—類投稿

#NSS愛情 [GUEST] 長文 慎入 我覺得自己好賤格…咁小妹而家就from 1，我都知大家會叫我努力讀書，唔好諗咁多野，但係睇埋落去先… 咁喺小學嗰陣，我同一個同班嘅男仔係仇人嚟嘅，咁無啦啦我哋兩個就參加咗話劇班，又無啦啦俾我哋做咗主角。咁套劇係關於愛情嘅，一開始我哋係勁尷尬，到中段就開始慢慢習慣，但係到咗就嚟表演嗰幾日，我覺得自己好似有啲假戲情真，我好似鍾意咗佢，但係表完演之後我哋就開始冇乜交流，咁我就好似逐漸放棄咗佢，但係某一日調位嘅時候，老師將我哋兩個調埋一齊，咁我就成日好粗心大意，有時又唔記得帶書呀，唔記得帶褸啊，有時連筆袋都可以唔記得帶…咁佢就好似好關心我咁，我覺得凍嗰陣佢會問我：「你係咪好凍啊.？不如我幫你熄咗個冷氣呀？」即是所有人反對佢熄冷氣，佢都會幫我。我唔記得咗帶書佢會俾佢本書我，自己同老師講佢冇帶書，我覺得佢咁樣好細心，咁我逐漸又好似鍾意返佢。每一次調位老師都會將我哋調喺附近，可能因為我成績差？佢成績太勁所以要輔導下我？呢層我就唔知啦，咁我好似越嚟越鍾意佢，越嚟越鍾意佢…… 到咗畢業嗰日，我勁唔捨得，我唔捨得我嘅朋友，我嘅老師，更加唔捨得佢，但係嗰陣…我冇勇氣同佢影相留念，到而家我都好後悔。咁畢業禮下一日就係派註冊證，亦都係會知道對方去咗邊一間學校，咁我就入咗我嘅第一志願，我嘅第一志願同佢一樣，並唔係因為我想跟住佢，我唔會用我嘅前途作賭注，鍾意到咁癲，嗰間學校真係我好鍾意嘅學校，所以我先會擺去第一志願。而佢嘅第一志願都係呢一間學校，但係佢入唔到，佢去咗第二志願，佢有諗過去第一志願度叩門，因為佢都好鍾意呢間學校，但係佢冇咁做，我都唔知點解，知道咗佢唔係同我同一間學校之後，咁我就好傷心，喺屋企喊咗半日，到第二日我都接受唔到，但係逐漸我就放低咗。咁暑假嗰幾十日，佢都有keep住佢一直以來嘅習慣，就係每日同我講goodnight，佢每一次send嚟我都好開心，因為佢仲記得我，但係到開學左呢幾個月，佢開始冇乜搵我，可能係因為開學忙，咁我都算啦，我就暫時放低咗佢先。 我開學嗰一班，有個同佢好似嘅人，我好似鍾意咗佢…我唔確定，佢同佢嘅外型好似，性格好似，但係我覺得自己真係好賤，好花心，同時鍾意咗兩個人，不過我好似冇咁鍾意佢，我個心始終都係喺小學同學度。我而家唔知我對佢嘅感覺係點？究竟新同學係我小學同學嘅替代品，定還是我真係鍾意咗佢？我真係覺得自己好賤…我知道大家一定會叫我專心讀書，但係呢個問題一直都困擾緊我，我都想專心讀書㗎，但係我更加想了解我自己，究竟我係鍾意佢，定係佢只係我小學同學嘅替代品。我仲好想知我嘅小學同學究竟鍾唔鍾意我，呢個問題困擾左我更加耐，我真係好想知… Sorry for1999🙇🏻‍♀️🙇🏻‍♀️🙇🏻‍♀️

#NSS社會 [GUSET] 講吓背景先，小妹今年form3 ，嚟自單親家庭，阿媽係藍，但係我係黃嘅，見至香港呢2年變成咁咁好心up，但係都知係冇能力改變，好無奈。而且見到d小學生低form全部政治冷感，咁都算，佢地仲要用大陸app講普通話玩X音嗰d，大陸文化湧曬入嚟，侵蝕緊我地本土文化，日日返學搭車嗰陣都會聽到一d人講普通話，我好擔心香港究竟以後會變成點，會唔會冇人識廣東話。另外，相信大家都知最近都知野豬事件，其實由呢件事睇得出，香港已經開始大陸化，大陸從來都唔會尊重動物，(jer仔講嘅)例如之前有個大陸人去酒店隔離嗰陣帶咗隻狗，因為隔離唔俾帶寵物，所以佢就將隻狗綁咗喺屋企，工作人員亦都承諾都話唔會搞隻狗，但係後來因為上頭命令而用鐵棍打隻狗，最後仲對隻狗”無害化處理”。最後 通識改革，改做公社，而家d內容全部都係focus係中国嘅發展，咩崛起，國家安全，大灣區etc，總之就好洗腦，強迫學生去愛国，信佢哋嗰套，令學生失去咗佢地自己的批判性思考，我地呢代都叫仲ok，但係之後升上嚟嘅小學生呢，佢地仲細，唔會自己諗到咁多嘢，經過生社同公社嘅洗腦之後都唔會有咩好結果，唉之後嗰3年都唔知點捱🥲。其實我真係好想移民，但係我只係個中學生，而且屋企人係藍嘅，所以都冇咩辦法。我學校係普教中，同埋返學搭車點都會聽到d人講普通話，所以每日接觸普通話嘅機會都唔少。見住香港近每日發生嘅嘢都覺得好荒謬。我真係覺得好無助，香港變成咁，想走又唔走到，見住d人移民都會好羨慕同擔心，萬一d人走曬，香港咪真係淨係得藍絲同大陸人，我有諗過讀完大學移民，但係我唔可以抌低我媽，佢辛辛苦苦供養我，但係相信佢都唔會想走，所以真係好迷惘同無助，每日返學都好似透唔到氣咁。另外想問吓有冇同類可以圍爐取暖吓🥲 Sor for 1999 第一次投稿 屌細力d pls🙏

