—類投稿

#NSS其他 [九龍東中學] 我覺得聖經入面啲嘢真係好反智，耶穌行神蹟嗰陣時，將死人復活，咁復活咗之後，咁嗰個人又幾時死呢？我覺得生死有命，就算救番佢終歸都係要死。 同埋關於耶穌誕生呢度，明明馬利亞係童貞女，讀過實物就知道係冇可能發生嘅事，同埋明明約瑟先係耶穌嘅阿爸，咁約瑟係咪畀上帝帶咗綠帽？ 同埋我唔明點解要成日敬拜讚美上帝，就算佢創造你出嚟，你係咪要咁瘋狂地崇拜佢先。你老豆老母生你出嚟，唔見你歌頌佢讚美佢？ 關於什一奉獻呢度，係極度斂財的工具，教會已經好有錢，仲要攞你人工入面十分一，如果你賺十萬蚊，咁你咪畀成一萬，我呢啲錢去供養父母，做善事好過啦，做咩要畀教會？ 再講到同性戀呢度，上帝反對同性戀，咁點解呢個世界上有同性戀的出現？嗰啲神父點解會性侵男仔？係咪上帝的旨意？ 而且而家呢個世界咁多劫難，如果上帝真係存在，基督徒祈禱咁多，點解一啲用都冇？又有戰爭、瘟疫、有人餓死。如果神真係愛我哋，佢會忍心咩？ 同埋最後一個問題就係，點解信咗耶穌就可以上天堂，唔信就落地獄?點解可以咁霸道?十惡不赦的罪人信咗耶穌都可以上天堂，一生行善的好人唔信就落地獄 ，有冇公義，有冇天理?咁我哋東亞呢度係佛教道教儒教為多，咁我哋啲祖先係咪落曬地獄?孔子，釋迦牟尼，老子呢啲聖人都落曬? 同埋有啲教徒真係好討厭，成日都係將自己嘅諗法套用喺人哋身上，拉人哋入教。又冇諗過人哋嘅感受，一味就係批評其他宗教，完全容不下他人。我從來未見過佛教、道教會係咁傳道，你有緣就信，係自願性質。亦都唔會去話耶穌係假神。基督徒成日都覺得自己企喺道德高點，佢話人哋違背咗神嘅旨意，係迷途羔羊。耶L真係好討厭 Sorry for1999

#NSS其他 [GUEST] 話說唔知大家使用ig有無呢個問題？我發現睇story個陣呢，成日彈廣告出嚟啦。即係一個兩個都可以理解，但你兩個story就已經出一個廣告係咪有d過分…我就試過一直留意上面個到啦。只要出現贊助個d字眼就秒跳，但係就好辛苦。因為其實你望完上面已經浪費左時間，你又唔知幾時彈出黎wor。 有時候真係會比廣告搞爆個心態，仲有時候可能有d fri send d 廢story(我都知呢個係)。瞬間成個人都唔想再look。其實玩ig係想放鬆下，但呢樣野真係搞到好煩。 唔知大家有無d方法處理呢廣告？想請教下各位🙇🙇🙇 如果可以恨你 全力痛恨你 連遇上亦要躲避 真係形容廣告無得彈啊 Sorry for1999 sor文筆差 第一次投稿 ——————- 題外話 第一次投稿覺得個版面好好睇同好完美，加油💪繼續支持你地 同埋今日第一日考DSE都祝大家學有所成 考到自己理想嘅成績 可能po到都已經好遲甚至完左 但一定要加油啊你地🔥🔥🔥

#NSS愛情 [……..] 戀愛腦點樣解決？當發現了自己戀愛腦 有想過怎麼解決 但很多都是説愛自己 但怎麼去愛自己

#NSS學業 [GUEST] 我希望香港中小學在小一至中三學生唔駛在暑假、大假期做功課，可以去玩同發揮天馬行空創意、又可以搞嘢，就算成日將學校當樂園搞事，日日唔交功課，仲要交白卷，科科唔合格，都可以唔使留堂、補課，可以準時放學去玩，就算佢地喺學校大玩特玩，也可以年年升班，又唔使比人踢出校，仲可以玩同癲到中三畢業！

#NSS其他 [Guest] 好朋友（A)同佢男朋友(B)一齊左差唔多一年，而A阿哥完全係痴線，同左B前任一齊，因為B前任夠淫，B嘅前任可能仲鐘意B，之後聯合A阿哥一齊拆散佢哋，唱衰B,A阿哥不停hack自己阿妹(A)ig acc同其他acc去搵證據比屋企人睇，A比屋企人發現咗，之後被屋企人逼分手，不過佢哋係真心愛對方，所以冇分到，但係A阿哥最近好似又察覺到，之後繼續hack A ig acc,令A覺得好困擾，請問大家覺得A應該點先可以唔比佢個變態阿哥再發現？🙏

