#NSS學校 [Guest] F.2嗰陣同咗佢哋一班，然後我嘅人生就改變咗 F.2嗰陣，班入面有個朋友圈，好鐘意笑人，杯葛佢哋唔鐘意嘅人。當時我鐘意咗一個男仔，表白之後食檸檬，然之後就俾佢哋知道咗。嗰時嘅我好鍾意嗰個男仔，俾佢拒絕咗之後喊到發燒，第二日冇番到學 當我第三日番學嘅時候，就發現佢哋同埋個男仔喺度笑我，唱我。之後嘅每一日，我都係咁樣度過。俾人蝦，鐘意嘅男仔笑我，俾人鄙視排擠。日復一日，我仲因為呢件事而有咗焦慮症，開始逃避返學，缺席咗足足三個月，之後仲要留班。雖然已經過咗四年，我亦都過番D正常嘅生活，但上個禮拜又再同佢哋接觸到。 上個禮拜，我因為喺一個老師度借咗佢份notes，所以放學就去咗6B還番俾佢，結果就見到嗰班人，同嗰老師開緊會。佢哋依家係學生會，嗯，欺凌過無數人嘅撚樣都可以做到學生會。我嗰陣時連望佢哋都唔敢，超快還完notes就快步行走咗 純粹想分享我嘅經歷🥲唔好鬧我please🙏🏻
#NSS社會 [GUEST] ADMIN 跪求PO IG THANKS ADMIN 小弟真係覺得呢個社會真係好唔公平 係香港一係就有錢 一係就冇錢。 點解一啲人出生，要乜有乜，住海邊、 山區，屋企幾百甚至幾千尺。而香港絕大多數都係小弟呢種人，屋企可能得二百幾四五百尺，住公屋或者蚊形屋企。小弟我真係好憎恨。點解有啲人想買乜就買乜，幾百蚊都嫌少，屋企有錢請私補，入名校入band1，功課又可以直接比錢人哋做，屋企又有工人/女僕。而我，以及大多數人，二十蚊都覺得係天價，買嘢之前又要隔價唔可以好似佢哋咁係野就買，屋企淨係有能力送我哋去一啲好多人嘅補習班，功課要自己做，屋企家務要自己做，我真係唔明點解咁唔公平。 更唔公平嘅係，點解有啲人可以一出世屋企又有錢，又生得靚仔靚女，頭腦成績又好，簡直係人生勝利組。而點解有啲人就係出身係貧窮家庭，個樣又生得差，成績又差，輸在起跑線。 如果你屋企得二百幾百尺、幾十蚊都覺得係天價、住貧民窟（深水埗嗰啲）咁你同我一樣，一樣都係社會嘅最低層，而佢哋，就係社會嘅高層。 我真係好怨恨，嗰啲生得又好頭腦又好屋企又有錢嘅人一出世就可以享受同埋睇唔起人，而我哋呢啲…一出世就係俾人睇唔起。 一日都好，天你可唔可以俾我試吓享受嗰啲人嘅生活。同埋我真係希望嗰啲一出世就人生勝利組嘅人，下一世，可以試吓我哋嘅滋味。
#NSS家庭 [GUEST] Admin po IG plzzzzz 啱啱睇到一篇文,所以我都講一講 我自己覺得除咗住公屋之外,其他物質上面嘅嘢我自己算係唔缺。因為屋企其實都唔窮,雖然佢哋啲工作係辛苦啲。不過即使係咁我好似都係唔知足,打個比方,我而家用Samsung A51, 無線耳機求其買, 頂多最奢侈都係買咗部ipad嚟上堂。其實咁樣已經好好,但永遠都係羨慕其他人。特別係身邊越來越多friend都開始用iphone,電腦甚至話砌就即刻買件。呢個時候我就有一種莫名其妙嘅自卑感,唔明點解而家好似我特別窮咁樣。 但係又唔明喎,例如我而家部手機,都用咗差唔多三四年開始lag機,我又真係畀到個合理嘅要求同屋企人講:「我想換手機」但其實我只係想買返部13pro嚟畀自己滿足下虛榮心。 有足夠嘅理由老豆老母一定比買啦,但其實對我嚟講好多理由都係非必要囉,例如假設當我買咗部13pro我會心痛,因為花咗老豆老母咁多錢。但係我唔買,我又會好妒忌人哋 我明自己係大洗,但係我又改唔到呢個習慣。明知道會花老豆老母好多錢,但係仲堅持要買, 跟住買之後往往會有啲後悔… 其實想問一下在座各位,你仲心理上嘅問題有冇辦法去解決？ （我真係說服緊自己唔好買13 Pro,但係我又真係好想好想買…佢個鏡頭令我流曬口水,同埋都係嗰句…唔知點解真係買完會有一種社會地位上升嘅感覺） Huge sorry for 199999999
