—類投稿

#NSS愛情 [GUEST] 偶爾仰望天上的浮雲 便會想起了妳 妳也在香港仰視着同一片天空嗎？ 可是我已經知道一切也無法挽回了 那天妳羞澀的向我告白了 可是我卻狠狠地拒絕了妳 想起我那時候的無知 我真的狠不得揍以前的那個我 不曉得那時候的決定是否正確 那時的我多麼想妳幸福 那時我知道我將要全家移民 我認為遠距離戀愛不會長久 便把自己仰慕着妳的心情偷偷藏起來 我怕要是妳知道我們也仰慕著對方 便會捨不得我離開 啊…為什麼我這麼愚蠢 還要傷害了妳那弱小的心靈 對不起

#NSS家庭 [Guest] 抱歉打攪晒大家🙏🏻 我宜家f2 阿媽唔知點解好鍾意喺我沖緊涼嘅時候突然間入嚟 或者屋企人冇端端做緊嘢嘅時候唔敲門就入房 因為我間房個門鎖壞咗所以冇得去鎖住道門 呢個問題困擾左我好耐 我好似咩私隱都冇咁，連手機都要比佢哋日日check —— 兩個屋企人都係home office,由細到大都係 基本上每次返親屋企都會見到佢哋兩個 佢哋好似唔理解老師會拖堂唔放學生走咁🙃 我已經係盡可能一落地鐵站就跑返去屋企 遲多幾分鐘返屋企都會比佢哋鬧/問一大堆野 好似咩都比佢哋控制晒，都幾煩下 呢排情況更加嚴重 搞到自己嘅情緒暴躁左&冇乜精神🥲 唔知大家有冇咩意見可以解決我呢個困擾 Sor for 1999 （我習慣咗隔行打字所以唔太用標點符號🙏🏻）

#NSS愛情 [GUEST] 唔知大家有無暗戀老師既經驗呢？ 今年遇到一個新既中史老師 一開始對呢位啊Sir無咩特別既感覺 但 我幾鍾意上佢既堂 因為佢真係幾幽默風趣 成日都會同學生講下笑 書又教得好 把聲好沈穩 雖然講書嗰陣好大聲 加上我坐喺前排 有時真係想叫佢細聲啲 不過 當佢喺我隔離細細聲講野嗰陣 真係會有點小鹿亂撞既感覺 好溫柔 好好聽。 而因為我坐喺最前排 位置就喺教師檯正前方 當佢低頭做緊野既時候 我可以最近距離咁 欣賞佢認真做野既姿態 仲要配埋佢副眼鏡⋯

#NSS個人 [GUEST] 游水大提琴鋼琴現代舞芭蕾舞….樣樣都學，個個領域都有唔同嘅成就而且都唔差，但係最近越嚟越有壓力，屋企人嘅期待老師同學成日都話我好犀利學咁多嘢😥樣樣都唔差😥但係得我一個人知道，其實自己一直為咗佢哋一句讚美而繼續落去，同時有個青梅竹馬由我兩歲陪到我依家，我好多謝佢！陪左我咁耐！呢段期間入面，成日都同我講要取捨😔但係我又唔知道應該要點樣同啲老師講😞搞到好大壓力😣唔知道各位有冇咩好方法可以提供😔thank you!🙏🏻

#NSS愛情 [Guest] 首先多謝admin揀我 同匿名的大家分享我的心事 我喜歡一個人 那人剛好是女生 她平平無奇 卻占據我的心多時 她甚麼都好 運動讀書全都好 她很可愛 很呆萌 我好喜歡 我第一次對女生上心 所以不懂該如何反應 我不想讓她知道我的感受 只想默默守護她 我不想她受到任何傷害 只想她永遠幸福下去 希望她在DSE 中能取得好成績 能順利讀到她想讀的科目 只能在這跟你表白啦 我愛你 以後呢

