#NSS愛情 [GUEST] -性別錯誤- 「你怎麼會讀女校？」這故事從一個平平無奇的問題開始。「很多男生都好煩好幼稚喔。」你略帶厭惡地說。我沒有選擇追問下去，但也猜到，應該是被男生欺負過吧。 還記得對你心動的那天，我們有說有笑，講了甚麼，我不記得了。不知道為甚麼，你沒有很特別，沒有很漂亮，沒有很迷人，卻特別的可愛。 你說男生幼稚的時候，我微微地笑了，好像感覺我們有機會… 有嗎？好像又沒有。 「欸他好帥，怎麼會有這麼帥的人！！」你抓住我，我微微失落，但幸好口罩把我的臉擋住了。「啊…」我欲言又止，是啊，你純粹是說你認識的男生幼稚而已，但你又沒說，你不喜歡男生阿…… 你，就只是一個一般的女生。你會對帥哥犯花癡，會喜歡看帥哥，會想要一個帥哥男朋友。 如果我是男生…… 也是，這不可能。 或許，一切都只是我的一廂情願 一切都只是我的幻想 一切都只是我無止盡的暗戀，對吧？ 欸你，我想… 和你一起經歷你的人生， 和你一起創造我們的故事， 成為你人生中最重視的人， 但，不是以好朋友的身份。 但至少，你不會覺得我喜歡你，因為我們都是女生。或許，這是這性別錯誤中唯一一件好事吧。 儘管我享受這份暗戀， 但我還是希望，我不曾喜歡你。 P.s. 文采不太好，文章可能有點亂，and thanks
#NSS愛情 [yottkp] 最近我諗緊其實我放低咗未，唔知點算好。 是咁的。我係個女仔，我今年f5，我鍾意咗自己個好朋友五年左右。我喺f1嘅時候識佢，佢都係個女仔。記得我同佢都係同班，佢坐我隔離。我身體唔好，嗰陣成日胃痛，一開始唔係好熟冇同佢講，我上堂有陣時um住個肚，佢用好溫柔嘅聲問我咩事，我同翻佢講我胃痛，佢就開始帶暖包、叫我飲熱水同食早餐，避免胃痛、我真係好唔舒服會扶我落醫療室。呢d行為都令我覺得好窩心，就算我唔知佢係唔係對每個人都係咁。 之後我胃好翻好多，我開始同佢傾計，好多嘢都會傾。過咗半年，我開始發現我對佢好上心，我開始覺得自己好似鍾意咗佢。 然而，喺某次同佢仲有其他friend玩真心話大冒險嘅時候（當時應該係f4），佢話佢恐同同埋佢屋企人唔支持同性戀，我當時唔知要有咩反應好。再加上我屋企人都係唔支持同性戀，我開始逼自己放棄，唔好鍾意佢，當佢係朋友。一開始仲以為自己成功咗，但後來發現改唔到，我始終都係鍾意佢，走唔甩。 而家都唔知點好，求俾意見。 Sorry for 1999
#NSS個人 [GUEST] 「點解你覺得你回頭我就會係原地等你」 Hello大家好，小妹今年F2，有個女仔一直令我好煩惱 是咁的，呢個女仔細我一年，同一間小學唔同中學，小學嗰陣超friend，係friend到一齊沖涼，阿媽都係密友，我哋曾經話過要做一世best friend 我升左上中學之後，都有同佢keep聯絡同約，咁我係中學就識左new friend，有約過，從來無好似同佢咁會拖手甚至十指緊扣，不過有出story，只係影下風景tag埋個frd，結果佢就發嬲同嗌交，我同佢講佢只係我中學既普通frd，然後當我同佢見面既時候佢都係咁提我同個frd好frd咁，但係其實佢都有 post佢同佢friends嘅合照 嗰陣係咁嗌交，我都唔知嘈緊乜嘢，然後佢識左啲new friend就開始佢嘅冷暴力，話自己做唔到同我做best friend，佢升上中學之後，佢識在best friend，咁我係之後都搵到我嘅best friend，中間有聯絡過 直到呢排，佢問我可唔可以變返以前咁，問題係佢當初點對我，然後問我做唔做返frd我又覺得佢好冇禮貌，又話我好多frd，又叫我搵自己best friend，我有同佢提過我哋自己做frd唔好理對方其他關係，每次我表達我覺得佢乜嘢乜嘢唔係咁好，佢都係話「你自己都係」，但係如果我唔鐘意嗰個行為我就唔會做出嚟 而家佢message我，我覆返佢 ，佢又可以用啲好串嘅態度話我，無tag佢又話自己好開心，同我講佢去搵佢best friend 請問我可以點樣對付呢個人，提過絕交，結果係度串我，其實我做錯乜嘢？