#NSS學校 [民X書院] 對於各位民X書院各form嘅師兄/師姐，小的為現屆form 1小朋友，可能你哋唔認同，但係小的剩係想表達一句 起碼你哋都用過學校某啲設施ar! 現屆form 1由幼稚園入學之後，學方就以「以後小學可以用到呢啲新嘅設施啦！」嘅理由不斷呼籲捐錢 抱住「咁作為民X人肯定都要做出啲貢獻嘅，既然以後都用得到，咁捐錢都唔緊要啦」嘅想法，我相信絕大部份嘅民X人，都有捐錢係咪？ 然而 小一先開始重建 小五先起完 小六先裝修完 原本滿心歡喜，可以用新嘅課室，然後之後俾咗小三小四用 我哋用嘅係以前嘅舊課室（黑人問號中？？？） 仲係用舊嘅音樂室 除咗室內運動場，我哋呢一屆乜都冇掂過 有可能你哋會話，起碼你都用過室內運動場啊 但係，傳說中嘅游泳池除咗係幼稚園見過，我哋都係入都冇入過 相信我哋上一屆嘅師兄師姐就算冇用過，起碼都有入過游泳池呀 然後之後，到中學起新嘅大樓 係咪又要中六先起完？ 只想表達 各位民X人好好珍惜你吔擁有嘅嘢 因為一定會有人比你地慘 多謝各位
#NSS個人 [GUEST] 小妹第一次投稿 真心可能1999 希望大家屌細力d 同畀啲『實用』意見👁️🙏🏻 話說小妹而家f.1 大個咗想去外國留學,有同frd講。但係有一個frd我覺得佢好似妒忌緊我？定係我諗多咗。 係科學堂嘅時候,佢坐我隔離,我開始同佢講我想去英國留學,我一開始以為佢d反應會好似其他人咁「嗯 幾好呀 咁你要加油…」諸如此類。但係佢嘅反應係令我出乎意料,「吓 你唔係啊麻 你要去都去台灣啦on9 而家唔hit英國啦 再加上你有錢去咩？屌」。 但首先小妹「想」去外國嘅原因係： 第一 – 因為自己好鍾英文 係班都叫數一數二好 第二 – 香港地少人多 新來港.. 第三
#NSS其他 [KC] Admin po IG 3q 想分享一下喺非繁忙時間搭的士嘅經歷 (睇完 #NSS211221H 之後我獲益良多，所以我決定我都要用標點符號同分段。) 今日放咗學之後，有少少趕時間返屋企做冬，諗住搭架的士由西環去中環碼頭都應該好快…… 好啦，上咗的士之後，見到個司機都好似有少少老人癡呆咁樣，已經有少少驚(佢問我中環碼頭喺邊，但係後尾都識行)。 點知差唔多到嗰陣，如果知道點行嘅都應該有個分叉位，個分叉位就應該轉左，但係佢同我轉右，咁我諗住唔緊要啦反正轉右都去到，點知佢同我行咗入去灣仔繞道，我DLLM唔識路就唔好學人揸的士啦。 好啦去到會展嗰邊出返去，本身諗住行會展穿返過去碼頭，點知佢兜咗我去銅鑼灣，然後再同我慢慢行告士打道去碼頭，去到碼頭嗰陣，我望一望個價錢表，X你原本車費只係30幾蚊，而家喺銅鑼灣兜過去要69，早知係咁我寧願搭地鐵。 所以總結就係，搭的士快唔快都要睇個司機嘅智商。 圖Link: https://ibb.co/gTL6fQn
#NSS個人 [GUEST] 識咗個friend近十年，究竟要唔要同佢絕交呢？ 話說小弟我有個男仔friend（下稱A），小二開始認識，玩得好埋，而且我地都係性格比較八婆嘅人。中學一齊升上同一間，開頭以為會好開心，但我地嘅友情越嚟越變質。 我地中一、二果陣都係同班，每次放學佢都拉埋我去食野。佢食野同搭車嘅時候好多嘢講，多到連佢自己嘅私事都會講俾我聽。佢講佢自己嘅事我唔介意，但佢仲問埋我啲私事。可能佢覺得呢啲係close friend之間會做嘅事，但我覺得有啲over咗，甚至產生咗一啲煩厭嘅感覺。 我唔敢將呢種感覺直接同佢講，怕傷害到佢。於是我最近放學都係間接地婉拒佢嘅邀請。不過佢仍然察覺唔到佢自己嘅煩厭，性格越嚟越八，傾計亦越嚟越over，令我真係變得好討厭佢。之前仲有同學傳話我地兩個係hehe，我真係忍受唔住囉。 畢竟我地都識咗差唔多10年，我唔想就咁同佢絕交，但又唔想同佢有太多嘅來往，請問各位我應該點算好？ sor for 1999 & thx admin
