#NSS學校 [我唔知係咪第一個朋友嘅離去 令到我宜家嘅「朋友」都會一個個咁離開我…. ] 我之前有一個好朋友離開 去到宜家中學我所經歷嘅嘢都令我覺得 身邊嘅朋友會一個個咁離開我 自問我已經盡哂力去挽回同以下呢3個好朋友嘅關係 但係宜家我哋一係絕咗交 一係就冇咁 friend…. 第一位「朋友」喺度暫時叫佢做外星人先 我同外星人係同班同學而識嘅(form.1) 我哋開始friend嗰陣 我記得佢仲會叫我一定要當佢係閨密 我當時以為呢個行為代表佢都好重視我 所以都有應承佢 但係佢之後就成日話我同其他friend玩 唔理佢 但我想講我冇! 更加過份嘅係 後來外星人同一個學霸friend咗之後 當我呷醋同佢講 佢又會話: 你咪又係同呀XXX好friend
#NSS個人 [GUEST] Haloo,我08嘅 我唔知點解成日對我一段友誼好多不安全感同疑解.真係唔知點解我成日懷疑我d frd對我有意見成日都唔理我仲成日因爲咁hurt到我.近排約(A)同另外一個frd(B) 出街佢哋兩個成日都自己出街 A佢前一日話自己有嘢做但我唔覺得係真嘅我對佢係到講緊大話.我地一早點解唔一早出聲仲要賴佢老母.B 本身有習要補但佢話係上到13:30 就完點知默名奇妙(B) 聽到 (A)話唔ok佢又話仲有堂要上上都去 16:00 先完前文不對後理，我懷疑佢知到我 15:15 有堂上又想自私約. 我超大嫌疑.跟住我喺個group入面問考玩試約好冇佢哋兩個極度敷衍咁樣覆我.一睇就知佢哋根本就唔想約我.但超奇怪嘅係(B) 同（A）同時間想約我所以先打算一齊玩而家又唔知想點咁.我自問最唔鍾意人哋講大話甩我底仲要自私約.
#NSS個人 [GUEST] 小妹今年f3 15歲，係一位TB。 由細到大我都打扮都比較偏向男性，f1剪咗短頭髮，出街都周不時比人叫細佬，我覺得冇乜所謂，甚至有啲開心，反而當阿媽同人哋講返話我係阿妹，我就會唔開心同埋有啲尷尬。但係開始踏入青春期，開始發育，個胸越嚟越明顯，出街比人叫細佬嘅次數少咗，有啲仲會直接問我係細佬定阿妹，我開始會唔開心，做好多嘢令自己個胸唔好咁明顯，例如打下佢，出街嘅時候彎身（我依家有啲駝背），有風吹嘅時候避一避或者拉開少少件T-shirt 比啲風吹入去。 我阿媽之前已經有懷疑過我係咪les，雖然佢話會接受，都無所謂（老豆係古舊派，佢仲打算我會結婚生仔，一定唔會接受到），但係我都冇話比佢知。之後今日同阿媽出街嘅時候留意到我啲小動作，問我做乜唔企直同埋成日整件衫，我唔想比佢知點解，所以就求其答咗佢。 重點！其實我好想同佢講話我想買束胸衣同埋大個想去割胸（因為之前睇YouTube 啲人話打個胸唔會令佢變細，反而會刺激佢），但係我唔知點開口。 Ps.冇可能用自己錢買束胸衣，因為我上網睇過一般嘅束胸衣都要二百幾，好啲嘅防駝束胸衣要三百幾（我睇嘅係台灣網站，一定平過香港，如果係佢個網買仲要加埋郵費）加上我冇零用錢，單靠利是錢應該都買得一兩件，替換有啲唔方便，同埋如果洗完要曬乾佢嘅時候比佢哋見到咁都唔知點解釋好。 Sor for 1999 Thx admin po ig
