#NSS家庭 [GUEST] 小妹讀band1A學校（直資）今年F2 我想問下打咗針嘅你哋打針嘅原因，事關我父母呢排開始迫我打科興，我真係唔想打。 我媽猛咁強調科興對人體無咁大反應，同埋同我平時打嘅針用同一個技術，安全過復必泰。 我無否認科興係溫和啲啲，但係我唔明點解我連打唔打針呢個決定都唔輪到我揀。 問題係，我要佢哋解釋點解一定要打針嘅時候，佢哋淨係識講：「你遲早都要打㗎喇！」 我其實好想自己決定，尤其係關乎自己身體嘅嘢，唔通我連主宰自己生命嘅能力都無？ 今日我聽到阿媽同阿妹講：「你唔需要有任何意見，你淨係聽話同服從命令。」 我嗰下真係呆咗，乜原來我活喺個咁封建專制嘅家庭裡面㗎？ 我覺得父母並唔係唔愛自己，但係係想操控我，或者將我塑造成為佢哋嘅所謂成功，我唔知有無錯誤解讀。 我想問下大家睇法 thx 🙇♀️ sorry for 1999 麻煩 admin post ig pls 🙇♀️🙇♀️🙇♀️ 圖Link: https://ibb.co/gWhhKRJ
#NSS學校 [guest] 純分享一下我嘅故事👁👄👁 咁我讀嗰間小學係名校，咁我又唔係啲咩band1學生，功課又唔係做得特別好，自然被老師針對。咁我5、6年級就比中英老師針對，一開始冇點在意，但係之後真係愈嚟愈嚴重。 我唔係好記得我英文老師講過啲咩，但係我記得條友成日帶住全班笑我同我個friend，話咩 ‘go see a doctor’ 即係重點係我哋兩個淨係坐喺度乜都冇講過，嗰陣除咗委屈都冇其他感受。印象最深刻果次就係佢無啦啦趕我哋兩個出課室，咁我哋就忍無可忍咁真係走左出去，佢呆咗一陣就叫我哋返入去。 但係我中文老師先係好嘢，嗰陣我功課做得唔好，佢就喺全班面前鬧到我渣都唔係。咁都算啦，有一次我去搵其他老師，但係唔小心入錯佢間課室，然後上堂嗰陣佢雖然冇開名，但係就爆咗呢件事，即係我唔知佢purpose係咩，但係其實我好唔舒服。除此之外，佢同英文老師一樣都會帶其他同學笑鳩我，佢同我隔離位講：「我會同你掉位㗎啦，我知你唔想坐佢隔離」，嗰句真係hurt到爆。咁仲有有一次我唔知點又比佢鬧，咁佢鬧完我就掉頭走，然後佢就鬧咗句「死人(我嗰名)」我記得嗰陣全班都哇左一句，我就呆咗幾秒，然後走咗。然後仲有好多嘢我都唔知點講好。 嗰陣小學成日以為老師講啲嘢就係啱，所以我真係以為自己係啲老師講嘅一樣，自己真係好垃圾，一無是處。我每日都唔想返學，我又唔敢話俾大人聽(我係蠢，唔使屌)去到中一先敢講，然後原來先知可以告佢。就係因為班老師咁樣玩法，我有小五去到而家中四都係一個做任何事冇自信嘅人。 咁最近我學校啲close friends差唔多全部都移曬民，咁我就去嘗試識新朋友，但我頭先都講咗，我冇自信，我完全主動唔到，真心覺得而家社交反而難過讀書，我唔明點解自己會變到咁，明明以前我好外向，而家我完全唔識點樣同人相處，真心覺得自己好垃圾。but anyway, 如果你比某啲人恰到好想死咁唔該一定要話俾人聽或者用任何方法搞死佢 thx
