—類投稿

#NSS個人 [沙田某band1] 小妹今年F2,我遇到一個困難 簡單講下,我喺小學二年級嗰陣畀高我兩年級嘅女仔欺凌,三年級嗰陣畀女仔杯葛。所以我以後三年級開始已經係同男仔玩多啲同埋男仔friend多啲。 我喺p6嗰陣係可以同到女玩,但係唔知點解我一上到F1就好似所有嘢都打回原形咁,甚至仲衰啲。 我而家雖然係有女仔frd,但係我日日都係到懷疑緊佢哋會唔會好似我以前遇到嗰班人咁,而且佢哋一同我有少少身體接觸我都覺得好嘔心,明明男嘅我都唔會咁。 我有同佢哋講過我被人欺凌過,佢哋都話一開始以為我係嗰啲八婆溝仔,佢哋知道咗都有同我道歉返。但係我係嗰刻我完全信唔到佢哋講嘅嘢,我分唔到佢哋到底係真係信我,定係敷衍緊我。而且我身高上同性格真係好難說服到佢哋我有俾人bully（本人F2頭係170,而家唔知,我俾人感覺都係樂觀,亦都係每個frd嘅樹窿）但係我真係好想可以放低自己對女仔嘅成見,真心咁同佢哋做friend。 仲有一次週會冇啦啦講欺凌呢個話題,我嗰次真係差啲忍唔住喊出嚟,我轉堂去music room嗰陣我個frd見到我隻眼紅咗咁,問我有冇事。我嗰刻真係忍唔到流咗幾滴眼淚出嚟,我覺得佢好似係真係擔心我,咁我就笑住咁同佢講話我冇事。佢搭住我個膊頭同我講話喊出嚟會好啲,但係我嗰刻開始我居然就淨係諗住佢到底幾時可以放手,明明佢嘅動作都係出自關心,點解係我眼中就係嘔心 我真係覺得自己好仆街,又要同人做frd但係俾佢哋掂一掂就不停噴消毒酒精。明明我真係feel到佢哋同嗰班人唔同,但係我就原地踏步,日日都好驚我一真心對待佢哋就會受傷 到底我可以點做 （Sor打呢篇嘢嗰陣情緒有啲激動,所以有啲1999）

#NSS學校 [[GUEST]] 一日考三份主科卷會唔會有啲變態？ 成件事就咁，臨復課之際當然少不了考試呢樣嘢。雖然我好早疣收到風話五月中考試，我又喺呢個所謂嘅“暑假”溫定書，但喺我正式收到考試時間表之後，我瞬間壓力山大、血壓高升、瞪大雙眼、對於眼前呢份chur到hi hi(個人認為)嘅考試時間表感到難以置信。 首先頭一兩日嘅考試日係正常，呢度就唔詳細講啦。問題係第三日嘅考試日，媽咪呀，英文作文、Math同LS三份卷一日考哂。嗰一刻我真心想耶穌或者聖母瑪利亞是但一個顯靈嚟打救下我。我深信嗰日即使我抗壓能力max，但我嘅腦細胞已經因過度負荷而壞死哂。 後來我再望一望時間表，最後嗰日兩個選修科一齊考哂。睇完時間表嘅我只想請埋菩薩、如來佛祖等各種神仙顯靈嚟help me。 成個考試濃縮到5日嚟考，我O咗嘴。DSE都冇佢咁chur，我表示想同我嗰位親愛嘅校長交流下考試時間安排。我前世係咪做衰嘢做得多，所以校長就代替月亮，搞埋哂呢啲咁嘅嘢嚟懲罰我？校長呀，我同你無仇無怨，喺學校有幾面之緣咋，唔好咁對我哋啦好嘛？ 以前嗰考試時間表不知幾咁正常，同DSE嘅時間表差唔多咁上下。但而家我真心唔明點解會安排得咁緊湊囉…… 家下心淡了，望住個時間表毫無動力去溫書。想請問各位一日考三份主科卷正唔正常？正常嘅話，可唔可以同我講下要點樣善用時間嚟好好應付今次嘅考試？唔正常嘅話，請祝我一路好走…… 打呢篇嘅目的係想發洩我對學校嘅不滿，不喜勿噴。我會盡力勸我自己快啲收嗲去溫書。BTW DSE考生加油！ Sorry for 1999，第一次投稿。 麻煩哂Admin。