#NSS個人 [Guest] 小妹今年f.5，間學校band 1A-B，純理科人。 — 我自認性格唔係好好，有啲自我中心，唔可以話冇朋友，但去到死黨嗰種層次嘅朋友就淨係得一個，但今年開學之後就一直有種「道不同不相為謀」嘅feel喺到，宜家我哋兩個處於絕交冷靜期，唔知點樣面對呢段感情。下面簡稱佢做A啦。 — 由於f.5之前仲係到熱衷於同屋企人打對頭，搞到成績好差，暑假返去學校補課嗰陣時同A傾計都覺得咁樣落去唔得，我哋兩個就約定f.5開學就發憤圖強，一起考好啲嗰成績。咁開學之後我都有遵守到嗰約定啦，但A過咗兩三個星期就係到話唔想咁努力，屋企都養得起佢之類嘅嘢，比我一種好失望嘅感覺。去到十一月測驗嗰陣時，嗰成績落嚟我都幾滿意，幾本上全部科都有好大進步，咁我都好開心啦，成日想同A分享呢份開心。但佢今次嗰成績考得唔好，我次次同佢講話測完驗要睇返自己嘅弱點佢都答我「是但啦，我已經忘記曬測驗嘅嘢」，其實都幾掃興。再之後派測驗成績表，我發現有某科考得勁好我就勁開心，同A講結果佢又答我「測驗嘅成績真係唔可以代表啲咩」，其實我心入面聽到都唔係好開心。之後就係因為某啲嘢我哋宜家冷戰緊（大概就係同我好憎嘅人一起玩之類，呢樣嘢唔重要😴），呢段時間我一直係到諗我到底應該點做好。絕交？or 和好？希望大家可以比啲意見我😭。 — 其實A真係一個好好嘅朋友，但可能唔適合同我frd。之後就係聖誕節，想係假期前處理好呢段感情，give me some advices plzzzz🙇🏻♀️。 Sor for 1999 Admin plzzzz post on ig ☃️
#NSS個人 [九龍塘某女校] Hello大家好，本人最近有個問題唔知大家有冇遇到同想問下點解決。 我成日見到人地(唔識/網上見到嗰啲)或者係朋友(甚至係best friend)過得好好嘅話會產生一種莫名嘅妒忌感。例如我有個friend佢好靚女，我自問無可否認，但係我自己會討厭佢，而且係唔知點解，我知我好奇怪，但係又唔知點解決。又或者係網上見到一個同齡嘅女仔，佢唱歌好勁，都好靚女，但係見到人地讚佢會好唔舒服，自己都好唔鍾意佢但係會不受控咁不停睇佢，而我自己係唔知點解會唔鍾意佢，好迷茫又好矛盾，搞到自己好似成日同人比所以好大壓力。甚至連明星，我都會不自覺咁討厭佢(冇攻撃佢地，每個明星都唔容易)，佢好靚，好有才華，但我會唔鍾意佢。但見到人地留言黑佢地又會唔舒服。總結就係我會莫名咁討厭人地，但自己又會好唔受控咁睇佢地，又會覺得人地好有才華，總之就好奇怪。 投稿係想問下有冇人同我一樣，或者有冇方法解決？但係請唔好鬧我plz🙏🏻 sor for 1999 thank you admin❤️🐵
#NSS愛情 [唔知] Hiii大家好，我係一個15歲女仔，我有一個同我3年都同班嘅男同學，我哋一齊補習一齊玩，一齊行街，我識佢嘅時候已經知佢係同性戀，所以我一直都當佢係女仔朋友，佢自己都話自己係女仔。佢亦都有鍾意嘅男仔，可惜個男仔鍾意女仔嘅。如是者我哋一齊玩左二年，就係第三年亦即係今年嘅前日，我發夢見到佢飲咗酒之後kiss咗落我度，故事係斷斷續續，之後亦都冇其他嘢，就係好正常咁樣返屋企，我起身嘅時候有種開心嘅感覺，我知道係關呢個夢事，但係我冇理到，因為要趕住返學，返到學校佢喺我隔離講嘢，好近好近，好似有種心跳加速嘅感覺，我真係唔知點解，而家每次望到佢都有啲開心嘅感覺，佢平時又同我玩到好close，有肢體接觸嗰種，之前都有緋聞話我同佢一齊咗/佢鍾意我，但係因為佢知道我知佢係同性戀所以佢冇理人哋講咩。佢個樣又幾靚仔，我唔知係咪鍾意佢？？但係發咗呢個夢我對佢嘅感覺先唔同咗，但係我知道我哋冇可能，所以完全唔知點算好。