#NSS學業 [GUEST] 希望admin選中我～ 是咁的，小妹今年F3，眾所周知F3要揀科啦。但我到而家都唔知自己文科定理科人，唔知行文科路定理科路，一直喺度糾結緊，希望大家俾下意見，sor for 1999 講返我嘅情況先啦。小學某一年我中文突然進步咗好多，特別係作文，嗰陣我已經好鍾意文學，打算行文學路，到咗中二已經略略寫過書同詩詞（不過都好廢）中一嗰時我文科係好過理科好多，中文中史都係Top嗰班，但數學係僅僅合格（我都唔知點解）。 但中一末期我就發現我IS同數學進步咗好多。中二係我成績最好嘅一年，文科理科都好OK。但當時因為我一向都鍾意文科，especially中文同中史，理科都唔喺我嘅考慮範圍內。 但去到F3有一個好大嘅問題出現咗。學期初我參加過一個Science比賽，喺個課程學到小部分高form嘢，對chem興趣大增，而且比賽個成績都唔錯。加上我數學同phy chem bio嘅成績都OK，我就開始對理科動搖啦。但與此同時我啲文科成績直線下降，特別係中文作文退步咗好多，以前一直都居於最top嗰班，而家落到平均線以下……只有中史Keep到昔日成績。 我一直都唔肯承認我倚重嘅文科同我「分手」嘅事實，一直心有餘悸……但直到而家見到啲中文成績咁差，我可能真係要瀟灑告別文科。 可能我上面講得好亂😂 總括而言，而家理科係向我拋出橄欖枝，一直用不斷嘅好成績令我悸動。但我向來倚重嘅文科對我忽冷忽熱、若即若離，而家嘅中文成績更係令我對文科苟延殘喘嘅愛分崩離析…… 而家我就唔知自己將來focus喺文科定理科，係仍然跟自己興趣，定都係順從現實，好好選擇對自己好嘅理科（又唔係話對理科冇興趣嘅……只不過愛咗文科咁耐突然移情別戀於理科好似唔係幾習慣）
#NSS社會 [GUEST] 目睹最近多了不少有關政治的po，我也想分享一下自己的想法。我認為民主可分為兩類：真民主和偽民主，它們的定義如下。 真民主：尊重所有經民主產生的結果，即使大多數人的想法與自己不同仍會支持民主。 偽民主：知道大多數人想法與自己一致，所以經民主產生的結果必然符合自己想法，因而支持民主。 想問大家較支持那一類民主？簡單點說，如果你明知大多數人想法和你不同，你仍會義無反顧地支持民主嗎？以通常四年一度的總統選舉為例，心儀的候選人落選意味自己要在四年後才再有機會參與投票；但如果大多數人的價值觀長期和自己不同，則四年後很有可能再次失望而回。這種在民主制度下利益長期被忽略的群體，我們稱之為「persistent minority」。有感自己與社會大多數人價值觀不同，恕我無法支持真民主。我也希望大家能易地而處，設想自己若成為persistent minority 一員時會有何想法。
#NSS個人 [GUEST] 有一件事困擾咗小妹好耐，希望有人可以比啲意見我🙇🏻♀️💦 — 背景:我,A,B,C四個原本好frd，但自從A被分咗去其他班之後A同B,C少咗一齊玩,而我就依然keep住同A聯繫(A亦有識到新朋友同男朋友) — 事件:分班一年後B因屋企因素要移民，變咗得翻我可以陪C,但A向我抱怨希望我陪佢，令我開始有啲煩惱。冇幾耐，我發現C患上咗心理病，想多啲陪佢，但佢亦因呢個病而冇翻學一排，喺呢段時間入面A有陪住我，等我喺學校唔好咁孤單。 隔咗一個學期，C嘅情況有好轉，開始返學，形成咗A,C互不溝通、我同其中一方講嘢就會冷落另一方嘅尷尬局面，我有各自問過佢哋係咪唔鍾意對方或有嗌過交，但佢哋否認。我知道一開始難免會有啲尷尬，但呢種情況已經持續咗1年半，佢哋依然冇踏出一步，我見到原本好frd嘅兩人變成咁樣好唔開心。 此外，C前排有想自殺嘅情況出現令我好擔憂，而A並唔知道C嘅狀況，但冇經C同意就話比A聽唔係咁好，同C講呢件事又驚令到佢更唔開心(佢問過我”點解A有男朋友同咁多朋友係都要搵我”之類嘅問題，我真係答唔到佢，好不知所措)。 — 佢哋兩個都係我好重要嘅朋友，我唔想冷落任何一方，但我真係唔知可以點做，要修補關係？定係揀其中一個？希望大家可以比啲意見我🙇🏻♀️ — Sorry for 1999 感謝admin 同睇到呢度嘅大家💦 希望抽得中🙏🏻