#NSS個人 [沙田某band1] 小妹今年F2,我遇到一個困難 簡單講下,我喺小學二年級嗰陣畀高我兩年級嘅女仔欺凌,三年級嗰陣畀女仔杯葛。所以我以後三年級開始已經係同男仔玩多啲同埋男仔friend多啲。 我喺p6嗰陣係可以同到女玩,但係唔知點解我一上到F1就好似所有嘢都打回原形咁,甚至仲衰啲。 我而家雖然係有女仔frd,但係我日日都係到懷疑緊佢哋會唔會好似我以前遇到嗰班人咁,而且佢哋一同我有少少身體接觸我都覺得好嘔心,明明男嘅我都唔會咁。 我有同佢哋講過我被人欺凌過,佢哋都話一開始以為我係嗰啲八婆溝仔,佢哋知道咗都有同我道歉返。但係我係嗰刻我完全信唔到佢哋講嘅嘢,我分唔到佢哋到底係真係信我,定係敷衍緊我。而且我身高上同性格真係好難說服到佢哋我有俾人bully（本人F2頭係170,而家唔知,我俾人感覺都係樂觀,亦都係每個frd嘅樹窿）但係我真係好想可以放低自己對女仔嘅成見,真心咁同佢哋做friend。 仲有一次週會冇啦啦講欺凌呢個話題,我嗰次真係差啲忍唔住喊出嚟,我轉堂去music room嗰陣我個frd見到我隻眼紅咗咁,問我有冇事。我嗰刻真係忍唔到流咗幾滴眼淚出嚟,我覺得佢好似係真係擔心我,咁我就笑住咁同佢講話我冇事。佢搭住我個膊頭同我講話喊出嚟會好啲,但係我嗰刻開始我居然就淨係諗住佢到底幾時可以放手,明明佢嘅動作都係出自關心,點解係我眼中就係嘔心 我真係覺得自己好仆街,又要同人做frd但係俾佢哋掂一掂就不停噴消毒酒精。明明我真係feel到佢哋同嗰班人唔同,但係我就原地踏步,日日都好驚我一真心對待佢哋就會受傷 到底我可以點做 （Sor打呢篇嘢嗰陣情緒有啲激動,所以有啲1999）

#NSS學業 [GUEST] 長負文慎入)) 事隔一年， 終於在半推半就下把部分的書丢掉。曾經信誓旦旦，要在考完試的瞬間把書撕成兩半，本以為會有多爽快但原來更多的是不捨。 DSE完結，中學生涯劃下句點。一年來家人不斷催促，軟硬兼施，要求我把山高的書本習作處理掉。可不知怎麼樣，就是提不起勁，一拖再拖，今天上班累，明天趕作業，後天沒心情……霎眼間又一秋 把箱子拖出，翻了又翻，每張紙都仔細審閱，比人家海關發文件還要仔細，回憶頓時湧上心頭。看着字跡一張比一張潦草，答題越寫越長，語句越來越流，感覺是很神奇的。除了得以客觀地審視自己的表現，更多的是勾起沉睡已久的高中回憶。黑實實的文字中映出了多少片段，強行播放－在聽講時偷偷想東想西，被老師稱讚時暗暗竊喜，悄悄喜歡着鄰桌然後暗自害臊。每一篇作業都有與之相聯的碎片，小至那時同學的一句話，大至夜半崩潰的記憶都還未褪色。 那些廢紙的意義大概就這麽深吧。 我並不是多麽優異的學生，亦沒有考上多理想的科系，但考卷上的紅字之於我確實意義重大。從小我就是個不討人喜歡的存在，沒標青的長相，沒出眾的才藝，沒幽默的性格……不僅同學，大概老師甚至父母也這樣想吧。上課不是看小說就是睡覺，回家也不温習睡到凌晨再臨急臨忙的做功課，到後來甚至欠交也不在乎了。這樣一無是處的我亟欲得到別人的認同和讚賞，而成績就成為唯一一個可量化的，穩供又易得的來源。每個星期都有大大小小的測驗，有不同的習作，這份失手了不要緊，還有下一份、下一科，總有機會。 不知何時開始，成績與我的自我價值掛勾，若哪次失手成不了佳作，沒得到眾人的鎂光燈，就感覺自己貶值了。那種失落也像被遺棄一樣深刻，於是我被無形地錮禁在患得患失的感覺。逃不掉。忘不去。 又不知何時開始，幾乎每次考試前我都會作嘔、心悸、崩潰灑淚。也不是讀不進腦，就那樣沒來由的、無預警的淚如泉湧。 說來自戀，那些所謂佳作和試卷我還是沒捨得丢，看著它們，自卑與自大交纏，雖然深諳自己沒多了不起，卻還是禁不住有絲絲沾沾自喜，說穿了我就是為了那些副產品才學習的。不過那又能怎樣，那些不過都是我多麼可悲的證明。拼命背下來的教科書早已忘得一乾二淨，寫到得肌腱炎的手已不再習慣握筆的感覺，那張成績表再也不能換來肯定。 高中三年，不，讀書這麼多年，我到底得着了甚麼？如果說，成績不能定義一個人的價值，那甚麼能？ 不曉得。 #多謝你睇完 #sorryfor1999

