—類投稿

#NSS學業 [polyu] 嗱，講真我就唔係一個中學生嚟嘅，我唔知呢篇嘢會唔會因為唔合資格出唔到啦～ 不過就算真係出到你哋都應該考到一半。 勸世： 揀真心有用同埋handle到嘅科， 讀呢啲唔代表放棄夢想，隨時相輔相成 so本人就當年19分入咗polyu嘅xx工程啦，你話有愛咩？梗係冇愛喇，我唔係低分點會入啫。 本身個人就真係好鍾意一啲歷史文化同埋藝術嗰方面嘅嘢，不過到最後都係揀咗理大工程， 冇呀，其實讀咩科都係咁㗎喇，不過呢科好似方便搵工。 （ 具體有冇用視乎個人立場，我戴定頭盔先） 但你問我後唔後悔？少少，呢科同我當初嘅設想相差好遠，但我發現我學返嚟嘅嘢係真心有用，而且慢慢都發現幾有趣。 雖然大家都知讀呢科未必做呢行， 但始終在有限嘅選擇之下，務實嘅科目對於未來嘅發展比較好就好似中三揀科多為phy chem bio咁樣。 當然啦如果真係文人唔好揀，工程見過頗多純粹因為低分入咗，結果完全適應唔到，啲功課根本唔識做嘅人。 咁可能你會覺得我放棄咗自己嘅夢想，去讀一個本身唔太鍾意嘅科目然後強迫自己愛上咁？ 講真，啱一半。 至少後面嗰部分都頗為正確， 但係撇除主業係個學生， 我有不斷做一啲同歷史文化藝術相關嘅工作， 私底下不斷去學習唔同嘅古法技藝包括但不限於景泰藍、纏花、草編， 目前都有進行小班教學，

#NSS個人 [Guest] Hi 各位，小妹今年F3，第一次投稿🙇‍♀️其實究竟是我自己唔正常，定係我啲朋友好唔正常? 中一嘅時候，爸爸就同我講如果同你同學仔熟啲嘅話就可以畀我約佢哋去玩。而佢都分享咗佢嘅經歷，喺聖誕節嘅時候都會約同學出去遠啲嘅地方睇燈飾。 喺之前嘅時候買咗迪士尼飛，問咗同學得唔得閒一齊玩，我次次問佢佢次次都話唔得閒，我心諗你有冇咁忙呀?🤣 然後,本來我諗住約啲同學仔考試之後去玩，好多人都因為有唔同嘅原因例如有興趣班同我講唔得閒，阿媽唔比佢出街，我唔係問一個係噉，係有幾個都係。 我自問我同d熟嘅朋友都冇同佢哋關係冷淡或者曾經絕交，喺學校同佢哋相處都冇乜嘢,我諗佢哋應該都唔會唔約我。我又唔係邊緣人，但係問咗幾個朋友都唔得閒。。。 我諗而家啲時代唔同，可能家長比較保守。但係啊有陣時都係啲冇咁熟嘅朋友嘅ig story 見到佢哋一齊吃喝玩樂，我有陣時約佢哋，佢哋都話約咗其他人。我就心諗係我啲熟嘅朋友有問題定係我自己有問題?求各位指教，Thx ! Sor for 1999🙇‍♀️

#NSS個人 [金錢焦慮？] sorry for 1999 小妹今年f4，投稿原因係因為一直煩錢，疫情開始之後屋企人比$500一個月，連車費食飯（半日實體都係500一個月）。又係咁叫我慳住使，唔好亂買嘢，每次比錢我都會咁講。 我嘅價值觀好似愈黎愈歪曲，例如買嘢唔敢買，食飯唔敢食。因為覺得好貴，淨係敢買公仔麵食，如果要出街食都淨係食$30內嘅餐廳。覺得唔應該洗錢，洗錢就會好大罪惡感。就算我依家有返工，賺到少少錢都改變唔到呢種諗法。請問我應該點樣改善😫 小妹文筆唔好，如果打錯字/講得唔清楚盡可能體諒一下🙌🏻多謝你睇晒

#NSS文化 [［GUEST]] 可唔可以咪撚再用「小弟小妺」呢個詞？ 古代中國人創作㗎, 求下你哋香港人咪撚再用啦好嘛？ 「弟妹」出處: 弟妹自象形和甲骨文字 ，即係由古代中國大陸人創作。一係你哋你自創，一係就用返細佬。 好心你啦！係咪香港人嚟架？又話要捍衛本土文化，又成日用撚埋曬啲中國字，快啲搵人自創返啲香港字！你哋班偽黃人😡 Sor for 1999, 麻煩Admin po ig, thx!