#NSS個人 [Guest] 是咁的，小妹係一個有社交恐懼症嘅人，連同朋友講下嘢都會好緊張好驚嗰隻。今年啱啱升上高中，老師開始對我哋dse緊張，又叫我哋參加多d校外活動。我原本都打算參加多d活動，當去玩下，但係次次叫朋友一齊去，佢哋又話麻煩唔去，得我自己一個我又唔敢去報名。結果次次miss咗個機會之後，見到參加嗰d人po曬相咁又會慶幸自己唔洗同一班人打交道，同時又會覺得自己好冇用，明明去參加下根本冇乜嘢，點解我會唔敢去。 其實小妹好清楚自己將來想做乜，我好想讀獸醫，大學讀獸醫其中一個條件係高中時期要去做義工。但係我又怯，驚冇人陪我一齊去做義工。見到其他人好成功嘅一面，又會覺得自己好失敗。咁我諗住先讀好書再講，又覺得自己反正都冇辦法成功，又冇曬剛勁。 我對自己嘅前路好迷茫，我唔知我宜家要做乜，同埋我係咪真係可以讀到獸醫。 我知道呢種時候應該要揾人諮詢下，但係我硬係覺得夢想呢d嘢好秘密好私人，講咗之後做唔到會俾人笑，唔敢同其他人講。同阿爸阿媽講又唔係，佢哋最鍾意攞我嚟做同保安街坊傾計嘅話題，講個秘密俾佢哋知嘅結果就係全村都知。同家姐講，我哋根本無熟，佢有佢自己嘅生活，基本上我哋一年365日都未必講到365句話。我根本唔知可以揾邊個。 其實我知道我會有呢個問題最根本嘅原因係我懶，但係我唔知點改（廢到笑sorry）。我好想劈低一切乜都唔做，做返舊垃圾。利申我完全冇自殺傾向，我仲係好努力咁讀書追夢。但係我真係唔知我應該要點樣去處理我宜家呢個心態，btw我覺得我宜家嘅心情真係好似人間失格嘅大庭葉藏（just kidding)。 我唔知我講到咁1999有冇人明，其實我都唔知我想點。但係就算冇人明，或者覺得我好莫名其妙定好廢乜都好，我只係想喺度訴說下心聲。最後多謝返哂咗幾分鐘睇呢篇文嘅你。 Admin 可唔可以幫我po喺ig thanks😊

#NSS個人 [GUEST] 跪求admin po IG 「所有感情問題一律建議分手」 小妹而家係Band 1A中學讀緊f3，由於父母之前有段不愉快嘅婚姻，加上種種外在原因，導致我而家唔係好想拍拖，同埋其實我都冇鍾意嘅人，但係我身邊最close 嗰幾個friends 全部都出咗pool！！😒 佢哋拍咗拖之後就幾乎就三句不離佢條仔，同我分享條仔有幾愛佢，佢哋幾個聚埋一齊都淨係喺度傾仔，我好似越嚟越融入唔到佢哋，已經講咗唔鍾意成日都講仔，但佢哋都冇理到，我真係好想維持我哋之間嘅友誼，所以每次都只可以喺隔離陪笑🙃……… 另外，佢哋仲重色輕友！淨係記得佢條仔生日，連我生日都唔記得，事後仲要笑笑口，連句道歉都冇！🙄想約佢哋出街，個個都話唔得閒，仔一約佢哋，個個突然之間就好得閒🙄 仲有好多好多好多………. 最後嘅最後，佢哋仲要成日勸我拍拖，攞我單身來講笑，傳我啲謠言！🤬 其實我喺學校冇乜朋友，同佢地絕交之後就冇朋友😮‍💨，但真係好L煩呢啲人！對我來講所有感情問題一律建議分手💔！ sor for 1999