想知道各位嘅睇法，可唔可以俾啲意見我🙏🏻 多謝大家睇到呢度🙇🏻♀️thxx admin pls post IG🙇🏻♀️🙇🏻♀️
#NSS愛情 [GUEST] 我而家真係好掛住以前同佢一齊嘅時光（標題 慎長. 小妹今年中四，喺中一懵下懵下嘅時候，同一個小學一齊升上嚟嘅男仔一齊咗，拍咗差唔多一年時間。下稱A 我同小學frd同A以前成日一齊打機先慢慢熟咗，到上咗中學嘅時候就覺得自己鍾意咗佢，然後喺某一日膽粗粗就同A表咗白，而佢竟然接受咗。 同A網上傾偈打電話嗰陣我哋咩都講得出，但係到面對面嗰陣兩邊都怕怕醜醜咁，好少嘢講，或者係傾啲好尷尬嘅話題（e.g.你今日上堂感覺點樣、功課多唔多啊之類…） 而A怕醜嘅程度係拖我隻手都唔夠膽，次次都係我主動去拖，可能真係因為年紀細，但嗰陣俾我嘅感覺係：佢連我隻手都唔想拖，好似冇咁鍾意我… 之後有一次，我哋又同翻班小學frd加埋中學frd玩，可能我由細都比較鍾意同男仔玩，就同佢哋傾得好開心，A就開始呷醋，我初頭都唔知，後尾我感覺到佢冇乜點出聲就問佢咩事，A先至同我講咗佢唔鍾意我同男仔玩得咁frd。 原本我都好開心A會為我呷醋，但去到最後我同男仔send幾句msg A都呷醋，再加上啱好係疫情肆虐時期，幾乎冇出過街，又成日因為小事嬲我，於是我就提出分手。 分手之後，我有拍過另一段拖，但直到分手都完全係唔知做過啲咩，完全感受唔到受重視，被在乎嘅感覺，記憶模糊至極。相反，同A做過嘅嘢、有過嘅回憶，事無巨細，我都清晰咁記得，而且嗰心都仲會跳得好快。 時隔兩年，我睇ig嗰陣，見到有A嘅story同post 我都會cap圖然後喺相簿度放大嚟睇，睇好耐都唔捨得碌走，我發現我仲係好鍾意A，我好掛住曾經同佢一齊嘅時光，每逢夜晚只要諗起佢，我就忍唔住想喊，好內疚、好後悔。 細個嘅時候唔識珍惜，到大個咗真係冇機會……係我先將你熾誠嘅心狠心碾碎，而家又可笑咁想將碎片拾回，我知我哋可能朋友都做唔翻，因為我唔配。我全部都明，但我真係好痛苦，我好想你返嚟我身邊，想奢求你嘅原諒，想你同我重新喺埋一齊，我究竟應該點做…… sor for 1999 如果要屌請屌大力啲 麻煩晒咁多位…
#NSS個人 [Guest] 小妹今年F3 而家凌5點幾，我醒咗，頭先發咗個夢，覺得幾怪所以嚟講吓 古人成日話「日有所思，夜有所夢」，但係呢個夢入面嘅嘢我唔係成日諗，或者你可以話，我已經放低咗好耐 話說個夢係，我喺學校一個活動見到一個我好尊敬、好鍾意嘅阿sir (我識分嘅，唔係暗戀，只係尊敬嗰種鍾意)，咁佢F1教我數學，我數學不嬲都ok, 佢又好鍾意出好多好難嘅題目比我哋，又教得好，所以我好尊敬佢，全校咁多個阿sir最尊敬就係佢 (有個miss都好尊敬)，咁呢喺個夢度見到個阿sir，梗係打招呼先啦，跟住佢搭住我膊頭，問我嗰兩個數學學霸最近個ut考成點，我就如實答佢啦，跟住佢就話：「嗯，都唔錯，不過你做卷小心啲都可以高過佢哋啦！同埋佢兩個都係低分過我哈哈哈」(佢係校友其實都算係我哋師兄) 喺現實佢當然冇咁open講嘢咁幼稚，不過佢嗰句「你做卷小心啲都可以高過佢哋啦」真係幾鼓勵性，我就嚟考試，其實都做咗唔少練習，不過冇乜信心，同以往嘅信心爆棚、胸有成竹簡直兩回事，不過有佢呢句，我就開始有返少少信心 你可能覺得我好傻好天真，發夢啫佢點會真係咁講，其實F1嗰陣我分數唔高嘅時候，佢雖然冇講出聲，但係講卷嗰陣會成日望住我，我諗佢係信我會高分啲？