—類投稿

#NSS社會 [Admin po ig pls] 致體壹： 雖然我等只係一介網民，亦都知我哋對貴報嘅影響相當有限，但我哋仍然想透過是次投訴，清晰地話比貴報同埋施建章先生知道，我哋一眾香港體育迷絕對唔收貨。 施建章先生，冇諗過你搬龍門能力能夠比肩香港政府。明明大家喺度批評緊你報憂不報喜、踩緊本地波、侮辱一眾為香港足球奮鬥嘅職業球員，你就企圖淨係用一句「因為從第一天執筆，就知道不能取悅所有人。」去將大家對你嘅批評帶過。誠言如果得一兩個人咁講，你都仲可以用呢個原因去開脫，但係如果有咁多人一齊指責你，仲要包括有現役職業球員，其實閣下係咪好應該反省其實係咪自己出咗問題呢？ 仲有，你話：「球員沒有糧出，香港足球甚麼也不是！」，咁即係你言下之意，只要有一個球員冇糧出，即使有好多唔同球員努力為香港爭光，包括傑志喺亞冠取得香港球隊歷來最佳成績，以及理文晉級亞協四強，香港足球仍然什麼也不是。 身為一名資深足球傳媒人，我諗冇人接受到你可以因為一粒老鼠屎，去抹殺整個球圈所有人，包括球員、教練、職員，以及其他崗位嘅人嘅努力。 最後，我希望體壹可以重新審視一下，係咪應該畀一個咁唔尊重香港職業足球員嘅人繼續寫專欄。 sor for 1999 希望更加多人支持香港運動員同關注香港足球

#NSS學校 [GUEST] 小妹我今年F1 讀緊九龍區band1英中 原本呢排都好地地 但係呢排我學校話下年開始變成中中 我o曬咀 就開始有轉校嘅諗法 自己知中文同數學都差啲 所以我呢排勁努力溫 希望有全級頭十 問題係我自己想入好勁嘅名校 如spcc 但係有啲太想一步登天嘅感覺 小妹求吓你地俾意見pls Thx so much

#NSS個人 [GUEST] 希望admin po IG，篇文可能有少少激動，可能講到唔清唔楚提前sorry for 1999 小弟今年中四，一直諗唔通欺凌人嘅人係咪真係內心完全唔內疚。 小弟嘅frd係中一比人杯葛欺淩，由一個人主要帶頭周圍講佢壞話，當住全班人面前用粗口鬧佢，又話咩佢好嘔心之類不停貶低佢，又試過踢佢出班grp然後仲話自己踢得好啱，又試過整跌佢所有野然後扮冇事發生。咁真係多得佢唔少，我嘅frd最後轉咗校，三年過咗都冇可能忘記呢件事，而且仲有情緒病（雖然壓力主要來源係學業）。 我自認我衰我邊緣我細膽，根本幫唔到我嘅frd，除咗聽佢講嘢，見班人蝦佢我帶佢離開現場，我真係咩都做唔到。但係令我最不解嘅都係班老師嘅無視，其他同學嘅參與同旁觀，我試過私底下同老師講過佢被人蝦，希望老師可以幫幫手，結果佢同我講忍吓啦，佢（帶頭欺淩嘅人）情緒有D唔好，你地包容吓佢。我屌你咩，佢有問題你要我嘅frd忍佢？佢自己真係有情緒病，學業壓力大就可以亂咁蝦人？老師仲要勁關心佢，成日同佢傾計。咁我個frd呢？你為咗「包容」一個有問題嘅學生而唔幫被人蝦嘅人，都會令比人蝦嘅人有情緒病wor唔係咩？ 我依家中四，又同帶頭欺凌人嗰條友同班，佢變咗好多，成績勁好，好多人同佢玩，老師又讚佢；相反，我嗰frd時不時焦慮，迫自己不停温書但係完全得唔到相對應嘅結果，又成日諗起自己比人蝦嘅經歷，我真係想問公平咩？憑咩嗰條友咩表示都冇又可以過得咁好？憑咩我嗰frd冇傷害過任何人但係過得咁辛苦？我真係好想知佢諗緊咩，係咪已經唔記得呢件事（我仲係唔夠膽問），我應唔應該問？ 可能有人會話，做咩咁記仇呢？我自己都唔知，但我又唔係咩聖人，唔通我要多謝佢對我嘅frd造成嘅傷害有助令frd成為更堅強嘅人？算吧啦呢D中文作文先寫嘅人生大道理係現實根本唔會出現。 希望曾經欺凌過人嘅人主動道歉，真心世界上有幾多藉口理由都唔足以令你去傷害一個人，你可能會話玩吓啫唔使咁計較，但造成嘅傷害係你呢個不停幫自己脫罪嘅人諗唔到。你自私，咁我自私都好正常，只係想你主動認錯，或者由一開始就唔應該欺凌人。 希望任何被傷害過嘅人會好返，遇到明白你哋嘅人，千祈唔好覺得係自己嘅錯先令D人欺凌你，give you guys a big hug，辛苦哂啦，記得自己壓力大嘅時候比自己休息吓啦，深呼吸可能會好D 多謝睇完嘅人 sorry for 1999