#NSS學校 [GUEST] 見到有人開始講關於Christmas Party要著校服，我都想講返關於自己學校嘅事 第一，事關我地今年嘅聖誕Party冇得著便服 (唔知其他學校有冇呢個情況，不過都想講下) ，由於我地學校本身就已經冇便服日之類嘅嘢，所以可以著便服嘅唯一機會都只係得返Christmas Party，而呢個要著校服嘅消息其實已經係上年開始流傳，一開始我自己都唔信，但係直到出通告先知如來係堅，咁我地全級嘅人當然都嬲，但係無能為力。 第二，學校開始唔比低Form嘅學生著校嬲，只係比高form學生著校嬲，試問學校，請問意義何在？就算我係高Form學生都覺得好唔公平，令到學校好似有階級之分咁。 最後，其實呢度係一部份，其他就唔一一講述。如果有咩錯處或者係仼何令到大家唔舒服嘅地方，唔好意思🙏，另外如果知道係咩學校希望各位唔好爆出黎唔該曬🙏

#NSS學業 [GUEST] band1女校，f2 science呢一科真係令我好困擾，原因係個老師。 個阿sir(簡稱B)成日喺度嘈，話冇時間教書。 但係一個禮拜兩堂，加埋都有成兩個鐘。咁啲時間去咗邊? 佢一個單完成日跳嚟跳去教都算，最煩嘅係佢成日笑人，以為自己好好笑。我哋會入啲workbook答案去google form，本來係為咗方便B批改，但係佢就成日嘥成堂喺度笑人哋workbook嗰啲答案。教photosynthesis就笑人要寫destarch佢，教respiration就笑人typo串錯rib做rip。對住隔離班就話我哋嗰班係癲嘅，對住我哋班就話隔離班係癲嘅。 一開始咪當笑下算囉，但係test緊嗰時B都係一樣。係個lab行嚟行去喺度睇人哋啲答案，之後喺咁話“你哋班友啲英文咁差㗎”。 對卷嘅時候，就係咁喺度問“係咪想我炳你哋呀，咁容易都答錯” 又問我哋係咪痴線、冇腦，話我哋成班都係壞咗嘅人。 其實呢我都知道我哋有時係溫書溫得唔夠，做得唔夠好，但係你每次都話只有一個形容詞可以形容我哋:就係垃圾，除咗嘥全部人時間同傷我哋自尊心，都冇其他用處。你自己都同我哋講話幾年前畀人投訴過啦。不如你畀心機講多啲嘢我哋會容易錯嘅嘢，唔好成日笑人，我相信我哋成班都會更加希望有個咁嘅老師教我哋。

#NSS愛情 [GUEST] 唔該admin可唔可以po ig🙏🏻 我好似鍾意左我best friend。 我係讀女校，有一個識左好多年嘅best friend，咁我本身同男拍過拖，本來就confirm我係異性戀，但突然我發覺我好似鍾意左我同性好朋友（叫佢A）… 我同A無時無刻都傾緊電話，同佢真係好close，唔開心佢會第一個來支持我，我喊嘅時候會即刻call佢，A能夠識穿我所有情緒，慢慢唔知係咪對佢有一種依賴感，我對佢嘅感覺同其他人係唔同….我對佢嘅佔有慾大到我自己驚，試過好多次發脾氣，雖然佢話無問題，但我覺得我限制左佢自由，所以我好多時都係忍。我好想一直永遠陪住佢，唔想有其他人來替代我呢個位，我有同佢講過，佢話ok。雖然好想擁有佢嘅感覺？！但我對佢係無性慾。我感覺佢應該唔係bi or les？？我覺得但唔肯定，因為佢無拍過拖，我又無試過好直接咁問，再者佢唔會覺得我鍾意佢，因為我之前被個男hurt完佢以為我愛緊佢。 呢件事對我好迷茫，我唔知點好，我係咪真係鍾意佢定係普通朋友嘅鍾意，加上我家庭較為傳統，佢地係唔接受同性戀，如果俾佢哋知道我懷疑自己鍾意同性我會被人「殺」，我又唔知我個friend 嘅性取向，套佢料嘅時候佢啲答案五時花六時變…我唔知點好…有無人有類似嘅經驗，我好似企咗喺中間兩頭唔到岸咁..佢係我唯一對女性產生感覺嘅人，其他同性完全無，只係佢一個 多謝各位睇到呢到 #sorryfor1999 #唔知有冇打錯字打錯咗好對唔住