可能係我自作多情，不過與其信冇，不如信有，順便俾啲信心自己 至於個夢，佢講完嗰句我就醒咗。同埋點解我話已經放低咗好耐，係因為我而家已經F3, 個阿sir 係我F1件數學老師，雖然嗰陣好尊敬佢，而家都仲尊敬佢，但係因為課室唔同層，佢又冇教F2 F3，已經好耐冇喺學校見到佢 好啦又開始眼瞓我都應該返去瞓 多謝大家睇完我呢篇咁不切實際嘅文 sor for 1999 admin pls post ig
#NSS學業 [Guest] 我今年f2, 最近溫緊書準備3/1-18/1嘅考試，不過有個煩惱，就係我每次有信心嘅科，實際分數會低過預期，而冇信心嘅科，實際分數會高過預期，而且無論係上述邊一種，個差都幾大吓 由f1 ut開始已經係咁，啱啱上到中學梗係冇乜信心，點知成績科科都唔錯。f1 mid-year, 文科背晒啲嘢，覺得自己會高分，理科同L&S唔知點解冇乜信心，結果呢？文科全部5x-6x, IS maths L&S 9x, 真係同自己預期嘅差好遠。其他ut/考試就唔慢慢講啦，大家應該都冇咁多時間睇我啲成績點 我每次考之前一個月左右會定目標分數，溫完書目標分數當然會有變，而我入考場嘅信心當然係根據溫完書心目中嘅目標分數㗎啦，跟住第一段講嘅嘢就會發生喇 我都唔知呢個問題點解決，我有諗過會唔會係因為信心嘅影響自己會大意咗/小心咗，之後我就喺做有信心嘅科嘅卷嗰陣check多幾次卷，不過成績都係比預期低好多 真係幾頭痛，唔通我唔定目標，刻意唔比自己有信心咩？冇話定唔定目標，有冇信心嘅，無論點都好心入面總會有目標分數，總會有信心或者冇信心。我而家仲係初中，文理科都要讀，有兩邊唔同嘅嘢，每次總有啲科有信心，有啲科冇信心，不過到時揀到心水嘅科 (希望得啦)，正常嚟講科科都會有信心，咁我咪唔使旨意攞高分？ 希望有人可以比啲意見我，因為今年真係有個目標好想做到 (講比大家聽啦，就係IS兩次ut+兩次考試都9x, 第一次ut已經攞到9x, 真係好想攞埋剩低3次 sor for 1999 admin
#NSS愛情 [Hong Kong 某一間學校] Admin plz po ig 🙏🙏🙏 因為我真係好趕急，我仲有七個月就見唔到佢啦….. Halo 大家，其實我今次係第一次投稿，我希望收到一啲實質嘅建議🙏Tysm✨〰️ 小妹有一個好friend嘅朋友，我識咗佢四年，每一年都同佢同班。每一年都有一個男仔追佢，每一個男仔都係我暗戀咗好耐…….已直到今年，最後一年啦！真係遇到一個好鍾意嘅男仔，個男仔同我好friend…..我哋有陣時上堂會傳紙仔傾偈，但係直到佢同我講佢真係好鍾意我個friend……仲話我係第一個知。不停咁話俾身邊嘅人知佢好鍾意我個friend，搞到好大，好多人都知，班主任亦都知道。直到呢排，我個friend都係同我講，佢從頭到尾，只係鍾意咗嗰個男仔20%….我個friend都有寫咗分手信…..我個男仔坐我隔離，我睇住佢喺度喊，我不停咁安慰佢…佢都有好轉 但係問題嚟啦：係佢哋仲鍾意對方嘅時候，嗰個男仔不停咁同我傾偈（唔知係咪因為坐我隔離？）甚至多過同我個friend講嘢，仲放學之後成日傾電話，最少傾兩個鐘……我哋關係就好似曖昧緊，究竟佢係咪鍾意我？因為我個friend同佢講完分手之後💔，佢都有繼續同我傾偈，我哋兩個互相都有講自己嘅心事❤️所以我唔知究竟我哋兩個嘅關係係點？求解答🙏🙏