#NSS個人 [guest] by #NSS211128E 樓主 多謝大家喺嗰個post裡面留嘅comment，喺同佢一齊嘅短短一個月裡面，多謝佢包容過我亦都令我成長咗，由一開始嘅熱戀期到我哋唔同步嘅冷淡，再到佢嘅不理睬唔關心，我被逼成長咗，多謝佢比咗呢個機會我，令我再一次咁成長，亦都知道原來人可以變得幾快，唔敢話看透世事，但可以話感受到人變臉嘅速度同感覺。 曾經你話過唔會離開我，冇錯，雖然嗰句分手係我講，但你嘅反應我真係有啲意外，聽完就走，冇反應，以為你聽唔到再講多次都係一樣，嗰刻我明白，你只係想拍拖，唔係真係愛我，同我有啲似又有啲唔似，因為當初嘅我都係咁，但同你一齊嘅呢段時間，我唔夠膽話我係100%真心，但起碼我盡我所能愛你保護你。 多謝你令我覺得我值得被其他人愛，亦都多謝你令我明白原來愛會有完結嘅一日，你冷淡開始嗰一瞬間我以為我嘅主動可以挽留些少嘅嘢，貪心嘅我想好似啱啱開始咁，你嘅愛護比我嘅安全感好似好耐冇再出現過啦，但我對你嗰份保護欲依然喺度，之後慢慢慢慢咁消失。 你呀，好好照顧自己，搵個比我更好嘅人，然後好好同佢一齊，唔好令佢好似我咁亂諗嘅，遲啲我要見到你結婚，見到你有小朋友，讀到你想讀嘅大學，做到你想做嘅老師，過你想過嘅人生。 我，要走啦，或者從你嘅生命中離去，或者喺呢個世界，或者只係喺你腦海中，總之，我走啦，再見。
#NSS個人 [guest] by #NSS211128E 樓主 多謝大家喺嗰個post裡面留嘅comment，喺同佢一齊嘅短短一個月裡面，多謝佢包容過我亦都令我成長咗，由一開始嘅熱戀期到我哋唔同步嘅冷淡，再到佢嘅不理睬唔關心，我被逼成長咗，多謝佢比咗呢個機會我，令我再一次咁成長，亦都知道原來人可以變得幾快，唔敢話看透世事，但可以話感受到人變臉嘅速度同感覺。 曾經你話過唔會離開我，冇錯，雖然嗰句分手係我講，但你嘅反應我真係有啲意外，聽完就走，冇反應，以為你聽唔到再講多次都係一樣，嗰刻我明白，你只係想拍拖，唔係真係愛我，同我有啲似又有啲唔似，因為當初嘅我都係咁，但同你一齊嘅呢段時間，我唔夠膽話我係100%真心，但起碼我盡我所能愛你保護你。 多謝你令我覺得我值得被其他人愛，亦都多謝你令我明白原來愛會有完結嘅一日，你冷淡開始嗰一瞬間我以為我嘅主動可以挽留些少嘅嘢，貪心嘅我想好似啱啱開始咁，你嘅愛護比我嘅安全感好似好耐冇再出現過啦，但我對你嗰份保護欲依然喺度，之後慢慢慢慢咁消失。 你呀，好好照顧自己，搵個比我更好嘅人，然後好好同佢一齊，唔好令佢好似我咁亂諗嘅，遲啲我要見到你結婚，見到你有小朋友，讀到你想讀嘅大學，做到你想做嘅老師，過你想過嘅人生。 我，要走啦，或者從你嘅生命中離去，或者喺呢個世界，或者只係喺你腦海中，總之，我走啦，再見。
#NSS個人 [Guest] admin plz po ig🙏🏻 小妹第一次投稿，sor for 1999 是咁的，小妹我就係讀女校嘅，然後我有個好熟嘅frd。咁今年我就同個嗰frd同班。同班之後我地成日都玩得好癲，然後有陣時我會同佢講“你唔愛我了”之類嘅嘢。其實我地只係講下笑，點知班上面有個同學(A)誤以為我鍾意我個frd，之後四周圍dm同人地講，搞到個嗰都以為我係les嘅，然後叫其他人遠離我… 最慘嘅係，A居然仲dm左我個frd話我鍾意佢。雖然我有同佢地解釋過，但係最近都feel到我個frd有意無意咁避開我，再加上比人誤會，我依家已經冇乜frd…真係好唔開心，我可以點做好…
