—類投稿

#NSS個人 [GEUST] 小弟F2，經常性因為夜瞓上堂hup著，成績麻麻，有少少肥。 小弟喺中一嘅時候鍾意咗一個女仔，表過兩次白。第一次失敗咗，原因可能係我太急。嗰陣時我同佢表完白，跟住佢話要考慮下先，我等咗兩三日，佢都冇覆到，我就問佢其實你係咪唔鍾意，佢話你覺得係咪係囉；第二次我同佢關係好咗好多，我又同佢表白，今次佢應承咗（maybe?）但係佢話要中三先（我唔知係咪真啦） 後來，佢block咗我所有嘅social media，包括IG/wts，我同佢唯一嘅溝通渠道就係返到學校。但我都唔知我邊度嚟嘅勇氣，我對佢又有啲feel。我上堂嘅時候成日另轉頭望佢（冇影響聽書），望佢做嘢嗰個樣，或者係聽書嗰個樣，佢一另轉頭/抬頭我就會即刻另返個頭過去聽書。前日我發現佢原來仲有另一個acc，於是乎我就攞細帳fol咗佢，尋日，佢攞嗰個acc DM我細帳，內容就係張圖咁樣。我見到嗰句嘢嘅時候真係好唔開心，我都知道我自己份人好唔掂，但係就係覺得好唔開心。就喺IGpi咗一大堆story。其中一個係講話：我fol咗唔夠兩日。跟住佢嘅其中一個frd就覆我嗰個story話：佢話你follow嘅第一日已經知。我嗰陣時已經死咗心，就求其覆咗一句哦。跟住過多十幾分鐘，佢send咗幾張圖過嚟，係佢同唔知邊個嘅聊天記錄（個frd）內容大致上就係數嗰個女仔，話佢外貌上同性格有問題，跟住其中一張仲要話佢性取向有問題（我冇歧視LGBT嘅意思）嗰陣時見到我都唔敢睇，我驚係嗰個女仔同佢啲朋友笑我。跟住等嗰幾張圖load完先見到內容。 我就問嗰個frd(以下以甲代稱）：send呢段嘢出嚟嗰個邊個嚟㗎 甲：private acc 我都唔知 跟住過咗幾分鐘，佢無啦啦cap佢細acc個名比我： 我：？ 甲：你又問？ 我：唔係好明你咩意思 甲：DM我嗰個人呀 我：OK… 請問小弟而家應該點算，是咪唔應該再諗同佢有關嘅嘢，但係小弟同佢同班，每日都會見到佢，跟住又會諗起呢件事。而且佢同另一個男仔都傾到好埋（唔係好關我事）我係咪應該徹底死心。 Admin please po IG，我想各位比啲意見🙏🏻🙏🏻🙏🏻 圖Link: https://ibb.co/55qv8py

#NSS愛情 [GUEST] 小妹今年f2 鍾意左一個男仔 都算close frd 我有好多frd都話佢鍾意我(我鍾意佢呢件事得一兩個人知) 佢地仲話係佢鍾意我 唔係我鍾意佢 (佢地唔知我鍾意佢 我諗緊係咪我隱藏得太好 )佢地仲成日問我feel唔feel到佢鍾意我 我就問佢地點解think佢鍾意我 佢地話因為我地好close而且佢做咩都揾我 我就同佢地講話佢對邊個都係咁 因為我驚佢唔鍾意我 我就博命咁同佢地解釋話佢唔係鍾意我 但係佢地唔信 就問佢係咪鍾意我 佢就笑左笑話唔係 之後佢地就起烘話咁嘅反應即係係啦 佢都只係笑左笑就走開左 正確來講係畀我推走左 雖然我地仲咁close 但係最近真係驚佢唔鍾意我

