我地好似有少少曖昧，但冇點去理 跟住某一日，A突然喺我地嘅chats叫自己做老公（當時已分手）我初頭冇為意，但係我地嘅對話發展得越來越奇怪，到最後我都跌左入佢個圈套入面，兜口兜面嗌佢做老公（當時嘅我真係好蠢，因為代表我承認左我地嘅non-普通朋友whatever關係） 又過左兩個禮拜，我地開始左一段超長嘅對話，中間講左一堆無關緊要嘅野。 呢度主要有兩件事令我覺得A係（性）騷擾緊我，就算唔係性騷擾都好，都一定係騷擾，並且令我感到十分不安。 1)A問我屋企有冇+敢唔敢著hs（黑絲，即係嗰啲好性感嘅黑色絲襪），跟住又話「給爺穿」，當時心諗大佬你咩料？突然問人有冇啲咁嘅衫，有病睇醫生啦，但我依然用一個好nice嘅語氣去同佢繼續傾計 2)最主要想講嘅事件，以下慢慢講(plz focus) 前提係我地玩緊真心話大冒險，A先揀左真心話，我當時想確定一下佢係鍾意我定點先會稱呼我為老婆，就問佢係我地嗰grade鍾意邊個，點不知佢諗都唔諗就話佢鍾意我。雖然係有少少意料之內，但我都係有少少嚇到，又唔知點算好，求求其其send左個心比佢，諗住敷衍下佢就算。 跟住輪到我，我揀大冒險，佢先係叫我著hs，我話，你係咪想我著hs想到癲左。佢就將大冒險改為影幅自拍，我照做