#NSS學校 [GUEST] 好無奈 第一次投稿，存粹發表無奈的文章。 簡稱同學L 咁話說我哋就有一個project要做，就四個人一組，互相都要擔當一部份嘅嘢做啦。呢位同學L呢就完全唔做嘢喎，我哋都卑機會L啦，去先問吓佢咩事，可能佢有啲事。L就話要比賽啦，「我要比賽啊，你自己做咗先啦，因為我自己好忙，做唔到嘢啊！」佢重要同老師講，叫我哋包容佢，咁大個人仲要咁樣，好無奈 咁要問返其他啲同學同過L做project，同埋呢發現呢佢都係因為嗰個比賽就同人講&free ride，咁其實係唔合理㗎嘛，你個分又係你既，咁係唔可以咁嘎嗎，所以其實都好無奈 而家好似L成班人都唔鍾意，我又覺得有啲同情L囉…但係都唔鍾意佢…
#NSS學業 [Guest] 呢排學校考試，我咁努力會得到d咩？ 我知道大家考試都係咁辛苦，努力溫書都係希望有好成績。只不過我對自己期望好大，尤其上年我覺得我考得唔太好，好希望今年可以進步，入到全級前二十名。我覺得自己已經用盡曬可以用嘅時間，例如返學嗰40分鐘/搭𨋢嗰半分鐘都唔放過。好多人話我push自己push得太勁，遲早精神會出問題。其實我都驚，但係我都明白我唔係資優生，我領悟速度，甚至係吸收進度都會慢過好多好多人，唯有喺人哋玩緊嘅時候、hea緊嘅時候逼自己溫書。我咁努力為嘅都係下年選科可以做priority嗰堆，揀到自己比較擅長嘅科目⋯ 我有懷疑過係咪用錯方法溫書領到我溫習效率低，但係我今年已經唔係第一年讀中學，我試過好多方法，而佢哋喺quiz度都發揮到功效，係唔知點解考試先黎衰⋯ 我有時會好絕望，我覺得我好似對唔住阿媽阿爸、對唔住所有教過我嘅老師、對唔住自己⋯ 我同自己講，我已經好努力、好拼搏㗎喇 不過其實諗諗吓又好似自己安慰自己咁 根本唔係事實。 我諗過轉去d band 2B 嘅學校（依家讀緊 Band 1A），好勇敢地同咗阿媽阿爸講我嘅意向之後佢哋非常十分唔贊同，仲叫我唔好有d咁不設實際嘅諗法，又話如果喺依家讀嘅學校畢業可能DSE會有>25分，但係如果轉去 Band 2 嘅學校我可能連大學都入唔到。我聽完其實好hurt，我唔明點解佢哋對 Band 2 學校咁有偏見，唔通喺 Band 2 學校度畢業係佢哋嘅恥辱？或者佢哋覺得 Band
#NSS學校 [GUEST] 小弟今年F.4，自己比較內向，唔係好識同人講嘢，喺學校都算邊緣。今次投稿係因為有一個project，咁我就好賤咁做咗freerider，其實我都知自己真係要一齊參與，但係今次分組嘅同學完全唔熟，所以我就唔敢同佢地一齊討論(唔係因為懶而唔做)，理所當然咁就比人屌啦。其實我都想參與一下，但係一諗到要同佢地討論就好驚(啲組員都係偏外向嗰種)，我就完全唔知點算，結果就乜都冇做到。其實我知同佢哋討論一下係唔會害我嘅，但係唔知點解就一直好怕，所以就想問吓有冇啲咩辦法可以消除呢種諗法？係咪只可以直接去嘗試去同人溝通一下？其實我都有試過但係只係敢講一兩句，但之後又好似陌生人咁完全唔講嘢，但係如果係對方主動再同返我講嘢我又唔會好驚，咁其實我係咪應該要主動啲？ （要屌麻煩細力啲🙏🙏) Sorry for 1999
#NSS社會 [Mmwc] 打針 相信呢個係大家煩惱的問題之一,咁自己就打咗,我明大家大概糾結喺邊。 第一個人自身安全：大家都見到有打完針之後有事（雖然香港政府堅持唔關事）,呢啲新聞的確會震懾到大家,可能大家會諗如果咁唔好彩出咗問題,咁點算。係正常嘅,大家唔使怪責自己。 第二社會層面：咁對抗疫症,得兩個方法嘅啫,一係好似同南韓一樣同病毒共存,二係整疫苗,大家聽落應該都會揀第二個方法,整完之後係要打㗎喇,因為整出嚟係為咗整個免疫屏障,所以成個社會層面都多方面支持打針。 咁而家就出現咗一條問題：自身還是大眾? 咁我講下點解我會打啦：我自己都係停留咗喺上面嘅部分一段時間,自從喺學校有樣野我係想玩嘅,咁就完完全全動搖咗我嘅諗法,令我即刻去打,我明好衝動,但係遲早都要打㗎,你趁佢而家仲有得打復必泰,好打喇
