#NSS學校 [GUEST] 唔知有無人可以畀下意見我，畢竟件事過咗咁多年，要追究都好難追究落去，而過咗咁多年我都仲記得證明對我嘅心理陰影都幾大。 呢幾年同屋企人傾傾下先發現原來自己喺小學嘅時候試過畀老師叫埋啲同學一齊欺凌，小學嘅時候有參加童軍，返到去會被呢個貴為我班主任老師同同學取笑，攞我嚟同嗰啲同學比，點解人地做到但我做唔到之類，但明明我都達到老師嘅要求，佢偏偏畀晒其他比我仲遲入去嘅人做隊長/副隊長嚟暗示「睇下你有幾唔掂」，記憶基本上已經好模糊，只係記得自己原本係一個好鍾意笑嘅人都變到唔識笑。 當時我成日諗呢個老師同呢班同學幾時離開間學校，唔好喺我面前出現，每日都好唔想面對呢班人，最尾當然quit咗個咁嘅團體，個老師仲要係所謂嘅天主教徒。 而家諗返轉頭好後悔點解當時無講出嚟就咁忍咗佢，當時仲細竟然連咩叫「欺凌」都唔知，而呢個老師喺件事嘅差唔多8年後仲可以咁舒服咁繼續喺我間小學度教書，一開始以為佢講啲嘢好勁好有說服力，咁多年後先發覺原來佢講嚟講去都係嗰三篤屁，而家只係想佢承擔返個後果，唔知有無咩方法？
#NSS個人 [GUEST] 覺得自己好無用，好鐘意亂諗嘢，影響到睡眠質素。或者我係個唔識感恩嘅人，屋企人好錫我，屋企又唔算好窮，要乜有乜，大把人慘過我，佢地都好努力咁生存，點解我仲要為小事怨天尤人？ 我份人好自卑，無乜自信心，驚驚青青。以前屋企人成日鬧我打我，細佬又聰明過我，牙尖嘴利，啲長輩好鐘意佢，我成日會同細佬、同學比較，覺得自己又蠢又鈍又唔靚，咩都做唔好。 雖然係咁，我都好想讀大學完成自己嘅夢想，我想讀嗰科好講天份，但係我依然認為熱誠兼努力可以解決所有問題，直至識多咗所謂嘅勁人，發現我依種諗法實在太天真。 我算係一個獨行俠，鐘意同人交流，尤其係大過我嘅人，每次嘅交流都會有得著，但唔習慣同外人交心，信得過嘅人永遠只有自己。以前我都好鐘意埋堆，但漸漸覺得應酬人好攰，寧願一個人靜靜地做自己嘢。 當一個人對住四埲牆，就會不斷諗好多無謂嘢。我曾經問過自己，幾時可以休息下，唔再亂諗嘢折磨自己？又幻想過十幾歲嘅煩惱咁濕碎都咁多嘢諗，出到嚟社會做嘢點算？成日有種難以形容嘅空虛感，生理加心理上嘅攰令我覺得做人好攰好辛苦。 最後想同今年考dse嘅同學講聲共勉之，直入A1!! 純發洩 sor for 1999
#NSS愛情 [PCCSS] 我今年F1，我有個男仔好鍾意佢，開學嘅時候我見到佢成日瞓覺，9月10號我鍾意咗佢，到而家119日，但係好唔好彩🥲，同班有個同學都鍾意佢，仲要同佢拍過拖，本身我同嗰個女同學冇咩關係，但係唔知點解熟咗，因為咁樣佢同我講咗原來佢都鍾意佢🤐，嗰陣時候真係好唔開心，同佢一齊打機我都會好開心，不過次次都有嗰個女仔喺度，直到上上個禮拜，佢有女朋友啦🤕，我喊咗好耐，跟住我哋班嗰個女同學，佢都有條仔啦，我唔知點解，我好鍾意佢，但係唔想同佢拍拖，我冇辦法，咪一直暗戀佢囉，記得喺11月嘅時候，比同班嘅女同學，知道咗我鍾意佢，我淨係可以呃佢，我之前鐘意過，1月2日，佢寫咗好長篇文鬧我🤐，我真係壓力好大，所以喊咗成個鐘，隻眼都腫晒，我今日上科學堂同佢玩得好親密🥰，感受到幸福嘅感覺，真係好開心好開心