#NSS學校 [GUEST] 同miss保持距離？ 話說師生戀係唔係唔可以架？小妹今年中四。疫情持續了兩年，斷斷續續，中三時候黎左個新miss，超級靚，人又高，起碼175以上。我又矮，得150。之後miss俾我發現英文miss住我屋企樓上，有幾次係百佳見到miss。每次聞到佢身上都有一陣好香的薄荷味，有次我鼻塞，索完個鼻通左。 之後有幾次online落堂，我都係百佳見到佢。中三學校提早放暑假，我打算去玩和打機，點知我阿媽係百佳同miss講我英文好差，想miss幫我補習👊（真係多得我阿媽唔少，冇左暑假）。由於miss住我樓上，佢俾我一d練習要我做，全部grammar，英文語法，做完擺上佢屋企門口就得。（申利唔係miss偏心幫我補習，而係班上冇人想補習，個個暑假想去玩。） 之後miss打電話同我講我英文做錯塞，要從新學，又話我好求其做完就算，要我上去佢屋企做，仲話要同我阿媽講。之後我去佢屋企，佢屋企得佢同佢阿媽住，佢阿媽返左鄉下，所以得我同佢兩個。 第一次這麼近和miss說話，我見佢著短褲，只腳好白好長，皮膚又好，而且大波😐。佢身上有陣好好聞既薄荷味，真係好香。 我成日趁佢唔留意望著miss，覺得佢好靚，我果一刻懷疑自己係LS😥。之後我去廁所又見到佢d底衫底褲，我冇整佢d野，只係望下。 中四開學我知佢做左我班主任。有時候我留到5點先放學翻屋企，特登偶遇放學。有次我放學係街到試下拖佢手，見佢冇甩開，就一直拖到翻屋企樓下。有次就選擇一齊搭巴士，我太攰摟住在miss訓著，之後醒翻發現著手摸到佢個波，即刻縮開。（佢應該知道我鍾意佢瓜？）拖手手同摟摟都有一時試過，尼個曖昧一直持續到寒假之前。我有次大膽係小息試下拖手，但佢好似避開。之後仲話我：阿妹你唔好咁依偎。 我覺得佢想和保持距離。 其實miss係唔係唔鍾意我，還是我自作多情？佢一直當我係妹妹？

#NSS愛情 [HCY] 小妹幾個月前識咗個HCY F2男仔，嗰個男仔中文名縮寫係HxF(唔俾公開全名），諗住同佢認真發展，點知… 一開始佢成日喺ig搵我傾計，對我好好、又喺佢啲frds面前讚我靚，本身都對佢有好感因為佢讀b1仲要係精英班+全級頭20 後來問返佢啲朋友先知佢啱啱分手冇幾耐就想溝我，仲要喺同學面前講到自己好專一、長情好想同前女復合係全級都知道咁滯 但係佢冇同我提過 知道嗰吓即刻灰咗 原來佢當我係水泡，根本就冇諗住同我認真發展 最後奉勸大家一句，一個人溝你嗰陣真係乜都講得出 圖Link: https://images.app.goo.gl/FFV8MHgwnnNBwQLg7