#NSS學校 [guest] 我今年form4, 重新分咗班, 咁我就同其中一個女仔熟咗 (下稱A) 女仔通常都好close㗎嘛, 都會攬下/ 唉住對方, A都唔例外, 佢好鍾意唉住我膊頭。 咁一開始都冇乜嘢嘅, 但後來我發現佢個頭越嚟越臭, A唉落嚟嘅時候會有陣味( 唔算好誇張,但都聞到) 我有同佢探討過髮質呢個問題, 佢話佢自己隔日洗, 話唔可以日日洗喎… 我覺得隔日洗冇問題嘅, 但係要視乎返佢個頭嘅問題囉, 佢個頭係好明顯超多頭皮同埋好油+少少臭 我哋學校件褸係黑色嘅, 佢啲頭皮會跌曬落件衫度好明顯- 亦都係因為咁,我就開始唔係好想畀佢唉我個膊頭度 😐
#NSS其他 [GUEST ] title: 關於近年移民潮等嘅呢樣嗰樣 (應該都幾長文慎入） 相信最近大家身邊都一定會有啲人突然間移民、轉校、去外國留學。 「移咗民係咪即係放棄香港人身份」、「香港已經冇機會逃出中国嘅魔爪」等，呢啲主題亦都係最近好多人喺度爭論緊嘅事。小女唔係歷史學家更唔係政治評論家，不過我認為回到基本：不論政治良知等等，只要係身為一個人就必須為自己所作出嘅決定負責任，套上最近嘅時事可以話，選擇移民嘅人就要預咗需要時間同努力去適新環境，選擇留喺香港嘅就要有強国政府有機會隨時做出不人道對待。每人嘅負擔、能力、優先都唔一樣，但係大家作出嘅決定都係希望自己能走上比較接近自己理想嘅人生路。 睇nss嘅人應該有好多同小女一樣都只係學生，因此移民呢啲嘢一定更多會係成年家人作出嘅決定。移民係一件困難嘅事，要揼低熟悉嘅家人朋友去到一個陌生嘅環境底下，想圍爐取暖係人之常情、絕對唔係一件錯事，比起啱啱結交、甚至唔太容易能溝通到嘅人，一定係故鄉嘅朋友啱吐苦水好多。但係我們吐完苦水之後仍然要前進，因為米已成炊，時間係無法倒流㗎。 小女移居英國差唔多一年，讀嘅公立中學一個香港人都冇，一開始梗係難捱，英文唔算特別好，加上本地口音番學頭三個月真係聽得明嗰三成左右。見到nss好多人都有講過歧視，可能係因為我比較遲鈍所以真係冇遇過。雖然個個事例係唔同，但係移去外國嘅大家有冇諗過、對方係因為唔熟悉你嘅文化、民族樣貌先會對主動接觸你、同你交流有所保留？如果大家係自己香港學校上堂突然有個金髮白皮膚藍眼睛、因為喺新環境所以顯得有少少閃閃縮縮嘅新插班生，你會有幾多成機會即刻主動同佢搭話、而唔係同你現有嘅朋友圈繼續吹水？同陌生人交流，尤其係比較語言不通嘅人一定會比較困難，但係其實英、美、澳等國家不嬲對各地嚟嘅移民都唔陌生，「外國人」亦都比大家想像中、甚至比一大部分思想頑固老舊嘅香港人更加友善開放玩得。如果啱啱移居英國，希望結交本地朋友又一直卻步嘅人，加油呀、冇你想像中咁難㗎。試吓放慢一下腳步每朝早同隔離位講個hi/morning, 讚下人地個新髮型新手袋”I like your bag”，可能人地到唔會覺得你係苦口苦面香港人肯同你做frd呢。 至於嗰啲一世覺得外國人只係識一班歧視人嘅鬼婆鬼佬，覺得移咗民係一個錯嘅決定、自己根本唔識合香港以外地方生活嘅話，希望你可以唔再佔用人哋國家血汗資源同氧氣，成功回流啦，對大家都好，意見同父母唔一樣嘅、掙扎呀！！或者一世留唐人街都冇事嘅。 越寫越離題仲狂投入個人感情，唔怪得次次作文都肥哂，sor for 1999.