#NSS個人 [GUEST] hello 我今年form2 我英文真係好差，默書未合格過，入咗間band1英中。呢間學校基本上淨係會谷你讀書，唔理其他技能，我本身唔叻讀書，讀得好辛苦，自信心大跌。全部科都係英文教，我英文真係超級差，所以一直都好少合格。 我有打算轉中中，因為屋企都冇乜錢俾我係咁補習，但係放棄呢個band1好似好蠢。大家覺得我應唔應該轉校？或者有冇好嘅中文學校推薦！🙆🏻‍♀️ 希望admin幫手post 辛苦曬💪🏻

#NSS文化 [Guest] (標題)點解無人肯用/開發粵拼？而用倉頡？ 真心其實好易學，基本上識得讀個字出嚟就打到，而且平時都唔需要用聲調，啱曬香港人唔理聲調嘅習慣。 如果有Google/Apple嗰啲公司搞大個詞庫去，就簡直無敵，咩日常用語都可以唔駛特別學就打到。 對比起倉頡速成嗰啲反人類嘅〝字碼表〞，你識得用英文鍵盤就立即學到，而唔係要記26個基礎加101個輔助字形啊。 你幾時覺得101個〝字母〞係正常㗎大佬。 所以話我真係想知點解無多啲人肯用粵拼…最撚諷刺嘅係我有個frd係黃到黃衛軍嗰隻，佢係我教佢用粵拼之前竟然係用緊普通話拼音啊，就係因爲倉頡實在係太反人類，而粵拼又無人知點Down啊。 唔係話要保護廣東話文化㗎咩？用繁體字就當係？ 究竟點解粵拼要咁折墮啊啊啊啊

#NSS個人 [Guest] 點解尊重男男 但係好似唔多鍾意女女 其實都係鍾意同性 點解可以咁大分別 — 我今年15歲 上年發覺我bi 鍾意咗班上一個女同學 我有一個friend 佢幾鍾意睇BL漫畫 有陣時會同我分享 佢尊重男男 但我唔知佢對我鍾意同性有咩睇法 — 過咗一排之後 我決定同佢講我係bi 同埋鍾意咗一個同學 話晒佢好似對尼件事okay咁？我心諗 — 響周末 我約咗佢出街 我決定同佢講件事 我未試過出櫃

#NSS個人 [Guest] 唔知其他女仔有冇呢個煩惱，就係隻腳突然出現咗啲白色嘅紋，本身係紫紅色，但係最近變咗白色 上網查過 啲人話係因為突然肥咗/瘦左，或者突然生高 我依家好似越生越多 唔知點算好 我覺得好核突 係唔係以後著唔到短裙 返學俾人見到會唔會俾人笑 係咪得我一個有？😢

#NSS愛情 [GUEST] 我半年前識左個女仔 佢人又靚、心地好、聲好聽 個陣我又因為學校人際關係而好唔開心 但我一見到佢就會開心返 識左唔夠一個月我就表白成功左啦 直到上星期見佢唔開心話好煩惱 我就寫篇文去鼓勵下佢啦 佢都有覆個👍畀我 到前日見佢刪左我密友我就知出事啦 我就主動問下佢要唔要傾下計 但佢就直接話不如分手啦你唔開心我又唔開心 (雖然我知佢冇鍾意我 所以我一直都預左可能會分手 但冇諗過會咁快 ) 我就同佢講話唔好啦,我冇唔開心 佢就話佢心好累 我問有冇機會可以之後一齊 佢又話不建議,你值得更好的 (見到呢句我心涼左一半 都知我同佢之間再冇可能) 個晚我就喊左成晚 訓唔到

#NSS愛情 [GUEST] admin plz po ig 想問下咁多位巴打接唔接受到女朋友平胸 今年19女朋友18 佢十二歲果陣俾人性侵過之後有厭食症 而家有時都會食完就嘔 一係就唔食 所以搞到好瘦同埋真係平胸個隻平胸 我都好包容佢 知道佢經歷咗好多唔好嘅嘢 但係有時想摸佢都會覺得爭咁啲嘢 我知道唔應該介意但係都係好介意 點算