#NSS愛情 [某band 1 中學] Christmas前後突然多左好多同學拍左拖 雖然我對住佢地成日一路祝福佢哋一路自嘲 哇好羨慕 好閃吖 點解我仲未出pool㗎 但係實際上我16年嚟連暗戀人都未試過 究竟係好事定壞事？
#NSS個人 [Guest] 啲親戚覺得我冇ADHD （啲親戚大部份都係教書或者有攞牌嘅特殊幼教老師） （佢哋覺得有可能我係太過焦慮嘅副作用搞到好似ADHD咁） 但係我個社工同埋我個心理學家覺得我有ADHD 而家最一開始係我自己覺得我自己ADHD 而我係希望自己有ADHD，跟住食藥解決所有嘢 所以我想問吓有冇人有少少推薦平平哋嘅精神科醫生 我好想做診斷知道答案 包括ADHD，焦慮症同抑鬱症 我有ADHD嘅症狀（成日拖住啲嘢唔做，上堂成日插老師咀，郁嚟郁去，返到學校特別hyper，好難專心） 我有焦慮症嘅症狀（成日不斷亂諗嘢，一年來只係試過兩次panic attack） 我有抑鬱症嘅症狀（夜晚好難入睡，有時瞓六個鐘就會自動醒，有好多唔同身體嘅毛病出嚟，有自殘，想自殺，仲有好多唔同嘅） 所以最後總結 我想問有冇人可以推薦平平哋嘅精神科醫生，或者做到診斷嘅嘢？ 同埋我想問可唔可以推薦下一啲減壓嘅方法 Please help and thanks
#NSS愛情 [GUEST] Admin plz po IG🙏 話說我係今年聖誕假到識咗一個女仔，佢係我同班同學，之前都冇乜傾開計，係近排先至同佢熟，其實係一開學嘅時候已經有留意到佢，覺得佢都幾靚，但係因為今年要移民，加上佢平時喺學校都好靜(好似好難識到佢😶)，所以我都冇諗住去識佢，不過係前一牌佢突然間問我係咪要移民，而佢係呢一方面到比咗好大嘅建議同睇法我，可以話係我咁多frd入面最詳盡嘅一個，我同佢亦都順住呢個話題開始傾落去，每次傾完一個話題之後，佢都會開個新話題，有一次都傾咗成日，佢有時都會分享吓佢啲日常，平時都會send佢啲寵物俾我睇吓，有時佢都會主動搵下我咁，就咁樣傾咗一排，我開始feel到自己對佢有好感。 去到近排我同佢傾起我鍾意邊個，因為我唔想咁快俾佢知我鍾意佢，所以我就係咁隱瞞，搞到佢以為我鍾意第二個，不過仲喺度係咁同佢傾偈，我都feel到佢開始有啲嬲同埋唔耐煩，我問佢係咪有啲唔耐煩同埋嬲，佢都話冇，到而家我feel到佢會好主動咁close話題，同埋開始唔係好想理我咁。 我都知佢可能由頭到尾都只不過係當我普通同學，搵我傾吓計咁，甚至可能只不過係搵我黎攝時間咁，不過到依家我都幾肯定我係鍾意佢，我都諗緊應唔應該去表白，如果表白得咗嘅話我都會選擇留喺香港。話說小弟上到中學之後都冇乜去識異性朋友，佢可以話係第一個我直心當佢係我朋友嘅女仔。 希望大家可以俾啲建議同埋意見🙏 Sry for 1999😅
#NSS個人 [Guest] 大家好，小妹第一次投稿 希望可以屌得細力啲🙇🏻♀️ 小妹我今年form1 想講下家庭背景：父母於我4年班嘅時候已經各種意見不合(基本上就係關於我)而鬧不和，去到5年班嘅時候，娘親就「請」咗我爸爸離開我屋企(因為間屋係我阿媽嘅 阿爸冇份)。2021年頭就正式簽字離婚，我一直都覺得係我錯，接受唔到父母分開，亦曾經因為咁而抑鬱；成日自己縮埋喺房，係咁喊，好想死，好大壓力。年中亦突然發現阿媽同佢公司個男同事一齊咗，呢啲嘢我管唔到 亦唔應該干涉。 可能個天玩我，又或者係俾緊機會我，我入咗一間Band1嘅女校。喺入面我諗開咗少少，簡稱開竅😂。我認識咗一個留班既同學，佢為人比較粗魯😶🌫️但係我唔知點解突然動咗心，每日上堂都忍唔住偷望佢，佢做咩我都會忍唔住偷笑；因為佢好明白我？定係因為佢成日幫我？我真係唔知。但係：佢有鐘意嘅人·仲要鐘意到俾其他人甚至自己鍾意既人笑都唔介意。嗰位女仔唔鍾意佢，但係我鐘意既人都好希望同佢可以發展。甚至成日問我可以點做，我只可以忍住心痛，用心俾D建議佢，安慰佢。希望可以幫到佢。人總係自私既，我成日希望佢知道我既心意，但係佢只當我係朋友。所以我只可以同自己講，我根本冇資格呷醋。 如果你見到呢篇文，我只係希望同你講：「希望你可以成功 並幸福。有咩需要幫忙，我好樂意幫助你。This is the only thing that I can do. 」 我亦感謝大家睇到呢到 突然有感而發 第一次投稿，文筆唔好 希望可以原諒我🙇🏻♀️ 希望admins可以po
