—類投稿

#NSS個人 [GUEST] 是咁的，小妹覺得依家嘅生活真係好唔開心… 每朝早瞓醒起身都會諗起返學啲唔開心嘅事 例如：同朋友鬧交、俾朋友當替死鬼、成日俾人暗串我嘅性格、成績唔係好好、老師差別待遇… 種種嘅原因令到我覺得返學係一件唔開心嘅事 加上我老豆老母近排又鬧交（佢哋由我幼稚園開始已經成日鬧交） 成日為生活上嘅嘢擔心，我覺得真係好攰同好煩 明明間中都會同朋友出去玩，但係唔知點解總係覺得我好似比佢哋排除在外，成日都覺得自己好孤獨，覺得佢哋冇當小妹係朋友… 小妹啲親戚大部份都唔係啲咩好人，出軌、賭博、飲酒、食煙、家暴、廢柴通通都有。 嗰啲咩家庭聚會每次都好抗拒極度唔想去 因為嗰啲垃圾親戚每次都會踩低我 話我成績差，話我揀飲擇食（其實係因為阿嫲煮嘅嘢食真係好鹹） 老豆又唔會幫我企起我嗰邊，知道我唔開心嘅得我老母。 小妹我屋企就住中層嘅，我間中就會望出窗喺度諗：「不如跳落去？跳樓死咗嘅話咁我就唔使諗咁多同擔心咁多。」其實我真係唔鍾意我自己有咁嘅諗法 我好討厭自己有咁嘅諗法，我好憎自己竟然會咁諗 老豆對我唔好，但我老母仲對我好nice 我覺得自己死咗嘅話好對唔住我老母 但我真係阻止唔到自己有咁嘅諗法 因為冇人可以俾我傾訴，所以我喺度講希望自己感覺好啲 多謝你哋曬咁多時間睇晒篇野❤️（Sor for 1999) Admin辛苦晒❤️🙇‍♀️

#NSS愛情 [GUEST] 小妹05，有個識咗2年嘅異性「frd」 話説啱啱識咗佢半個學年嘅時候佢調位坐咗喺我後面，跟住過咗無耐佢就開始借啲意掂我隻手，過咗陣佢見我冇拒絕就開始摸我個頭，咁我都有少少鐘意佢就冇拒絕 跟住問題就嚟啦 我今年又同佢同班，咁我見佢會拍我個頭就以為佢都鐘意我就表咗白，點知佢話當我係frd？！ 咁所以其實佢當我係咩？ 水魚？玩具？工具人？定還是佢係「渣男」？ 阿媽我好亂！（雖然講出嚟好羞恥，但係我咁大個女都仲係A0，所以我真係唔明佢而家咁樣係算點？定還是男仔拍女仔個頭好正常係我諗多咗？） 我投稿純粹為咗求個答案 唔該曬 亦都都辛苦曬admins🙏🏻

#NSS學業 [民?書院不遮名了。] 我真的很懷疑自己。 其他同學好努力温習，我冇温都攞ok分（上課一半聽一半不聽）考試我專心不了温習撻Q了。我知自己能力高出0.0000001%但係我成日專心唔到温書，好睇mood。 我英文比較有興趣（不想打中文不過也打了）但是history我專心唔到，我唱歌或畫畫時卻專心到。我最擔心係我成績落差簡直。。。地理級名次160（？）英文頭15。我除咗英和IS其他科温唔到書在此求救。 Comment section please don’t explode and don’t scold me please. Sorry for 1999 Admin please post on Instagram I NEED

#NSS愛情 [GUEST] 我鍾意咗一個無可能鍾意返我轉頭嘅人 佢係一個好玩得開嘅人，係班上面帶動氣氛，我地班好多人都好正經，每次去一出現，可能搞下事，我地其他人就開始一齊hyper。整蠱下老師、串下老師、講下爛Gag笑下，佢可以話係我地班嘅靈魂人物。 佢從來都唔怕尷尬，最近 Christmas party, 佢係成級面前播住首歌，係度自High跳舞，當然之後其他人就開始一齊癲啦（佢其實跳得幾好，唔係只係我覺得佢跳得好，其他人都咁講） 佢唔係特別靚仔，唔係高，成績唔差，但係又唔係特別好，運動唔係特別叻，唔係校隊個啲。但係，就係唔知點解我日日都瘋狂諗起佢，同佢講嘢我真係好開心。搵到藉口同佢影相都開心好耐… 我都唔知點解會咁鍾意佢。 但就係因為，佢同邊個都可以咁Friend，我就知道我無機會。 我好明顯咁感受到，佢對我同對其他人嘅感情係一樣嘅，絲毫唔係個種鍾意。 我好明顯咁感受到，佢只係想抓緊中學嘅最後1年幾時間，好好咁瘋癲一次。 我好明顯咁感受到，佢只係想好好咁讀書，無意發展的咩戀情，更加唔會係同我。 就寫到呢度啦，不隱瞞大家，我啲眼淚已經滴緊落黎。係投稿之前，都無諗過我會鍾意一個人鍾意到喊… 未開始便結束了，因為結果已經太明顯，無謂強求一個不喜歡自己的人的喜歡。 望不再留戀，望下一個喜歡的人，也喜歡自己。

