#NSS家庭 [guest] admin po ig plsss Hi我係 #NSS210410B 個Po主 件事隔左差唔多一年，我地已經離開咗我老豆(雖然走嘅時候真係好離奇仲要刺激…)隔咗咁耐係開心咗好多。 但問題係其實件事根源根本未解決，老豆跟本接受唔到我地走咗，佢多次跟蹤我地啦，雖然我自己冇見到，但佢成日都撞我屋企人，包括親戚。 雖然全線block曬佢content但仲用好多個唔同電話打比我地(工事問題好難轉電話)，之後仲叫嫲嫲打比我地，基本上日日比人煩幾粒鐘。 佢跟蹤我阿媽成日話自己改變緊，上好多堂，但講真，佢onon99寫咗一堆長文(D內容好噁)，又經社工寄一堆無用野過嚟仲炸人地老闆機，仲要對任何知道/幫我地嘅人騷擾(據佢哋話條友惡到好似想殺人)，簡單講句跟本冇改變過💩 感覺上其實真係好噁心好煩，已經講過好多次唔會比機會，報popo又話家庭紛爭，唉好煩唔知點算好… 圖Link: https://www.google.com/search?q=%F0%9F%8C%9A&hl=zh-TW&prmd=mivxn&sxsrf=AOaemvIOrdyFPH-mCBUUNWEX2CzYT9S5hQ:1640089204576&source=lnms&tbm=isch&sa=X&ved=2ahUKEwiB08Cz8PT0AhWIPJQKHeA3DnQQ_AUoAnoECAIQAg&biw=360&bih=601&dpr=3#imgrc=v4iOs3nPcnQ7gM
#NSS學校 [GUEST] 我哋班有個好L八婆嘅人🙃 首先開學嘅時候我見佢冇乜frd我同我啲frd就同佢做咗frd,咁過咗幾個月佢都入埋我哋個圈子,每次出街都一定搵佢。 但過咗一排發現佢係咁講喺我哋背後我哋壞話,我哋問佢佢就話佢講我哋嘅壞話冇一句係真心嘅⋯嗰啲9嘢啦😒當然我哋冇人信佢la 跟住佢仲會成日扮晒大家姐咁樣,大我哋少少就吹到自己好L大個😊又成日話我哋係妹妹仔就要聽佢講,仲要 食煙😅我哋為佢好叫佢戒,佢又話我哋「唔識食咪唔好食囉,我又冇逼你食，關你撚事？」 跟住仲要成日借錢唔還🙃話咩自己屋企經濟有問題冇飯食幾乎次次出去都係我哋請😓大佬咁你屋企經濟關我撚事呀？請一兩次都算,仲要小息我哋自己買嘅薯片都俾佢食晒,話「我淨係食一兩塊」點知食下食下成包食晒🙄我哋想食佢啲嘢佢又話「我自己飯都冇食啊，窮人啲薯片都要攞冇良心呀⋯」😒😒 大佬就算幾frd都唔可以咁啦係咪啊🙂瘋狂踩人底線😅怪得知你會冇乜frd 我知你有follow呢個page,如果你見到呢個post，唔該你還返嗰200蚊俾我😊同埋咪撚講我壞話😃
#NSS愛情 [GUEST] 我鍾意左個男仔😬😬佢踢足球嘅，好似好勁嘅隊，又高，唔可以話好靚仔但好高，我好鍾意高嘅男仔😬但我哋其實好少講嘢啦，加上我又柒，我相信佢唔會鍾意d柒頭😭😭同埋佢成日都好忙😭😭我當假設，我追到佢，佢都唔會有時間可以成日陪我，我又柒佢d兄弟一定好反感😬😬映衰佢😬叼佢架😬😬但我又唔想放棄……..但我想試吓一齊😭😭我最近覺得順其自然好似比較好😭😭 我咁柒一定冇人要😭😭😭😭我知道我有少少容貌焦慮，但我係真係樣衰，我好清楚。希望大家畀少少意見我😞😞 圖Link: https://images.app.goo.gl/odLyj8hashzAEQEQ6
#NSS愛情 [GUEST] 睇完 #NSS211221F 個 post ，我都想講啲嘢 我真心認同鐘意一個人、單戀係有幾辛苦 我同你都係女仔，我唔知你對同性關係有咩睇法 我驚你反感，我驚你介意 你同我講過你係直，個刻我都知我同你都無可能 但係我都想一直係你身邊，就算只不過係朋友嘅身份 我知道一定有人覺得我咁做一定係蠢，明知無可能都繼續鍾意一個人 但係同你一齊，我覺得好開心、好自在，個刻我明白 真心去鐘意一個人，你唔期望佢哋有任何回報 所以我一直同自己講 就算你唔鍾意我，我都好開心可以同你一齊friend、一齊玩、一齊去經歷好多嘢 就算你唔鍾意我，我都會一直對你好 因為我鍾意你 有時候，我會講啲爛gag 我地都會一齊笑 見到你可以咁開心 我都心滿意足 無論我個時心情有幾低落 我都會係你面前去搞笑