#NSS愛情 [[Guest]] 我應唔應該告白？ 小妹今年中二，補習嘅時候識咗一個同我一樣都係中二嘅男仔。我哋大概識咗三個月，我對佢都產生咗一種莫名嘅好感。 我哋都依家嘅關係就係朋友以上，戀人未滿，行為舉止都好似情侶，例如： 我未搬屋之前就住得好近，所以成日補完習一齊搭車返屋企，但係搭緊電梯上返去大堂嘅時候，佢無端端搭我膊頭，將我拉到好近佢。我縮咗一下之候佢就話：「sorry 吖，唔記得咗你係女仔添」嗰下我呆咗，因為我哋嗰陣只係普通朋友。 另外，佢成日都喺message 後面打啲心心emoji （🥰😍😘❤️）俾我，唔知係特登定佢慣性咁樣做。 其次，當我哋上堂嘅時候佢成日都望住我，或者其他人話我哋好似情侶嘅時候，佢完全冇否認，搞到我好尷尬。 然後，我之前有數學測驗，做Past Paper嘅時候有幾條唔識做，佢好有耐性咁教我，我估我就係嗰陣鍾意咗佢。 我唔開心嗰陣，佢又會諗辦法氹我開心。佢幾日前post 咗個IG Story, 就問我哋嘅關係係點。我拉咗個poll去朋友嗰度，佢同我講話覺得我哋係好朋友，唔知我仲有冇機會呢？ 我知大家可能覺得中二仲好細個，應該focus返學業方面，不過我都想聽下你哋嘅意見，表白定放棄好？ 如果表白失敗嘅話，我哋會晤會冇朋友做？ Sorry for 1999, 小妹文筆唔係咁好，敬請多多關照🙏🏻🙏🏻

#NSS個人 [Guest] 重新投稿多次 admin唔該幫手postIG🙏 有冇人識得今日（27/11）香港歷史及文化教育協會 主辦 2021-2022年度「香港中學文憑試中國歷史科（卷一、二）聯校mock 考場E 著黑色外套深灰色褲黑色鞋（converse？）嘅監考員 有嘅話 可唔可以話比小弟知佢嘅IG🙏🙏 佢好得意 🙊🙊 感激不盡

#NSS個人 [GUEST] 皮膚差令到我自卑 Hi~ 因為第一次投稿同中文唔係太好所以有咩講錯喺度道歉先 ‘^’ 講返正題小妹今年f3，14歲，由細到大皮膚都好好但係疫情開始(f1嗰時)塊面開始爆暗瘡，嗰時比同學笑我又改我花名， 搞到我整個f1生涯都好唔開心。 到 f2 同去咗第二班就無再比人笑但係暗瘡越嚟越多，每次同親戚見面都比佢地笑，同屋企人D朋友見面比佢地又串我又笑我，令到我好唔鍾意出街。 直到f2年尾(今年7月)我終於去咗睇皮膚科醫生，吃咗3個月 antibiotics ， 用咗~5個月藥膏同埋戒口，我而家已經冇曬暗瘡，但係因為以前暗瘡發炎得太犀利所以除咗色班仲有暗瘡疤痕。我知道好多人都有同一個問題，但係我每次照鏡都令到我好唔開心，好自卑。 因為帶住個口罩冇人見到我D暗瘡疤痕所以我好驚除低個口罩，我驚到返學都唔夠膽除低口罩飲水。 雖然醫生有同我講過大個可以做laser 但係我唔想想像我仲要自卑多幾多年 sor for 1999, 希望admin po ig thxx

#NSS其他 [N/A] 我今年中二，去咗英國幾個月。我一開始都有d擔心新環境會好難適應，但係依家我覺得香港人真係好勁。我本身係香港讀書都唔係好好，驚英文唔得。但係過咗嚟之後覺得真係無想像中咁恐怖，d本地人完全聽得明。學校都適應到，功課唔多但係都學到好多野。同學老師好好人，無事非。返學無咁忙之後，多左好多時間學其他嘢，我而家都有d新興趣（正常嘅興趣!!!xd)所以！如果你會嚟，無好驚，比d信心！你得既！英國好好！ 希望唔係太長，辛苦晒admin!

