—類投稿

#NSS家庭 [Guest] 同屋企人相處得好辛苦，有冇人可以同我講應該點做… 交代下少少背景單親家庭攞綜援依家F3 無論性格、食嘢、生活習慣或作息都好唔同。 作為學生日日都好忙好多野做，所以有時洗衫晾衫沖涼洗頭執下野呢啲都夜晚先做，屋企人就會發脾氣鬧我點解咁嘈又開住燈阻住人瞓覺，但當時只係9點10點幾，唔通我日日都要趕頭趕命9點之前做曬所有野然後瞓覺咩… 食野方面我哋啲口味完全唔同根本兩個極端，我鍾意佢唔鍾意，佢鍾意既我唔鍾意。 同屋企人年齡相差四十年，代溝嚴重，佢係啲極守舊思想我經常理解唔到佢。 又鍾意食煙，呢個真係忍唔到日日都要開住風扇吹散啲煙味，你唔會想像到每日一返到屋企就聞到成間屋都係煙味係幾咁痛苦。佢都想戎但戎唔到，我試過因為頂唔順啲煙味對佢發脾氣，佢鬧返我轉頭話我麻煩、點解其他人覺得啲煙味冇乜野你會覺得有問題？ 成日怨天尤人咁雖然我知佢生活真係好辛苦，次次食飯都係佢不斷講自己幾辛苦、後生嗰陣有啲咩成就但因為畀人呃變到依家咁、極自我中心覺得自己咩都啱錯既係人哋、覺得自己好威。而我非常討厭呢種人仲要日日接收佢啲負能量.. 佢既性格都好有問題好容易因為少少事發脾氣，成日好惡咁大聲講野。去餐廳可能只係覺得貴、唔好食、唔啱自己食都好似好大件事咁可以同啲店員鬧交，導致我甚少同佢出去食飯因為真係柒到飛起。唔識用手機如果我幫佢解決唔到又會鬧我少少野都幫唔到生你有咩用，唔識就講唔識啦。唔幫佢又畀佢鬧，幫佢又畀佢鬧，你想我點？ 成日都講粗口問候人老母，真係好撚難聽🙂 以上只係一小部份，以前仲細冇問題但依家越嚟越大就更加嚴重。其實我覺得只要佢性格好啲大家都可以和平相處，但無奈佢改唔到。佢都已經好老冇理由分開住都需要人照顧佢。好感激睇到呢到既你，請問我可以點做？😭

#NSS愛情 [點樹豪] Hiii大家好，我係一個15歲女仔，我有一個同我3年都同班嘅男同學，我哋一齊補習一齊玩，一齊行街，我識佢嘅時候已經知佢係同性戀，所以我一直都當佢係女仔朋友，佢自己都話自己係女仔。佢亦都有鍾意嘅男仔，可惜個男仔鍾意女仔嘅。如是者我哋一齊玩左二年，就係第三年亦即係今年嘅前日，我發夢見到佢飲咗酒之後kiss咗落我度，故事係斷斷續續，之後亦都冇其他嘢，就係好正常咁樣返屋企，我起身嘅時候有種開心嘅感覺，我知道係關呢個夢事，但係我冇理到，因為要趕住返學，返到學校佢喺我隔離講嘢，好近好近，好似有種心跳加速嘅感覺，我真係唔知點解，而家每次望到佢都有啲開心嘅感覺，佢平時又同我玩到好close，有肢體接觸嗰種，之前都有緋聞話我同佢一齊咗/佢鍾意我，但係因為佢知道我知佢係同性戀所以佢冇理人哋講咩。佢個樣又幾靚仔，我唔知係咪鍾意佢？？但係發咗呢個夢我對佢嘅感覺先唔同咗，但係我知道我哋冇可能，所以完全唔知點算好。 Sor for 1999

#NSS個人 [Guest] Admin pls po ig thx 小妹今年中四，開始準備緊dse，小妹發現自己其實好廢，思想仲未夠成熟，都唔識點樣有效咁表達自己嘅諗法。所以我好希望擺多d時間喺自我增值到，讀多d書，學多d嘢。唔係為咗賺錢，只係我好鍾意讀書。 但係我由f1開始一齊玩嘅嗰班friend唔係，佢哋只係擔心冇時間追大陸明星，冇時間玩。日日小息唔係講八卦，就係講靚仔。關於學業就日日喺到怨功課多，上堂又唔聽書，落堂又話老師廢唔洗聽佢講，結果小測又唔合格。我唔鍾意傾八卦傾靚仔，唔鍾意怨人，我覺得好哂時間。我每次都想走，但係佢哋又成日拖住我唔俾我走，結果又自己又喺側邊講秘密驚俾我知🤷。 佢哋追求嘅嘢同我唔同，我唔想繼續同佢哋來往，唔想佢哋成日黐住我。其實我寧願冇朋友都唔要做d哂自己時間嘅嘢。但係我又驚就咁同佢哋斷絕關係佢哋會唔開心。我已經嘗試疏離緊佢哋，但係次次都唔成功。 其實小妹想問嘅係，我呢d諗法係咪好自私？ 小妹講嘢冇乜point sor for 1999