#NSS學校 [西貢區 XX書院] 我有兩個frd簡稱A同B。 咁A同B今年就同班咁佢地會frd d就理所當然，咁所以我都唔講過d咩。 咁呢樣嘢係無問題嘅，咁我就係我自己果班到搵到班frd，我同呢班就無咁熟，不過有時都會橋下手咁樣。當佢地見到我同班frd玩，佢就話我做乜同佢地咁frd。但係我地一齊行嘅時候A同B會自己走左去，拋低我一個。 再者，我同佢地政見唔同，原本我都覺得唔係一個問題，咁某一日我地升旗，升升下突然支旗跌左，咁我就係咁笑，但係佢兩個都可以話係愛國人士，我好似同佢地格左棟牆咁樣 再之後，我係一個肥嘅人，d人話我肥我真係唔介意，因為我已經減左20磅，但係A會攻擊我嘅衣著，話我肥，污染佢眼球，我唔係鐵人，我有感情。 最後就係，雖然我係好玩得，都係一個好樂觀嘅人，但係有d嘢，過分左就唔係幾好，我知三人友誼係難維繫，但係我盡力架啦，我都會攰。
#NSS個人 [觀塘某Band 1 女校] 麻煩admin po ig。小妹文筆唔好，有咩語文上嘅錯處請屌得細力啲！🙇🏼♀️希望大家可以比少許時間睇篇長文，比啲意見。 是咁的，呢排喺學校比人投訴話我騷擾同網絡欺凌。我都好好奇發生咩事，好奇之際就比人抓咗去見訓導。之後先知原來係同一位同學（下稱A）鬧交搞到比人投訴。 事源其實好小事，純粹係A同學同我同另一位朋友（下稱B）行街，條路好窄，咁啱我又同B傾緊計，A自己喺旁邊睇手機，所以我講咗句：「喂反正你都多餘㗎啦，你咪阻住條路（意思係想講反正我同B傾緊計，A又答唔到爹，所以叫佢行後面，唔好霸住成條路，唔係3個人會企晒成條路，人哋行唔到）。」我同A傾得埋又玩得埋，所以冇諗過A會唔明我講緊笑，再者我哋平時都係咁相處，成日互寸對方。果日我本來已經因為好攰所以心情唔係幾好，A之後仲要不停咁用一種好刻人憎嘅態度話我呢樣果樣，所以一起之下我自己一個走咗返咗屋企。返到屋企先知佢哋不停咁打過電話嚟搵我。但係我都冇理，因為唔想繼續燥底落去。就算B冇點講嘢，淨係喺度食花生，我都冇理佢。因為果陣心情真係差，諗住休息下再contact番佢哋。點知一過就過咗好幾日冇理到。 直到有一日夜晚，我發現A原來退咗個grp（個grp係我同A同另一班人開嘅，已經同B無關），然後有人add返佢入grp，佢就爆曬粗咁猛鬧我翻面唔認人，然後呢樣果樣。我問佢咩事，我做咗咩，佢又唔講。我已經承認自己就咁粒聲唔出係有錯，但係除咗呢樣嘢，我頂多都係語氣可能重咗啲或者講笑講過龍啫，真心唔明仲有咩問題，所以我語氣都好好咁問佢我做咗咩令佢如此不滿。但係佢都係一味話我翻面唔認人同埋話佢多餘唔啱等，我亦再次解釋我只係講緊笑，但係佢直接退咗grp，連解釋嘅機會都唔比我就走咗。我真係好無奈，我都係想解決問題啫，你就咁嘅態度，我都係想維繫段frdship啫。 之後，我喺whatsapp再搵佢對質，傾咗好耐佢都唔化咁，我講咩佢都一律唔聽嘅態度作回應，淨係喺度哦哦哦咁，仲喺度講笑話打錯字冇資格同佢講嘢。我果下真係好火滾，我想同你解決問題你就喺度同我講笑，就話得喇，反正你都好似唔想解決咁，咁冇嘢好講。佢竟然爆一句你知唔知你宜家嘅行為構成騷擾。？？？我成個人呆咗兩秒，心諗你覺得我騷擾你做乜唔第一時間傾之前講。之後亦冇再搵佢，反正佢到講到呢個地步。點知就係咁比人投訴。雖然唔係喺學校發生，但係唔知點解學校依然受理。 返到學校，老師就直接開門見山講：「你同A同學咩事呀，你哋唔係好frd㗎咩？」我就當然全部講晒出嚟啦。其中，我亦因為喺ig鬧佢（冇用粗口）加上放埋少少對話紀錄就比人話網絡霸凌A同學。之後事情就大概得到解決，但係件事傳到校長耳邊，我亦差啲比人記缺點。好啦， 諗住件事完咗，亦告一段落。有時喺ig講下自己唔忿氣就算。 點知呢排，呀媽同我講學校又打俾佢話我喺社交平臺唔應該講咁多嘢，話咩明眼人都知我話緊A同學，跟住叫我唔好再post story（我係post喺密友）。同時亦因為有follow我嘅人dok我背脊，cap我story比A同學同佢呀媽睇，所以叫我收手。我好疑惑究竟點解要cap，同時亦唔知係邊個，所以好煩惱，唔知點做。但係唔講出嚟心又唔舒服，咁想我點啫。最大問題係A同學有心理病，佢呀媽成日縱佢，所以不停打去學校想搞大件事，我就毫無反擊之力。 我已經將所有我認為有可疑嘅人unfol晒，但係都唔排除仲有其他人。所以想問下除咗轉acc仲有冇其他方法表達自己諗咩，感覺A同學同cap圖stalk我嘅人好似去到天涯海角都唔肯停咁。宜家心理上實在好大壓力，好似每日比人監視住咁，做咩都要小心翼翼。考試將近，我真心驚會受影響，我可以點做？我又唔想因為佢del ig同其他社交平臺。 拜託大家幫幫忙。