—類投稿

#NSS個人 [Guest] 唔知大家有冇口水潔癖？ 小妹係一個非常嚴重嘅口水潔癖 如果屋企人用自己嘅筷子夾飯餸俾我 我會唔要 同frd飲同一包嘢飲同一支水呢啲就冇可能嘅 我嘅口水潔癖已經去到我食飯嗰陣如果見到有人食嘢我都會反胃 見到佢哋啲食物筷子反光或者口水拉絲我就想嘔 淨係寫到呢度我已經有一種自己懷孕嘅感覺 有冇方法可以克服？ 拍過一任拖不過puppy love所以冇咩口水交纏

#NSS愛情 [guest] 我係上次 #nss220416b 嗰個 其實我已經諗過要點傾，出post is just for聽下其他人意見。Thank you曬你哋嘅comments. 拖左幾日之後，我終於喺佢抱住左我嘅時候講左出口。我之前已經喺腦裏面練習左好多次，但可能因為太緊張，一開口就問佢「are u gay?」 holy sht 我一問完即刻勁驚，feel到個心狂跳。因為唔小心問得太直接，語氣又認真，如果佢否認嘅話我兜唔返。 但佢直接承認左話「well, yes, and I like u」咁樣，仲問返我鐘唔鐘意佢。我嗰陣仲未反應到，冇出到聲。佢就話「never mind 」咁，繼續抱住我。 比佢好平淡咁帶過左，好似冇想像中咁大件事。

#NSS其他 [GUEST] 是咁的，本人好鍾意寫野，特別係中文。呢篇係本人玩交友app之後得到嘅靈感，希望大家比下意見。如果反應好嘅會有下集🙌🏻 Thx~! 。 。 。 「咁…其實我哋係咩關係？」他問。 剛完事的我們躺在酒店床上。我愣著，可沒做出什麼大反應。我連忙抽了口煙，嘗試掩蓋內心波動的情緒，或那種感嘆的感覺。我從沒想過結婚或談戀愛，應該說，3年前離婚後的我，便再沒想過那些兒女私情，年青時那些對愛情的幻想，也被我的經歷所一一破滅。現在的我，就只是找人來發洩自己的生理需要罷了。 我想，我並不是心動，也沒有出現任何出於心動而緊張的情緒。只是，他是我眾多性伴侶之中，唯一一個會追溯我們關係的人。 我沉默，沒有回答。不知是不懂得回答，或是害怕傷害他的心靈，而不敢回答。 「叮」 「188 24 想搵人陪下 #港島 #ugrad #讀緊master 」 跟普遍性伴侶差不多，我們都是在交友app上認識的。他24歲，足足比我年輕10年。當時他按下 「everything except serious relationship #170

#NSS愛情 [想同傾唔埋、互相鍾意嘅男仔friend啲] 我今年f1，我同小學嘅一個男仔互相都鍾意對方，但係我哋唔同中學、住得完、傾唔埋、興趣得幾樣一樣、一齊嘅時候會好尷尬。 我想同佢拍拖，但係我哋屋企人反對咁細個拍拖。我應唔應該等？ 我好想知道點樣同佢friend啲，keep住個友誼，我應該點樣message佢？點樣開話題？

#NSS學業 [Guest] 小妹今年F. 3 ，想揀bio Chem 中史 M2，成績中中間間，咁多科入面係maths 同埋中史最高分，bio 同 Chem 都100分入面攞70幾左右 我之後想做醫生，但係學校phy Chem bio都係用中文教，唔知會唔會有影響？而且我數學全級都係頭十，會唔會phy比較啱我多啲？因為好似話phy都有好多要計數 而家都唔知點揀好，希望大家可以比啲意見我🙇🏻‍♀️ 第一次投稿 sor for 1999

#NSS學校 [GUEST] 題目：我真係好唔想返學 相信有啲學校已經開咗學，而大部分人都覺得好開心，因為終於可以見返啲同學唔洗再過沈悶嘅生活，但係我一啲都唔期待，甚至想逃避。 我喺學校只有一個「朋友」，而嗰個「朋友」已經認識咗一年，但係我哋嘅關係似識咗一個禮拜都冇，如果我唔去搵佢，佢永遠都唔會嚟搵我。可能你哋會話呢啲係小事，但係我只係得一個朋友嘅邊緣人，除咗佢真係冇任何朋友。佢甚至連一句朋友之間嘅關心都冇，例如我病咗，佢從來唔會過問；我唔記得上zoom，佢都唔會提醒我，而我每次都會成個傻仔咁提醒佢。 輪到我哋班嘅同學，佢哋係一班學霸，中一識到而家，所以我根本融入唔到佢哋。我有嘗試過，結果想當然係失敗。我覺得每日返學都好辛苦，無論係人際關係定成績都搞唔掂… 仲有一個禮拜左右就要復課，我真係好唔想返學，但距離真正嘅暑假仲有差唔多四個月，我真係唔知要點捱，希望大家可以比啲意見我🙏🏻 thx admin and sor for 1999

