#NSS學校 [女校] 事情係咁嘅 我哋間學校真係好唔尊重我哋 1 日日叫我哋打針 早會都要講幾十次先可以 雖然我本人打咗 當係保障 但係其實佢不停講我覺得騷擾到嗰啲冇打針嘅同學 其實唔打針嘅同學有佢哋嘅原因 係咁谷都冇用 我覺得呢一點我哋學校真係好唔尊重我哋 始終我哋都有權選擇我哋打唔打針 但係我哋唔打針就有人會早會開咪同我哋「溝通」 我打咗針都覺得真係好煩 為咗達到教育局嘅要求係咪就一定要咁？ 永遠有幾級冇得參加活動嘅時候 理由總係話我哋冇打針 我覺得其實係合理 但係有冇諗過其實打咗針嘅人都好想參加 點解要全級都冇得去？ 其實你想我哋打針我哋都明 只不過係我覺得唔打嘅就一定唔會打 就算係催都唔好催咁密
#NSS愛情 [GUEST] 應該係長文，sor41999 真心覺得呢份感情好辛苦。小妹中意咗自己個fd，已經識咗幾年，從兩年前就開始中意佢，但因為各種原因一直冇告白，加上一開始我都唔確定係對close friend嘅好感定真係朋友以上嘅中意。 到咗今年我發現呢份感情開始急速膨脹，我間唔中就會FF我地拍拖嘅畫面，睇到啲cp好sweet嗰陣都會腦內代入我地兩個，我知咁樣好變態但我真係做過。 幾個月前有條仔向佢告白，佢接受咗，我本來以為佢都係玩下，因為佢上一任都係玩咗一陣就分。但今次完全唔同，佢地拍拖到宜家都keep住頭幾個星期咁sweet，啲同學又個個都係度撮合佢地。當佢同我講到佢條仔嘅事嗰陣我只可以笑笑口hea覆佢，因為我個心真係好痛。 每次見到佢地去拍拖嘅相，係學校又拖手又攬，係限時動態放閃嗰陣，我都好後悔點解唔早啲告白，如果以前嘅我有多啲勇氣，宜家可以一直企係佢身邊，可以同佢拖手，可以光明正大咁講愛佢嘅人會唔會係我？ 可惜時間冇得倒流，我都冇意願去拆散佢地，但呢份感情真係影響我太深，都唔想俾呢啲野影響到學業成績，大家有冇咩方法可以幫我放低呢段感情…… 方便嘅話請po ig，唔該admin
#NSS學校 [純個人意見/分享] 國際學校並非完美無瑕. 大家好 小妹依家Y9/F3，以前讀開香港Band1傳統女校，今個學期新轉到香港XX國際學校. 成日聽身邊嘅人講國際學校有幾自由、幾free、幾無壓力，但係我個人就覺得唔係太一樣… 1. 藝術科目 — 其實讀開傳統學校嘅學生通常藝術科目都係好差（可能係我個人問題），但係國際學校學生藝術真係好勁！ — 所以我個人覺得會因為有「對比」，所以可能會有好大壓力（我個人有啲壓力） 2. free/hea讀書態度 — 小妹仲有約三年先考IGCSE，所以學校同埋學生都唔太注意讀書成績 — 讀開傳統學校chur爆嘅學生會唔慣國際學校hea爆嘅讀書方式（eg. 一日三份功課、唔會有大考） 3. 考試方式完全不一樣 — IGCSE/A- level考試方式和DSE不一樣，因此學生會唔慣，所以成績差然後就會傷心難過 所以我建議如果想入國際學校嘅話真係要想清楚自己是否適合讀國際學校，最後問過來人經驗/意見.
#NSS個人 [guest] by #NSS211128E 樓主 多謝大家喺嗰個post裡面留嘅comment，喺同佢一齊嘅短短一個月裡面，多謝佢包容過我亦都令我成長咗，由一開始嘅熱戀期到我哋唔同步嘅冷淡，再到佢嘅不理睬唔關心，我被逼成長咗，多謝佢比咗呢個機會我，令我再一次咁成長，亦都知道原來人可以變得幾快，唔敢話看透世事，但可以話感受到人變臉嘅速度同感覺。 曾經你話過唔會離開我，冇錯，雖然嗰句分手係我講，但你嘅反應我真係有啲意外，聽完就走，冇反應，以為你聽唔到再講多次都係一樣，嗰刻我明白，你只係想拍拖，唔係真係愛我，同我有啲似又有啲唔似，因為當初嘅我都係咁，但同你一齊嘅呢段時間，我唔夠膽話我係100%真心，但起碼我盡我所能愛你保護你。 多謝你令我覺得我值得被其他人愛，亦都多謝你令我明白原來愛會有完結嘅一日，你冷淡開始嗰一瞬間我以為我嘅主動可以挽留些少嘅嘢，貪心嘅我想好似啱啱開始咁，你嘅愛護比我嘅安全感好似好耐冇再出現過啦，但我對你嗰份保護欲依然喺度，之後慢慢慢慢咁消失。 你呀，好好照顧自己，搵個比我更好嘅人，然後好好同佢一齊，唔好令佢好似我咁亂諗嘅，遲啲我要見到你結婚，見到你有小朋友，讀到你想讀嘅大學，做到你想做嘅老師，過你想過嘅人生。 我，要走啦，或者從你嘅生命中離去，或者喺呢個世界，或者只係喺你腦海中，總之，我走啦，再見。