—類投稿

#NSS個人 [某 band 1 男校] 跪求 admin po ig🙏🙏🙏🙏🙏🙏 title：我是不是与众不同？ 本人今年 form 4，我發覺同學由朝到晚就睇啲 vtuber、色情動畫、鹹書、鹹網，上「靚女」老師堂，全程望住老師，面都紅，但我唔知點解對以上任何一樣嘢冇一絲興趣。 見到人睇 vtuber，我同佢哋講呢啲係假嘅，有乜好睇，然後就俾人鬧。 見到啲裸露女仔，直頭想嘔，俾人話唔識貨。 女仔喊，正常人會覺得可憐，唔知點解我硬係覺得佢哋扮嘢，博同情。 我同人哋講我冇睇過鹹網，冇人信，仲要俾人笑。 至於追女仔，我潛意識硬係覺得佢哋呃男仔錢，收兵。 仲有好多嘢，但我費事俾人 ban。 我唔覺得我係 gay，因爲我對男仔一樣冇興趣。 咁究竟係乜事？

#NSS個人 [大西北] 我好邊緣。 我本身比較內向，每日返學都好努力同同學搞好關係，想識多啲朋友，但係一直都好邊緣。特別係要分組做野嘅時候就特別尷尬，冇人搵我，我想搵人但係識嘅果幾個都已經分好左，想加入都會被拒絕。有時真係好羨慕其他同學大把朋友，自己卻咁邊緣，成個學年過左都冇幾個人識我。最近聖誕節，見個個都收到唔同同學寫嘅聖誕信，到處一起影相，真係好羨慕。

#NSS個人 [GUEST] 我真係覺得自己就嚟精神分裂。 小六升中一嗰個暑假，有人喺tellonym匿名鬧我，大概係話我似雞，讀女校都成日發姣，好自戀，對啲frd好暴力, etc. 而家諗返嗰陣時應該算係網絡欺凌。因為係匿名，我根本唔知係邊個鬧我嘅，我開始會懷疑會唔會係平時對我好好嗰啲人。同埋因為呢件事，我一出街就會覺得啲路人係咁望住我，我會開始諗我係咪好奇怪。而且一去到人多嘅地方就會緊張到喘晒氣。 呢幾年我開始多返啲朋友(小學嘅時候因為比較內向所以冇乜frd)，但係我都係成日會覺得佢哋係咪成日喺我背後講我壞話/其實佢哋係咪好憎我，但係佢哋對我好嘅時候我又會好有罪惡感。不斷喺呢兩個狀態之間轉換，搞到我情緒勁敏感，成日大起大跌，而且當啱啱識到一個對我好好嘅frd嘅時候我就會好依賴佢，跟住又慢慢開始懷疑佢係咪覺得我好煩。 我真係覺得自己好病態，我應該點做好🥲 sor for 1999

#NSS個人 [Guest] 我有個普通朋友想同佢熟啲,但唔知點樣先可以同佢熟到。佢比較慢熱同內向。我同佢依家生活上冇任何嘅交集,所以如果要見佢就要約佢出嚟,如果唔係嘅話淨係可以WhatsApp傾。之前同佢讀同一間學校,但而家唔係同一間學校。之前同校嗰陣主要都係傾返功課或學校嘢為主(無論線上線下都係),所以我覺得突然之間同佢WhatsApp傾計可能會令佢覺得少kam或者尷尬。唔知你哋點睇同埋想問下有咩方法可以同佢熟啲？定抑或放棄？但佢對於我嚟講係個好特別嘅人,我又唔太想乜都冇做就放棄。如果唔keep呢段關係嘅話,以後就更加冇機會同佢熟或者以後真係完全唔會聯絡。 ps.1.我其實都唔知同佢熟唔熟,之前同一間學校嗰陣得閒都會傾下計,傾學校嘢+自己生活相關嘅嘢,但放學之後大家都唔會揾對方 2.自從佢轉左校之後就冇再同佢聯絡,半年冇同佢講過嘢 3.佢對於我嚟講真係好特別,有啲重要

#NSS愛情 [Guest] Admin post ig thanksssssss~ 小妹第一次投稿，有錯莫怪 Hello大家好，小妹今年中五，喺英國留學，嚟咗差唔多半年 喺返新學校嘅第一日，識咗個同級嘅香港男仔，佢望落去都唔算差，都有中上，5‘7左右，我5‘5。因為佢係當時喺新學校同級唯一一個香港人，加上我同佢都住喺宿舍，所以我哋基本上成日都喺埋一齊。 慢慢，我發覺做咩都好都好想同佢一齊，平時上堂衹有數學同佢唔同set(精英班and普通班)，因為咁所以我做數嘅時候check得好小心，終於都入到佢嗰班。可能因為我喺單親家庭長大，又讀女校，少見男仔所以覺得佢好好，但係有佢喺度嘅時候就不自覺地好開心，見到佢同其他女仔講嘢嘅時候又好妒忌。其實佢都對我好好，基本上人哋望住我哋都會覺得我哋係情侶，好幾次啲人問我哋係咪一齊，我內心都偷偷地笑緊。 喺放完假後嘅一個星期六，我同佢表白左⋯ 我：「xx啊⋯⋯你可唔可以俾我做你女朋友啊⋯⋯」 佢諗左一陣，之後 佢：「xx啊⋯⋯咁⋯你係咪真係想？」 我好認真咁講：「係！」 佢再諗多一陣，之後應成左我 我即刻攬住佢，嗰一刻⋯⋯我真係好開心 開頭佢都比起之前對我更加好，但係之後佢開始對我冷淡左 當我同佢講「我好中意你呀」 佢衹有冷冷地答一聲「哦」 我好驚，好驚佢會離開我，因為我真係好愛佢⋯⋯ 大約一個星期後出trip，去主題公園(海洋公園feel)，因為我係個比較細膽嘅人(平時去開迪迪尼)所以有好多過山車都唔敢坐。 佢當時突然之間拖着我隻手，拉我去一個最容易嘅過山車前面，之後話：「你驚嘅話⋯⋯就拖住我隻手啦」 之後就上咗㗎車，我全程捉實佢隻手 落咗嚟之後，佢隻手比我捉到有個印，佢笑咗笑

