—類投稿

#NSS愛情 [某傳統band1男校] 小弟今年f3，由小學開始已經係男校，即係到而家為止已經讀咗8年半男校，其實真係好dry 我想問有啲咩方法可以識到女仔? 我平時唔算主動，自己本身冇乜女仔朋友，1隻手已經數得曬 求admin post ig thx

#NSS愛情 [GUEST] 【 BF or BF? 】 Thx admin pls post IG 利申：男校 前排睇完 #NSS211226D 有感而發 // 究竟我係咪鐘意佢。 話說二年幾前開始，我幾乎每日翻學嘅時候都會撞到佢(佢係同級同學)喺同一架車度。見到佢嗰陣，唔知點解會有股想去識佢嘅衝動（但我個人比較細膽，所以冇真係走去主動識佢）。 後來我哋分咗去同一班，（可能係）機緣巧合地同佢互相認識。然後我哋嘅友誼都發展得出奇地快，識咗冇幾耐就每日都一齊返放學、食飯、等等等等，基本上可以話係形影不離，甚至俾其他同學話「你哋兩個係咪gay」。我哋好快就成為咗Best friend，我嗰陣，就算到而家，都想同佢永遠一齊。 我哋傾計嘅頻率都十分之高，最高鋒可以唔使一個月就10,000條訊息，試過由夜晚/半夜傾到天光，就算第二日要返學。亦都試過因為半夜傾計而俾阿爸阿媽閙，但仍然都會間中傾到半夜。 後來我哋各散東西，雖然我哋傾計頻率開始慢慢變少，但有時都會一傾就傾到好夜。我哋開始見少咗好多，唔多唔少都會掛住佢，每次send訊息畀佢嘅時候都會期待佢幾時會覆。總之就係好掛住佢，時時刻刻都諗住佢。 究竟呢啲係密友帶著嘅愛，定係我真係鐘意佢？ 萬一我真係鐘意佢而且佢知道咗，但佢唔係鐘意我，佢會唔會唔接受我，因此離我而去，我唔知點解好驚冇咗佢。

#NSS個人 [GUEST] 煩惱咗好耐，真係搵唔到人傾訴所以嚟投稿，希望大家可以比意見我 唔知由幾時開始我個人越嚟越頹，但係要考試或者UT嗰陣都係可以的起心肝溫書，不過漸漸地我好似習慣咗懶，甚至而家懶吓懶吓我會搵唔到人生嘅意義，好似人生就係懶咁，咩都唔做就咁生存，但係我知道咁樣係唔啱，完全唔啱，所以我想重拾自己努力一下，但之後我都會繼續睇小說碌機，我完全控制唔到自己，覺得人生好冇意義，對每樣嘢都冇晒熱誠，就連我本身追星，我真係有諗過將佢哋當成我嘅榜樣，但係都係失敗咗，我個心好似越嚟越淡咁，想大喊都喊唔出，好似情感就係得番開心同嬲咁，有冇人可以比意見我可以點做，真係好無力 sorry for 1999🙏🏿

#NSS愛情 [GUEST] 我鍾意咗一個無可能鍾意返我轉頭嘅人 佢係一個好玩得開嘅人，係班上面帶動氣氛，我地班好多人都好正經，每次佢一出現，可能搞下事咁，我地其他人就開始一齊hyper。整蠱下老師、串下老師、講下爛Gag笑下，佢可以話係我地班嘅靈魂所在。 佢唔係特別靚仔，唔係高，成績唔差，但係又唔係特別好，運動唔係特別叻，唔係校隊個啲。 但係，就係唔知點解我日日都瘋狂諗起佢，同佢講嘢我真係好開心。 佢覆我Story同我傾計，嗰日我成日嘅心情就一定唔會差。（真係you made my day) 搵到藉口同佢影相都開心好耐… 我都唔知點解會咁鍾意佢。 但就係因為，佢同邊個都可以咁Friend，我就知道我無機會。 我好明顯咁感受到，佢對我同對其他人嘅感情係一樣嘅，絲毫唔係個種鍾意。 我好明顯咁感受到，佢只係想抓緊中學時期所剩無幾時間，好好咁瘋癲一次。 我好明顯咁感受到，佢只係想好好咁讀書，無意發展的咩戀情，更加唔會係同我。 就寫到呢度啦，不隱瞞大家，我啲眼淚已經滴緊落黎。係投稿之前，都無諗過我會鍾意一個人鍾意到喊… 未開始便結束了，因為結果已經太明顯，無謂強求一個不喜歡自己的人的喜歡。 望不再留戀，只好希望下一個喜歡的人，也喜歡自己。

#NSS學業 [Guest] Halo~小妹我宜家f.3，讀緊band 1嘅英中，名次大概全級20-30名。大家都知道f.3要揀科，而家我已經唸好咗要揀bio同chem。因為宜家改咗制度，全部人都要揀三科，所以我好苦惱究竟第三科要揀咩。首先我一定唔會揀physics，因為宜家f.3教緊嘅嘢都未handle到，亦都冇興趣。自己本身背書唔係好入到腦，所以都唔會揀雙史同geography。我同我啊媽之前有傾過，佢話不如揀econ，容易攞高分，但我學校嗰兩個econ老師都廢廢地，基本上個個師兄師姐都去補習。我一開頭都覺得可以揀，不過宜家上咗一個term econ發現唔係好啱我，亦都唔想去補習(一嚟慳返啲錢之後去外國讀書，二嚟想靠自己努力)撇除咗呢幾科就凈返中國文學，eng lit同bafs。我自己中文又差又唔鍾意，中國文學一定唔會考慮。bafs同eng lit都冇讀過，所以根本唔知適唔適合自己。我本身就好鍾意英文，考試都攞到9字頭。我有個friend讀bafs佢話都係背書，所以宜家都唔知揀邊科好。 各位師兄師姐可唔可以解答一下究竟eng lit同bafs係讀咩同埋可唔可以俾小小意見我？🙏🏽🙏🏽 小妹中文真係有啲差sor for 1999 Please post ig thx admin!!!

