—類投稿

#NSS學校 [Guest] 唔知點解無端端諗返起間on 9小學,想呻下 記得嗰陣放學嘅時候如果冇家長接嘅話就一定要跟大隊(即係老師帶住一堆同學放學,然後於目的地解散)從來都唔可以自己放學,即使到咗小五小六依然要跟隊放學cls。如果畀佢發現咗你自己放學(即係唔跟大隊)就會強迫你跟番大隊,兼且打電話畀家長加記名一個頂佢個肺,而家諗番都覺得變態🙃其實放學條路真係一啲都唔危險,好開揚,好多人行,完全唔明白點解要跟大隊???你話小一至小三呢啲低年級跟大隊都正常呀,但係上到五六年級都仲要跟大隊真係好奇怪囉🤷仲有我間小學好特別,連遮都唔可以帶,你冇睇錯呀,係連遮都唔可以帶!!?!cls而每次落雨都好唔開心,因為冇人接,所以就要跟大隊🥲就算好大雨,都強迫我哋跟住大隊返目的地。而每次都好趕咁,一放學就要開始行,好似趕住去投胎,等啲雨細啲先行都唔得,而最過份嘅係帶隊嘅老師就有遮用,但我哋同學就冇🙃唯有著住雨衣淋住傾盆大雨,非常狼狽地返目的地cls,返到去嗰陣全身已經濕曬😭而曾經有人帶過遮,然後訓導主任見到就話佢,我當時真係心諗wtf呀,個同學都四年級啦,連遮都唔畀帶??!?而且學校強逼同學每日帶雨衣,唔帶畀人發現就記名一個🖕😃🖕我真係憎死你呀麥主任(我哋嘅訓導主任) 除咗呢個之外仲有啲更無良嘅嘢,呢個麥主任係負責睇住啲風紀,然後當時我就係風紀啦,而我只不過係四年班,就畀人編排咗小息去睇住班五年班,仲要係成績同品行比較差嘅一班😃其實有冇諗過我嘅感受呢?根本就管唔到,班人曳到死,仲要個個都高過我同大過我😃😃😃好心你編排邊個人管邊班都編排得好啲,有心啲呀,至少唔會編排一個小四嘅人去管一班小五,仲要係最曳嘅一班🙃不過好彩我之後都辭咗職,因為實在忍受唔到,事緣係我除咗小息要管呢班小五之外,平時早會之前(都有差唔多45分鐘,我諗係畀啲同學返嚟準備下心情咁啦)風紀一定要最早返到,呢個好正常,因為風紀不嬲都要早啲返去處理校務,所以我都好接受。但問題係我嘅工作係要企喺校門嘅附近,睇住啲同學,邊個曳(例如跑/講野好大聲)就去管佢或者記名。但問題係每日都企45分鐘,企完之後隻腳已經痺哂,根本就有病囉,係咪可以每20分鐘搵同學調下更,等我同其他同學可以休息下呢?不過我都唔係最慘,大約8個同學係直情係要企喺個校門出面,只要有老師行到入校門,個個就一致同老師講:「X(老師的姓氏)老師早晨。」然後再鞠躬!!!或者啲同學每日咁做已經麻木曬,啲聲線呀語速呀動作呀全部都整齊到一個點,佩服🙇其實痴線嘅咩,而家你哋訓練軍人呀🤣有時你入學校之前真係要做好心理準備,突然之間有個老師行入嚟門口,跟住班風紀就好有力感講呢句加鞠躬,你未預備好真係會畀佢哋嚇親😂😂但其實諗深一層佢哋真係慘🥲以上就係我嘅分享啦。可能我中文表達得唔係咁好🙇🏻‍♀️🙇🏻‍♀️🙇🏻‍♀️但希望大家唔好話我,多啲討論一下你對呢間小學嘅政策嘅睇法!謝謝🌹