#NSS個人 [GUEST] 交代番背景先，小弟今年f.4，想同大家求助下友情方面嘅問題🙏 我有一個朋友由小三識到而家，得佢一個同我同我識左咁耐仲可以咁熟，以下簡稱為😀。 有一個F. 1開始一齊打開機嘅女仔同我地兩個都係 frd，以下簡稱😺。（唔係爭女) 今年😺同😀表白左，所以佢地就喺埋左一齊，咁我同佢地嘅關係都係咁 frd，一直都有 keep住一齊去玩，只不過每次我約😀都要約埋😺咁解(因為😀話冇😺就唔去)，當然我係喺祝福佢地長長久久嘅立場，話哂我同😺都係 frd，個陣就諗緊多個人仲開心啲，所以我一直都冇咩所謂，但係過咗冇耐就發生左一件事，令到我地嘅關係跌入谷底。 接近暑假尾聲個陣，我去😀屋企打機，然後理所當地😺都係度，咁我都已經習以為常，照常開部 ps4打機。 咁玩玩下就講左句黃色笑話，因為我同😀講開呢啲野，但係佢突然細細聲同我講:「叫左你唔好講架啦。。。」。我突然醒起前兩日上去😀屋企個陣，佢話😺唔鐘意聽呢啲野，同我講:「😺喺度嗰陣唔好講。」。 但係我嗰陣淨係講左句sor，因為我唔係對住😺講，亦唔係性騷擾😺，講嘅話說又唔係咩變態嘢，就冇咩點在意呢件事。 過左幾日之後，我 share咗個 post比😺，但係我發現佢 block左我ig，咁我就喺度諗佢點解 block左我，但係我嗰陣就冇諗到喺關講黃色笑話嗰單野，搞到我都嬲嬲地，所以都幾日冇揾佢地。 經過幾日時間冷靜，我諗到係因為講咸野所以佢先 block左我，咁我都去同佢道歉，因為今次係我賤格，而佢都原諒左我，但係我都估唔到會因為呢件事令我地嘅關係改變左咁多。 事隔一個禮拜後嘅星期五，我去問😀星期六可唔可以去你屋企玩，佢拒絕左，因為星期六佢嘅屋企人唔係屋企，想同😺二人世界，咁我就梗係唔去阻住佢地啦，就同😀約左星期日再去佢屋企。 而我星期日去到😀屋企嘅時候，😺一見到我就直接成塊面黑哂，佢當時就好似想講:「玩野啊？點解你又上黎？阻L住哂…. (粗口省略)」。總之個樣就係好L唔

#NSS個人 [Guest] 小妹今年form 6，本身都有add，但係之前唔算太嚴重就冇食藥。但係依家就黎要考DSE，唔知係咪因為越黎越大壓力，搞到溫書完全集中唔到，好想放多啲時間去溫，但係就不停咁分心，focus唔到，我覺得好辛苦，所以上個月去咗睇精神科醫生（私家），佢話可以開隻藥俾我，但係起碼4000蚊一個月，仲要長期食，呀媽就問嗰醫生可唔可以寫封轉介信去政府，因為真係太貴，嗰醫生就話要試咗藥，試啱咗藥先幫我寫信。不過係上個禮拜開始，我focus唔到嘅情況好似越黎越嚴重，上堂聽書15分鐘之後就已經聽唔入耳，返到屋企溫書半個鐘就已經頂唔順，我都唔知點解明明我已經好努力咁逼自己專心啲，但係好似都係冇用。跟住我今日放學揾咗學校嘅教育心理學家傾，佢話可以幫我寫轉介信去政府，但係起碼要等一年先有得睇，我依家真係好辛苦，有冇過來人可以話我聽我應該點算？🙇‍♀️🙇‍♀️🙇‍♀️ 第一次投稿，sor for 1999 希望admin po ig，辛苦晒咁多位admin

#NSS其他 [大埔其中一間] sorry for 1999 admin op ig pls🙏🏻 我想喺借呢個page同我個frd講啲嘢 (交代返 我係有MDD同BPD 同埋一啲原因所以我會成日推開身邊重要嘅人 但唔係真係想佢走 同你冷戰咗差唔多就嚟3個月 我喺密友po嘅你全部都有睇但就係唔覆 我知道係我唔好。一次又一次令你傷心 對唔住。我唔係一個好嘅朋友、閨密 我淨係諗住唔想你擔心所以推開你 但我冇諗過原來喺你眼中我真係咁重要 真係好對唔住。我知傷害就係傷害 但我真係唔想失去你 你對我嚟講真係好重要。比所有人都重要 好多人同我講。你唔值得我而家咁 我全部都冇理會。因為曾經係你叫我相信你