#NSS愛情 [Secret] 大家有冇話識唔識拍拖呢個concept？小弟有三段情史左右，名個大不同，一開始我嘅first，就係好黐身，無時無刻都想知你做ing乜野，成日見成日dating，之後我好自然就時刻都報備，我問佢點解要咁，佢就話呢個係愛嘅表現，時刻搵佢，搞到我冇心機溫書，但一段時間後半左右，我開始厭倦呢種states，其間都分分合合又吵話邊個女仔黎嫁管我同女fd嘅關系又會check電話， but finally都係分左，雖然我愛佢，但我改變唔到我她之間，唯有分手，之後亦都好潛移默化地，認為拍拖，先係咁樣要黐實對方先叫”愛”同”付出”。 到O2嘅時候，但佢畀我一種feelin我，我係配唔起佢，佢好優秀，而我只係好普通嘅人，同佢一齊我只係我感動到佢，但係我地之間係隔住一樣野，就係忙，小弟係學音樂，補習，青訓等等咁冇乜時間，我同佢住嘅學校嘅又遠，一至五我同佢都全線忙，星期日我返工，佢都要tutorial，唯一嘅星期六都畀佢一個”tutorial”就打上full stop最後係分左。嗰陣我就開始諗，點先叫拍拖 到O3嘅時候我同左一個同校同學嘅拍拖，同佢一齊左只有一個月，呢個女仔都係比較黐身，但佢係比較被動，同佢由相識到相戀都係只隔左1個星期，我覺得係有d快，令我懷疑我地relationship同係咪真係鐘意我？佢有時屋企有事，我隔幾日就ck佢個電話，佢好抗拒，但我照嗱，我當時ck係因為我認為呢d先係拍拖，被我個初戀受到影響，亦都受第二任影響，覺得我呢個人好冇用，好廢，想額外補償care多d佢，，亦都會因為自己忙可以唔睇手機完全唔理佢，但過多幾次之後，佢就話唔想我ck，最後話因為同我一齊好攰，我同屋企人出街你都問話我識拍拖…等等而分。我之後心諗返，其實乜野係拍拖呢？自己拍到1999，好失敗，對你好會分，冷淡d嘅感情會分，太黐身又會厭。其實愛情拍拖要需要d乜，點先叫識拍拖，乜野相處方式先可長久？ thx admin sor for1999
#NSS愛情 [某男校] 小弟今年F2，上年識咗一個男仔，佢嗰時同我同班，一開始因為一啲興趣而同佢開始熟。之後半年因為停課所以同佢少咗聯絡。到學期尾又因為一齊做project (for interest嗰啲) 所以熟番，開始約出街，慢慢咁唔知由幾時開始我好似有少少鐘意咗佢。 我自己本身唔多friend 但係我好清楚同佢嘅感覺係同其他可能識咗更耐嘅friend唔同，每次同佢出去我都會好珍惜，可能有時搵唔到嘢講但係我都好enjoy嗰個moment，到走嘅時候雖然知道我哋可能過幾日又會見但係都會有啲唔捨得。有時我睇電話gallery見到，都會笑一笑。 佢係一個好caring 嘅人，有乜要佢幫忙，佢都會好樂意幫手。之前有次做project嘅時候原來plan 咗有日會一班人出嚟做啲野，佢嗰日本身唔得閒，但都要改schedule 一齊幫手，冇講過任何一句野。有時我有啲嘢好因擾，唔知點做，同佢去傾。即使係一啲最冇可能嘅嘢，佢都會俾好大信心冋無限嘅support 我。 