#NSS學業 [GUEST] Re #NSS211207E #NSS211204E 好認同你所講嘅嘢。撇除數學嘅實用性同邏輯訓練黎講，我地學數學唔係更應該享受數學嘅獨特性、歷史同埋美咩？ 喺幾百年前，數學家為左搵出一元三次方程解，建立左虛數嘅模型。你可能會話：呢個關我咩事，理得你虛定實。但係而家工程師都會喺工作期間用虛數作為工具，又例如喺量子力學嘅薛定諤方程式入面都有虛數 i 嘅存在。數學作為解釋物理現象嘅工具，同現實生活又點會咩關係都冇？冇數學嘅幫手，你而家可以開開心心用手機，用SSD？你要知道SSD都係量子隧穿效應嘅應用產物。又好似計算熱力學、空氣動力學等等嘅時候都要用到偏微分方程，呢啲數學又實唔實用呢？ 實用性以外，我地都唔難發現數學嘅美好。喺 e^[i(pi)] +1=0 入面包含左五個最自然嘅數，而佢地可以用一條方程結合埋一齊，莫非咁樣唔係靚咩？ 所謂「萬物皆數」，生活中到處都係數。小至蝸牛，大至銀河，我地都可以發現Fibonacci Spiral嘅存在，而當中嘅黃金比例更代表住最自然嘅美，喺日常中，我地又好難發現呢啲數學嘅美咩？ 打咁多嘢唔係為反駁而反駁，而係希望大家可以從生活體會數學，享受純數嘅樂趣，同時唔係純粹為考試學數學，比呢個片面無趣嘅DSE數學syllabus搞到對數學反感。

#NSS愛情 [GUEST] 小弟今年F5，上年唔知點解中意咗一個大我1 form嘅女仔 (可能純粹樣貌) 而今年佢F6，要考dse，換言之我可以見到佢嘅日子無多 我想試下認識佢，睇下夾唔夾，有冇得發展 但係其實我地對大家0認識，完全唔熟 同時我都明佢要dse，所以想做frd慢慢發展 所以希望喺度問大家意見 thank you！

#NSS學業 [Not important at all] Re #nss211207E 作為一個第四科選修選左M2、數學係Band1A-B學校8-15嘅人。 我想講，我有數學後遺症。 你問數學有咩用，我唔知，我淨係知道數學有毒，有副作用。 而且我由幼稚園高班就開始我計數嘅旅程，小一唔使直式就計到數，小二識除數，小五六經常區內拎獎（為左報中學） 有無後悔？ 我都唔知點講。 試過一日做數做六個鐘，做到好開心，好似吸毒咁。計咗一條好難嘅數，就自己喺度哈哈哈哈咁笑。（我唔知呢句出唔出到街，如果唔得，admin 幫我改下） 試過因為一題微積分計唔到，唔食飯，留係課室問老師。 街上面見到a+ab（某服裝牌子） 我每次都會同朋友講，我睇得好唔舒服，因為我腦海裡面一直出現嘅係a(1+b) 我潛意識會自己做左factorisation 玩音遊，連按嘅時候，我見到一個個bar衝過黎 我係會先分析佢係平行四邊形定梯形，然後再決定點click 埋單嘅時候，每一次朋友都會搵我黎計數，當我人肉計數機，活好工具人嘅角色。 任何年級唔識計數嘅人都會嚟搵我，但係我又好enjoy計數。 我知聽落去好荒謬，但係真嘅。 其實我都好想戒甩數學呢個癮。

#NSS學業 [GUEST] re #NSS211207E 有人話其實上左中學之後,學嘅ICT 真係日常唔會用? ICT係訓練運用科技，任何一個正常人係日常生活上一定用得著 工程師 精算 物理 化學 統計 程式開發 3D設計 測量 運動科學 經濟學 金融 會計 等等 好多科目或多或少會用到 一個現代文明人具有一定既ICT能力是常識吧 樓主你身邊用既事物，例如冷氣 風扇 手機

