#NSS學校 [九龍城某女校] 事情係咁嘅 小女係S2 我哋嗰班實在係太多麻煩精 乜都要抄到足 個個整一雙面人 除咗某幾個之外 其他基本上都不是太理智 成日喺老師面前扮乖舔鞋底都算 好心佢哋做戲做全套啦 喺我哋面前重要扮可憐博同情 大佬真係勁嘔心 仲有我都唔知係唔係前世同佢地有仇 我做咩佢地都要同我爭 其實有啲嘢係我做就係我做 你點爭都唔會爭得贏我 都唔知係唔係溝通能力有問題 講親咩都聽唔明仲要reject我 仲要成日話我哋都係差班 有冇留意到其實你都係讀呢班 唔鍾意就退學啦 仲有其實我哋呢班都唔係最差 你成日強調做乜嘢？ 成日同啲friend講我壞話
#NSS學校 [GUEST] 『長文💦』 小妹第一次投稿，而且文筆唔好，請見諒🙏🏿 今年讀緊Form 2，我小學二年級嘅時候係一個插班生，唔知係唔係因為呢個原因（？導致畀人大部分班上嘅人排斥同埋言語欺凌 例如佢哋會主動同其他插班生玩同埋傾計，但係從來都冇打算理我 就算我主動搵佢哋，佢哋都會當我透明，而且仲不停講我壞話 其實我自己都有諗過係唔係自己嘅問題，所以我都有改善過，小四嘅時候，有啲都肯同我做朋友 但係去到五六年班嘅時候，有啲仲係唔鍾意我嘅人又拉 返啲同我做返朋友嘅人一齊排斥我 由於我學校係小學直升中學嘅，所以我依家大部分同學都係小學嘅人，亦都係當時排斥我嘅人 其實Form 1嘅時候，佢哋對我嘅態度都好左好多 當我以為佢哋變得成熟，唔再排 斥我嘅時候，佢哋今年又開始排斥我 佢哋係我面前扮到同我好frd咁，但係喺我背後就仍然成日講我壞話，調返轉頭話我成日講佢哋壞話 搞到我啲新frd都懷疑我嘅人品，好彩最後佢哋選擇相信我，話佢哋表裡不一， 但係我唔想再係咁，我想多啲朋友，但佢哋真係好表裡不一，我唔知點算好 請問各位大佬可唔可以教下我，我應該點算好🙏🏿💦 ？ sor for 1999
#NSS個人 [GUEST] 六年la, 你咁就離開咗我六年 我未識行個陣就已經識你la。係一次偶然ge機會，我父母將我由醫院抱翻屋企，搭電梯個陣，見到你父母，係出電梯個一刻，先知大家住係同一層。你父母同我父母講，佢地有一個大我少少ge小朋友，得閒可以出妮一齊挽。就係咁，係出咗幾次後，我地兩家人就熟絡咗。 之後，我地就係咁一直由bb仔，到幼稚園，小學，中學，但係我地ge關係仲未去到大學就被迫終止。係我地考完DSE冇耐，你就被一場交通意外攞咗條命。我知道個陣我真係好崩潰，好傷心。明明DSE完咗係件開心ge事，我地仲約好咗一齊出妮挽。 由細到大，你都當我係你個妹咁鍚，就算有時我特登發你脾氣，打你，鬧你，你都好包容我。我父母話我個陣，你仲係度幫我講說話。你同我父母講，我係你個妹，咁就只有你有權話我，其他人唔可以咁做。但係，你淨係會選擇鍚我同保護我。所以，就算係阿姨,叔叔你地都好，以後都唔可以再話我。雖然，你講依句ge時候只係讀緊小學，但係，我每次惗翻起ge時候都會覺得好開心，好感動，即使係我父母，都從未咁同我講過。 到升咗中學個陣，我地各有各忙，但係，因為大家住係同一層，見面ge次數都唔係少得去邊。