—類投稿

#NSS個人 [Guest] 麻煩admin po ig 初次投稿，請多多包容⋯ 純生活分享～ 交代下背景先，小弟我依家15，中四英國留學。家境唔算富裕，但係都夾到錢去留學。爸爸媽媽喺我中二離咗婚，離港前一路都係同啊媽住。 Ok入正題，由細細個（大概幼稚園？）我已經唔想做男仔，但係身邊嘅人成日都用一個公式對我講「你男仔呢㗎嗎，你[形容詞]啲啦」，令我更加唔想做男仔，唔知係咪因為咁，令我成日都好唔開心⋯ 升中一之後，我嘗試過行為舉止都「男性化啲」，但係我覺得好辛苦、好攰，認真頂唔順。令我反而每況越下。 如是者就到咗中二，我放棄咗改變自己嘅舉止，做返自己⋯本身以為會好返啲，結果爸爸媽媽就離咗婚，成件事對我打擊好大，開始有少少唔開心就崩潰，上堂[pre-covid]試過好幾次無端端喊(查實我都唔想㗎⋯⋯但係真心控制唔到)，加上又不斷咁諗：我無咁男性化，啲人一定好憎我⋯我知道自己可能有抑鬱症，有諗過去睇心理科，但係被價錢打消左念頭。唯一令自己好過啲嘅方法，就係不斷聽歌（P.S.貓乃係心靈妙丹，建議領養一隻，早日令貓貓征服世界） 到咗中三，情況一樣都係咁差（可能仲差啲）但係有一位同學對我好nice，佢算「開解」咗我，至少我感覺好咗，雖然仍然都會崩潰，喊，同想自殺(愛惜生命，切忌自殺)最後我同我啊媽坦白其實我想做女仔，好在佢好包容，話其實佢唔介意。(我想做女仔啫，但係仍然係直) 嚟到英國，雖質情緒仍然都係唔穩定，但係都算係改善咗少少。喺新學校嘅第一日，識咗個女仔，依家同佢一齊咗(我知有啲快，但係⋯我都唔知點解有吉士去表白omg) 致所有受抑鬱症/性別不安困擾的人 You r not a窿 共勉之 Sorry for 1999

#NSS個人 [Guest] 道不同還能是朋友嗎？ —- 是咁的，小妹今年f.5，曾經有個關係幾好嘅frd。當初frd嘅原因係我哋兩個都係理科人兼讀嘅科都差唔多一樣，有好多共同話題，但前幾排逐漸開始覺得佢同我唔係同一路人。小妹本人係好關注學習同成績嘅，特別係升到上f.5，比多咗好多心機係學業上。但嗰frd評估考差咗一方面又係到話點解佢咁差，一方面又係到嘴硬話評估嘅成績唔可以代表啲咩，仲不停咁傳啲「其實屋企都養得起我（但佢屋企人都唔係有錢人），我唔使咁努力温書啦」之類好頹嘅言論同情緒比我。 —- 小妹宜家已經決定絕交，但係好似仲有啲對呢段友情嘅執念係到，有冇人可以講啲嘢令我徹底放低呢樣嘢🥺？ 另外，想問有冇人願意同小妹一起傾數😌or m1 or chem，不論男女，😌😌小妹想搵個有共同話題嘅朋友…..（要求逐漸變得過分…） Sor for 嘥咗各位咁多時間☃️ 祝大家聖誕快樂~~☃️☃️

#NSS其他 [Guest] 想講劇透真係死全家，話說今日有個姓陳嘅柏雨form5係補習社係咁劇透no way home，仲揚言要出去劇透，話劇透好開心好好玩，住大埔嘅朋友小心啲。

#NSS學業 [GUEST] thx admin 小妹今年form 3，嚟緊揀科完全0方向，不過我細個就想做動物診所d護士，咁啱香港city u又有得讀，但係我完全唔知要揀咩科好，我上網搵過但係搵咗d唔等洗嘅嘢，大家有冇d高見幫吓我💁🏻‍♀️

