#NSS學業 [GUEST] Hihi 本人而家 F2，對未來有d迷茫 講返屋企少少背景先，環境唔係太好，住緊公屋，屋企人收入啱啱好夠用。 咁個問題嚟啦，我好想讀 IB，但係聽人講要讀得好、攞高分係靠補習，而d補習又貴到飛起，係屋企負擔唔到嗰隻。真心，我好唔鍾意 dse， 一d都唔想讀 dse，唔好講政治先，淨係d制度同模式我都唔鍾意。 咁我唔補習嘅話，格硬讀 IB，會唔會讀得好差？同埋比較想知嘅係，對 IB 嚟講，補習係唔係咁重要？而且有d擔心嘅係，香港嘅大學收生率總共淨係讀10%係收 IB 生，如果我唔補習，最後讀得差，攞唔到40+分，剩低嘅選擇/出路咪得返好少？（外國好d嘅大學都唔會睬我啦）咁嘅情況下，我不如放棄興趣，穩陣d，去讀 dse算？ Btw, 自問成績唔算差(?)，淨係偏科比較嚴重，中文同數好廢，其他科都考得唔錯，舊年我嘅名次係30左右，不過舊年係 F1 咋… 唔知嚟緊d成績會係點（so far 今年的d嘢仲應付到
#NSS個人 [[GUEST]] admin please please post ig🙇🏻♀️ 女生請進🙇🏻♀️🙇🏻♀️ 小妹近排有個煩惱，希望咁多位靚女可以幫手解答下🙇🏻♀️ 是咁的，小妹屋企人算係遲發育，所以我自己都一樣就嚟15先發育。 話說上個禮拜六我出完街返到屋企發覺褲上面有血，我就諗應該係嚟M啦。 於是我就正正常常咁每隔幾個鐘就換一次M巾。 一開始就覺得冇乜嘢，完全冇痛，但係第二朝就覺得有啲怪。每隔幾個鐘換嘅時候都有血，但每次朝早起身都冇血。我就諗住再觀察下啦，點知連續四日都係夜晚冇血。 咁已經夠奇怪啦，更奇怪嘅係，唔係每28日嚟四日嘅咩？同埋唔係最後嗰日流量會比較少嘅咩？我去到第四日個血量同之前嗰幾日都一模一樣，於是我就繼續諗住觀察下。 到咗今日，已經係第七日啦，都仲流緊血。 其實我會唔會唔係黎，只係有其他病？你哋第一次黎嘅時候係咪都係咁？多謝咁多位睇到呢度嘅人🙏🏻我又唔敢出聲同人講，因為我係比較內向嗰種人。希望你哋可以留言解答下我啦。 辛苦晒admin🙏🏻🙇🏻♀️
#NSS學校 [HKPCC] 小妹今年F1, 學期初嗰陣鍾意咗一個男仔,之後發現個男仔都鍾意我,跟住我哋就開始拍拖,一開始都仲好鍾意佢,完全唔會介意身體接觸,成日想攬住佢,但後來因為爭執而分咗手,嗰排成日喊,成日失眠,雖然係只係拍咗半個月,但始終係第一次失戀,我好討厭呢種feel,俾人飛始終唔係好好,跟住我發現我開始有啲憎佢,覺得佢好噁心,令人反感(雖然唔係話行為太令人噁心, 但我自己總覺得討厭) 跟住就隔咗半個月到,件事開始淡咗,但後來佢英文堂調位嘅時候坐喺我前面,小組討論又被迫一組, 所以我成日都唔會參與小組討論, 但有一日匯報嗰陣先係畀老師發現我乜都冇做過, 跟住就成組畀人叫曬落去教員室重新做過, 但因為其餘兩個同學係風紀, 小息又要當值, 所以冇得落去搵老師,得返我同我個ex去, 重做小組功課嗰陣我哋係喺一間小房入面, 嗰陣時得老師,我,同我個ex, 老師出去拎嘢行開咗嗰陣,我發現佢不停偷望我,有時仲會特登靠過嚟, 就咁樣,我又開始對佢有feel,重新鍾意咗, 又隔咗一兩個禮拜,我同咗我姐妹講咗呢件事之後,我姐妹偷偷走去問我個ex想唔想復合,佢竟然應承咗(我姐妹事後同我講返) 跟住我哋就復合咗,但好景唔長,我復合第一星期係非常痴佢,但後來 (直到而家)又開始嫌棄佢,甚至比分手後更加嫌棄,覺得佢好核突,但佢好似好愛我,仲親手整咗條手繩俾我,我而家好愧疚,覺得自己好渣,但依然繼續嫌棄佢,我應唔應該分手好？ (sor for 1999