#NSS個人 [元朗區一間中學] 絲18歲 我係一個抑鬱症患者 其實係咪真係咁難去接受一個患有抑鬱嘅人？ 當我知道咗我有嘅時候 我同身邊嘅人講 好似冇人信我 佢哋全部都淨係叫我睇開啲 但其實真係好難 我都嘗試過睇開啲但真係唔得 又成日唔知自己想點 對啲嘢冇曬興趣 隻藥又唔啱我食 去返正題先 喺3個月前 有巴打同我表白 喺群眾壓力同埋我真係對佢有feel嘅情況下我接受咗 但過咗一排之後我後悔咗 因為我突然唔想拍拖覺得拍拖好煩 有時連mss都唔想覆 但再過一排又冇乜嘢 就係咁一直不斷重複 我覺得好攰 唔知點算好

#NSS個人 [GUEST] Title : frd當我係工人？ sor for 1999🙏🏻 我同朋友(簡稱A)係唔同班。最近嗰次考試，A不斷約人出去玩仲po晒story，好似完全唔洗溫書咁。但係一到凌晨就會嚟dm我，叫我send功課答案同整理好嘅考試notes俾佢。咁我都唔想失去呢段友誼畢竟我少frd，就幫左佢幾次。 跟住佢就變本加厲，每日朝早走去玩凌晨就嚟問答案同notes，咁我覺得煩就開始無理佢，唔覆佢dm。 結果佢就起學校周圍唱衰我，佢啲frd全部信晒，行路經過都要睥我，就算我點解釋都唔信😅 我應該點做好🙏🏻

#NSS個人 [guest] by #NSS211128E 樓主 多謝大家喺嗰個post裡面留嘅comment，喺同佢一齊嘅短短一個月裡面，多謝佢包容過我亦都令我成長咗，由一開始嘅熱戀期到我哋唔同步嘅冷淡，再到佢嘅不理睬唔關心，我被逼成長咗，多謝佢比咗呢個機會我，令我再一次咁成長，亦都知道原來人可以變得幾快，唔敢話看透世事，但可以話感受到人變臉嘅速度同感覺。 曾經你話過唔會離開我，冇錯，雖然嗰句分手係我講，但你嘅反應我真係有啲意外，聽完就走，冇反應，以為你聽唔到再講多次都係一樣，嗰刻我明白，你只係想拍拖，唔係真係愛我，同我有啲似又有啲唔似，因為當初嘅我都係咁，但同你一齊嘅呢段時間，我唔夠膽話我係100%真心，但起碼我盡我所能愛你保護你。 多謝你令我覺得我值得被其他人愛，亦都多謝你令我明白原來愛會有完結嘅一日，你冷淡開始嗰一瞬間我以為我嘅主動可以挽留些少嘅嘢，貪心嘅我想好似啱啱開始咁，你嘅愛護比我嘅安全感好似好耐冇再出現過啦，但我對你嗰份保護欲依然喺度，之後慢慢慢慢咁消失。 你呀，好好照顧自己，搵個比我更好嘅人，然後好好同佢一齊，唔好令佢好似我咁亂諗嘅，遲啲我要見到你結婚，見到你有小朋友，讀到你想讀嘅大學，做到你想做嘅老師，過你想過嘅人生。 我，要走啦，或者從你嘅生命中離去，或者喺呢個世界，或者只係喺你腦海中，總之，我走啦，再見，goodbye mother fker💩👋🏻 （投咗三次希望出到💩）

#NSS愛情 [GUEST] 小妹係低from 成績唔太好 同樣家庭都有問題 今年幾個月前拍過一場拖 只不過結局唔係幾好 我家庭有問題 唔敢同啲同學講 有啲話題總要收收埋埋 但係幾個月前 我鐘意咗我同班嘅同學 之後係埋咗一齊 就咁樣拍左三個月左右 因為都係初戀 總係有啲唔識做 個陣時候我家庭發生咗好多問題 都導致我壓力大左 感情上都因為大大小小嘅事發生過矛盾 好多次見社工 見心理醫生 係嚟喺醫院檢查 我俾確診咗輕度抑鬱症 要食藥維持情緒平衡 嗰陣時候真心變得好敏感

#NSS學業 [唔講啦] 係咪我太冇自信？ 今次主題係想講下DSE想有嘅分 講返少少背景，本人今年F6，成績喺都唔錯，全線排名有頭1/4 咁前排老師派咗pre我嘅成績，我個分入到三大 — 咁重點係，我同d fd都會傾下dse嘅目標 佢地通常比老師pre大概科科3啦 (呢個分入唔到三大冇議論啦？) 但係聽佢地講覺得自己有嘅分係科科4，甚至有d攞5(明明已經睇咗老師覺得自己有幾多分) 佢地仲話覺得自己入到三大 但係距離dse已經唔係好多時間，科科升1-2個grade有冇可能？ 可能因為我都應該入到三大，所以我淨係想keep返依家有嘅成績已經ok 我有個問題係，到底係老師pre嘅成績太唔可信 定係我太諗法保守 定係科科升1個grade真係咁容易 ？