#NSS社會 [GUEST] thx admin pls po ig 論香港人質素與態度 成日聽到有人話香港人質素有幾高，拎大陸人嚟做對比。但係實情係香港人質素超差👎 對比大陸人唔好得去邊，有時甚至差過大陸人。 睇台灣嘅討論區就會見到一堆人講香港人質素問題，例如香港人喺台灣旅遊時嘅所作所為、佢哋去香港旅遊點樣俾香港人黑面、話自己俾錢去香港受苦。唔好同我講因為香港人憎大陸人，所以當台灣人講國語先會以為佢地係大陸人而去歧視佢哋。態度差 就係態度差，就算有咩理由，人哋都已經有咗個不愉快經歷。台灣人支持香港，係因為政治原因，你地以為香港人真係好受歡迎呀？ 係外國人眼中，香港人同大陸人根本就冇分別。有一次去剪頭髮，條友態度極差。我剪完之後係兩個年輕鬼佬，應該係喺香港去緊旅行，條友用一樣差嘅態度對佢哋，我聽到佢哋話 ‘…this is china’ (已經好幾年前 詳細講咗啲咩唔記得 淨係記得呢句)。所以唔好再話香港人好過大陸人，係外國人眼中根本就冇分別。 香港歧視問題嚴重，經常用侮辱性字眼稱呼其他國家嚟香港嘅人。依家有大量香港人開始移民外國，將心比己你想唔想去到外國俾當地人歧視？ 香港人講粗口成癮。依家啲人講野句句都有粗口，喺朋友之間講粗口都冇所謂，但係有一次我居然遇到個人喺條街度問我嘢，期間居然講咗句粗口。網上一啲post，句句都有兩三個「撚」字，成個post應該1/10都係「撚」，咁嘅話不如成篇野都係個撚字啦好唔好？最搞笑嘅係香港人仲要將講粗口包裝到香港文化，話有幾博大精深。咁英國人講英文粗口算唔算英國文化、法國人講法文粗口算唔算法國文化？香港人知唔知道講粗口，尤其是對陌生人，係好冇禮貌？粗口本來就係攞嚟鬧人，講粗口係冇文化、冇質素，唔係啲咩香港文化。 香港人質素低下，仲要以為自己好好，又笑大陸人有幾差，唔係50步，係100步笑100步。大陸小粉紅令人討厭嘅其中一個原因係佢哋經常藉著對比其他國家嘅人去抬舉自己吹到自己有幾勁。依家香港人，靠對比大陸人，講到自己質素有幾好，咁樣同小粉紅有咩分別？大陸人係咩質素，同香港人質素完全無關，大陸人差唔代表香港人好。 希望香港人唔好再唔知醜咁講到自己啲質素有幾好。 sor for

#NSS個人 [GUEST] 各位好 因為冇人同我傾所以嚟投稿同埋希咁多位俾啲意見 – 開學冇耐我班f1 friend鬧交,我嗰時勁天真咁同佢哋做和事佬但係勸極佢哋都聽唔入耳我就放棄咗,索性夾係中間 – 係f2識到兩個比較玩得埋嘅,從此以後佢兩個+B(上面鬧交嘅其中一個)4個人一齊玩。但係我發現其實佢兩個都比較鍾意B,有糖/乜嘢都係比曬B 佢哋話B好得意但係我唔覺,唔知係熟定點佢周不事會話我肥婆+打我(唔算細又唔係好大力但痛嘅)而對佢哋係唔會 咁呢樣嘢控制唔到所以我當冇事發生。日子耐咗發覺其實4個入面我係最多餘嗰個,見到佢三個一齊咁開心我唔想join佢哋打擾佢哋 – 好自然f1班friend都各自有朋友,唯一傾到心事嘅都越嚟越多friend唔想打攪佢。呢一連串嘅事總令我覺得自己冇friend但唔係,佢哋唔係唔鍾意我,只係冇咁鍾意我。有活動嘅時候唔係我單丁就係冇得揀先同我一齊 – 諗起呢啲嘢就心酸,唔開心,又成日諗係咪自己差佢哋先咁樣，每件好細微嘅事都係咁。有句話“新朋友不知脾氣,老朋友不知生活”正係冇人傾到嘅原因。 Sorry for 1999