#NSS愛情 [Guest] (長文慎入）見到NSS211224B嘅樓主我有啲感同身受，你喺小三嗰年向我告白，但係嗰陣時我仲懵懵懂懂，唔知咩叫鍾意，去到五六年級，我先發現自己好似對你有好感，但係我一直講唔出口，直到係人哋把口聽到你鍾意另外一個女仔，我成個心到碎咗，喊咗成個月，冇一晚係瞓到覺。升上唔同嘅中學後，我有好明示咁向你告白過，我唔知你有冇睇到個message，但係我向你告白嘅訊息，俾你frd 傳左上班gp,我只好扮咩都冇發生過，話係我啲frd hack咗我部手機。見到你中二嘅時候搵咗女朋友，見到你哋一齊食飯影相，我有一刻希望嗰個女仔係我。直到而家，你ig所有嘅通知我都開啟晒，希望可以第一時間知道你嘅近況，每一次我send story都想知你有冇睇到，多麼希望你可以回覆我一次，哪怕只有一次都好，但直到我打呢篇文嘅呢一刻，你一次都冇。見到你去旺角睇戲，喺附近傻更更嘅我喺門口等，但直到電影完結了半小時，我都冇看見你，睇吓你新認識的女孩story，原來你同佢一齊，聖誕節嗰日，你都係同佢一齊，我仲諗住呃自己，只係巧合，但係而家嘅我已經冇力氣再呃自己，我為咗你拒絕咗幾多人，你又知唔知？ 我真係好想脫離呢種感覺，我哋永遠都係錯嘅時間鍾意咗對方，就算係同一個地方，我哋永遠都見唔到面，不過就算見到面又點，我根本冇資格。而家嘅我只係想讀好書，入大學，識多啲新嘅人忘記呢種感受，因為你我已經變得唔敢談戀愛，好驚再次陷入呢種感受。（sor for 199)
#NSS學校 [GUEST] 有暗戀老師嘅經歷 +1 其實我都唔知呢個係啲乜嘢嘅感覺 點解會咁在意一位三十幾歲嘅中文老師 一開始，每次上佢堂我都勁驚佢搵我答問題，因為我真係次次都唔識答，但係佢又真係次次都搵我答問題喎，所以開頭我都勁驚佢，但佢教書教得好好，教學嘅方式真係好清楚，容易明白，佢仲會鼓勵我哋，有時都會講吓笑，除咗佢次次都搵我答問題嗰part，我都幾鍾意上佢堂 後來轉左位，佢少咗搵我答問題，但我就可以近距離望住佢教書，做嘢，漸漸我更加鍾意上佢堂。有一次我問佢關於課堂嘅問題，仲記得嗰陣時佢靠得好埋，低聲係我耳邊講嘢，嗰陣時我一句都聽唔入耳，但我耳仔紅晒。 我都唔知點解自己會咁樣，我唔會有想同佢一齊嘅感覺，但我就係鍾意望住佢教書嘅模樣，每日返學最期待就係上佢堂，而佢又令我有動力去學好呢一科，所以其實都可能係一件好事呢(?)
#NSS學校 [鴨洲中學] 有冇人可以解釋到畀我聽乜嘢叫主動 話說我今年F6,學校要搞畢業週會,我就因為長期低存在感所以冇乜點理會,直到幾日之前 我收到一個訊息,要我上台帶唱校歌,仲要Solo,我嚇到傻咗。佢哋只係畀咗一個理由我,我哋班主動認領咗呢個崗位所以就麻煩你喇 明眼人都睇到畢業就會籌備委員會簡直係想我出醜,我哋班嗰個代表又想搵我出去祭旗,班主任嘅追查之下發現咗更好笑嘅事實 嗰日開會凈低唔係好多時間, 討論到唱歌環節，冇班願意舉手承擔， 直到我哋班嘅代表(利申:唔係我) 舉手,會議就完結咗搵我出嚟第二期, 我承認呢啲時候我應該主動提出反對,既然佢哋咁想我出醜嘅我無任歡迎, 作為班入面嘅攝影師,攝影工作我無任歡迎,但係呢啲咁嘅工作唔好同我嘅攝影工作為一談 初心已壞嘅情況下 點解我仲要接呢,只係因為我唔想見到成個局面一鑊泡,有陣時玩都要識分寸,唔好連累到成個F6聖誕崇拜之後一齊陪你罰企, 更加唔好喺出面酒店嘅行政樓層 推嚟推去影衰我哋學校形象.我係睇唔過眼你哋好耐㗎喇。我唔知我呢啲算唔算叫做主動 佢同人講我哋學校有嘅問題。不過通常做得主動嘅都死得好慘，我唔知道我聖誕節假期之後會死成點， 不過都祝大家聖誕節快樂,DSE嘅加油呀 Sor for 1999