#NSS愛情 [Guest ] 咁小妹早係九月尾嘅時候 就對學校嘅一個女老師有feel啦 但深知都冇可能㗎啦 又師生又同性 所以原本都已經決定咗放棄 但呢個老師每當我私下搵佢 佢就對我好溫柔 有一次我就要負責幫佢攞簿啦 跟住佢話使唔使幫你呀 我話應該唔使 但佢見我攞唔到 就話我幫你攞一半啦 跟住佢有啲嘢搞 所以我就行上去派簿先啦 跟住行行吓 我一擰轉頭 就見到佢示意叫我等埋佢 跟住佢就關心我話著裙凍唔凍呀 我就話凍啦緊係 當我哋一齊入到班房嘅時候 佢個語氣即刻唔同咗 我想知究竟係咪我會錯意

#NSS個人 [GUEST] 小妹今年f2 。我阿媽成日話我個鼻好大，之後係淘寶買咗個鼻夾俾我，但係我夾完之後個鼻好痛，而阿媽又笑話因為我鼻大會痛。究竟我仲應唔應該夾？ 圖Link: https://ibb.co/vVjhQsr

#NSS學校 [橡樹街名校] Thx admin🙏🙏簡單啲講，就係個新校長一上任，就破壞好多我地以往嘅傳統亦為提升成績左做好多無咩用嘅嘢。（文章稍長，慎入） 以往Christmas party可以著便服，而家唔可以。明白有啲人可能會話：「有得著已經好好，我地本身都冇得著。」 冇錯，有得著已經好好，但係而家呢位校長就以無稽嘅藉口（或佢所講嘅「原因」），拒絕學生會不斷申請著便服嘅請求，甚至揚言著便服嘅一人一個大缺點，令大家都燃起左心中嘅憤怒。 以往學校有大哥哥大姐姐計畫，即係每一班中一都會被四至六位大哥哥大姐姐照顧，作為曾經被照顧者，有佢地係度，至少對我來講，係真係幫左我好多，幫我融入學校，亦可以將一啲煩惱同佢地傾訴，佢地都會耐心聆聽，而取消大哥哥大姐姐計畫，不只剝奪左新中一被照顧嘅權利，仲令渴望做大哥哥大姐姐嘅人夢碎。 而提升成績，最主要係在於retest嘅事宜。老師會根據你以往嘅成績去設定你要攞到50/60/70%（甚至更多）嘅分數，攞唔到就要重測，用同一份卷，咁又有咩用？ 新校長一上任，令學校好多野變得唔同，而呢啲改變都令大家係校長上任左幾個月就對佢怨言不斷，多謝耐心睇到呢度嘅人🙏希望你明白我地嘅處境。

#NSS家庭 [SPC] 小弟今年中四，自細個至而家間唔中會同老豆或阿哥一齊沖涼，同學知道後笑我幼稚、變態，仲會添油加醋話我搞基亂倫，同屋企人沖涼真係好奇怪咩⋯

#NSS學校 [GUEST] 第一次投稿 求admin po ig （重要） 既然你想別人尊重你，點解唔尊重返別人？ 今年我 f.2 ，大家都應該知道咩叫尊重。我啲同學一路都唔鍾意我哋班主任，就話佢講太多人生道理，又話佢好煩。咁你哋唔鍾意佢嘅原因又真係係唔係呢個，定係因為佢肥？有啲其他老師同佢一樣講咁多人生道理，又唔話佢哋煩？？？其實班主任教書係用心過其他老師添。你哋自己諗下，其他老師其實有冇佢一樣咁勤力？我哋班主任日日早到，同埋佢其實係同我哋一樣夜瞓，功課可以改到好夜，仲要整ppt同埋答我哋email。我哋淨係要做功課同溫書，仲話我哋慘？有啲同學話假期之後「期待睇佢個身型點樣」，我依家真係覺得我啲同學cs，鍾意一個老師嘅程度就等於身型？？？同埋某啲同學：如果唔想其他人話你瘦，點解話人肥？正如同校嘅人咁講「學校早就會跌落Band2」，個原因呢間學校嘅同學欠缺尊重、同理心⋯⋯仲有其他價值觀！（唔關某啲老師事）同校嘅人應該認得出呢間學校，同班嘅人應該認得出我係邊個，所以你哋可唔可以反思下 😩 依家真係忍無可忍😭 唔該晒admin 🥺💗