#NSS愛情 [GUEST] 我嘅 best friend 同我鍾意同一個人..佢其實2-3年前就已經有鍾意過佢，但係佢比人間接拒絕咗之後就唔想我地再提起呢份歷史。今年我，我朋友同埋個男仔都係同一班度.開學差唔多一個月後我發現我開始鍾意嗰位男仔，而我都開始同佢ig傾下計咁。我朋友見到我同佢傾計變得好介意，次次我講起佢我朋友都好唔開心咁。 之後我從其他人身上聽到原來嗰位男仔同級入面另一個女仔拍緊拖，我都喊左好耐，始終都要放低佢。而我朋友係呢排同我講佢鍾意返個男仔…佢又唔知個男仔原來有女朋友 已經好唔開心，嗰日後我朋友每日都會提起個男仔，成日睇埋曬啲占卜，問我覺得佢哋兩個有冇機會。我就附和下算數，自己聽得好唔舒服，點都係放唔低佢。 依家個男仔同佢女朋友散咗，我始終都係放唔低，想追番個男仔。但同時間唔想失去我個朋友，唔想被佢話搶佢條仔。我朋友情緒比較敏感，1年前佢鍾意嘅男仔最後鍾意咗我，直到依家佢都極度自負，話自己樣衰，係肥婆，冇人鍾意。成日係度絕食，扮曬懵話一日食半塊包好正常。亦都因為咁，我好驚如果我同個男仔行得太埋，我個friend會更一步放棄自己。 我有慫恿過佢去表白，無論結果係點，令我同佢都好受啲。佢又唔肯，一直係度等對方主動聯繫，做出行動。個男仔又唔會主動同佢講嘢。搞到佢白白係度等。 佢每幾日就會話自己放棄左佢，個男仔冇可能鍾意返佢，下一秒又係度lum到要死，話自己好鍾意佢。搞到我頭都痛埋，我都好鍾意佢㗎。 我應該點算好？我想同個男仔傾計，做friend，甚至更多。但係我覺得我個friend鍾意佢好似已經入咗迷咁，我唔想破壞任何感情(´ω`)。

#NSS其他 [GUEST] 三人行，必有一對似cp？ ？ 人哋成日話咩當局者迷，旁觀者清！ 嗯，我非常之認同！ 小妹今年form 4，有兩個一齊玩咗好耐嘅frd，將佢哋簡稱為A同B 佢哋由小學開始就識，中學我哋先互相認識一齊出街，但一齊得耐，我發現A好似鐘意B 第一，A會因為B而呷醋。 B之前有講過某位女同學生得好睇，之後A經常性好似呷醋咁同B講“你唔係鐘意佢咩？”、“你最鐘意嘅XXX喎”、“你有佢咪得囉！”之類嘅說話，而且A仲要唔係淨係針對個位女同學，每逢B同佢啲frd有太過親密嘅肢體接觸時，A就會唔自覺咁黑面 第二，A無論幾攰都淨係會挨住B。 每次我哋出街行咗好耐之後，A都會挨住B或者攬住B，之前我都覺得攰會挨嚟挨去都好正常，但係A同我同另一班frd出去時，一路上話攰都唔挨住任何人，好囉，擺明佢淨係會挨住B啦！ 第三，A成日蝦B，一係改花名，一係話B矮、無腦，日日花式蝦B，又唔見A蝦其他人，仲要之前佢同我講佢嘅理想型係可以俾佢蝦，ok fine！ 完全就係小學生式，鐘意佢就要蝦佢！ 第四，A介意同人哋有太親密嘅接觸，但唔介意同B拖手！ ！ 因為B有個習慣就係一驚就會唔講野或者面青青，之後A竟然同B講“如果你驚嘅話，可以拖住我！”，結果B真係拖住A，最離譜嘅係B鬆開隻手後，A仲要主動拖上去，真貼心，哈哈 總之，依家感覺A自己都唔覺自己鍾意B，B又唔覺A對佢嘅行為有問題，不知大家身邊都有冇好似咁嘅朋友呢？ 我依家日日望住依對皆170以上、兼有夫妻相的「朋友」，我日日都感覺到咩叫正主塞糖落我嘴嘅感覺！ 唉…有緣再見！ 唔該曬Admin🙇 Sorry for

#NSS學校 [將軍澳某保良局中學] 我地學校真係好L好笑 話說我哋本身有聖誕聯歡會，但係唔知邊個on9老師痴L左線，無啦啦無事先通知就cut9左個聯歡會，變左19班級活動日，小弟特意租左套衫臨住趁最後一個party玩盡佢（我就移民）結果就係因為佢白白浪費左兩舊水（要著PE衫） 校長我屌你老母臭化西！

#NSS家庭 [［GUEST]] sor for 1999 想問大家如果自己啊媽好鍾意飲酒點算 每次有少少唔開心就開始飲，飲到勁醉，每次一飲醉就開始喺度尖叫、打自己或者揼爛晒屋企啲嘢，最癲仲可以持續超過兩個禮拜，之前仲試過差唔多打爛晒全屋嘅嘢 試過喺佢清醒嘅時候同佢講過不如飲少啲 每一次佢聽到之後又話好，但又唔做 有同我老豆講過不如去搵個心理醫生或者乜嘢社工去幫佢 結果佢又話唔好，因為驚阿媽覺得被人當成癲婆唔開心 想問大家有啲咩方法可以令佢戒酒?