#NSS學業 [Guest ] Hello我今年form 3，讀 band 1a中學，琴日啱啱派成績表，咁我有個 form 1妹妹，佢好勁，科科全級第一，攞咗超過五個獎學金，而我就同佢差好遠，我全級考第30名，讀咗三年書先得一個英文獎學金，我覺得自己好差，雖然我父母從來都唔會比較我哋，亦都成日話我成績都ok啦，但係我依然有幾大壓力。我成日考試test都失眠，又頭痛肚痛，我真係唔知點算好，我知道失眠就要放鬆唔好唸，但其實真係好難做到。我每次失眠唸起我比唔上妹妹嘅成績就會好大壓力。請問大家有冇建議比到我？多謝大家 Sorry我第一次投稿，講嘢好奇怪，希望大家唔好介意

#NSS家庭 [GUEST] 小妹呢個投稿只係想講曬自己啲唔開心既事出黎，因為一直以黎都唔知同邊個講好，希望大家屌細力啲。 我今年form 2，讀band 1名校，屋企人對我好嚴，我覺得喺佢地眼中，只有學習先係最緊要，而最有問題既係我阿爸阿媽。 首先講下我阿媽先，唔知點解呢排佢好憎我，成日黑口黑面，有時話我好似舊廢物咁，讀書又讀唔好，個人又懶，佢同一句話可以鬧我好多次，自問我自己考試都有比心機，比佢話我垃圾就好似前功盡廢咁，我溫書用左既時間就比人當左做垃圾。有陣時我想睇下手機，5分鐘都冇，佢就話我成日篤手機，好似上癮咁… 我真係好無奈，就算我睇功課佢都會話我。 然後就係我阿爸，佢成日都比勁多extra既練習我做，有陣時我功課都未做曬就要趕佢比我嗰啲先，因為如果我喺deadline之前做唔曬，佢就會沒收我手機。我自己都係一個幾鐘意打機既人，但係我阿爸永遠淨係比我玩15分鐘，有陣時我同friend打機既時候，超過15分鐘佢就會好大聲咁鬧我，我又唔夠膽同啲frd講我只可以玩15分鐘，驚佢地會笑我父母管得我好嚴，我只可以話我唔得閒。 我真係好羨慕某啲人可以咁自由，可以同人傾1個鐘電話，可以打機打好耐，可以唔駛做extra既練習，唔駛俾人管住曬。 小妹成日訓覺既時候都喺張披入面喊，永遠都唔會將自己唔開心既一面show比其他人睇，所以搞到自己好唔開心。 多謝你地睇到呢到，我真係唔知我父母係咪正常，投稿只係希望自己講曬出黎可以舒服啲，sorry for 1999 and thanks admin.

[guest] 移咗民開心啲？定唔移民開心啲？生存嘅意義係咩？ ———————————————— 小妹今年f4 上年移咗民去英國 打哩篇嘢嘅主要目的係放負同埋唔知應該同邊個講 &畀嚟緊可能會移民嘅你睇 ——————————————— 我喺香港讀嗰間學校都唔算好嚴 讀書唔係話有好大壓力 但係因為近幾年香港發生嘅事 我父母選擇咗移民 話係為我好（利申：我好明白佢哋點解咁揀） 但係我當初連揀移唔移民嘅機會都冇 其實我更加想留喺香港 雖然比起喺外國 留低咗未來一定冇咁好受 但至少我可以同香港人做朋友 唔係話英國冇 但係始終識得耐同識講廣東話嘅肯定好相處啲 ———————————————— ：咁可以同香港朋友text/call架嘛！ 係 只不過由以前成日/日日見 變到而家因為時差同埋父母收電話嘅關係

#NSS愛情 [GUEST] 之前有個post 想del返 未出街架 係愛情類 講半年前識左個女仔心地好 靚 聲好聽等等架 通行密語係123