我地仲會約出妮，去行街，去挽，去睇戲…… 亦都係由個時開始，我感覺到我地之間ge關係開始唔同咗，你成日借d椅挨落我度，抽我水，但係，我一直都冇介意。直到有一晚，我地去完街，行翻屋企個陣，你突然一啖錫落我度，之後你問我可唔可以做你女朋友，我好開心咁應承咗。之後，我地一直都好sweet，冇吔點鬧過交。你問我我有d咩夢想或者想做ge事，我同你講我想讀書讀到去碩士學位同埋有自己ge一間鋪頭。 到咗中六，就算要準備考DSE，我地都仲有keep住見面，互相幫助, 大家有咩唔熟或者唔明白就攞出妮一齊討論。我覺得我自己好好彩，因為我地ge關係冇因為DSE而改變。我比你早五日考完，你就叫我等你，考完就出妮一齊挽。我都好期待你考完之後，一齊出妮挽通宵。但係，我冇惗過個日會變咗造見你ge最後一日。係我準備出門口，去你考ge學校接你個陣，我突然收到你老豆send妮ge訊息，話你被車撞，入咗ICU，情況唔樂觀。我即刻衝咗去醫院，然後我就見住你由陷入昏迷到冇咗心跳。我見到依幕個陣，我真係好傷心，我接受唔到你咁就離開咗我同你父母。雖然，你係陷入昏迷前，用盡你ge力氣同我講，要我努力連埋你個份，好好地活落去，你會化造天上ge星星，永遠守護我。但係我真係好痛苦，我甚至惗過要同你一齊離開依個世界，等你去天國ge路上唔會寂寞。之後ge幾個月對我妮講都係一種煎熬，我有好多個夜晚都係希望合埋咗對眼之後，就唔好再開翻。我一直都係靠你臨死前對我講ge個翻說話，涯過妮。 之後，我一直努力企翻起身，實現自己ge目標。到依家，我同人夾份開咗間實體店，仲兼讀緊碩士。我離自己設立ge目標越離越近la, 我冇辜負你對我講過ge野。 最後，我想同你講，即使過咗咁多年，我對你ge感覺冇變過，仲係咁愛你。你係天國都要活得開心啊！
#NSS其他 [guest] 關於情緒病的一問一答 唔知admin會唔會post 情緒病一問一答，有冇人問 如果有可以留言會用假acc答 希望可以令更多人化解對情緒病嘅誤解 如果有需要可以搵我傾吓 利申I am患者，現接受藥物治療中，有定期到公立醫院覆診，有睇私家診所經驗，都有過入院經驗 醫院入面好多有趣嘢😂超出你想像，例如有d智力障礙好得意，會同你玩，會跟住唱兒歌。有d過度活躍症又朝到晚都坐係度瞓覺，就算挨落個窗俾d冷氣機水滴濕件衫都懶得郁😂 當然都有負面嘢例如偷漂白水飲，想令消防鐘響然後走出醫院 好多好多嘢可以分享，所以不妨搵我 如果有人知我邊個唔好相認我會好鬼尷多謝😘 sor for1999 錯字勿怪
#NSS愛情 [GUEST] Hi~小妹最近煩緊件事，希望大家可以俾下意見～ 小妹一直都好鍾意隔離班嘅一個男仔下稱A,一直都想同A一齊但係就有一個好好好好好好朋友B同A之前有啲衝突，所以超級唔想我哋一齊，甚至話如果我哋一齊會同我絕交 但係前幾日A同我表白，我應承咗，B就咁啱冇返所以乜嘢都唔知啦。但係我知道唔可以呃佢一世，所以第二日就同佢講咗，佢嗰陣好嬲又話佢接受唔到，叫我快啲分手嗰啲…甚至喺IG出story「sorry但係我唔祝你哋99」 其實我真心好hurt，A對我好好,但係B除咗呢件事之外都真係同我好frd好frd，我唔知點算🥲想聽下大家意見 Sor for1999🥺