#NSS學校 [葵青女校] 知道學校想要搪塞我， 但係使唔使咁😓 。一月前淨係欠交左18份功課， 第20次要寄warning， 知道自己pugai， 但係一月前未夠20份仲未需要收warning 通告寫明2021至2022年度 2021 12月31號會結算欠交嘅次數， 2022年1月1號會重新累計 ，然後pugai學校呢 ，就寄咗一份20份欠交嘅通告比我 。果下嬲到呢… 當面質問老師 ，佢直接Hea覆我話係打錯咗係1月11號重新累計😪。但係通告寫明 12月31日… 亦都好多人都話清空晒之前欠交ge紀錄。擺明就係學校見我地差2份就收warning 就直接俾埋warning我地 ，逼我地簽 ，咁學校有考勤記錄依家野 ，簽咗改唔番， 上面大大隻字寫住20次欠交， 要留堂
#NSS學業 [LKKC] 我係一個F1仔，對於自己的前途有d 疑惑，想問下將來到底以有關畫畫嘅工作為目標，定係老老實實以醫生、律師之類為目標好？ 我嘅興趣係畫畫，冇去畫畫班，全部自學，畫畫可以話係我維持最耐、仲有熱情嘅興趣，做有關畫畫嘅工作係我近年嚟嘅夢想 即使我想以畫畫嚟做職業，但係以自學就想嚟搵食又好似有d勉強，我個人認為自己嘅技術唔夠好，起步又遲過人(我小4開始畫)一直都覺得以職業為目標簡直係痴人說夢 加上畫畫開銷大，賺嘅錢又唔多，令我對自己嘅夢想有d動搖，成日喺度諗”會唔會做返d收入比較穩定，自己又接受到嘅job?”，至少將來可以養到自己 真心希望有人可以為我指點一下方向🙏🏻
#NSS個人 [GUEST] 致：曾經的同桌 記得三年班嗰陣自己揀同邊個坐再寫係張紙度 我完全唔識你剩係諗緊同邊個左嗰陣無啦啦同你對視左 跟著就係張紙寫左你個名 (? 然後你又寫左我（可能係緣分吧 跟著就一齊坐左一排 個陣已經係學期尾 暑假好快你就去左外國讀書 期間有次溜冰有遇到過 仲係度鬥快 但我記得我地個陣無講過野（最多得hi 好似心有靈犀咁一眼就明開始係度加速🤣 你溜得好勁 我就拼命追你 你離開溜冰場既時候我都唔知 無講到byebye 我仲係度兜圈搵你 六年班畢業前你返左黎小學 我地隔住課室後門既玻璃又對視 但我唔知你認唔認得我 我個陣係最唔自信既一年 望左你一眼後就轉身走
#NSS文化 [Guest] 大家好，小妹有一件事喺個心哽住咗幾年，所以希望講出嚟可以有人答到我。 話說幾年前，照顧咗我好多好多年嘅親人就過咗身。咁喪禮嘅禮儀係跟佛教嘅，個師傅就話要擔花買水。咁我阿爸係長子，我又係最大個女，而且仲係呢位親人由細睇到我大，所以大家就叫我做個儀式。但點知個師傅望咗我一眼，就即刻問有冇男孫，最後就揾咗細我好幾年嘅堂細佬出去。 相信好多人都知道我點解會有嘢哽住，又會覺得明明係親人喪禮，我點解要咁吹毛求疵。冇錯，我係唔明我點解我唔可以擔花買水。喺個師傅問「有冇男孫」嗰一刻，我個心真係好痛。唔通我係女，就唔可以送我親人最後一程？點解男仔就會被優先選擇呢？佢用盡自己最後嘅時光照顧我，仲講過如果唔係有病，佢唔想咁快離開我。我只恨自己點解唔係一個男仔。 可能係我年少唔懂事，唔識得有啲禮儀係必須遵守嘅。但好對唔住，請問啲裏陳腐嘅封建「禮儀」，有冇得改變？有冇行家可以解答到我……