#NSS愛情 [GUEST] Hi 大家好，呢篇嘢有少少長辛苦晒大家🙇🏻‍♀️ 其實小妺有個煩惱就係暗戀一個人真係好辛苦 • 咁我稱佢為S啦 S佢就係我F5嘅師兄啦，佢有份喺學生會度做嘢，所以我係由學生會嗰度認識到佢，咁我第一次dm佢就係恭喜佢哋學生會當選成功，咁之後有事我會叫佢啲朋友講關於佢啲嘢俾我聽等等，跟住一直都嘗試搵話題同佢傾偈，但係有時會不讀不回。 有時我會特登去佢間房前面行，或者去學生會開嘅文具舖嗰度買文具就係為咗見佢一面。 • 當全日復課嗰陣， 我哋學校嘅活動又多咗，例如有啲運動會，singcon。運動會嗰陣，我就問咗佢可唔可以影相，但佢同人哋影緊相，跟住佢話等陣，但之後老師就開始叫我哋走唔好停留喺運動場，之後過咗冇幾耐佢dm我同我講返今日冇同我影相sorry 等等,跟住我就同佢講下次影返，所以之後逢親有活動我都一定會搵佢影相，佢都會話好啊冇問題 • 雖然佢而家雖然都唔會主動搵我，但係佢而家唔會不讀不回，打字用多咗emojis,其實咁樣我已經好開心🥲 麻煩admin了thanks🙆🏻‍♀️

#NSS愛情 [Guest] 麻煩Admin po ig thankssss Hi~我係 #NSS211228C《留學愛情記》嘅樓主（未睇嘅話，睇咗先thanksss） 以下係以出trip去主題樂園改篇少少(多多)作嘅小説？故仔？ 希望你哋中意啦！ 今日，原先應該係一個好開心嘅日子⋯但係⋯⋯ 本來我好期待同佢一齊去主題樂園，因為難得一次嘅機會可以一齊出去玩。但係佢喺同我一齊之後兩個禮拜開始就好似對我冷淡左⋯唔係好似⋯佢係對我冷淡左。 哩兩個禮拜我試過無數咁多次向佢示愛，但係佢都冇認真咁答過我。 喺琴日食晚飯我同佢一齊坐喺飯堂冇人嘅角落，佢喺度一路食飯一路睇電話，全程都冇同過我講嘢。 我：「XX呀⋯⋯做咩呢排唔同我講嘢嘅⋯？」 佢冇答 我：「你知我好愛你㗎呵⋯？」同時間，我已經有啲想喊 佢無乜感情咁講：「哦」 之後放低部電話，繼續食飯 我再控制唔到淚水，起身跑離飯堂 我聽到佢有叫住我，但係我已經唔想理佢 我跑到宿舍門口，聽到佢喺後面跑上嚟。天公不做美，當時落緊雨，好似電視劇情節咁。 入咗宿舍門口，我徑直走入房，坐喺地下就開始大喊 喊咗都唔知幾耐，坐喺度諗點解佢會咁做。 我打開電話，見到佢send咗無數個msg，再睇下時間，已經接近3點，我播起歌慢慢就進入夢鄉⋯⋯