#NSS家庭 [guest] 唔好意思打依篇文既時候情緒有d失控 所以可能會1999🙏 小妹如無意外既話下年會全家移民去英國（原因就唔洗多講）。 如果剩係移民，都唔需要特登投稿，我想問既係關於如何處理同屋企人既關係🙏 小妹媽媽係親生媽媽，爸爸係後父，無血緣關係（同父親既關係一直好好） 問題出於我同我媽媽身上。 我媽媽係一個性格大大咧咧既女人，好易話為，平時咩都願意陪我玩，我想要既野佢都會盡力比我。身邊好多朋友都好羨慕我有個咁玩得既媽媽，但係依點都係佢唔好之處。媽媽佢好中意飲酒，而且唔太識節制，飲完酒既佢本身就極端既情緒會更加極端，（負面情緒更極端。）（而且最近我地兩個係佢情形既狀態下矛盾都越來越多，我不滿佢，佢不滿我。 例如啱啱，因為媽媽既朋友嚟咗屋企食飯，咁我就自然等佢地走左先去沖涼。咁我都知自己衰，hea咗一陣先去，但係依個都唔係重點。因為我拎漏咗睡衣，咁沖完涼先發現就惟有着翻套出街衫出廳啦。咁於是當媽媽醉住見到我着住出街衫既時候就開始發癲，質問我點解唔尊重佢（我都唔明關咩事），又講晒粗口頂我個肺之類，咁我一開始都道歉，態度超溫和咁解釋，但係佢都唔聽，咁我又唔係任屌唔嬲既人，解決唔到就惟有打比爸爸解決（佢翻工唔係屋企）媽媽搶左部電話就開始吵交，我就沖咗入房喊同聽佢講一堆極為難聽既說話。（到我宜家打字既時候件事發展到咁。 爆喊既時候我約嚟越焦慮，作為一個改變少少野都要習慣好耐既人，萬一真係去到英國，剩係習慣環境都要晒我全部精力，萬一到時候同媽媽再起衝突要點算。香港我仲可以翻公公婆婆屋企避難，去到果邊真係神仙都救我唔到。 （可能你地會叫我搵社工，但係我都見過學校既社工幾次，佢已經唔係廢，係去到智商堪憂既程度。 走就基本肯定要走，問題就一定要解決，但係我真係唔知道要點樣做。唔係未坐低傾過，但係都係治標不治本，各一段時間咁既情況只會再嚟過。我唔想再同媽媽吵，更唔想父母因為咁而吵。 所以麻煩大家幫我諗諗辦法🙏🙏🙏 一艘名為香港既船既沉沒，都比不上一個名為家既地方既瓦解嚟得絕望。
#NSS學校 [GUEST] 我嚟咗uk半年左右 一月我就要準備返學 學校得一兩個香港人咁 仲唔知會唔會識到佢地 我想問吓大家點樣先可以認識到外國人朋友？我英文唔係咁好 但係我都有好比心機學 如果佢地講慢少少我都可以基本聽得明 但係衰就衰在我表達能力弱 知道對方講緊咩 但係又好難整理到一句完整嘅英文答對方 同埋仲有歧視嘅問題 我自己就暫時冇俾人當面歧視過 但係都驚返學會俾人欺凌 話就話依家嚟uk嘅香港人好多 但係好多白人佢地嘅潛意識就係會歧視有色人種 呢個我都明白 所以就係會有少少係呢方面嘅恐懼 至於其他嘢我都唔會好擔心 聽聞佢地學嘅math或者Science我係香港都有學過 比較淺 唔會好難 當然英文就肯定好難 要時間去學咁