#NSS學業 [Guest] 我好大壓力… 講返少少背景先， 我係一個Form1嘅平凡女仔，小學成績唔差，全級頭三，所以喺一間band1全港數一數二嘅中學讀書⋯ ————————————————————————— 講返正題，我讀書壓力真係好大，感覺自己溫極溫唔好、未盡力，考試成績結果都係欠佳(全級四、五十名到)問題係小學同中學名次真係爭好遠，個個都好勁，自己冇曬自信⋯ 我成日問自己係咪盡咗力，答案係未，我唔知咩係盡力，我有能力，我有努力，點解都係咁差？ 我真係好大壓力，驚form3選唔到科，DSE考唔好，我真係好想由而家開始提早讀，讀三年form3嘅嘢，我就萬無一失，但係我知係冇可能⋯ 我次次考試，都係因為太大壓力、過度緊張而影響自己嘅臨場表現，我唔係唔識，我連小測都係，真係改善唔到⋯(由於我講咗真實情況會被人認到，所以唔寫啦sor) —————————————————————————— 每次考試成績不如理想，我個心入面不斷好內疚。我一方面同我自己講溫咗幾耐書，有幾努力，又或者其他同學都唔係太高分，自己都唔算太差；但另一方面，我不斷鬧自己，我根本冇攞出自己嘅實力，我唔同其他人，其他人差我更加唔可以差，我應該要比其他人好少少，我係有能力嘅⋯就係咁，不斷亂諗嘢 我feel到自己有啲情緒唔穩定，我暫時唔仔細講啦⋯⋯ 我純粹發洩，第一次講自己內心諗法 最後最後，想問下各位大大，點溫書效率高，溫得好，即係溫書方法，幫下我⋯ Admin plz post 🙇♀️ Sorry for 1999 🙇♀️
#NSS個人 [guest] 近排真係好灰，又冇人可以傾訴，擺上黎希望有人可以安慰下我而唔係笑鳩我🥲 唔知道有幾時開始肛門嗰度有粒軟淋淋嘅野，而我係一兩個禮前先發現。一開頭以為係痾完屎腫腫地係正常所以唔為意，點知越黎越發覺唔對路，過多幾日發覺，仆街，係痔瘡。我知道嗰一刻真係好崩潰，唔知點算好。我用試探嘅語氣問過老母，老母話女人正常都係生完仔先會有痔瘡，聽完之後我仲崩潰，我得嗰10幾歲就有痔瘡，屌咩🤦🏻♀️🤦🏻♀️🤦🏻♀️ 我真好撚後悔自己成日坐喺廁所篤機，我而家真係唔知點算好。痔瘡唔會有機會好返，只會越黎越差，我再老多少少係咪就要著尿片？諗到呢個位我真係好多擔憂。真係好灰，好唔知道點算，又唔知點同男朋友講好，驚佢好介意，又驚其他人目光，唔敢同friend傾訴。屌⋯⋯有冇人可以話比我知唔係得我一個10幾歲有痔瘡？或者有冇人嘅另一半都有痔瘡可以話比我聽你有冇介意/覺得點？
#NSS個人 [GUEST] To my dear friends: 其實去唔去迪士尼真係冇所謂，我知你哋有顧慮，迪士尼門票又貴，更何況我哋幾個月前先去咗，又就快開學。換作係我會猶豫。我想生日同你哋出去玩呵呵。但係之前問要去邊又冇人覆我，我知你哋唔係突登冇惡意，我都明白大家係真心的。咁但係心入面有啲疙瘩。 本身唸住我自己去迪士尼都無妨，咁但係正日又咁啱唔開，啱啱book咗27號，我自己去都得嘅，當係慶祝下。 咁話說呢啱啱同家姐鬧完交(佢話佢細細個生日都冇人慶祝)咁我又頂唔順佢呢種鬥慘嘅行為，之後駁咗兩句。已經有啲唔開心。 之後家父大人話可以請我啲好朋友去住酒店and樂園，我又唔想好似一個被人拋棄嘅小狗咁可憐巴巴咁奉上雙手求住你哋去咁。 問咗其他好朋友，咁佢哋都唔想。 其實之前問過27號可唔可以約出嚟，你哋都好似得咁樣，於是我就問去邊，咁無人覆我，就hmm ok? 我冇怪你哋，亦冇話你哋乜，我自己唔開心其實我都想自己消化好算數，我講過我明白你哋嘅心情，我自己代入下我都會作出同你哋一樣嘅處事。 我始終認為，講出嚟最好。你哋安慰我又好唔安慰我又好，我都冇乜所謂啦，你哋當睇咗一篇陌生人嘅nss投稿就好。 其實道理我都明，我亦都理解你哋，但係心入面唔舒服，想講出嚟俾自己舒坦啲~最後，我好愛我爹地😘，亦都好愛你哋班朋友😘
