#NSS學校 [GUEST] 是咁的，我地班本身好和諧，高中分班之後我同現時既同班同學就更加friend啦，咁都有識到啲新既同學。有一個女仔本身喺初中不受歡迎，冇乜朋友，開學既時候我雖然有聽講過佢啲事跡，但眼見為實，冇排斥佢。咁問題就黎喇，經過咗幾個月既相處，我終於知道點解呢個人可以人見人憎，女皇性格、雙重標準等等一大堆性格缺陷，搞到我同原本班friend都唔想同佢有過多接觸，於是慢慢疏離佢（本身算係普通朋友）。但嗰個人本身厚面皮中意r friend（但喺背後講人壞話），好中意癡埋我地到，我地又唔想喺佢癡埋黎既時候直接同佢鬧交（因為我地人多，好似bully緊佢咁） 而家個問題就係我地聖誕節約咗一大班人出黎玩，但冇叫佢 我地一班人約咗放假出黎玩，但冇叫佢，因為我地都唔係好想見到佢。所以我想問下特登唔約佢呢種行為算唔算欺凌呢？係既話我應該點做好？（因為佢之前同其他人有過節都叫我地孤立嗰個人，我地冇理佢照同嗰個人friend，而家我唔想變成當初我地憎佢嗰個樣……） 或者我應該點對待佢？（真係唔想再同佢有過多接觸，但仲要同班多幾年。。。）
#NSS學校 [[某傳統女校］] 純發洩 長文慎入 話説有個老師教我哋中史+Geography。 (下稱老師A)。由10月頭開始，佢已經成日都嘲諷一啲成績冇咁好嘅同學。 老師A有一個習慣就係會開個有晒全班測驗成績嘅Excel File係個電腦度，啲同學可以行埋去睇自己嘅分數，但同時都會睇到埋其他人嘅分。咁琴日geog 堂就有人開咗個投影機，令到全班都睇到個Excel File。咁個老師就即刻發惡啦，講「邊個隻手咁賤」同埋「一日冇人認 我都唔會派卷。」 去到晏晝嘅中史堂，佢行入嚟嗰陣抬高個頭，隔住個口罩都見到佢個樣有幾寸。全班dead air，跟住佢就話「連午安都唔識講，你話你哋係咪on9」(唔肯定佢係咪真係有講粗口，但有幾個同學都聽到） 咁前一堂我哋個班主任就叫我哋用一張紙寫低覺得自己有冇盡學生嘅責任。但係老師A就扭曲左，話「你哋寫嗰啲道歉信不如擺喺我枱面啦，我想一張張當住你地面撕爛佢。」又話處理我哋啲紀律問題都無意議，話自己冇咁嘅耐性同愛心。 然後今日有大約十幾個同學上教員室交作業比老師A，佢就話佢哋遲交嘅功課係污糟，唔會收。我哋嗰班其中一個班長冇做齊作業，比老師A叫咗上去，跟住老師A就指住佢話「你咁樣點做班長㗎垃圾」嗰陣已經有幾個同學喊緊，佢又唔俾佢哋喊。 大概就係咁啦，有好多小事就唔講了，真係好侮辱。 麻煩Admin po IG thankss admin sor for 1999
#NSS愛情 [[Guest]] 就算，我真的喜歡上你了，我也深知我們終究不可能在一起。 上月，我認識了你，並漸漸跟你熟絡了。 慢慢，我對你產生了一種感覺，是一種無人能及的親切感。 我覺得你笑起來真的很可愛，但你卻一直為有沒有好朋友而糾結。不知何為，我覺得很痛心。 我疑惑，我是否真的喜歡上你了，還是我只是當你是友人。 就算，我真的喜歡上你了，我也深知我們終究不可能在一起。 每次見到你與你的朋友，動作親密，手牽手的，傳出不停的笑聲，而我只能坐在角落，默默的看著你。心裏黯然，但我終究無能為力。回到家，拿起手機，發了一道訊息給你：「恭喜你同XXX做了好朋友呀！你仲敢話自己冇真朋友？:)」 近日，我做了一件令你非常生氣的事。我想跟你講和，跟你和好如初。但每次小息，你和朋友們聊得好高興。我，終究沒有去找你。一是免得礙着你們了；二是我沒有膽子。 我真的很無助。我不知如何哄好你。我問了你許多朋友，也沒法子。他們說的，我已經做過了。 天呀！我到底該怎樣做！祢要我傷心欲絕才開心麼？ (Ps:Admins post ig plz.Thanks!)