#NSS個人 [Guest] 純粹想問下 話說有個曾經好熟嘅朋友無啦啦因為D好小嘅事而嬲咗我,而我到依家都仲未知佢到底想點。 嬲嘅源頭真係好小事,只係同佢喺ig傾偈嗰時有句嘢可能焫到佢,仲要係完全冇冒犯性個種,只係同佢講咗句:份卷我寫咗好多其他科嘅嘢落去咁。佢嗰時就好似已經有D嬲咗我。 其實我都唔知佢嬲啲乜,但係見佢覆我嗰句好似有少少火藥味咁,見個氣氛唔對路,我嗰時已經即刻試下救火,但係結果可想然之梗係唔成功。如果唔係我使乜投稿。 問題就嚟啦,本身諗住佢應該嬲番一陣就冇事,但係因為嗰時考緊試,唔係日日返學又見唔到佢本人,咁我唯有繼續send下message比佢,諗住睇下佢嘅反應再判斷下佢嘅情況啦。結果次次都係已讀不回,心知奶嘢,咪同佢道歉囉。 都已經道歉咗四五次, WhatsApp佢又試過、ig dm佢又試過、返學直接同佢講都試埋,佢都係繼續唔理我當我冇到,問佢你到底嬲我啲咩又唔答,咁我依家仲可以點？ 講真,雖然咁講好似有啲衰,但係我事到如今都覺得自己冇錯。即係如果我嗰句冒犯到佢而我又冇道歉就話啫,但係依家都已經道歉咗咁多次佢都係唔理我,其實佢係咪已經當冇咗我呢個朋友？ 其實我哋依家都已經中六,點解要到呢個時候先嚟玩絕交？而家小六細路仔咩？ 如果一句對唔住就可以救得番段友誼,咁我講多幾次都冇拘呀,都已經唔係邊個錯邊個啱嘅問題, 我都只係唔想臨走先嚟搞段咁嘅遺憾啫。 雖然佢係冇講過佢嬲我啲咩,但係多多少少我都估到啲。大概就係覺得我讀書嘅態度好hea嗰種。咁其實佢睇唔到啫,唔代表我冇做過㗎嘛,咁我仲可以點？解釋？但係我依家只係一行埋去佢附近,佢就西我面啦喎。到底解釋嚟仲有冇彎轉？ 其實我成日都想鬧佢,17歲人啦,可唔可以唔好成日為咗啲咁少嘅事而同人鬧交。雖然咁講好似好市儈,但係至少我知道出到嚟社會多個朋友好過多個敵人。或者咁講有啲聖母婊嘅feel,但係其實我有啲擔心佢呢種性格會唔會連累到佢。但係既然佢而家同我反咗面（正確啲嚟講係佢單方面反我面）,咁我依家仲有冇資格鬧佢？ 我真心想問下大家,我依家可以點？係應該同佢一樣,以後見到對方,都當佢透明,就咁變成陌路人,定係再試下同佢溝通,睇下仲有冇得返轉頭？ 呢件事已經困擾咗我一排,希望大家見到可以畀少少意見啦。 文筆差,希望大家明我講咩。 唔知佢會唔會見到,希望佢見唔到 Sor for 1999
#NSS個人 [GUEST] 點解佢d三觀可以咁有問題！ 多謝大家願意睇我嘅怨言。 我係前一排下截咗個交友app，係入面配對到一個幾啱傾ge男仔。因為大家都鍾意古典音樂同埋都係讀science，所以傾得好開心。 但係，近日發現佢好有問題，亦都因為咁樣，我已經unfriend咗佢。 第一，喺佢對親人嘅睇法。佢同我講過話佢一個舅母同埋外婆死咗，我以為佢講完會好傷心，所以即刻安慰佢同講唔好意思，聽到佢ge家事。但係，佢竟然同我講話無所謂，佢有二十幾個親威，就算冇咗一兩個都唔緊要。之後，佢仲話咁樣仲好，可以唔使嘥曬d時間去老人院同療養院睇佢地。 第二，係佢對陪伴家人ge睇法。我地有一個習慣，就係逢星期四ge夜晚都會留個時間比對方係個app入面傾偈。但係，上星期四佢冇準時上線。佢係大約一個鐘頭係，佢同我講翻話佢要倍屋企人出去食飯。咁我聽完之後，以為佢反省緊佢之前講過ge野，同埋唔會咁惗同自己最親ge父母。點知，係我自己惗多咗，佢同我講佢會陪佢地出去食飯只不過係因為佢想有一個籌碼同佢屋企人講數。(因為佢同佢父母每逢星期日都會去佢阿嫲屋企食飯，但係佢想留妮打機。) 我聽完佢依d睇法後，唔明點解依個世上點解會有d咁ge人。究竟一個人要去到幾自私同冷血先可以講得出咁ge野！ 我完全唔明佢點解可以咁對自己ge至親，明明之前佢同我講過佢父母同親戚都對佢好好，好鍚佢，會係自己ge能力範圍內比最好ge佢！同埋佢父母都唔會催谷佢ge學業，逼佢做佢唔想做ge野。
#NSS個人 [Guest] 第一次投稿🙇🏻♀️🙇🏻♀️我係form1女,有個問題一真由小學開始困擾咗好耐,小學常識科有時會有啲剪報分享 要對住全班嘅。我一直都勁驚呢啲,每次唔係用藉口唔做,就係出到去一個字都講唔出,記得細個有一次仲嚇到喊咗出嚟。 咁我而家上到中學,我知道會有更加多說話同speaking。我今日中文堂就係唔敢出去,所以老師叫我第二日再補返。跟住我每諗起呢樣嘢個心就好唔舒服。唔單只係演講,我有時要自己去食飯,對住啲侍應都會好緊張,但係冇頭先講嘅咁誇張。 我平時對住啲同學/friends 講嘢都好大聲,我唔知我係咪過份緊張定係點,呢個情況由我小學二年級到依家都有,我真係好驚之後嘅考試,我可以點做?