#NSS個人 [香港好快會有好轉!!! 香港人撐住!!!] 小弟今年大嘅暑假嘅時候移民嚟咗英國 嚟英國當然唔係自己嘅主意啦 香港發生緊咩事大家都好清楚 點解咁多香港人要走 大家都好清楚.嚟咗就嚟半年 個心仍然都係離開唔到香港. 一開始嚟到英國 人生路不熟 當然日日都唔開心 日日都會喊啦 相信好多人都係咁 每一日都好想返去一個熟悉嘅地方 聽到熟悉嘅語言 好想留喺自己鍾意嘅地方.見到香港d frd日日都玩得好開心 見到佢地po story我會猶豫一陣撳撳入去睇好 因為睇完之後又會想喊 就會喺度諗 點解我會係嗰個被選中嘅細路??? 點解咁多人 偏偏要係我走?

#NSS個人 [guest] 懷疑自己系性單戀+雙性戀 之前暗戀過一個男仔，下稱A。 我唔知A系咪都鍾意我，甘所以我都吾系太敢表白。但系當我幻想到我同距真系喺埋一齊，拖手、個啲，我就會覺得好核突，吾想同距接觸，但過幾日又冇事，最後我冇表白所以都冇左下文。 甘我而家就系一間女校讀緊f3，最近覺得自己對班上一個同學有d奇怪ge感覺。下稱B 我見到距就同之前暗戀A嘅感覺一樣，但因為自己都追開韓國男idol，幾乎冇追過女idol，所以懷疑只系錯覺，但其實我暗戀左B都一段時間，都依然系有個種感覺。我幻想同B一齊之後嘅野又吾覺得核突，甘到底系咩事。。 呢樣野嚴重困擾我，想搵個傾訴ge人又驚，所以想問下我到底系雙性戀+性單戀，定系我系les。。

#NSS學業 [guest] 而家我就讀緊Band 1B女校S2，聽個名就好多人恨都入唔到，咁啱今年又分咗精英班，本身有情緒問題嘅我好大壓力。我屋企人都發現到呢個問題，想叫我轉國際學校讀IB。我當然想啦，但係真係好唔捨得班friend。 我知道你一定覺得我好廢㗎，朋友可以再識，放假咪約出嚟囉，但係自己前途好重要。我梗係明啦，但係我由小學開始都未試過有呢種一班friend圍住嘅感覺，到今年先感覺到。 而且我好擔心讀書個制度。DSE係死讀書，只要你背晒明晒就考得。但係IB唔同，佢係要你真係明嗰樣嘢，而唔係死讀書。 應唔應該轉好⋯希望大家俾啲意見我啦⋯⋯

#NSS個人 [某名男校] 學校，好似係一個識人重要過識字嘅地方 純發洩 不喜勿X 學校，好似係一個識人重要過識字嘅地方，重要係「名校」。玩，讀書，搞event，十項全能對於佢哋黎講好似易過借火。見住佢哋放學踢波行街凌晨先訓我就留係屋企死讀書讀死書，返到學佢哋個個一齊食lunch我就留係班房食頹飯，成日基本上係透明人一個frd都冇，有時成日都可以無講過一粒字，有人肯hi我已經可以開心足一日。我根本唔明白佢哋點解會可以咁熟，想參埋去玩又被ignore，返去就係齋睇住佢哋過得幾開心幾開心，平日就係返學放學瞓覺返學放學瞓覺根本係行屍走肉。 有時我都諗過一了了之，既然已經冇人冇嘢值得我留低，亦都唔需要再勉強人地同我做frd，但係次次都落唔到手，成日就係想死同唔想死之間掙扎，好似仲有好多嘢可以做，學校啲eca先啱啱開始，但係諗起自己一個乜都無，成績drop緊就又想死。。 宜家基本上每晚都掙扎緊，完全唔知點算好，轉校移民跳樓樣樣都諗過，少少嘢就令我好開心，但係下一秒就超級唔開心到想死，芝麻綠豆都會對自己發脾氣，之後又超級後悔。。唔知有咩可以做

#NSS愛情 [Guest] 話說我想對一個男仔有好感， 佢就同我個 best friend 坐 隔離， 佢哋成日都畀人話係cp， 我就喺度望住佢哋，但係其實佢哋好sweet 㗎， 我真係當個女仔係best friend， 我又唔應該去唔鍾意我個best friend， 所以我都唔知點…..

#NSS學業 [guest] 想問下大家通識可以點溫？ 我今年已經f6，就嚟考dse。一直以嚟有做好多past paper，但都keep住係lv3，升唔到grade🥲買坊間嘅筆記對我又好似冇乜用咁，唔知道係咪我嘅溫習方式有問題。 所以想問下大家平時會喺邊方面入手？同埋點樣溫先有效率啲。Thx🙏🏻

#NSS愛情 [GUEST] 堅持定係放棄:)) 男方稱A 我的閨蜜稱B 小妹一直都鐘意A … 三年只係同過一次班.. 小妹唔知而家係咪對A有返feel …… form one 嘅時候同A 一齊過2過禮拜之後分咗手, 今年中三 （同A唔同班）我知道B鍾意緊A … 咁我係咪應該放棄？