#NSS學校 [九龍城 民X書院] 見到有F2同學喺度反映學校體育堂問題，自己都想講下自己嘅睇法。 我自己係民生大嘅，唔讀民生根本唔會知點解我哋會咁大反應。特別係我哋依班民小上民中嘅，小學去到唔知幾多時級就有話重建，閂咗泳池等。喺重建前同重建緊嘅時候就不斷瘋狂叫我哋捐錢，講到個新座有幾好，又有室內游泳池，又有室內唔知乜鬼，攞哂d design出嚟講，叫班水魚家長瘋狂捐錢，令班仔女將來有好嘅環境學習，升到中學都可以用到。 事實上，上到中學之後，根本除咗校隊等，普通學生根本無得使用。上體育堂一係就係舞蹈室，一係就用20分鐘行上去個場度，操場就變咗做集合上舞蹈室同上去個場嘅地方。仲記得嗰陣冷氣機層層咁慢慢壞，上其他堂都算，熱下熱下過一堂，但係上體育堂唔同。成班男仔女仔屈埋喺跳舞室度上堂，嗰日d毒氣攻擊我畢生難忘，臭豆腐+臭雞蛋嘅一百萬倍臭都唔足以形容。 至於有中學同學留言話放學時件。事情係由於中小幼一齊同時返學放學，為咗可以唔好塞住條路位定唔知咩，總之學校就好細心咁開咗條垃圾房路比中學生，仲好好咁強制上樂富就要行後門同只可以轉右，而去商場嘅就要行嗰條垃圾房路都係只可以轉右，至於小學同幼稚園就當然係用前門同大半個後門啦。但係其實學生出咗校門，點解連轉左轉右嘅自由都無？ 喺民X外嘅人可能會覺得無咩嘢，覺得我哋小氣，但係由於中學部同小學部嘅任何嘢都差得太遠。咁有人又會講，無辦法，要明白一個係私一個唔係，當然差得遠。但係大部民中人都係直升上去，有份捐，有份比錢，（雖然唔應該睇錢，但係學校⋯）3+6+⋯但係我哋就得唔到我哋應該有嘅嘢。 可能依家有人會覺得其實自己咁樣話自己學校會唔會唔係幾好，但係依樣野始終都要反映。 Proud of自己係民X人，只係依個位難免會覺得氣憤 （上述內容只係個人及一部份同學嘅睇法，並非全體民X人） （任鬧） （有民X人睇完之後覺得憤怒，我自己依家sorry聲先） Sor for1999 唔該admin～
#NSS學校 [[ 九龍城 民X書院 ］] 啱啱睇到 #NSS211228C 個post 🥲 民X書院真係好PK 大家千其唔好入呢間 我啱啱好彩轉左校 如果唔係嘅話真係死咁滯 首先老師上堂不停死講爛講，完全冇理學生係咪真係明，試過一堂30分鐘教哂成課，平均5分鐘一版😀啲學生聽到一頭霧水，跟住個課仲要考試，想點？？？？老師不單止冇愛心，仲會偏心。啲成績top嗰幾個一定可以做畢業禮司儀或可以講演講辭😀啲資源仲去哂佢哋度，其他成績冇咁好嘅就日日被老師罵+罰。真係好唔公平。 我啲仲讀緊民X書院嘅朋友話佢地升上中學之後日日都有測驗💩係日日都有 之前已經試過有同學自殺死左😭 但學校好似當冇嘢發生過咁，照比好多quiz同功課，冇理過同學嘅感受。其實間學校可唔可以唔好咁冇人性？瘋狂比學生讀書真係有用咩？到頭來咪都係搞死人？ 仲有，間學校門面功夫真係做到足哂，啲外人以為呢間係正嘢？哈😂你入到黎就知賴嘢 民X仲要不停喺度搵我地學生笨😀成日都要捐款… 其實之後啲錢咪都係佢地自己私吞哂🙂比左9年用左1年都冇，真係講起都嬲😡希望校方會努力正視問題。🙂
#NSS學校 [九龍城 民X 書院] 大家好 小妹今年 F5 相信大家對我就讀嘅學校唔會太陌生呢間學校擁有九十幾年歷史 坊間好多人都話佢唔錯 甚至乎好多人都有想入讀嘅念頭 但我哋做人要有多角度思考嘅能力 唔可以一味追捧所謂嘅名校 因此小妹今日想同大家分享下呢間學校啲少為人知嘅秘密 同埋拆解大家普遍對呢間學校嘅誤解（當中會牽涉一啲我嘅個人經歷）希望可以為大家提供多啲唔同角度嘅參考資料 ❎誤解1❎ 「坊間好多人都話呢間學校係名校 師資應該唔錯啦！ 」 冇錯…..呢間學校的確係有啲好老師 但係其實都唔係你想像咁好 就等小妹同大家分享幾件事啦 1.有個姓黎嘅中文老師根本全校公應唔掂 但到而家仲留喺度教緊 ❎佢教書速度勁慢 成日教唔哂啲