#NSS學校 [廣東華僑中學] 係咁嘅小妹今年F2因為家庭原因被迫去到大陸讀書。事情如下： 就係我之前喺微信朋友圈度發咗一條我同我一個男性朋友（佢係香港人）嘅聊天記錄，咁我冇留意到其中一條係有少少關於sex嘅,我後來先注意到大概隔咗10分鐘到就刪咗,但係冇諗過俾我哋班個班八公八婆講是非然後搞到我開始俾人排斥話我有性經驗到最後一傳十十傳百搞到我俾人話我同好多人搞過

#NSS其他 [Guest] 我係回覆 #nss211202c 嘅，原本諗住打喺comments, 點知打吓打吓打咗好多，所以都係嚟投稿 我f1嗰陣都好驚對住全班present, 不過中學好多speaking ex同project presentation, 耐咗應該會慣㗎啦，我仲記得我f1十月嗰陣有堂中文堂差唔多落堂嘅時候，個老師突然叫我出去示範，我出到去，腳都震晒😂 (真係有震 如果你學校暫時冇太多presentation, 你又想快啲進步，就去drama/debate club啦，你咁驚對住全班講嘢，我就比較推薦drama, 因為我喺debate啲frd話training好chur, 你知debate講嘢有時限㗎啦，而且目的係要反駁對面，可能你會覺得煩😅仲有，debate club通常好多學霸，壓力可能會比較大，drama呢就比較著重創意，training多數係叫你即場作個故事，用口講出嚟，而且氣氛比較輕鬆，兩個club冇話邊個好啲，只係邊個適合你多啲，你睇吓你想學咩啦，debate會學到即興創作 (議論), 而drama都會學到即興創作 (故事), 不過講對住人講嘢，都係drama對得多啲人，不過都係睇你自己點 (debate啲學霸分分鐘比到好多意見你 我再分享多少少啦，我f1開始參加drama，唔夠兩個月就唔再驚對住全班講嘢 (drama有好多唔同班嘅同學，亦有師兄師弟，對住唔熟嘅人都唔驚，點會驚啲咁熟嘅同班同學？)，即興創作亦都勁咗

#NSS社會 [Guest ] 長文 sor for 1999 大家覺得喺網上面討論藝人樣衰係咪一件好事？ 最近無聊上咗去連登度睇 係熱門度見到有人討論緊某個藝人團體邊個最樣衰 我諗有一半人嘅說話未算好難聽嘅 但淨係我見到呢個討論 我個心就有少少唔舒服 我都冇話特別鍾意嗰個藝人團體 但係我覺得即使佢哋係藝人 都唔代表比其他人去批評外貌 我覺得呢個係尊重嘅問題 假設嗰啲藝人藝人就係我嘅同學 我同我嘅朋友喺度傾嗰位同學樣唔樣衰 我覺得已經唔係好尊重 而且喺網上邊比起真實世界更加直接 嗰個藝人會睇到呢啲討論 但如果喺學校 被討論嘅同學都未必會聽到 至少冇當面咁批評人

#NSS學業 [Guest] 中三，呢排數學科教緊圓面積，棱椎面積等等，但越溫書越覺得奇怪，第時出到社會，如無意外都唔會用到呢啲數㗎啦，最多咪加減乘除，咁我哋仲學嚟做咩？ 可能你會話，因為DSE囉，但我都係唔明學嚟有咩用😂真心求解答

#NSS個人 [guest] 12月9號就可以申請健康碼，小妹喺中國有親戚，阿媽覺得有健康碼就可以快啲通關返去探佢哋（我梗係唔信），我好驚政府可以攞曬我啲資料，我應該點做🙇🏽‍♀️🙇🏽‍♀️