#NSS學校 [bkkss] 標題：訓導主任認為你點就係點 我哋嘅一間某知名學校（學校自稱佢係shakok名校係一間有宗教嘅學校 某屋村內的一間中學）呢間學校虛假到不得了未入讀之前聽講呢間學校好多好嘢，入到去讀先發現不知幾虛假，只要學校流出一小部份嘅謠言訓導主任就會地氈式搜尋到各位學生並強迫當事人刪除該貼文並作出對校風嘅賠償，就算你講事實都好三個訓導主任欺壓你，包括有三位仁兄 馮 張 謝三個人兄先講吓呢三位不知幾好嘅瞓到做咗啲乜L嘢先 我哋就你講吓第一位馮 眾所周知入學校門口訓導主任就一定會企喺校門口及住你㗎喇，本人因為剪頭髮炒咗嘢即係剪爛咗個頭，俾佢捉住就走來問話點解你個頭剪成咁樣乜你覺得好潮咩？當下係好無語我話係髮型師剪短咗，粒聲唔講即刻call家長就算家長講咗係剪爛咗個頭，佢講咗一句咁既然一長一短啲頭髮咁就走去剷青囉（和尚頭）我當刻感覺到真係真係真係好無語，佢仲用啲好串嘅語氣講 疫情之前啦發生咗呢啲情況我哋一般直接帶學生出去學校門口剪，你諗到呢個係一間學校會做得出嘅行為？？？？ 第二位張 呢位係一位女嘅訓導主任，呢個呢就真係不得了啦串到死，夏天嘅時候攞住一把莫名其妙嘅大媽扇趾高氣揚咁樣行嚟行去，一發現到學生儀表有問題好冇禮貌直接扯住人哋件衫，講一句 啊仔啊點解你校服咁樣啊 另外夏天嘅時候佢係完全唔俾我哋着外套，有一次我喺冷氣房行出嚟因為個冷氣房真係好凍啱啱先行出個走廊個訓導主任就追住黎講 用啲好串嘅語氣 啊仔你好凍呀？而家32度啊着外套？仲唔快啲除出嚟？我叫你除啊 冬天嘅時候佢仲捉住我哋學校嗰啲女同學 做咩帶頸巾啊 唔啱學校儀表喎？ 相比睇返佢啊成身羽絨衫 接下來仲要再講多一位重量級人物 姓謝嘅訓導主任 本人當時因為身體出咗啲問題皮膚係唔可以照射陽光，然後呢個訓導主任叫我除咗出邊佢外套 佢見到我喺入邊着咗冬季，佢破口大罵（呢度嘅校規係我規定㗎唔係你想着墨着墨呢度唔係你屋企呀）然之後佢想叫我除晒衫，佢懷疑我有紋身？直接除都整返條底褲

#NSS愛情 [GUEST] 想問下各位 係我哋嘅問題定係點 我同男朋友一齊一個月 呢啲時候通常都係熱戀期 偏偏我同佢係相反 不停嗌交 而朋友都覺得我同佢真係唔似情侶 似「好friend嘅朋友」 講吓啲資料先 我同佢都係大家嘅第一任 係我表白嘅 雖然我同佢識得唔算耐 我仲諗住可以趁拍拖了解佢多啲 點知原來我係錯嘅 因為佢有咩事都只係搵兄弟 我有同佢講過呢個問題 結果佢都係氹我兩句就算.. 我鍾意佢 但係種種原因搞到我真係好想分手.. 朋友都話我同佢一齊咗之後成績低咗好多 再加上同佢一齊之後就成日都失眠 佢成績偏向差 我除咗要顧及自己之外

#NSS個人 [GUEST] 純分享～～～ hello大家好 小妺今年F5 自細喺一個普通到冇得再普通嘅屋企成長 屋企雖然唔係有錢 但都唔至於窮 每個禮拜嘅車錢100蚊 食飯錢就計45一餐 嗰個禮拜要食幾多餐屋企人就俾幾多錢 唔會俾多 但其實學校附近嘅餐廳一個普通嘅餐都要五十幾蚊 再食好啲就60以上 最平就係大快活同食麵包 如果我自己一個人食嘅食多幾餐麵包什至唔食我都OK 但係有時成班frd都會話想去60蚊以上一餐嘅餐廳食 我又唔想掃興所以就會默默跟埋去一齊食 之後嗰幾日就唔食或者食好少嘢 有次同佢哋傾計講屋企人會俾幾多錢自己 原來佢哋一個禮拜都有500蚊飯錢 車費屋企人另俾 仲有另外買自己鍾意嘅嘢嘅零用錢 當時我真係呆左…原來人哋嘅飯錢多我一倍 幾十蚊一餐對於佢哋嚟講其實係平

#NSS學校 [沙角邨] 小妺今年中二，我有個friend，平時同佢玩得幾好，但系我發現佢最近一直系背後講我啲衰嘢，主要係 我係一名男同。。佢一直都好睇唔起我咁，講我賤，狗，但其實仲有啲更加過分。。。話我系妓女。。，知道咗之後喊咗好耐。佢成日問人借錢，如果提醒佢還錢佢就會講你咁差錢咩，仲要背後講我好窮，冇一次還過我錢。。我真系唔知點樣面對佢好。。。

#NSS個人 [tlgc qes] 我把一個人當best friend，但他出去玩幾乎唔會叫埋我，但又會叫一啲我唔係好鍾意嘅人。唔明，好煩