#NSS學校 [GUEST] 小弟今年form3，讀緊band1尾中學，學校年年都會要求學生報指定訓練時數既課外活動，時間太長唔比，太短又會迫你報返夠。問題嚟喇，訓練既時間太長，eg.今個聖誕假學校放24/12-3/1，但課外活動要求我哋除咗紅日以外都要返去，但要一返就全日，朝9晚7(有1個鐘出學校食)，攰到死(係真係攰，放學返到屋企瞓上床就即刻瞓咗，屋企人叫自己都聽唔到嗰隻)。幾經辛苦先lur都屋企人幫我寫請假信，但個良心又好似有少少過意唔去，好似有少少對唔住同我同組既組員。因為而家未交請假信，好掙扎究竟返唔返。想問下各位有咁既情況應唔應該請假？ admin pls po ig
#NSS學校 [HTC] Admin pls po ig!🙏🏻 hihi大家好 小妹係一個F.3上智人 相信各位嘅上智人都知道我地22係全校一齊去咗睇55th musical啦 本來覺得會勁悶 結果原來幾好睇 尤其係裏面啲歌真係勁正(ಥ_ಥ) (雖然啲情節都幾tvb😟 學校好似講話啲個之後可能會上kkbox等等平臺 如果真係上咗嘅話我真心推薦所有其他學校嘅學生去聽下🥺因為認真超jeng!!!!!!!!!(最愛AI!!!) 如果你真係睇到呢度我會好感謝你，期待啲歌可以俾所有人聽到嘅一日! (HTC廣告 為musical免費宣傳)😂 admin題目幫我寫HTC musical唔該~
#NSS學校 [大角咀橡樹街名校] 由於啲留言真係過於偏激，可能大家唔理解po主講緊乜，又或者佢講得唔好，等我來解釋一下 。 首先話我哋有Party已經幸福，唔好身在福中不知福？咁香港都好「自由」，五十年不變喎，唔好身在福中不知福😮💨如果comment judge嘅人真係咁樣諗，咁可以當我呢篇文廢～咁而家等我來解釋一下點解校長會引起民憤。 其一，校長改我哋學校傳統。聖誕節着便服+mass dance其實可以話係我哋學校嘅傳統嚟，幾廿年都冇變過，咁我唔知50年前有冇啦（戴返頂頭盔)，咁每逢聖誕節同學都會準備好自己嘅服裝，有人係特登去買，亦都有人係去訂製（我就曾經望過監獄服、公仔睡衣服裝、Mario服）。為咗聖誕氣氛，都為左一年一度唯一可以光明正大喺學校玩嘅日子，但係對於着校服嘅消息，我哋到咗前幾日都仲未知，係無啦啦臨時臨急同我哋講唔可以着，仲再三警告如果着咗就記缺點，冇得着嘅原因係乜？係話因為往年都係因為有捐款活動，今年非洲唔使捐，所以我地冇得着便服。咁可能又會有人話，係你地唔嘗試爭取，咁其實我哋學校嘅學生會有嘗試同學校提出，爭取俾我哋着返便服，最後得出嘅結果就係concert唔俾着，但係四社活動同埋mass dance就可以，令學生最不解嘅，係到底點解早上唔得晏晝就得，校方作出嘅解釋，佢話因為早上要頒獎要嚴肅，但係往年我哋頒獎都係着便服，即係話緊過往校方都太過唔嚴肅了？講埋啲嘢完全可以令學生順服，所以先會令大眾感到憤怒。 其二，校方嘅態度極度惡劣。對於想爭取着便服嘅同學，校方對此十分不屑，甚至出言一人一個大缺點，咁可能睇到呢度你哋就會諗，有咩問題你哋學校都係咁啦，咁兩年前嘅香港就係咁，政府攞嘢嚟恐嚇香港人，當時有冇人怕嘅？當然大家都會選擇爭取，勇敢地企出嚟，學校係社會嘅縮影，我咁講唔知你地明唔明。講真我就覺得我哋學校喺未換校長之前一直都係對同學好好，係真係一間充滿愛嘅學校，然而依家？面對着直接着便服返嚟嘅同學，直接趕咗佢哋出去+記缺點，咁你哋可能又會話，佢唔俾你早上便服咁下晝可以你哋咪下晝返，冇錯佢有一班選擇咗咁樣做嘅人，最後嘅結果係，被通知一定要着着整齊校服或者運動服入學校，一樣一人一個大缺點，但係今次冇直接趕出門口，而係留咗喺訓導室會議室，令同學心寒嘅係校方嘅態度，在我們滿懷歸屬感的學校，發生咗啲咁嘅事，論誰都會覺得無奈並且痛恨吧。 