#NSS個人 [[GUEST]] 我真係唔撚想覆message呀!! [小妹今年f1] 話說小妹本身已經唔鐘意social 但唔知點解我身邊啲人全部都好多野講(小學到中學都係咁) 加上f1啲人又抖陰又殘體字 我更加唔想同佢哋做Fd😮💨 但我又係嗰啲唔識say no嘅人💩 佢哋搵我我已經好明顯地hea覆 但佢哋好似完全feel唔到我唔想理佢哋😵💫 救命呀!我真係唔想睇抖陰 唔想聽到「祖國」有幾咁偉大 我唔撚想覆你message呀!_ _ _ _!唔好再煩住我呀!!!🫠 純發洩文 Sor for 1999 thx admin po🙇🏻♀️🙇🏻♀️
#NSS愛情 [GUEST] 其實朋友嘅親密度係咪應該有個界線？ 大家有冇發現身邊好多朋友都會玩得好親密，好close咁，會有好多親密嘅行為同埋接觸？而我就有一個咁樣嘅朋友。 我哋兩個都係女仔，下稱佢為a。我同a一識咗之後，a就已經開始成日叫我一啲稱讚我嘅花名，例如女神，仲有成日話我係佢嘅，有時打字傾偈佢會話You’re mine咁，甚至話我係佢女朋友，仲話要同我結婚。另外，a成日呷醋，就好似我同其他frd出街佢會妒忌，有一次我為咗測試a同佢講我同frd拖手，(其實我拖住嘅係我表姐) 諗住睇吓佢咩反應，a差唔多嬲咗我成個禮拜。同埋a佔有慾好強，我之前同a傾電話，講講吓我隻貓舔我，咁就同佢講，(因為我哋咩都會講吓) 佢都話妒忌我隻貓，仲話想舔我。 之後有一次a嚟我屋企，我就送朱古力比佢，同佢表白，而a嘅反應係諗都唔諗即刻將我拉近，錫我條頸。跟住夜晚a喺我屋企玩完，我就送佢走，去到地鐵站見冇乜人，我就隔住口罩錫a嘴，當時唔知佢會點反應，所以我就話：「Omg我錫咗你一啖」，a乜都冇講，即刻錫返我個嘴，(我覺得好霸道🥲❤️)，然後再攬吓我講幾句love you嗰啲就走咗。去到呢啲地步我覺得已經唔係朋友之間會做嘅事。 因為我真係好想知a點諗，係想同我做好close嘅frd，定係對我有意思，於是我都有同a表白，但係表咗好多次佢都覺得我同佢講笑，可能你會話我唔夠直接，但係我直接到其中有一次講埋「我鍾意你」，佢都只係答我 “Of course, 我都好愛我嘅女神”，好似唔知我係認真咁。 我真係覺得朋友之間嘅親密行為同接觸唔會去到咁，唔知有冇人都有類似情況？仲有可唔可以比啲意見我應該點做🥲 第一次投稿，可能會有啲1999，唔好意思🙇🏻♀️ Admin post ig plz thanks🤍
© 2023 NSS Secrets, Seven Sisters Network Limited. All Rights Reserved.
Text is available under the CC-BY-SA 3.0 License. Additional terms may apply.