#NSS社會 [penketh high school] 小妹第一次投稿，請大家多多體諒🙇🏼♀️小妹一個月前移民咗去英國，當然我一開始都仲係未接受都啦，因為同香港有時差而覺得好唔開心，但後黎多咗出街，一見到香港人佢地就會互相打招呼，個種感覺好暖，宜家就會明白即使香港人分隔到唔同嘅地方，香港人始終都係香港人，香港人加油
#NSS愛情 [GUEST] 小弟今年F5，上年去咗外國讀書，但因為武肺所以今年九月先正式返學校上堂。返咗三個月學都適應得ok，用英文日常溝通都冇問題。學校一日上4堂，每堂個半鐘，而其中一堂有個女仔幾吸引我(簡稱A)。我哋返學放學都搭同一架巴士，不過佢身邊成日有兩三個女仔friends一齊，加上小弟淆底，所以近三個月以嚟即使好多時見到佢都冇傾過偈。 直到上星期我同另一個女仔朋友傾偈，佢問我有冇鍾意嘅人，我就答佢我對A有啲意思。所以第二日佢就求其作咗個原因幫我製造機會同A傾計同交換IG。之後我同A喺學校見到都開始會say hi，返到屋企都會喺IG傾偈，而當中我直接有讚佢靚女，佢嘅回覆睇落又幾冷淡，oh thank you, you’re so sweet. 但過咗10分鐘左右有另一個女仔follow我IG然後叫我send張selfie比佢，個女仔我係學校見過下，細我一兩年有男友，但我同佢三唔識七所以就冇send，之後佢先講佢係A嘅細妹，佢話啱啱A睇到我讚佢靚女之後即刻好開心同面紅，同埋A冇拍過拖冇同過男仔出街，而家終於有人想溝佢所以先想睇下我係點。 之後喺佢細妹同其他朋友嘅幫助下我哋進展可以話係幾快，通過佢細妹口中確認到佢都對我有好感，佢仲約我winter break一齊出街。但問題係小弟嘅溝通技巧真係唔合格，平時喺學校多數都係同男仔friend傾偈，同女仔多數都係Whatsapp IG傾，所以成日同A面對面講嘢嘅時候都冇咩話題，加上英文唔係母語， 溝通可以但講啲甜言蜜語溝女就唔掂。 到底有咩方法可以有多啲話題唔好dead air，仲有第一次出街有咩要注意？費用應該我比定AA?雖然佢應該唔介意AA，但第一次係咪男仔比好啲？
#NSS家庭 [某男校] Title：希望快点和大陆通关 先交代下啲背景，我今年讀 form 2，有個80幾歲嘅爺爺，疫情前長期住喺大陸，半年先返嚟香港兩三日，但係自從舊年有疫情，佢就返嚟我屋企住，直至到而家。 眾所周知，大部分中學都喺12月同1月考試，我都唔例外，已經開始溫書。放學返到屋企差唔多5點，理論上做曬功課就要溫書，但係佢偏偏叫我陪佢行街，行到好夜先返嚟，問我鍾意咩衫，揀完之後又話顏色唔好、料唔靚、唔啱我著，然後就唔買。 如果唔出街，而且屋企淨返我同佢，就會不斷叫我幫佢整手機，例如開 google 賬號，問我點解撳呢個撳嗰個，又改啲佢唔記得嘅密碼，話如果下次要登入，就叫我再幫佢開過第二個賬號；再唔係佢就不斷教我做家務，佢話我要學下點做呢啲嘢，總之就搞到我冇私人時間。 我好明白爺爺年紀大，冇寄託我唔忍心拒絕。我話要溫書唔出街，佢永遠都話睇少啲手機就有時間；我一路行一路溫書（證明畀佢睇我好多書溫），下次佢就話你出街都溫到書，使乜喺屋企溫。我打畀嫲嫲或者阿媽求救，俾佢知道又玻璃心，最少同你冷戰半個月，又俾面色你睇。 咁樣落去真係唔掂，快啲通關，佢返大陸住，唔好再煩我。 sor for 1999 求 po ig🙏