今年我同佢分咗去唔同班，有時喺學校佢會更傾向同佢嘅新同學班，有時見到都會有啲失落，好似冇辦法挽留到佢咁，但係當我一叫，約佢出街、食飯除非佢有特別事都唔會推我。 我心入面好清楚我係gay嘅，但係我未敢同人講，因為我驚同人講咗我嘅生活同喺人哋眼中會改變。我更加唔敢同其他人講我暗戀佢，好能啲人聽到會當笑話，但係如果件事俾佢知道可能連friend都冇得做。我之前都試探過佢，如果有男仔鍾意佢會點。唔知講笑定認真，佢都幾大反應，其實就算佢真係對男仔ok, 以佢嘅條件可能連排都未輪到我。 我真係唔知我應該要點，我好想同佢有進一步嘅關係，但係一講結果可能仲差。我應該要勇敢同佢講，or I should just give up? Sorry for 1999
#NSS社會 [Guest] 有啲嘢擺喺自己個page唔會有人睇，首先要多謝親愛嘅朱克伯格。人在英國半年有多，仲喺度思考緊人生思考，咁快拎完仲有成百幾人等緊嘅政治庇護之後仲可以做啲咩，所以開咗個問卷調查問下呢一度嘅學生需要啲咩。 望望下個結果，我發現我忽略咗好多嘢，單親家庭，ADHD，兩老低學歷……呢一啲喺我身邊嘅朋友（同屋企人or 寄宿），或者我（一個人自己嚟）都未遇到嘅情況， 我好感激有人願意係一個「唔知係咩ge組織」（其實係小弟）搞嘅問卷到，講番自己嘅情況出嚟。 呢啲都係我會繼續搞好我未來想做嘅嘢嘅動力， 我見到呢個page有好多英國嘅朋友，有啲個結局好好嘅故事，但係都有啲過到嚟唔係太開心嘅嘢發生咗？呢篇嘢純粹都係講返我係英國見到嘅嘢，自己一個人嚟，初頭一個人都冇講，又係因為個身份，就連send cv去麥當勞或者係 tesco收銀都係唔比我做，本身自己喺香港都係搞啲admin嘢，做到要走，倒不如真係放手一搏，做一啲我覺得需要做嘅嘢。 好多謝大家睇到呢度，但係我都唔知講咩。繼續打返份計畫書先。希望各位英國嘅同學加油
#NSS愛情 [chilwell School (in UK)] 第一次投稿，文筆太差唔好意思， 小弟最近移民咗係英國讀中學，咁因為我係插班生啦， 唔係識好多人，咁我就搵番啲香港人一齊玩， 識咗幾個女仔，其中有一個，我一開始好憎佢， 因為我習慣gel頭出街，我每次返學佢都會係咁整亂我個頭， 好黑人憎，嗰次就係因為咁樣差啲搞到絕交。 但係過咗大概一個月後， 同佢開始frd咗，都親近咗好多， 我發現其實佢好有魅力，大家都有好多曖昧動作， 例如摸下大家個頭，肢體接觸，又會約出嚟玩， 喺學校佢都會成日黐埋嚟我度， 我有少少少少感覺佢係鍾意我嘅。 但係始終唔係識咗好耐，我又唔確定我係咪真係鍾意佢，所以諗住了解多陣先。 過咗大概兩個月之後，我確定我真係鍾意咗佢，佢同我真係好啱key，我哋兩個人嘅笑話淨係我哋會笑，有陣時上堂又唔知點解好鍾意成日望住我。 但係可能係因為時間嘅關係，佢對我冷淡咗好多。 嗰啲親密動作再冇發生過，同佢傾少咗好多計，甚至食飯嗰陣都唔想坐隔離，又或者係成日話我樣衰，雖然我知佢都係講笑，但係講真有啲hurt。 可能就係因為時間嘅關係，令佢感覺到我只係當佢普通朋友， 又或者可能佢一直以嚟，都係當我係普通朋友。 之前見到佢同其他男仔傾計，我開始急躁， 好想快啲表白，令佢知道我唔係當佢普通嘅朋友，