#NSS個人 [葵青區某band1女校] 大約半年前?我哋級有個女仔轉咗去間band3男女校，依家睇佢po ig story嘅嘢都係成日出去玩，喺學校又可以攞手機出嚟影相，ig d相又好似完全變咗第二嗰人咁。到依家唔知點解有d掛住佢，好想佢返嚟。 雖然唔係話band3就唔好，但係佢以前係個好靜嘅女仔，我覺得佢轉咗校好似冇咁乖?望住以前呢個都算friend嘅女仔完全變咗個人咁真係好唔捨得，有時又會好驚想佢喺依家間學校識到d帶壞佢嘅人… 佢好似係因為有情緒病，所以唔係成日返學，成個學期先見得佢一兩次。以前我哋都會喺學校吹吓水，嗰陣都只係會有少少同情佢。記得有一次聖誕聯歡會佢終於返咗嚟，見到佢竟然會覺得佢幾得意同好想同佢傾計，但到真係有機會同佢講嘢我又縮沙… 有時真係覺得佢轉咗去band3真係晒咗佢，佢又唔係嗰d讀書差嘅人。但係自從佢轉校就冇再同佢講過嘢，應唔應該去搵佢?佢知我諗咩又會唔會憎我🤧
#NSS愛情 [某港島男女校] Le幾日我完全溫唔到書，諗緊自己有冇揀錯選擇… 希望admin po IG 🙇🏻♂️🙏🏻 我同佢（如果無記錯）應該小五小六嗰陣時係教會識，但因為小學中學都唔同學校（佢TW某官中)，一直以嚟都無太多交流。直到上年暑假，我嗰陣失眠，唔記得咗點解，但我同佢係IG到傾多咗偈，咩都有傾下，同埋嗰時大家各有事煩/頹，互相傾偈俾support(圍爐取暖？😅）。好多晚晚傾到好夜。到咗暑假就嚟完時，我feel到佢覆我時講野少咗，遲覆咗（可能係嫌我煩😅），但我都知佢忙，又怕煩到佢，所以都無再搵佢，慢慢咁由少傾偈，同成年都無text 過。 一直到今年十二月，足足一年幾無text過任何野。但上星期，有一日我起身返學，開電話時發現佢嗰時凌晨打過比我，然後再見到佢係IG打咗一段文同我表白，我當下成個人呆咗，一嚟我完全無諗過自己有朝一日會比女仔表白，二嚟有成一年幾無講過野，突然間新一個對話就係表白，好似有啲啲快，有少少尷尬。 我都掙扎咗成朝應該點覆，一方面A0仔想拍拖係正常事，仲要佢樣好、性格好好又溫柔，政見宗教都一樣。但另一方面我又覺得自己未ready好，唔知自己分唔分到時間去陪佢support佢；屋企又管得嚴，到時好難拍拖；再加上佢仲有幾個月就考DSE，怕影響到佢。所以即使我本身對佢有好感+少少鍾意，但我最後都係say咗no。 其實我都想同佢一齊，但係我又怕自己唔能夠成日陪到佢，唔可以幫佢分擔，唔可以係佢有需要既時候出現。我唔想求其應承咗佢但係又做唔到應做既責任，反而仲衰。所以我reject咗。我原本以為自己咁樣揀唔會錯，但我發現而家我地之間距離好似越嚟越遠。 由嗰日到而家過咗就快一個星期，我除咗講聖誕快樂以外，都唔敢再text佢，而家咁好似連friend都無得做，無得好似以前咁傾偈。我唔想變成咁樣，但我覺得自己reject完人又去搵人地都幾衰下，我驚會hurt到佢。究竟我有無揀錯？我應唔應該試吓再同佢講嘢？ 唉 或許命運的籤，只讓我們遇見？ Sorry for 1999
#NSS個人 [[GUEST]] 青少年友誼問題 仲記得之前，一直都驚冇朋友，於是就不斷嘗試揾話題同啲同學傾。結果淨係換嚟一句「笑死」、「嗯嗯」。聊天記錄淨係得學習內容。 果陣時真係幾唔開心。望住一個又一個同學拖曬手(可以係友誼象徵)周圍去，得番我喺課室好孤獨。好似冇可能同佢哋變熟咁。 到今年聖誕假，我同番我啲小學好朋友傾下偈，發現原來係可以傾咁耐，有咁多嘅話題可以傾。 我想講，真正嘅朋友已經一早喺你身邊。無謂勉強其他人，搞到雙方都難受。 Sor for 1999 Ps:Admin po ig plz 純粹本人突然有感而發，簡稱廢文一篇 要鬧即管鬧
#NSS愛情 [guest] 跪求admin post我呢個投稿上ig 如果admin可以post我呢個投稿上ig的話 真係萬分感謝 希望大家可以俾到我少少意見😔 小弟差唔多兩個月前鍾意咗個男仔(ps唔係第一次鍾意男仔)就係希望大家可以幫下我諗吓，佢會唔會都鍾意我🙏 如上文所講啦，我地淨係識咗差唔多兩個月，但係同佢相處，成日都會有一種好輕鬆嘅感覺。 就喺聖誕節嗰日，我地都有一班frd出街。我地獨處嘅時候佢都一路拖我手。喺更之前，佢都有攬過我。 但係我成日msg佢嘅時候，佢都已讀我或者淨係覆我一兩個字，成日都係咁，我都真係好失落。其實究竟佢咩意思。希望大家可以幫我分析下。 最後都感謝返admin出我呢個投稿🙏