#NSS個人 [Guest] 小妹15歲，個胸偏大，搞到成日都好尷尬。我得149cm，身型比較肥，53kg，但係有C cup, 個比例好奇怪，呢幾日上zoom要着校服，我學校條夏季校服裙cutting好窄，着完顯到我個胸好大，肚腩又大咁，真係好核突，但係我呢個身高又買唔到大一個size，遲啲返學都唔知點。我已經三年冇高，所以你話扯返個比例係冇乜可能嘅事，但係唔知點解個胸呢兩年都有大。啲同學成日話自己平胸唔好睇，但係我覺得我大胸仲怪…條街成日都有人望住我個胸，真係好尷尬，有冇人同我有類似嘅情況，可以分享吓啲減胸方法？

#NSS學業 [2023DSER] 2022DSE 英文 Writing Part A 求救 A. About Hong Kong Adventure Farm. Hong Kong Adventure Fram ai good out name. It ai 2010

#NSS社會 [GUEST] 拒絕網絡暴力 作亂者高枕無憂 跟風者唯恐不亂 偏聽者不分是非 澄清者墮入深淵 受害者百口莫辯、受盡鞭打 點呢個年代會有某啲人分唔清是非黑白 無論你哋生活有幾多壓力都好 都唔應該將自己嘅快樂建築喺人哋嘅痛苦身上 網絡暴力呢個問題真係值得我地去深思 你哋咁樣隨便詆毀一個清清白白嘅人，你地覺得真係啱嘅？

#NSS個人 [Mfs] 是咁的,小弟我呢排諗緊個問題。 有啲人一出世就係富二代,有啲人一出世卻只係一個窮撚,可能有啲人會覺得唔公平,輸在起跑線。但其實諗深一層其實人生就是賭博咁樣,冇人會知你出世係有錢定窮：）。 真正嘅窮又係咩？係冇錢？係冇朋友？定係兩樣都冇先叫窮？錯曬啦,窮其實係你哋自己攞嚟窮㗎,正所謂沒有比較沒有傷害,鬼叫你同啲富二代比咩╮(╯_╰)╭。冇錯人哋就係有錢或者仲有好多好朋友,但係冇人叫你同佢比㗎嘛,自己開心咪得囉使鬼同人比較咩。 所以,你覺得你自己好窮？其實並唔係,只係你經過同有錢人嘅比較搞到自卑,從而覺得自己好窮輸在起跑線,然後日日都負能量爆燈：（,最後搞到冇曬自信,結果你就變咗你一直諗緊嗰個真正嘅”窮” 我今日就係想分享少少正能量比大家,知道大家匿埋喺屋企咁耐多少都儲埋一啲負能量,加上就快開學乁( •_• )ㄏ,知你哋㗎啦功課肯定冇掂過啦,然後阿爸阿媽又催你哋又覺得好煩,又想打波又想打機,真係一個deadline fighter嘅我,淨係想講一句,只要你喺deadline前交得出你要做嘅嘢,阿爸阿媽老師都係吹你唔脹㗎(~￣³￣)~ 加油呀各位be +ve

#NSS學校 [GUEST] 係咁嘅 小妹追開kpop 本命有好多個(好似ive itzy嗰啲)喺學校有個friend 佢聲稱佢由好耐之前就鍾意kpop 開頭我啱啱識佢仲覺得活咗十幾年終於搵到有共同愛好嘅friend 但係點知 佢確實識幾多團 但係佢甚至連嗰啲飯圈用語或者每個團嘅簡稱都唔知 真係讓我懷疑佢係咪扮嘢咋😅😅唔係歧視佢唔識嘢 只係覺得唔係真正了解kpop就唔好跟風😉更離譜係佢從來唔砸錢 乜專輯周邊小卡都唔買 而小妹就係屋企有好多專輯小卡周邊嗰種（係講真同埋唔係曬命）因為係同為鍾意kpop嘅人 所以 我成日買咗新專輯 或者收咗新卡 都會同佢分享 或者有陣時 我又買咗新專輯 我都會同佢講(慣咗因為我哋有陣時食甜品去邊度都會影吓相俾對方睇) 仲有我想抽倒咩卡等等 但係佢平時一講就講到好多嘢 偏偏呢個時候就已讀不回