#NSS學校 [Guest] 睇到 #nss211222b 之後，我都想講吓自己對訓導組老師嘅睇法 我嚟自一間市區男女英文官中，有個訓導組老師教家政+西史，我今年f2都未比佢教過西史，不過聽隔離班啲frd講，佢哋原本好憎西史，但係上完佢堂就完全愛上咗呢科，不過既然我冇比佢教過西史，就唔講太多 不過全校得佢一個家政老師，所以初中三年每年都會上佢堂上一個學期，咁呢佢堅好人，你知家政唔係個個搞得掂㗎啦，佢示範完點做針步之後，邊個仲唔識就會行過去教到識 身為訓導組老師佢執品行真係掂，佢係隔離班正班主任，隔離班話佢要求所有google classroom嘅功課交完之後都要send screenshot比佢，證明真係有做，呢個措施幫咗唔少老師，佢哋唔使再日日催人補交功課 我覺得其實訓導組老師分分鐘係全校最獎罰分明、最平易近人嘅一班老師，之前有投稿講訓導老師嘅惡行，其實都只係少數，大家不妨放低自己對訓導老師嘅刻版印象，同佢哋好好相處 同校嘅人應該認得出，尤其係同級嘅，不過盡量唔好喺comment透露啦
#NSS個人 [Guest] 小弟第一次投稿 admin plz po IG Sry for 1999😅 兩個都係最親嘅人，我跟本唔知點揀 我今年F.3，係上年嘅時侯，阿媽就話要帶埋我同個妹移民去英國🇬🇧，個陣時我以為係成家人去，後來先知原來阿爸話要留低係香港🇭🇰 講返啲背景先，我屋企不嬲都係阿媽話晒事，我阿爸都好少出聲，咩都係阿媽決定，細個就覺得冇乜嘢，大咗就有時都會覺得阿爸講啲嘢都有道理，阿媽重要成日同阿妹講阿爸有咩唔好，唔好學佢，講到我老竇好似乜都唔識，有時真係唔明點解佢哋會一齊😂，亦都因為咁樣，我阿妹乜都聽晒阿媽話，阿媽話去邊佢就去邊，但係我唔同，有時都自己判斷，不過坦白講阿媽的確對我哋幾好，今次移民都係為咗我哋唔使接受中國教育(即係都係嗰啲乜鬼國安法)背景就大致上咁樣。 講返正題，一開頭佢兩個都有係度互相說服對方，一開始就係說服，慢慢就演變成嗌交，一個就係咁話英國有幾好，一個就係咁話英國有咩衰，我阿爸都有啲朋友過咗去英國，成日聽老竇話英國天氣好差，啲嘢食我會食唔慣，去到嗰邊可能會俾人歧視，第時可能搵唔到工等等。阿媽就話去到英國嗰邊啲教育制度會好啲，學到嘅野都會多啲，同埋唔使同啲大陸人一齊生活，活係中國嘅控制之下。其實我自己都知去英國嘅好壞處，可能嗰邊啲嘢真係好啲，亦都有可能自己會適應唔到，識唔到friend，其實到而家阿爸都接受咗阿媽帶我過英國，令我好亂嘅係我唔知揀阿爸定係揀阿媽，加上喺香港都有啲嘢放唔低，喺學校自己個學會啱啱先有起步，識嘅人亦都越來越多。我自己都有搵人傾，大多數都話如果英國同香港，會揀英國，但係如果係屋企人，佢哋就話諗自己，唔使理屋企人，邊度對自己好，就去邊度，不過坦白講去英國主要都係為咗阿妹，佢仲細阿媽唔想俾佢接受大陸思想，但係我唔係，我已經有自己嘅一套思想。 我自己就有個諗法，諗住讀完成個中學，先至升學過去英國嗰邊，但係阿媽就話到時可能大陸會封關，想走都走唔到，同埋就會變咗落唔到殖，升學去他地方都有困難。 到依家時間都淨返唔多，嚟緊三月就好似話要走，到依家都唔知點揀…希望大家可以俾啲意見😬 認到我嘅唔好tag我出嚟plz😐