#NSS個人 [guest] 唔知會唔會寫得好長，而且本人寫嘢同表達嘅能力都唔算好好，不過真係好苦惱，希望可以阻阻各位幾分鐘幫我諗吓點同個friend講。 事源係咁嘅，我有個識咗4年嘅女仔朋友，依家我哋兩個都係f2。上年升咗上中學之後佢嘅成績雖然唔係特別好，但係都叫做唔錯，成績中規中矩咁，尤其是地理特別好。咁我最差嗰科就係地理，先得B，佢攞A嘅，所以上年，強調係上年，我間唔時會去問佢關於地理既野，咁我由小學開始英文已經唔錯，佢都慣咗會嚟問我英文，一直都覺得幾好識咗個互補嘅同學做朋友，仲升埋同一間中學。 但係今年開學，嚴格嚟講係上年暑假嘅時候，不過暑假嘅佢鍾意點玩我都冇資格講啦下，佢同個因為成績唔夠升班而轉校嘅同學close咗，咁嗰個同學係轉咗去間band2c嘅學校（冇歧視成份不過嗰度嘅學生大多都唔太有心向學，強調係大多，唔係全部），嗰個同學自然就喺環境嘅影響之下都變「差」咗啦。 講下嗰位轉校嘅同學先啦（為咗令大家更好理解我個friend嘅狀況）佢喺我哋學校讀嘅時候（我地學校係band1a）已經留過一年，可能係covid嘅關係，佢本身嗰個學年都話要勤力啲，爭取升班，不過後尾就…反正最後都係先唔到然後走咗。佢係轉咗校之後識咗班踩滑板嘅朋友（重申都係冇歧視，個班“朋友”有好有壞，不過好多都係唔太“有益”嘅啦）然後就日日都出去踩板，不顧學業，有時甚至踩通宵唔訓，番學校先訓（睇佢ig story知嘅）咁人哋轉咗校，再加上我同佢唔熟，咁我都冇理到啦。 講番重點，我個friend係經過另一個人（下稱q）認識嘅。咁q本來成績都唔算好，掹車邊升嘅，咁我個friend係同q熟先嘅，好似識咗2年定3年。咁q又同轉校嗰個熟咗，咁我個friend自然就因為成日同q一齊玩而識咗轉校嗰個同學。q自從上年暑假就成日同轉校嗰個玩，之後開學都跟埋轉校嗰個踩滑板，都係踩通宵個隻。 我個friend本來唔踩滑板，只係得閒嘅時候有時會去玩下，但係後來唔知點解，應該係因為q嘅關係，佢又買埋滑板，踩埋一份，其實我覺得滑板冇唔好，係正常運動/喜好，但係佢有時會兩三點先番屋企，我有勸過佢但係佢一副唔在意嘅樣，就話咩「玩下咋嘛」「唔緊要啦」咁佢又唔聽我講我都冇計啦，只係有時佢出story我會覆吓「快啲番屋企訓啦唔好玩太晏」「聽日有test阿快啲番屋企溫書訓覺啦」咁佢又話「無所謂啦test咋嘛都唔係計好多啫，好快番屋企訓架喇。」咁但係話曬我地學校競爭真係好激烈，一兩分已經定生死，所以我自己會睇得好緊，佢上年都係，甚至會同我溫通宵，互相問書咁。（勁掛住嗰時）但係今年佢好似真係成個人轉左咁，嚟緊放完聖誕假要考試（唔知admin po嘅時候過咗聖誕假未，反正就係1月頭月中嘅時候要考試，考到月尾）咁我同埋其他同學都開始做功課，有啲甚至已經做完開始溫書，但係佢唔單止唔做功課唔溫書，仲日日出去玩，咁我都明嘅，聖誕（今日25號）係會出街玩嘅，但係佢完全冇要溫書嘅意思，就話「考前一日溫咪得囉」「功課返學前一晚做就得啦」但係我地啲考試內容如果唔提早溫係肯定溫唔曬囉，再加埋啲功課，我真係好驚佢會搞唔掂。我琴晚溫書（其實都唔係溫只係大概“蠟”下啲地理內容，因為我地理係最屎嘅一科）去問佢地理嘅時候，佢話「下？我冇聽書喎，你睇下其他人識唔識。」個吓我覺得佢真係出事。