其三，校長嘅制度，佢一過嚟就進行左大改革，我哋學校有樣嘢叫做pcs（大哥哥大姐姐計劃），負責幫助中一學生建立在校的自信心和歸屬感，呢個係學校嘅傳統，同時都係學校攞嚟宣傳嘅其中一樣嘢，但係就係今年，呢一位校長打算將佢cancel，原因就係因為話影響我哋學業，呢個令全部做過PCS嘅人都都感到忿忿不平，憑乜嘢無啦啦改咗我哋嘅傳統？同時，為咗谷成績，增加左retest&reexam，增設每個人都唔同嘅passing mark，一但低過就要re，可能大家會覺得呢個係好事，咁你低分就係要幫你㗎啦，但係事實上對於中六嘅人來講，呢個簡直係災難，佢嗰個passing mark係老師幫你決定，成績好嘅人75分先叫做pass，可能你哋會覺得75好低咋嘛，但係其實我哋學校唔係啲乜嘢好勁嘅學校，最近嘅學生都唔係可以同band1 top嘅人去做比較，為咗唔retest我哋嘅同學唯有瘋狂努力，一唔小心失手74分都要re，大家知道最智障嘅係乜嘢？嗰份卷係一模一樣嘅卷，低分嘅同學好多都係直接背咗佢，而高分嘅同學就係嘥時間，嘥精力，你哋知道嘅中六學生每個禮拜都有成四五個test+quiz，仲有各種各樣嘅mock，同學就比呢啲咁嘅小事煩擾住，令到同學永遠都走唔出retest cycle，咁可能又會有人覺得咁你哋廢就係要咁，但係人係真係有極限，特別係中六嘅學生，心理壓力真係好大，真係唔可以再咁樣俾人摧殘，我哋對補課、quiz同test冇怨言，因為呢個身為學生係必須接受嘅，但係搞埋啲咁嘅嘢，真係好令人打擊自信心，成績差嘅同學就一直俾佢咁樣re落去，其實有好多人都係好努力讀書都係冇明顯進步，咁樣逼人法，其實真係冇乜成效，甚至有好多老師係直接宣讀邊啲同學要re，係真係好打擊人嘅自信心。咁我回歸返主題，聖誕節改傳統，希望大家明白我哋學校係一直都有啲咁嘅嘢，突然間冇咗，所以先會引起公憤，而唔係我哋身在福中不知福，有啲留言話你間學校冇，我衰啲講句其實你間學校原本就冇咁有咩好講？原本有嘅嘢冇咗，係人都唔開心覺得唔應該係咁，如果唔係點解兩年前香港會引起咁大社會運動？的確兩樣嘢唔可以混為一談，我只是比喻，令大家更加能夠明白我哋同學嘅諗法。 最後，對於嗰啲原本就冇聖誕party嘅同學，我感到十分抱歉，我明白你哋冇感受過所以唔明白失去有幾咁痛苦，同時都多謝明白我哋學生並支持我哋嘅同學。 PS:其實上年呢位校長喺佢上年間學校度都唔俾佢哋着便服，之後同學齊心靜坐，個校長就喊，話自己唔想㗎唔想㗎，但係最後都係成功爭取到着便服返學，所以其實我哋學校今次搞到咁有一部份原因都係因為啲學生，嗰啲因為缺點而驚咗嘅人，唔知點解你哋可以喺學校入邊玩得咁開心嘅呢？
#NSS家庭 [某男校] Title：通关 跪求 admin po ig🙏 先交代下啲背景，我今年讀 form 2，有個80幾歲嘅爺爺，疫情前長期住喺大陸，半年先返嚟香港兩三日，但係自從舊年有疫情，佢就返嚟我屋企住，直至到而家。 眾所周知，大部分中學都喺12月同1月考試，我都唔例外，已經開始溫書。放學返到屋企差唔多5點，理論上做曬功課就要溫書，但係阿爺偏偏想買「生日禮物」畀我，出街行到好夜先返嚟，問我鍾意咩衫，揀完之後又話顏色唔好、料唔靚、唔啱我著等藉口，然後就唔買，第二日再出去買，根本冇時間溫書。 如果唔出街，就會不斷叫我幫佢整手機，例如開 google 賬號，問我點解撳呢個撳嗰個，要寫低啲步驟，過一陣佢就抌咗張步驟紙，又改啲佢唔記得嘅密碼，話如果下次要登入，就叫我再幫佢開過第二個賬號；再唔係佢就不斷教我做家務，佢話我要學下點做呢啲嘢，總之就搞到我冇私人時間。 我好明白爺爺年紀大，冇寄託我唔忍心拒絕。我話要溫書唔出街，佢永遠都話睇少啲手機就有時間，或者仲有好多日溫；我一行路一路溫書（證明畀佢睇我好多書溫），下次佢就話你出街都溫到書，使乜喺屋企溫。我打畀嫲嫲或者阿媽求救，俾佢知道又玻璃心，最少同你冷戰半個月，又俾面色你睇。 咁樣落去真係唔掂，快啲返大陸住，唔好再煩我。 sor for 1999