#NSS學校 [Guest] Admin po ig pls thx 🙇🏻‍♀️ (長文慎入！(sorry😖 Hello～移咗民一段時間，亦都返咗學幾個月，所有嘢都幾順利(^o^) 不過最近我有少少煩惱，希望大家可以俾啲建議我可以點做😣 係啦我都返咗學咁耐，但係識嘅朋友都唔多。老實講，其實平時大部份時間都係同另一個香港人（下稱A）一齊。因為佢早過我嚟，所以初頭有咩要幫手都係搵佢。仲有另一個同我差唔多時候嚟嘅香港人（叫住B先）。咁多數時間都係我哋幾個一齊。 但係其實我唔太想成日咁樣圍爐。 A話過因為以前冇香港人所以先焗住要同鬼仔玩，其實佢都唔鍾意同佢之前玩開嗰幾個一齊，所以依家佢淨係痴住我哋。一嚟咁樣我好難識新朋友，同埋本身啲鬼仔已經識得耐又熟哂，所以要融入就更加難。 留意!!! 我完全冇想怪A嘅意思（投稿唔係想話佢），因為我嗰陣都有選擇同佢做frd ，而且我絕對可以自己去熟其他人。但係見到A成日都想痴住我哋（依家直頭如果最尾嗰堂唔係一齊上，佢都話要約埋喺邊個出口等，然後一齊走。其實我覺得冇必要）我唔知可以點開口同佢講，其實我唔太想成日淨係同佢玩。 仲有另一個(幾嚴重)嘅問題，就係我哋幾個平時都係講廣東話。我自己其實覺得咁樣真係唔係幾好，不過你話你之前咁耐冇同學同你講廣東話，依家識到香港人想用返廣東話溝通，ok我完全明白，但係可唔可以盡量低調啲。尤其喺學校多人嘅地方，即係課室或者樓梯，可唔可以細聲啲講，或者喺耳仔邊講，咁樣唔會太明顯。佢平時咁樣大大聲講廣東話我都唔係幾好意思，有時我甚至唔係幾想應佢。其實我有試過俾hints，叫佢唔好咁張揚（佢應該get唔到 ) 我唔想變到好似喺香港嘅大陸人咁💩(雖然依家可能已經係😢 試過有一堂係做好多人嘅分組活動，類似簡單嘅小grp project 。有個同學諗唔到其實有個更好嘅方法，咁我同個同學講可以點樣做。咁個同學做緊嘅時候，A就都幾大聲，用廣東話喺佢面前講咗啲笑佢嘅嘢。個同學之後望一望佢，然後繼續做嘢。之後成堂如果A同我講廣東話我都冇出聲應佢，最多點下頭。 咁我最近有同B傾過，原來佢都有一樣嘅諗法。佢話有時喺學校講廣東話都覺得唔係幾好意思。不過我哋傾完都唔知可以點樣做。其實啲鬼仔鬼妹對我哋都幾好（先唔理係咪真係真心，就算肯表面nice我已經好appreciate🥺 ），只係難融入佢哋嘅圈子，因為佢哋自己已經熟到爛。

#NSS學校 [跑馬地某一間中學] 我係 #NSS211127D 嘅樓主，見到大家有啲唔係好明 GUEST 嘅 prop: 嗰日有人嚟咗我哋學校演出，之後叫左一啲人上台一齊玩，但係佢哋癲到打爛人啲道具 同埋「應錯」係打錯，應該係「認錯」 我哋學校講開英文，rlly sor for 1999🥲

#NSS學校 [不知名學校的不知名學生😵‍💫] 我係之前問點吸引老師注意嗰個，Thx admin post我嘅投稿，見到comment好多人比建議我，多謝大家先。 有人話我鐘意佢，我其實覺得唔係咯。首先佢條件又唔係我嘅type，同埋佢大我都有成十歲到，我無可能鐘意佢，亦都唔可以鐘意佢。 comment大多數都係叫我提高成績，咁請問點樣提高呢？佢教我中文科，呢科真係我嘅死穴XoX，努力過都係唔掂… 佢上堂無試過叫我名，無試過叫我答問題，但係佢對我班其他同學又好熱情，其實我就算唔識答啲問題，我都想佢叫我名(・Д・) 又有人叫我做壞學生，答案係我做唔到。如果班入面有frd仲好啲，可以癲啲。但係中文堂分班分走晒我啲frd走，我係啲無朋友自己就好靜嘅人，所以上堂我都好靜。 唉！其實我真係好想佢多啲注意我啊！佢真係好人氣，超受歡迎。係走廊見到佢，身邊都好多同學仔搵佢。 唯一一次同佢講嘢，就係WhatsApp問佢嘢，跟住就無啦。 (´；ω；｀)嗚嗚嗚 老師！

#NSS愛情 [全香港最西嘅college] 動作題 情況前提：A試過同我身體接觸(包曬手、背脊) 情況：A本身同我講緊嘢，有個女仔行過嚟，A差啲掂到佢就即刻大動作縮開，感覺特登比我睇到。 問你哋：曖昧唔曖昧？