#NSS愛情 [Guest] 麻煩Admin繼續po ig thanksssssssssssss 上回提要：（未睇嘅話，睇咗先thanksss） 不過天都光晒啦，我梳洗完換件衫著條裙孭個袋就準備出發⋯ 落到門口，見到佢喺度等我，我哋冇講任何野就一齊行去上旅遊巴 上到車，我同佢坐埋一齊，但係空氣好似凝結咗咁樣，我同佢都冇講野 我繼續播我啲六十年代嘅歌，合埋眼，再打開眼就已經到咗主題樂園 聽完啲集合需知，雖然我都冇乜心機聽，之後就同佢一齊入去園內 結果我同佢喺入面漫無目的咁行咗半個鐘 突然，佢行上前，拖住我隻手，拉我去一架無禁可怕嘅過山車入口 佢望住我之後講：「你驚嘅話⋯⋯就拖住我隻手啦」 我霎時之間唔知點答佢，但係我覺得好warm 唔知係因為個過山車太低難度定抑或係離峰時段，唔使排隊就入得。 當然，佢仍然都係拖住我。 上咗車，因為我比較細膽，所以我一路捉住佢隻手，架車慢慢上到高處，我就捉得越實。 上到最高點，我頓時間又好似冇咁驚，我望住佢，雖然衹有短短兩三秒鐘，但係當刻嘅記憶係永恆；係美好；係⋯⋯幸福嘅 衝落去嗰刻，我驚到叫唔出聲，捉佢隻手捉得好緊。 過咗好一陣嘅左右衝刺，過山車終於入站，我鬆咗一口氣。 落車之後，我哋去咗一個類似涼亭嘅地方休息。 直至到坐低，我先至放開佢隻手 佢隻手俾我捉到有個印，佢笑咗出嚟 佢：「你有冇咁驚呀

#NSS個人 [GUEST] 其實畫畫係咪真係冇咩用？ 小妹我係一個非常鍾意畫畫嘅人，鍾意嘅程度係夜晚凌晨瞓唔着或者唔想瞓就即刻攞iPad出嚟畫畫 我阿媽就好支持我畫畫嘅，認為鍾意就去做冇咩唔好 但我老竇就對我鍾意畫畫有啲反感，佢認為畫畫冇用 我曾經因為成日畫畫所以同佢鬧過交 嗰陣時佢講咗句「畫畫有咩用？畫出嚟咪都係廢嘅！」自此每次畫畫嘅時候我間唔中都會諗起，之後我就會停止畫落去，坐喺度諗畫畫到底有咩用… 其實我真係好鍾意畫畫，我好鍾意將自己嘅感受畫出嚟，但係我依家真係唔知畫畫有咩用…. 所以我想問畫畫係咪真係冇咩用？

#NSS個人 [Guest] 朋友？？？ 原來就係要每次係其他人面前踩你串鳩你 私底下扮晒friend 有著數就要攞到盡 下下認叻 次次低分過你就開心 「唉呀 唔緊要啦 下次加油」 多謝晒 心底裏咪又不知幾開心 由中一開始 識咗幾個friend就開始唔理我 咁咪算囉 而家我有幾個friend 就要痴埋嚟扮friend 真係好嘔心 成日又話自己有好多朋友 笑我無朋友 其實當你friend先會send 醜照俾你同你玩 點知下一秒send晒俾全世界 哈

#NSS學校 [Guest] 我個英文老師痴線㗎，聖誕假之後我哋要考試，先唔講我哋溫唔溫書，啲老師無論點都好都唔應該俾咁多功課啦，不過有啲老師假期前有俾功課不過都唔算太多所以算啦 咁我個英文老師琴日 (28/12) 突然喺google classroom話要交兩篇文，即日交，我一起身就開始溫書，下晝三點幾溫完就去圖書館睇吓漫畫咁，返到屋企就玩吓手機，夜晚就繼續hea, 到10點幾突然有同學喺班grp話要交文，我見到都唔信，開返google classroom先知真係要23:59交，咁都10點幾，我朝早同晏晝又溫咗書都唔想做嘢喇，咁咪唔做囉，反正得返個幾鐘都冇乜靈感作 我今日問返啲同學，好多人都冇做，跟住呢個老師又突然喺google classroom鬧我哋，話會同校長告狀，冇錯我哋唔交功課係有錯，但係你喺假期就嚟完嘅時候突然話要做，假期之後仲要係考試，都係你唔啱在先啦 咁我又唔會到返學都唔做嘅，日日作啲囉，不過真係好嬲 sorry花咗大家寶貴嘅時間嚟睇我發晦氣 sor for 1999 admin pls post ig

#NSS社會 [guest] 第一次投稿 希望admin po ig 🙏🏻 hello 小妹係06 中文唔係咁好唔好意思🙏🏻 哩幾年真係見證住香港嘅變化 依家有好多小朋友已經「大陸化」當然唔係全部但都係有好多 亦包括我阿妹 仲記得之前問我阿妹覺得自己係香港定係中國人 佢少少猶豫都冇就話係中國人 其實聽到個下都好心痛 點解啲小朋友會變成咁 其實唔怪得佢哋 學校嘅洗腦式教育 不斷洗腦啲心智未成熟嘅小朋友 蘋果嘅消失 立場嘅消失 會唔會幾年後已經係香港省 民主 自由