#NSS家庭 [GUEST] 唔通得我自己一個嘅家庭係咁咩？ 先介紹下背景: 小妹今年f.2 有個成年家姐，係單親家庭，跟住阿媽住。 喺我得幾歲既時候，我阿爸阿媽開始有好多嘅爭執，爭執慢慢又嘈架變成打架 ，最後變成警察上屋企。我阿爸長期外地工作，有賭博，飲酒同食煙。我啊媽喺香港自己一個養大我同我家姐，但係阿爸經常唔會主動寄錢翻嚟做生活費，搞到我阿媽次次要過去外地搵佢苦苦哀求佢，佢先俾。幾年之後，我阿爸返咗嚟香港，屬於失業狀態，佢成日換工作，又成日唔去翻工，但又會去賭博，跟住屋企多咗好多爭執 。一開始只係互相鬧交，但之後一發不可收拾，越嚟越激烈，最係仲出埋手，但我無能為力，只可以喺房間入面聽佢地嘅吵架聲，我家姐都試過出去勸架，但都係無法改變，成日將屋企搞成烏煙瘴氣。一個月會有兩三次嘈架，警察上屋企已經係家常事。之後我阿媽頂唔順提出咗離婚(距離宜家已經離咗婚四 五年)。一開始只係分房間訓，但係阿爸一直騷擾，半夜敲門，踢門。跟住我地搬咗出去租屋住，本來以為可以有安心嘅生活，只不過阿爸開始跟蹤，恐嚇，騷擾，我哋陸陸續續搬左好多次，只不過每次都俾佢搵到，越搬越遠。佢見宜家搵唔到我哋，開始信息，電話騷擾，一日打十幾個電話俾我，不斷信息騷擾，都成日發恐嚇信息「你哋小心*全家」。小妹宜家都唔知點算，希望可以俾啲意見俾小妹。
#NSS個人 [Guest] 大家好，小妹今年F2，對金錢呢樣野有少少煩惱 背景： 屋企唔太有錢，而爹地媽咪嘅工資只係夠我哋屋企六個人（阿妹、細佬同退左休嘅嫲嫲)嘅日常開支，幾乎儲唔到錢，有攞津貼 4-5人嘅公屋住6個人實在好逼（之前入伙既時候嫲嫲未過嚟，佢而家只係暫住)而我哋三姐弟一開始已經無自己既房，三個人三張床放係一間長房，而家嫲嫲搬埋過嚟變左4個人一間房，我訓上層，我嘅「房間」就係我張單人床，床圍欄就裝我張書枱，呢兩年都住得冇乜問題，不過爹地媽咪都有計劃幾年後嫲嫲拍搬返去自己屋企後重新裝修過屋企，始終男仔女仔要分開返房 問題： 因為想裝修屋企，所以要一定數量嘅金錢，但係以我所知媽咪話我哋屋企儲唔到錢，而我又未夠15歲冇得返工，但係又唔想爹地媽咪咁辛苦 爹地都話我係屋企最讀到書既人，我都知道我咁細個應該讀好書，唔應該諗呢啲，不過我好想分擔下屋企人 想知道各位既睇法同建議🙇🏻♀️多謝睇到呢度~ Thx admins 🙏🏻
#NSS愛情 [赤柱 聖士XX書院] 來自聖士XX書院嘅F2小妹,唔知點樣表白好… 我係一位F2嘅小妹,我鍾意咗一位同樣都係F2嘅男仔。我識咗佢有一段時間,佢音樂同運動都好勁,佢又好好人。我鍾意咗佢之後,我經常諗住佢、關心佢、支持佢。可惜嘅係,佢好似唔知到我對佢有心意。我做事又唔係好高調,我又唔係好夠膽同佢表白,因為我會覺得好尷尬,而且我都唔知佢點諗。我好想畀佢知道我鍾意佢,但唔知道用咩間接方法話畀佢聽好。我有好多個friend幫我,但佢都好似唔知道。我有時想直接Text 佢話畀佢聽我鍾意佢,但又唔夠膽,成日都覺得好尷尬。我成日做主動嗰個會有好多問題,我真心好想佢到知道我嘅諗法,我而家都唔知點做好…… 多謝Admin幫忙post