#NSS家庭 [guest] 好煩… 我有個6uo細佬，細我5年。細個個陣，啲注意力就去左佢度，依家都係，但係我已經唔care。大睇細大讓下細，其實原本都沒咩問題，但係個個偏心個個要我大讓細讓佢，就好有問題。記得有一次我溫溫下書，無知m9事無端端好嘈，我記得我個陣p2。條6uo唔知點解係度喊住發晒癲咁向住我啊麻(我係同啊麻住)大嗌，話咩 ”我枝筆呢？邊個偷左啊？“，仲郁手郁腳。咁我咪上前阻止囉，點知佢連我都打。個次我年少氣盛，我多事，我認。但佢打人唔止一次，每次我同阿爸阿媽，佢地就話 “佢打人一定有原因嘅，你肯定又惹佢啦“。好啦，依家佢進化到連阿爸阿媽都打。呢排佢脾氣又好似好左啲，但係仲6uo仲煩。無啦啦衝入間房睇我部電腦，跟住我上zoom佢就用阿麻個whatsapp send啲6uo sticker同“fuc@£$%*&”。我唔係屋企講粗口，啊唔知阿爸阿媽知道之後又會唔會話我大教壞細呢？我同佢同一間學校，佢小學部我中學部，但係基本上都有機會撞到。卑佢見到我/我啲friend，佢認得邊個就嗌邊個全名。我個friend有次仲忍不住爆粗鬧條on9。一個都算啦，依家阿媽有情緒病，堅有假有我唔知，佢自稱，但我知佢成日好唔開心，有時又郁啲就喊，真係好煩。有時我想靜下(純粹唔想講嘢，想自己諗下嘢)，阿媽logic–一齊一定要講嘢。例如之前睇戲，睇梅艷芳，佢就會係咁問我 “凍唔凍啊仔” “啊仔你認唔認得佢啊(個啲演員)” “你知唔知呢以前香港就係咁，xxxxxxxxxx(個故仔)”。我真係… 但係又唔敢唔理/拒絕佢，因為我驚佢又唔開心又喊。最後我想講，依家班細越來越6uo，唔係細就大哂，希望有同感。🙏 第一次post, sor for 1999, sor for too long admin po ig pls🙏
#NSS愛情 [GUEST] 希望可以揀到我，因為我真係好苦惱。 小弟有個好朋友，以下稱X，佢有一個識咗好耐嘅女仔朋友(識得耐過我)，以下稱Y。雖然我哋同班而且我同Y都算熟，但我哋三個好少同時一齊玩。最近我發現X同Y嘅關係越嚟越曖昧，好有chemistry。我見佢哋兩個咁樣，居然會有一種講唔出嘅奇怪感覺，大概係個心隱隱地痛咁，心情會變得低落，甚至連我其他朋友都睇得出我唔開心。我同佢哋講如果X同Y拍拖，我驚X會淨係顧住Y，有異性冇人性。講係咁講，但我又覺得呢個唔係我有呢種感覺嘅真正原因，因為我其他朋友出pool嗰陣我都唔會特別唔開心，但我依家真心感覺到心痛，係前所未有。我Google過，開始懷疑自己鍾意咗X。儘管X同Y未喺埋一齊，我仍然成日都會覺得有啲不安，我驚我會失去X。我完全唔知依家咩狀況，因為我未試過鍾意人，我又唔肯定我對X係點，加上我覺得佢一定會揀Y唔揀我，我都唔敢同佢講，我驚就算佢哋兩個唔喺埋一齊，我同X都唔會有朋友做。隨住呢種感覺越嚟越強烈，我嘅情緒都好受影響，我唔知有咩方法可以知道我對X嘅感覺，更加唔知應唔應該話佢知我鍾意佢，點算好啊…
#NSS學校 [guest] title: 應唔應該轉校？ hello 我想問下大家意見。我今年讀港島band 1A中三，成績其實係中上，只不過我嘅世界只係得返讀書…… 學校真係好差，老師完全唔識教書，我冇補習就只可以靠自己。加上其實我中文好過英文，但係呢間學校根本唔重視中文，個個英文都好勁…… 我其實係讀到書，成績都好好，不過真係好大壓力。我根本就唔鍾意讀書，但係為咗讀書我放棄晒自己興趣。今年所有嘢都唔同晒，真係讀得好辛苦。我自己本身有學開鋼琴，但係而家冇時間練，直情都停咗。我哋揀咗科，但係學校根本就冇音樂俾你讀…… 我自己其實有一個夢想，一直都好想大個之後做呢樣野。（因為好似有啲不切實際所以就唔喺呢度講啦）大概就係同音樂有關（唔係classical 嗰啲，而係pop music）。見學校咁差又讀得唔開心，就算成績好都好想轉校。我問吓大家意見覺得我應唔應該轉？我仲未同屋企人講過，因為我知道佢哋九成九都可能會反對。 如果真係轉， 而家會唔會太遲？同埋啱啱開始一個新學年，係咪要等到中四先可以轉？定係中三都可以下學期插班？（又好驚識唔到朋友… ）另外有冇咩學校推介？…. 知道自己要求多多，想要喺港島區，又要有得揀音樂，仲要冇咁辛苦……唔該晒大家🙇🏻♀️🙇🏻♀️