#NSS個人 [Guest] 今日係我生日 我好失望lor 我D朋友都好似唔記得咗 求po 求po 求po =(((((((((

#NSS學校 [GUEST] 致三個網絡欺凌者的信： 我知你哋已經搵到下個欺凌目標 可能已經唔記得咗自己bully過我 但其實你地到宜家都仲係幾條友圍爐 覺唔覺得自己可憐😔 你哋鬧人個陣好團結㗎 有冇考慮過對人地嘅影響？ 就因為人地一句嘢 你地班港豬就可以四周圍欺凌人？ 可以攞人地相周圍send人身攻擊？ 每次出事就搵條友「道歉」 仲要係一個人「代表」全部人道歉 道歉完就繼續搵其他人欺凌 雖然唔知你地睇唔睇到 但我想同你地講 早晚會有報應 你時候未到而已🥱 橫掂係學校都係保底 不如早啲出社會啦 圖Link: https://ibb.co/pLJw3Rf

#NSS家庭 [Tyne ] 我阿爸第二次傳染covid俾我。可能因為係外國，佢永遠都唔肯帶口罩，話要同病毒共存，於是係上年嘅11月同依家分別中左兩次，而呢兩次都傳染左俾我，即使我打左兩針嘅情況下:) 我好想叫佢戴口罩。但如果意見相反，佢同我講講下野就會發嬲。佢中左covid之後，繼續要一齊食飯就算（我屋企連發燒感冒都唔會一齊食飯），仲要係咁講野，講野把口好似花灑咁係咁噴口水，好難唔傳染俾我…… 然後今日我阿媽中左，屋企吵到拆天咁，大概就係我阿爸鬧阿媽話佢中左淨係識發嬲。雖然我唔理解點解佢地兩個中covid都仲可以咁大聲講野，但我更加不解係如果唔係你，阿媽會中covid咩？我已經唔知仲有咩方法可以叫我阿爸戴口罩，我唔想再中第三次:) Btw如果中covid退燒通鼻喉糖三個必備。然後飲多啲水，如果喉嚨痛食流食好似粥咁，最後每日用酒精噴下間房（呢個我唔肯定有冇用） 我依家處於極度無言嘅狀態所以可能9588同好多錯字sor。

#NSS個人 [guest] 其實係唔係我問題… （訴苦文慎入） 話說小弟從細有參加開唔同既團體，興趣班，例如跳舞班、打波等等等等。本人其實都幾enjoy嘅，因為都識好多朋友，甚至有幾個frd到當成兄弟姐妹咁，已經係我生命嘅一部份，幾乎已經當左嗰度係我第二個屋企。 但係近來兩年我同佢地嘅關係好似疏遠左，開頭認識嘅時候可能係我講野好大聲同爽快，同埋我同佢地都幾啱傾，所以佢地都好歡迎我一起玩，一起癲，甚至一班人去街邊店邊食嘢邊傾計(嗰陣冇疫情)，真係好開心。好快，我同佢地熟左，得閒吹下水，食下飯，咁就一齊玩咗一年。其實係班人入邊一直有個仔成日對我好似好有敵意(以下簡稱A)，好似日日怒啤住我咁，又次佢甚至試過亂點我。個日上堂我去左陣廁所，冇聽到老師吩咐嘅排位，我返到嚟就打算叫A提我幾時行，結果佢亂黎，喺咗個錯位叫我出去，結果當然俾老師鬧到pk。我個陣心諗，算啦，有個班frd就夠啦，冇嘢嘅。但係慢慢地，佢哋就開始變得冷淡，全部都係。跟住佢地就開始無視我，問佢地野又唔理我，搵佢地出街又已讀不回，上堂嘅時候甚至當我係空氣，望都唔望我一眼，反而轉頭去搵A，我到個刻先知原來係A係到搞小動作。佢地已經成年冇搵我，連text我都冇，好似已經唔記得咗我嘅存在。不過佢地有同A出街，仲要一個禮拜幾次，次次post story，呢個程況一直持續到依家都冇變過。 究竟係唔係我問題，因為其實小弟份人自認都幾mean，把口都衰衰地，不過我冇係佢哋面前爛過口。所以想問下大家有冇啲意見同埋方法，因為佢地對我嚟講真係好重要🙏🏻🙏🏻🙏🏻 跪求admin出post，thanks admin，任屌唔嬲，sor for 1999