[Guest] 諗緊出個po比喺海外留學嘅同學識吓人！ 大家好～小妹f4過咗嚟英國半年左右，都明嚟到外國要盡量適應環境融入社區，但有時都會好寂寞，尤其放咗學想同香港啲fd講下電話但因為時差大家都瞓曬覺，呢度啲外國人同學唔識kpop jpop唔睇動漫，我都嘗試接觸過嗰啲歐美電影歌手，但我始終都冇乜興趣，同佢哋傾計淨係可以講學校野，有時聽唔明又答唔到嘴。 大部分同學都好好人！第一日返學大家都勁熱情係咁問我嘢，好照顧我咁，但近排同個幾nice嘅同學傾開計，佢問我有咩興趣，咁我啱啱前幾日返睇緊你的名字咁我就快快口答佢動漫，跟住佢即刻勁嫌棄咁講咗句 “That’s why you’re a loser” 就走咗，我心諗使唔使咁大反應…動漫嗰啲喺度應該真係唔受歡迎 關於種族歧視學校嗰邊又還好，我讀public school今年都幾多香港人，但我初初嚟到都有喺條街比人鬧corona virus 甚至係比啲homeless 吐過口水，可能係我比較唔好彩XD 本身喺香港放學都有得去行下街飲下嘢，嚟到好似咩都冇曬咁，成年咩回憶都冇，日日放學就直接返屋企，又冇乜朋友，情緒都開始有啲問題，有時會走堂，想同身邊嘅人傾訴，個個就講埋晒啲你要知足你已經好幸福，我都知好多人想走走唔到，會有人覺得我講風涼話好自私，但有時真係會、好辛苦好孤單，有同聲同氣明你感受嘅朋友真係會好好多🥲 我自己嘢就講到呢度！！辛苦各位睇長文了！ 大家可以喺留言區講下自己城市地區興趣之類，方便想識你嘅搭話：想識！我哋同城🥺我都鍾意姜濤！咁（？）
#NSS愛情 [guest] 希望admin可以po ig🙇🏻♀️ 我今年中五，差唔多兩個禮拜前同自己鍾意嘅人喺埋咗一齊（我主動告白嘅）但係就發現咗有啲唔對勁 雖然最終都喺埋咗一齊，但其實當初我告白嘅msg佢用咗兩日先覆我，覆我嘅內容大概係「其實我對妳都有好感不如我哋試吓喺埋一齊」等等 確認關係都係我自己同佢講，「咁我哋而家係咪喺埋一齊」 佢答我嘅係叫我自己決定😅 但係佢表現出嘅行為令我根本唔覺得我哋係一對情侶，甚至同我哋之前仲係普通朋友嗰陣嘅對話/互動都無乜分別。 令我咁覺得嘅原因有三個： 1. 我哋之前有幾個common friend, 以下稱為x，個男仔稱為y，當我同y喺埋一齊嗰陣，我第一刻就通知咗x，因為x一直以來都知道我鍾意咗y，但係當x向y詢問我哋關係嗰陣y不斷喺度打模糊仗，好似唔想承認我哋之間嘅關係、就連我問y可唔可以同其他人公開我哋嘅關係佢都一律拒絕 2. 因為我身邊嘅人同我講話情侶一般每日都會傾計，所以我都儘量每日wts佢（如果佢無主動wts我嘅話），經常性係我主動wts佢，明明喺埋一齊之前多數都係佢主動wts我。同埋我仍然覺得同佢傾計好尷尬，通常我哋嘅話題都係斷斷續續咁，每個msg都隔30分鐘-1個鐘，好小有無間斷嘅對話發生，佢覆番我msg嗰陣就算我係online見到，但我又唔敢覆番佢 3. 本身我約咗佢出街，滿心期待咁以為我哋出街嗰陣會有更加親密嘅身體接觸，但係結果乜嘢都無發生🥲就連拖手都無，可能呢件事無得怪佢，因為我都無主動拖起佢隻手，甚至講都無講過關於我哋係咪拍緊拖等嘅內容 – 基於以上我觀察嘅表現，我打算喺下次見到佢嗰陣當面講清楚，問佢我哋究竟係咪拍緊拖/我哋算係咩關係，唔知大家覺得如何？因為我自己其實都好困惑，覺得佢好似唔係好在乎/承認呢段關係嘅存在，但係既然係咁嘅話點解佢當初又唔直接拒絕我/話我哋更加適合做朋友，仲要覆番我都用咗兩日嘅時間🤣嗰兩日其實我勁煎熬，事後問番佢點解用咗咁耐黎覆我，佢都淨係話 自己「需要時間思考點答我」 同埋想問吓拍緊拖嘅大家會唔會日日都同對方wts/傾電話？我驚我wts佢會令佢覺得我好煩，所以最近克制緊自己嘅行為，但係同時間我又唔知點去維繫呢段關係。 – 利申係a0，唔係好清楚點去經營一段關係，如果我講嘅任何嘢得罪咗大家/價值觀上有任何錯誤，歡迎大家更正我，非常接受大家嘅意見。