—類投稿

#NSS學校 [Shatin Girl’s College] 我發現到我學校啲人都幾得閒 例如幫老師開fans club 同埋寫啲cp文章 又會整啲關於老師嘅meme出嚟 搞到我每次見到啲老師都要忍笑 甚至有人仲無聊到開咗個關於學校廁所嘅page 不過我完全冇後悔入呢間學校 感覺我哋比起其他女校少好多鬥爭 即使每日返學有好多功課好多測驗 我都覺得好充實好開心 沙田第一女子中學世一！

#NSS社會 [GUEST] 喺香港呢個社會究竟幾歲破處先「正常」… 幾歲開始做係人哋口中嘅「正常亅呢？

#NSS社會 [GUEST] 喺香港呢個社會究竟幾歲破處先「正常」… 幾歲開始做係人哋口中嘅「正常亅呢？

#NSS個人 [Guest ] 本人覺得自己係一舊一文不值嘅垃圾 本身個人比較細膽 咩都唔敢試，咩都唔敢做 喺學校基本上咩都唔參加 間中有啲club搵人參加活動，我都會推咗佢 成績亦唔算特別好，排中間 唔算特別好，唔算特別差 而家去到F5 要寫CV 發現自己完全冇嘢寫 好自卑，唔知點算好 跟住本身又冇咩朋友 來來去去都係嗰兩三個 有唔開心都唔知同邊個講好 簡直覺得自己係人生失敗者 純粹想發洩吓，多謝大家睇到嚟呢度

#NSS社會 [元朗區某band2中學] 眾所週知最近天氣凍咗好多，又大風。小妹上星期朝早返學校嗰陣行下行下條裙俾風吹起咗，係完全見到打底褲，嗰陣又咁啱係企喺樓梯上面，樓梯下面又咁啱有個阿伯喺到，我嗰陣又攞住幾本書，得一直手可以撳住條裙。 之後嗰陣個阿伯就望住我對腳，我嗰陣係望到佢實一實佢都唔知🥲我條裙俾風吹起嗰30秒佢都係望住我對腳，嗰種感覺真係好唔舒服，我到依家諗返起都覺得好噁心🤮 各位未換冬季嘅女同學真係要保護好自己丫！ sor for 1999

#NSS愛情 [GUEST] 小妺今年f.4，好想係今年聖誕之前出Pool 就係今日朝早，一個條件還算OK嘅男仔同我表左白，但係到而家我都未回覆佢…因為我唔知點揀好？佢仲寫咗段長文俾我…內容好尷尬其實 同我表咗白嘅男仔叫佢做B先啦～ 佢同我淨係f.2同班過，但都冇點傾過計，一兩句都係有嘅。我對佢原本就冇乜感覺，但近排PE堂成日見到佢打籃球，真心係型嘅，但係唔係鍾意嘅感覺…而且佢而家已經同我唔同班，交接幾乎係0 我鍾意嘅男仔，佢就叫A 佢同我揀嘅科一模一樣，亦同一班，佢住喺我隔離座，返學放學會見到，撞到就傾兩句 依家都有keep住日日傾偈，近排考試佢仲教我chem and math (///▽///) 平時都有喺IG傾偈，大家都係互send梗圖同傾吓學習上嘅嘢，不過完全係0曖昧，真係單單friend咁相處，都feel到佢只係當我係his bro🥲 再加上A其實已經有鍾意嘅女仔…而且佢話佢一定會鍾意嗰個女仔直至到中學畢業，但係其實我已經知道個女仔下年就會飛去美國，只係我哋平時傾嘅話題都唔太涉及［LOVE]所以我都冇同佢講Btw我同A生日淨係相差一日(/ω＼)小妺覺得好有緣份而且佢同我都有養貓咪～ 回歸正題…我係真心好想而家拍拖，亦都係真心想等A放棄嗰個女仔，但係晚一我要等好耐呢？萬一我等到佢又鍾意其他女仔呢？同時我有覺得其實B唔太差，有諗過同佢拍拖…佢篇長文有少少感動到我嘅ww PS:A同我都覺得一拍就要拍長拖&佢唔太睇得起為出pool而出pool既人（正正我呢加好似就準備係咁嘅人）放心如果我真係揀咗B，我會放低A 可能我份人有少少問題，究竟要選擇我愛嘅人定係愛我嘅人，我係完全一啲idea都冇…

#NSS社會 [Guest] 唔該Admin出post～ 啱啱睇到問去到英國可唔可以講廣東話嗰個post，突然有感而發😂。 見到啲comment全部都話可以，然後喺度諗點解啲大陸人喺香港講廣東話俾人屌唔尊重，但係啲外國人喺香港講英文就OK😌。啲人個個都話喺嗰個地方生活就講返嗰個地方嘅語言，如果大陸人唔學廣東話就叫人死返大陸，嚟得香港就要學廣東話啦，咁點解外國人嚟香港唔學廣東話都冇問題🥴。 好啦最後我自己係覺得去到邊個地方都好講自己嘅語言冇問題，但係都要盡量去學囉，係因為尊重嗰度嘅地方同埋人。如果識嘅，當然同當地人講返當地嘅語言啦😂。 （利申土生土長香港人） （唔該晒admin~🤤辛苦晒）