#NSS愛情 [Guest] 我想問，佢對我係frd定點 開學頭嗰時第一眼望到佢就覺得佢有啲靚仔，同埋好天然呆，咩都唔知嗰隻。單純覺得佢幾靚仔對佢冇feel，順口同個frd講左一句，然後個frd就同佢講話我覺得佢好靚仔，當我frd同佢熟左之後就直接同佢講話我鐘意佢，當然我之後有同佢解釋返，佢都信既。 正題嚟啦，喺我未同佢解釋之前佢不嬲都有覆我story，基本上個個都覆，解釋完後我以為因為驚尷所以佢都唔會覆啦，但佢仍然差唔多每個都覆 然後當我同我啲frd用手機幫佢加d 得意filter 本來佢冇望鏡頭，但我一影就望住個鏡頭好耐唔郁。或者當有人起哄嗰時佢只會嘖一聲，人人都覺得我同佢真係拍緊拖咁，但我對佢又冇咩feel…

#NSS個人 [Guest] 我今年f2, 最近溫緊書準備3/1-18/1嘅考試，不過有個煩惱，就係我每次有信心嘅科，實際分數會低過預期，而冇信心嘅科，實際分數會高過預期，而且無論係上述邊一種，個差都幾大吓 由f1 ut開始已經係咁，啱啱上到中學梗係冇乜信心，點知成績科科都唔錯。f1 mid-year, 文科背晒啲嘢，覺得自己會高分，理科同L&S唔知點解冇乜信心，結果呢？文科全部5x-6x, IS maths L&S 9x, 真係同自己預期嘅差好遠。其他ut/考試就唔慢慢講啦，大家應該都冇咁多時間睇我啲成績點 我每次考之前一個月左右會定目標分數，溫完書目標分數當然會有變，而我入考場嘅信心當然係根據溫完書心目中嘅目標分數㗎啦，跟住第一段講嘅嘢就會發生喇 我都唔知呢個問題點解決，我有諗過會唔會係因為信心嘅影響自己會大意咗/小心咗，之後我就喺做有信心嘅科嘅卷嗰陣check多幾次卷，不過成績都係比預期低好多 真係幾頭痛，唔通我唔定目標，刻意唔比自己有信心咩？冇話定唔定目標，有冇信心嘅，無論點都好心入面總會有目標分數，總會有信心或者冇信心。我而家仲係初中，文理科都要讀，有兩邊唔同嘅嘢，每次總有啲科有信心，有啲科冇信心，不過到時揀到心水嘅科 (希望得啦)，正常嚟講科科都會有信心，咁我咪唔使旨意攞高分？ 希望有人可以比啲意見我，因為今年真係有個目標好想做到 (講比大家聽啦，就係IS兩次ut+兩次考試都9x, 第一次ut已經攞到9x, 真係好想攞埋剩低3次 sor for 1999 admin

#NSS學校 [guest] 小妹今年f3，個人好鍾意art同創作，加上依家呢間學校完全唔重視art，所以f4想轉去兆基創意書院 專注喺創作上。 上網搵咗好多有關創意書院嘅嘢，但大多都係好表面，好官方嘅資料。 我好想知道更多有關呢間學校嘅嘢 會唔會喺嗰到讀緊嘅人分享下，咩都可以，潛規則呀 八卦嘢 或者趣事咩都講下，只係想了解更多間學校同好奇。 第一次投稿 如果有咩錯希望唔好屌咁大力🙇🏻‍♀️希望有人可以同我分享 好多謝大家 sorry for 1999

#NSS個人 [香港某間band1學校💩] 是咁的，本人係一個F2嘅學生，我覺得自己真係好樣衰，成個額頭都係瘡，無論用咗幾多護膚品都冇用，真係好丑樣，有時自己去睇D朋友嘅ig story，佢哋真係好靚女，而我同佢哋係差天共地。 有時D朋友會問我有冇拍過拖，其實我係A1，但偏偏我要同佢哋講我係A0，因為我覺得佢哋會覺得我咁樣衰都有人做我boyfriend，你可能會覺得我好小心眼，諗到佢哋咁衰，但係我真係好焦慮。 其實我都想好似佢哋咁扮靚，所以我試過放低啲頭髮，但係又比D同學話我咁樣好怪，雖然佢冇乜惡意，但係説者無心聽者有意，呢句野真心hurt到我。

#NSS學校 [LSKC] 琴日中午唔小心咁錯制 follow左小學同學嘅IG 踉住我諗：死啦 唔小心咁錯制 我冇咁翻當冇事發生因為佢都知 同埋我都好奇佢會唔 臬牆锇然起啱啱隣返 發現但block左我 好尷尬囉依家 唉 希望佢睇到之後可以解翻我block啦 同埋當冇事發生 唔該

#NSS個人 [GUEST] 大家好，喺嚟度想問吓大家嘅方法同意見。 – 交代返先，我同屋企人嚟咗英國大概有半年左右，嚟英國之前我一直都係一個好開朗嘅人，冇乜情緒問題。嚟度英國之後我情緒開始低落，做咩都冇晒精神，覺得嚟嚟度冇乜意義，冇活動冇嘢好做。去到最近，我幾乎每日都留係屋企，打機睇電話追劇，每日都係食玩瞓。可能有人話可以出吓街約吓朋友咁，可惜我住嘅地方冇嘢行，比較偏僻，要屋企人揸車去先得，英國搭巴士又貴所以唔想搭。至於約朋友，其實我唔多鍾意講英文嘅生活，始終唔係母語會有隔膜，有陣時又聽唔明又或者唔識講，所以除咗返學基本上都冇同英國朋友有任何交流。 – 講返情緒方面，我覺得自己開始有啲抑鬱，嚴重嘅話有陣時會成日諗住唔想做人咁，有陣時又會傷害自己，變到完全唔係以前開朗嘅自己。喺度想問吓大家有冇咩治療嘅方法、途徑可以幫到小妹，所有意見我都會認真咁睇。多謝大家嘅幫忙。