#NSS個人 [GUEST ] 係咁嘅，我今年中四，屋企人都想我讀醫，雖然唔係反感，但其實我對醫科又冇乜太大興趣，所以有諗過不如做獸醫，比較有興趣同埋都搵到錢，選修科都係揀咗理科phy chem bio 但其實，以興趣嚟講我係想做演員或者係導演嗰啲🥲細細個就覺得電影呢類行業好有趣，小學參加嗰啲校園電視台拍吓嘢做吓戲又發現自己其實好鍾意呢啲嘢。 亦都係因為咁我好迷惘，驚如果真係想讀電影系嘅話中學畢業之後又要點，出嚟做嘢係香港做演員拍電影又會唔會成功到，點同屋企人講⋯⋯我知做醫護人員係穩陣啲，但就算唔係正業，我真係好想試吓睇吓自己有冇機會，真係好confused🥲🥲🥲
#NSS學校 [hku space] 我今年係space讀ABA一年班，因為方便自己既時間所以就俾一份後生靚女既英文老師教，初初覺得無咩野同埋佢教得算幾好、咬字又準，所以就OK啦，但佢既處事方式及態度真係好有問題。首先，學生遲到唔可以用電郵解釋（原因：會炸左佢既郵箱），有一次我因為交通意外而遲到幾分鐘，於是入到班房同佢Say sorry同埋解釋點解遲到，佢居然同成班講話以後唔使再解釋點解你會遲到、只需要交出醫生紙證明就可以。個下真係O左，即係你覺得遲到既合理原因只係因為唔舒服要睇醫生？；其次，我讀英中既，好多訓導老師都有教我，佢地嗌人名絕對會叫番同學Kelly、Sally、Rita etc.但佢呢？只係name list度見到本身有名既先會嗌（即係Chan Tai Man John），其他既咪嗌返你既羅馬拼音（e.g. Chan Tai Man），我上過其他老師既堂（教英文、Accounting同埋Management ），絕對會嗌返同學既英文名。我甚至電郵問佢下年會唔會教EAP（English for Academic Purpose I），下款已經打低自己英文名，都係照寫返我個羅馬拼音，即係咩意思？其他英文老師覆我教唔教既時候都會打返我英文名，佢知唔知咩叫尊重人？；第三，佢成日都提住會扣人地既分。有一次我同一個frd坐左個四人位，個時有個好靜既男仔坐我地附近，咁佢要我地分組討論。我地見個男仔同佢傾極都無反應，所以唯有討論住先，點知佢行過嚟就話唔討論就會扣分。幾日前英文堂叫我地一路聽lecture一路jot notes，已經事先話一定要jot好，因為會抽其中一個同學既筆記放係投影機，不過最後冇做到。但佢打直分左三組，每行四排，要每一排派出一個代表將筆記寫係白板度，有一排冇派到代表 於是就叫個兩位同學留低、寫低名表明話會扣class participation個分，仲要用電郵寫100字同佢解釋今日學左d咩。；最後就係佢俾分超嚴格，好多人都攞C同D（呢樣唔係重點）。於是同學問佢點樣先可以攞高分，佢話：「以你地呢d質素，都唔會寫出d咩好文章！」 P.S：由幼稚園到依家，都未見過咁樣既教X Sorry for 1999
#NSS學校 [olc] 認真無語 小妹今年f1,我哋有個小學雞班長,我哋嗰班都有好多人不滿佢(仲有好多濫用班長職位行為)所以開咗個whatsapp group,有一日,我哋個group暴露咗(以上內容簡短咗)我哋用咗2-3日傾點樣講,咁就係星期四,訓導主任留咗我哋係學校,逐個逐個搵group d人,(訓導主任x2,班主任x2)我哋1x人,佢哋2人,我哋全程喺個班房入面閂曬門,成個白板寫曬啲資料,當訓導主任問我哋問題嘅時候,全程幫著班長,我哋有多達6個告因,但係佢話呢啲都係小事?(我都係受害者)佢自己唔承認就當冇嘢?其實除咗我哋畀人告我哋都想講埋佢。 佢哋四個老師係咁幫住佢,我哋個group入面大部分都係受害者,但係畀個班長一講就可以當冇嘢?我哋本來仲有一單聖誕交換禮物嘅野諗住friend之間玩嘅,但係佢哋開始講唔到嘢嘅時候就講話聖誕交換禮物300蚊上限太貴會對啲參加者大壓力?仲話有家長打去學校問聖誕交換禮物?fine,認真我唔認為有家長會咁無聊打去學校問囉 (傳說話嗰班長有親戚喺學校做,但係呢個唔係偏袒佢嘅理由) 🙏🏻大家評評理
#NSS個人 [一間好垃圾嘅學校] 長文慎入 小妹今年F4,成績都麻麻。我上到中學之後身體狀況就逐漸變差。中一嘅時候係考試前無端端暈低，自此之後就晚晚都會暈暈哋咁，一直都有keep住係耳鼻喉科覆診，但係就係揾唔到原因，所有嘅檢查都係無事。直至到中三嗰年，我就時不時會心口痛(even 坐係度上上下堂都會)，而且極易崩潰，明明係好小事都會流哂眼淚咁，其實我都唔想，但係我就係控制唔到。即係明明唔係鬧緊我，但係我係隔離會聽到咸囉，而且成日諗嘢都好負面。後尾就因為心口嗰邊真係成日都唔舒服就去咗睇醫生，然後就轉界去咗兒科。跟住又係做哂啲檢查但係又咩事都冇啦。最近一次返兒科覆診嗰醫生就問我係學校有冇啲咩同埋成績點咁，但係因為我媽嗰陣時就坐係我隔離，而且偶然有一次比我發現佢要去精神科覆診，所以我都唔想講太多。嗰醫生可能都睇出咗啲嘢所以就再將我轉界去臨床心理學嗰邊。我諗可能係上咗中學之後學習上同埋屋企人比嘅壓力大咗，然後就日積月累搞到而家咁，而且因為情緒同埋身體問題，我啲成績都係咁跌。我本身以為終於有人可以幫我解決呢個問題，結果我一收到張覆診紙就呆撚咗，排到23年1月份。有冇人可以話比我聽點算好，點樣可以係排期呢1年嘅時間內唔好令呢個問題越來越嚴重，我真係唔想再比呢嗰問題影響我自己。 Admin po ig plz thx a lot🙇🏻♀️🙇🏻♀️ Sor for 1999 要屌麻煩屌輕啲
#NSS個人 [比教會支配嘅恐懼] 小妹今年中三,阿媽由細到大都帶我一家人咁星期日返教會,但我其實由頭到尾都冇信過乜撚嘢耶穌。 細個返教會就當玩下冇咩所謂,不過而家就唔同,中學生好L忙架大佬🤦不過到好在一搬考試或者統測之前佢會畀我留喺屋企溫書。不過平時問佢拎approval佢唔會批准🥲真係每次心裏面都忍唔住爆粗。 學業又忙,本身又要練樂器,對教會嘅憎恨已經高到一個點,我只不過係想留喺屋企學習Dllm😭我都有同佢講過我係唔信,不過佢冇理到😡我次次返教會唔係睇手機就係去廁所温書或者做功課(大人同青年去唔同地方上) 我都知冇可能㗎喇,不過都想問下點樣先可以令佢唔逼我返教會。