#NSS愛情 [Guest] 如果可以嘅話，唔該admin幫我鋪IG🙏🏻 小妹就讀一間band 1女校嘅，今年中三，有件事令我好苦腦：入咗女校之後我好似變咗les，仲鐘意咗個女仔，我唔知點算，我好想大家可以俾啲建議我🙏🏻 今年同我同班嘅同學，無一個同我同班過（因為成績分班問題，上年考得唔好） 我由9月1返學起，就留意到坐我隔離嗰個同學，佢嘅笑容好友善，又會主動同我講嘢，對於完全唔識班同學又怕尷尬嘅我嚟講，真係一個好貼心嘅天使 慢慢我哋越嚟越熟，佢都帶我識咗好多新朋友 平時我哋成班frd都會攬嚟攬去（疫情之下帶住口罩冇得錫啦，前嗰幾年會嘅）或者拖住手一齊行啦，我同其他同學有呢啲行為嘅時候都好自然，但有一日佢攬住我，我超怕醜同尷尬，但又有小小開心，之後有好多次都係咁，每次俾佢摸都超怕醜，所以我係度諗我會唔會鐘意咗佢？ 但係明明我以前係有鐘意過男仔㗎，我都唔信自己會鐘意一個女仔，但宜家又好似係…所以我唔知點算好 我仲發現一件事，自從我入咗女校之後，我就覺得同齡嘅男仔，除咗我啲小學同學之外，都好恐怖，好似怪獸，好怕佢哋望住我，都好怕同佢哋講嘢 大家可唔可以俾啲意見我？唔該🙏🏻

#NSS個人 [GUEST] 最近係傳說對決上面識咗個男仔 本來尋日都仲傾得好地地 但今日佢突然unfrd咗我 而且冇講原因 佢而家仲要set埋唔俾add frd 搞到我想問清楚都唔得… 所以想係依度睇下會唔會有佢嘅frd可以tag佢ig出嚟 我記得佢同我講過佢讀HKDI 12月9生日 佢係傳說嘅名係 ₊˚.ʟᴏᴜɪs•₰ 希望大家可以幫我搵到佢 唔該曬🥲🥲

#NSS學校 [sttss] 淺談學生儀容校規 校規是否不需遵守？學生基本法在三十多年前定下，先不說部分條項是否過時，其存在的必要性及目的才是值得深究。不能否認返學要著校服，但在此基礎上附加林林總總，瑣碎繁重的規條，實屬「多舊魚」。著體育服是否不莊重？平日莊重目的是什麼？著體育服、瀏海過眉是否代表學生人格有缺陷？戴耳釘就預示學生必定作奸犯科？12度先准許著體育服的釐定基準是什麼？為何女老師不用穿裙子，但女同學凍死都要裸露雙腿？見過最為諷刺的畫面不過是女訓導圍住頸巾，身穿羽絨長褲，質問女同學點解著體育服，然後無視同學期望網開一面的哀求，果斷記名。俗話說學校是社會的縮影，訓導老師和領袖生就如政府般官僚，幾十年如一日，不願也不想改變。 所謂儀容校規制度也不過是校方、老師向同學樹立權威的手段。整齊儀容為的是建立歸屬感及統一感的說法實在是說不通，校服是無傷大雅的表面東西，相信老師溫暖的關心和有益的教導，學生感受到愛，更能實質上幫助同學建立校園歸屬感。與其花費大量人力時間心機，無形地監察學生有否違反校規，倒不如提升教學質素，反思教育初衷，建構包容的學習氣氛。 整套校規的崇高出發點也只不過是推行守法守規的公民意識，只不過愈是演變成本末倒置。老師也只不過是同等制度下嘅受害者，因為他們在等同的制度下接受教育，所以也同樣以同一套教導下一代，惡性循環，社會風氣因循。不斷扼殺和局限一代又一代香港學生的自由度。所謂創新，跳出框框，致力培養與時並進的新世代，也只不過是紙上談兵。 有人或會認為校服儀容也只不過是無傷大雅小事，多一事不如少一事。這樣的想法，只要不傷及自身利益，能吃喝拉撒睡，便能置身事外，是服從和忍耐的表現。所培養逆來順受和不反抗的態度亦為今時今日的香港出了一分力。 從不奢求掀起什麼風浪，也深知改革無望，亦無意在鼓吹服從風氣的學校環境中，因挑戰制度而被視為滋事份子，所以寫到現在，也只是發牢騷罷了。