因為佢上年其他科都唔算好好，係靠地理拉分，加上佢今年其他科都唔好，之前個test佢仲差過我，我嗰時安慰佢話唔緊要啦之後考試努力就好，點知佢只係話「合格咪得囉咁高分做乜，我冇唔開心喎我仲以為我會唔合格」 去到今日啦，我碌ig嘅時候見到佢同q同埋之前轉左校嗰個同學同埋一班我唔識嘅男仔（我估應該係個同學轉校之後識嘅“板友”）一齊出去踩滑板，但係今日咁凍佢仲要著短裙，之前我20幾30度著啲膝上裙佢都會話我做咩著咁短，但係佢今日著嗰啲大髀都遮唔到，彎腰就見到pat pat嗰種程度嘅短裙（都係冇歧視短裙嘅意思）咁我就覆佢做咩事著咁短，原來佢係同q同轉校同學約埋一齊著。咁佢哋就去踩板啦，其實咁大風都唔知會唔會吹起不過佢鍾意又想著我都冇再講咩。 但係之後佢哋上咗q嘅屋企，我個friend坐咗上其中一個男仔嘅大髀度，個男仔攬住佢條腰；然後q就同另外一個男仔拖住手爭2cm就錫到咁樣影咗張相，應該係轉校嗰個同學渣機影。咁佢地tag咗嗰兩個男仔嘅ig，我撳入去攬住我friend個男仔個ig度睇，個男仔bio tag咗我個frd仲加咗個粉紅色心（💗）跟住我問我個frd係咪佢新識嘅，做咩個男仔會tag佢。佢話佢哋其實已經識咗4個月，拍咗拖個幾月（其實佢哋冇做過咩特別情侶嘅嘢，不過佢話同個男仔一齊）當下我勁震驚，不過過咗幾秒之後我係紅咗眼眶，我諗緊我幾時開始對佢一無所知，點解佢拍咗拖個幾月我都唔知。當然我冇同佢講，之後覆咗「吓我唔知嘅，你出pool我都未出，祝你同佢99啦」佢like咗我個msg然後冇覆過實際嘅嘢。個下我feel到我同佢前所未有咁疏遠，我唔知幾時開始同我最friend嘅佢疏離咗。 之後我搵咗另一個friend（h）講呢件事。h係轉校嗰個同學嘅ig close friend。佢cap咗轉校同學個story比我睇，q喺佢屋企影咗條片，係轉校嗰個同班男仔喺度食煙飲酒，q就攞住個酒罐，影到個男仔攬住我個friend食煙，然後我個frd攞住罐酒，仲比咗個男仔飲一啖。我個下完全呆曬，唔知佢幾時變到咁。 講番重點，佢買滑板同拍拖呢件事佢父母係唔知嘅，佢塊板要收埋喺q屋企。佢拍拖呢件事更加唔使講，因為佢爸爸係勁錫佢個隻，佢話唔可以比佢屋企人知，尤其是佢爸爸（後來q嚟同我講）。我喺度諗緊我應該點樣同佢講，因為我講嘢係好直，而且我個friend係個隻唔鍾意人哋管住佢嘅人，加上我唔係直接知佢拍拖飲酒呢件事（佢冇直接同我講過係我睇佢story知道嘅）所以如果我同佢講，我驚會講錯嘢/佢會憎我。所以希望大家可以比啲建議我點樣勸佢/間接啲同佢講。因為我唔想冇咗呢個friend，同埋我好驚佢個試考唔好升唔到班。我想下年可以同佢同班。 最後多謝咁多位睇到呢度（或者你中間skip咗啲都唔緊要啦）希望可以得到一啲實際啲勸到佢嘅說話。我知一定有人話咩「呢個friend不如算啦，因住佢帶壞埋你」之類嘅說話，不過我真係希望佢可以番番好似以前咁，更加希望我同佢可以番番以前咁。 最後最後奉獻大家「近朱者赤，近墨者黑」呢句說話唔係講笑，大家帶眼識人，呢個年紀最緊要係讀好書（如果你仲讀緊書嘅話），唔好為咗一時嘅開心而毀咗自己嘅前途。
#NSS愛情 [Guest] 小弟今年f.2，係同性戀，事情係咁嘅。我喺今個學期初發現自己對班上一個男仔有啲奇怪嘅感覺，成日見到佢就想攬住佢，一開始都不以為然，因為我一直都覺得自己嘅性取向係女性。之後喺某種機緣巧合之下我哋一齊左(呢度唔太方便講點解會一齊)。我哋一開始都好正常，有攬下，拖手咁，但呢段時間持續唔到好耐。近排唔知點解，我掂一掂佢，佢就叫我唔好搞佢，約佢出嚟又拒絕，message 又已讀不回，佢啲朋友叫佢開party預埋我，佢當住我面話唔想我去…其實我都唔知佢究竟係咪真心想同我一齊定只係玩下，我應該點做？Thx Sorry for 1999