#NSS個人 [GUEST] 投一投稿 💁🏻♂️ 長文，但建議睇睇🙏🏻 小弟我就冇乜嘢嘅正常人一個，但係喺兩年前自己成日都會因為睡眠質素差同埋夜瞓，搞到自己生理時鐘亂曬，瞓完同無瞓一樣。自己嘅體質都變得越來越差，基本上捱唔到夜，就算捱夜趕Project之後都要瞓返18個鐘咁，瞓唔夠就會收皮，本身都覺得冇乜嘢，但係最近真係搞到覺得自己要投稿一吓，問一問大家意見🥲 係兩年前一日上堂嘅時候啊，咁大家都明啦，上堂就時不時大家都瞓㗎啦，老師又OK嘅。果排就成日瞓唔夠，所以第二日返學基本上都係瞓， 點知，當我喺本書上面瞓覺之際，仆街，個腦非常清醒，咁都想起一起返身諗住去個廁所又好， 聽下書都好啦，但係個身就郁唔到，隔多5-6分鐘先郁得返，之後睇返先知係睡眠癱瘓（俗稱鬼壓床，唔明可以上網搵搵）。 如是者，呢個狀況就持續左兩年，比較辛苦就係有時候訓覺條頸向旁邊扭大概90幾度，好L痛，但係都郁唔到，只可以白白痛足10幾分鐘，有時候係屋企仲會訓覺塊面自自然然瞓咗落枕頭度（少少難解釋，即係塊面貼住枕頭咁）咁啱又鬼壓床，郁唔到，好幾十次差啲窒息🥲🥲，時間長咗自然就好辛苦，成日都要經歷窒息嘅感覺 ，個人開始好炆，果種感覺真係當時人先知，非常無助，有試過嘅人先明。 同時自己最近都開始同女朋友同居，一開始都問題唔大，但係最近就不斷發惡夢，基本上每日兩個惡夢咁樣，發惡夢都其實冇咩，但係我發現我瞓覺會打人，咁我不嬲都同女朋友一齊瞓，有一日朝頭早，我就夢裡面想打一個人，但係我現實都有郁手🥲，一下就打落女朋友個嘴度，佢即刻爆曬血，係真係好多血，但係我自己就成個人呆晒，完全唔知發生咩事，事後佢都嬲左我，但又冇抗拒繼續同我瞓。事情發生左大約5-6次，每次都打到佢瘀曬，一時打頭一時打身。直到今日女朋友同我講佢塊面好痛，睇一睇先知瘀咗，我問佢咩事，佢話佢今朝起身無端端就痛，咁啱我喺夢裏面好似又有打人🥲，開始懷疑係自己打佢，但係都話：係咪你自己整親呀？ 本人覺得事態嚴重，繼續落去可能會打死人， 喺度投稿徵求意見 SOR FOR 1999 唔識寫文🥲
#NSS社會 [GUEST] 「抑鬱症」後續 我係#NSS211031D嘅樓主 睇返大家嘅留言見到好多人支持同關心💪🏻 十分感謝你地去理解有情緒病嘅人 另外啦見到有啲人想搵我傾， 我都主動用咗我另外一個Acc同佢地傾 只不過有更多人知道左個Acc之後 有啲就PM去鬧我 甚至去侮辱，辱罵一啲有情緒病嘅人 我喺呢度想重申返 我本身做呢件事嘅原意，係希望可以幫助到有心事或者情緒病嘅人 而唔係要去宣揚要「假扮」有情緒病 但有冇諗過，你所認為係假扮 如果事實上真係情緒病患者嘅話 佢嘅心情會如何？你說嘅話會唔會傷害到佢？ 寧可信其有 大家都係香港人點解要互相猜測甚至去鬧對方？ 不如同佢地加油啦 我相信大家都唔想再見到有學生或者有人自殺等等嘅新聞出現😢🙏🏻 再次感謝🙇🏻♀️
#NSS家庭 [guest] admin pls Po ig 長文鎮入 我由細到大都係同爸爸爺爺嫲嫲一齊生活，一直好開心，就算媽媽好細個就過身都冇乜缺乏愛嗰啲。爸爸呢幾年就搵咗個女朋友，我理解因為都想佢老左有個伴。呢幾個月搬咗入嚟住，頭一個星期都好好人，但大家生活習慣唔同，係要磨合嘅。我嫲講嘢直，有主見會惡啲但我知係為我哋好。個女人嫌嫲麻煩，同我老豆講，屋企就鬧大交(主要係個女人發脾氣)，最後就趕走咗爺爺嫲。我好唔捨得因為由細住到大同埋佢哋好錫我，嫲嫲比個嚟左兩個星期嘅女人趕走當然好唔開心係咁喊，但佢冇講啲咩因為唔想我老竇難做。 之後我同老豆、個女人仲有個工人一齊住。一開始冇嘢但佢好自我中心同埋成日發脾氣，啲生活習慣唔同但而家係迫我哋就佢唔係互相磨合。佢好大聲鬧個工人因為佢做錯嘢(其實係小事)，又周圍發脾氣掉嘢，好恐怖。開口埋口叫老竇炒咗個工人但佢走咗啲家務指意佢做咩。 過咗一個月同返個工人frd因為要夾埋切我。佢好保護我阿爸嘅但係佔有慾強得滯，我同老豆傾計佢無啦啦插嘴話我唔尊重老豆，鬧我但我唔知做錯乜，因為係勁普通嘅對答，老豆叫我唔好理佢，老豆都話我冇唔尊重。之後佢就開始日日黑我面態度勁差當我透明。小小事做錯好似犯大罪咁，勁惡咁鬧，明明只係冇換紙巾盒。其實日日要睇人面色真係好影響心情，成日喺房喊，點解個家會變到咁，又要面對chur到爆嘅學業。老豆好錫我亦好錫個女人，雙方都唔鬧。我淨係想做返佢好乖讀書好叻嘅女，但係好辛苦好大壓力，每日要避個女人又要聽佢講我壞話，仲要繼續死讀書考好前嘅名次。好少同老豆講我唔開心因為唔想人擔心，但今次係人生第一次想改變現狀，其實應唔應該同佢講，或者我可以點做。 Sor for 1999