#NSS愛情 [GUEST] 【長文】【希望admin可以post】 是咁的，小弟有啲嘢想分享下⋯⋯ 小弟今年轉左校，然後係新學校裡面認識到一個女仔（簡稱B），跟住慢慢最近鍾意左佢，佢大我DD（但係同form）。大概幾個禮拜之前，一個mutual friend（女，簡稱A）出左pool，開始搞曖昧；A嘅對象係同我算幾熟嘅師兄，所以A就經常問我關於佢嘅事。之後就係機緣巧合之下同AB佢地熟左，然後就同B日日傾電話，每次都可以傾一兩個鐘，星期六日可以傾得更耐。咁傾計嘅內容其實可以話咩都有，從講自己小時候到講佢啊爸啊媽係點同佢相處，真係差唔多咩都可以講一輪。但係，我同B講電話和時候就經常串佢，跟住佢就串返我轉頭。有一日，我就同啊A係度講電話，咁我就同佢講我鍾意B嘅事，佢就話我同B講野嘅時候覺得我放的太開，佢覺得佢感覺我好似比B friend zone左。其實，我自己（可能自作多情咁）覺得成個過程係有少少似打情罵俏，但係估唔到竟然會比人（可能）friend zone左。但係我覺得佢好似feel唔到我lum佢，因為我唔係D好主動嘅人（同埋完全可以話唔識點溝女），請問各位覺得我係咪真係比佢friend zone左，同埋應該要點樣做先可以係friend zone讀拉返出黎？希望各位可以幫我指點迷津，thx！！
#NSS其他 [Guest] 如果身邊有朋友來緊要去外國讀書/移民，請轉發呢篇文章 你好，雖然我地唔認識，但我知道你來緊就要踏上一個全新嘅旅途，祝你一切順利。喺你出發前，我有D嘢想同你講，希望可以比到一啲鼓勵你 簡單講下我嘅背景，我係一個已經出國接近2年嘅15歲女學生，我係自己一個去，唔係移民。 點解我會寫這篇嘢？其實我身邊都有唔少人去外國留學/移民，大家都流著淚話好想返去自己熟悉嘅地方，見到熟悉嘅人，聽到熟悉嘅語言，食到熟悉嘅味道。可能而家你會覺得你好討厭家鄉，但請容許我同你講聲，遲D你就唔會有呢種想法。一定要用正面嘅想法來面對一切。 （呢篇野有兩部分，請根據你嘅現況來選擇適合你嘅部分來閱讀，當然你可以兩部分都睇曬） 移民 同屋企人移民嘅你，起碼會有家人嘅陪伴，有咩事都會有家人係你身邊幫助你。但係，移民係一件好辛苦嘅事，要永遠離開家鄉，唔係人人做到。已經決定好要移民嘅你地，請你一定要記住，你地比起任何人都要堅強。 呢個時候就要好好回報一下家人啦，移民需要花費大量金錢，勇氣同意志。可能，試下根據你屋企嘅狀況，答謝一下佢哋？就算只係一啲手作嘅小禮物，或者一個擁抱，都可以為佢哋增加大大嘅動力，療補一下佢哋佢哋因要離開家鄉而受到嘅痛苦同傷害。 無論你移民嘅原因係咩都好，你可以做出呢個選擇，就係因為你見到呢條路有光，even係一粒好細嘅光。 希望在明天啊嗎，呢粒光一定會引導你去到更加好嘅路。 （對於移民我一啲都唔了解，所以我冇乜資訊可以比到你，抱歉抱歉～） 獨自去外國 自己去外國嘅你 恭喜你，你選擇咗一條會快速並且有效增值自己嘅路。期間你會學到好多係你舒適圈學唔到嘅嘢，至於係咩我就唔講啦，等你自己去發掘啦！ 雖然你會得到好多，但當然呢個世界係冇不勞而獲㗎，係得到嘅同時你都會失去一啲嘢，例如係同家人朋友係家鄉相處嘅時光。 要面對嘅嘢，每個人都唔同，但唯一個個都會面臨嘅就係孤獨。唔係因為身邊冇人陪伴，係你長期離開熟悉嘅地方而產生嘅孤獨感。雖然你冇可能見到你嘅家人同朋友，但佢哋永遠都係到陪住你，支持你，係一份大家都見唔到，但深深感受到嘅愛同關懷。 辛苦就一定㗎啦，到時係你落淚嘅時候，不如諗下你出國嘅原因？我相信一定會有啲正面嘅原因㗎！ 加油！
#NSS個人 [Guest] Admin post ig pls~🙏🏻thx! 睇咗「入咗女校我好似變咗les」個篇，見到最後話好驚同齡男仔個度，我深有感觸！哈哈哈🤣想分享吓個人經驗^_^ （Ps. 原po我支持妳吖！） 我同妳一樣都係讀女校~都係讀中三~都係小學讀男女校~ （講返先 我真係唔係性別歧視！） 我都覺得自己好奇怪！小學男仔唔驚 大學男仔唔驚 成年男人唔驚 唯獨超驚中學男仔！同妳一樣，都覺得佢哋好似怪獸😢 （我唔係由細到大都係咁 係中學先係咁） 對我嚟講 小學男仔係可愛的 大學男仔係成熟的 成年男人係可靠的 中學男仔係可怕的😢😢 我都好想克服恐懼XD但我做唔到 但我唔係Les,我都鐘意靚仔
#NSS個人 [港島女校] 標題:點接受自己係同性/雙性戀？ 小妹今年f3，讀港島某女校。係咁嘅，小妹f1識咗一個幾熟嘅frd，f1嗰陣會一齊行街,食飯,去過對方屋企。但f2嗰陣因為某啲事&疫情而疏離咗,冇點傾過計。到依家f3又熟番,因為我哋學校有啲科要分組,而我所有科咁啱都同佢一 組所以多咗時間見。 入番正題,喺所有frd眼中我係一個直女而且我表明過我恐同(支持但接受唔到)但係我覺得自己好似彎咗，事源每次同佢傾計/上堂(分組一齊坐)都會勁開心，係ig傾計會傻笑(我都覺自己cls)，佢做所有嘢都會牽動我嘅情緒🥲之前有啲po話身體接觸會心跳加速，不過我試過但冇。 我係咪真係彎咗定只係太想同佢熟啲。如果真係嘅，點接受自己係同性/雙性戀？阿媽我好亂啊:( 多謝睇曬篇文(*´ω｀*) 唔該admin:D Sorry for 1999