#NSS學校 [荃灣某學校] 是咁的，我係今年f5既某女學生，近排因為友情方面有少少煩惱。 其實由細到大，可能因為我鍾意打機同打波，身邊既圈子都主要為男性朋友，係學校都係咁（但係唔係話我冇女性朋友，不過比較少）我比較鍾意同男性朋友相處除左因為興趣較接近，亦都係因為我覺得同佢地相處反而冇咁煩，開心就講唔開心都講，唔使成日睇眼色。 但係唔知係咪因為咁，雖然身邊啲同學冇講出口，但係我知道佢地唔係太鍾意我，聽人講佢地覺得我成日姣仔，想收兵。 但係真心我對啲男性朋友真係只有朋友既感情，通常佢地有咩唔對路我都第一時間避開，避開超越朋友既身體接觸，同埋有女朋友個啲我都已經冇乜一齊玩。自問我都冇做埋啲白婆嘢，但係佢地始終覺得我另有目的。 我唔知我可以點，我唔想失去女性朋友，但係都唔想失去男性朋友，因為真心同佢地相處好自在，我真係當佢地係我既好朋友⋯⋯ 但係我依家諗緊係咪真係要為左唔再比人討厭而唔再同男仔玩
#NSS家庭 [Guest] 成日都話嚴父慈母…而我好不幸地遇到嚴父顛母🤯 上年啱啱升f1, 因為由一間全港頭10嘅小學升上一間band1C嘅中學而日日比阿媽煩… 其實好坦白講我緊緊嗰大半年嘅中學生涯（仲要有大部份日子都係zoom)，係我讀咁多年書返學最開心嘅時間。相反，返到一個唔似屋企嘅屋企就好似惡夢開始～ 真心唔明，我靠自己努力去考個位返嚟，然後因為唔係top schools ，你就嗡咗成年好咩😅 跟住嘅仲有問題，我冇跳樓自殺已經偷笑… IH (integrated humanities) 攞一個唔差嘅分數，返去仲要比你教訓係咩料😃😃係咪想迫死人 好啦～～呢啲都算… 諗住你（老母）去到英國會改變對我嘅評擊，點知我真係太睇小你～～喺英國除咗日日迫我溫書，又要我定時定候練琴，又要我做唔同家務🤯，仲要成日話我肥🤠🤠我絕食，你係咪會好開心???😘😘我真係崩潰喇…由小六畢業之後，你冇一日唔對住我廢up道理、鬧我… 要屌pls 屌細力啲🥲sorrrrr
#NSS愛情 [GUEST] hi,吾知大家心入面有冇一個放吾底嘅人？ *小妹今年f3, 故事嘅男主角下稱A 小一嘅時候，小妹因為住近而認識左A，自此之後每日一齊返學。直到小學六年級因為發現生左d事而再冇交集。 畢左業之後，我地雖然住得超級超級近，但3年嚟只係撞過一次，嗰次見面我主動叫A，但A話吾認得我(可能因為戴左口罩同眼鏡)。或者呢個就係世界上最遙遠嘅距離，我喺佢面前，但佢吾知我喺度。 我由識A嗰日已經對佢有特別嘅感覺(我知好難以至信)，去到青春期我好清楚自己真係好鍾意佢，可惜最後我連拎人地電話嘅勇氣都冇。其實A有問過我拎，不過我嗰時超怕羞所以冇答佢，而家諗返都好後悔。 畢左業之後，我同左另外一個男仔一齊，比佢深深咁傷左之後，我開始諗起以前同A日日一齊玩嘅時光。我以為小學嘅鍾意並吾真實，但到而家過左3年年，我都係好掛住A，最近我成日夢到A，有人話夢見一個人係代表住佢忘記緊自己。 的確，A好大機會已經吾記得左有我呢個人嘅存在，亦永遠吾會知有一個女仔9年嚟都咁鍾意佢。 小妹只想抒發下忘記吾到嘅無力感 吾好屌咁大力 sorry for 1999
#NSS家庭 [Guest] Admin Pls po ig, 應該有 d長篇嘢 現在係 1月8日，尋日無啦啦我同母異父 住喺大陸嘅哥哥嚟咗，daday喺幾個月前因為d事而家已經喺英國，本身得返我同 mami喺香港。 mami之前喺大陸嚟 ge, 亦都同前夫喺大陸生咗哥哥，我同哥哥本身唔熟，所以對佢 ge到來反感，原本粵語唔係mami母語，但mami都用心學，之前除咗有 d懶音基本上冇口音，但上年開始daddy, mami政治觀念同本身就嘈開問題，呢個屋企三個人ge心越分越開，mami同返佢 d大陸 frd一齊，講嘢越嚟越多口音。 年尾 daddy走埋，mami甚至講返喺大陸時講嘅方言，好啦講返正題尋日我放興趣班又攰又餓返到嚟，除咗見到唔想見ge陌生阿哥，仲有直頭就埋阿哥句句講方言 ge mami, 但哥哥識講粵語，我同佢地講喺香港做嘢就講粵語，冇人聽仲要俾阿媽話發癲，後尾我問佢點解阿哥嚟唔同我講。