—類投稿

#NSS愛情 [GUEST] 是咁的 小妹由上年開學因為家庭原因就開始好頹廢 做咩都冇動力 甚至有過想死嘅念頭（嗰一排睇咗醫生添），點知今年開學嘅時候，遇見左一個本身有啲好感後尾變成鍾意嘅男仔，所以令我開始對生活有啲期望同埋有咗啲動力🤥，大概一兩個星期之後就叫frd幫我問佢拎左IG，之後我哋就開始有一直傾偈咁樣，but平時都係我主動🥲🥲，佢主動過兩次，一次係share共同friend嘅嘢，一次就係凌晨嘅時候問我做咗功課未🤣🤣又過咗一排之後，我個friend就去咗問佢對我有冇feel，佢話有少少..後尾就一直都有少少瞹味，例如佢同我講嘢嘅時候佢啲friend會起哄，然後主動幫過我咁樣🥲有時候偷望佢發現佢都喺度望緊我，仲有一次就係佢同佢啲朋友喺黑板上面寫xxx鍾意xxx嗰啲嘢，然後佢個friend就寫咗佢鍾意一個係我個姓嘅人，但係一寫完即刻就俾佢擦咗（個姓全級得我一個姓🤣）所以我都幾肯定佢對我有好感咁樣，唔好嫌我囉嗦但係容許我再講多一件事🥺🥺，有一次佢同佢啲friend玩真心話大冒險，一個真心話同埋一個大冒險，真心話就係覺得班上面邊個女仔靚女，佢講咗A同學（簡稱A）同埋我，然後大冒險就係過咗嚟同我講我好靚女😂，有一日我突發奇想想試探一下佢，然後就叫咗我個friend扮靚女開小號去試，去咗問佢有冇鍾意嘅人，點知佢話冇！！自從呢件事之後我就少咗搵佢同埋少咗同佢有接觸，然後近排又發現佢好似對A同學有咗好感，不過A同學聽講好似有男朋友，你地覺得我應該點算好😭😭😭我自己就想搵一個啱嘅時機準備定一啲小心意同佢表白，就算被拒絕都冇所謂起碼唔後悔😣但係都係唔知表唔表白好，希望你哋都可以俾啲意見我！！🙇🏿‍♀️🙇🏿‍♀️🙇🏿‍♀️(溫馨提示：認得我嘅人唔好主動過嚟問我野😔) Sor for 1999🙇🏿‍♀️🙇🏿‍♀️🙇🏿‍♀️🙇🏿‍♀️

#NSS社會 [沙田某某某某某某某某某 中學] 小妹今年form1,好似隔離班好多人都講普通話,想知今年09既係咪大多數都pu tong hua 利申本人唔係，唔係好頂得順成日比普通話俾前後包抄,尤其我上長笛班嘅時候,個Miss講嘢啲大陸人勁大聲喺度嘈,好煩‼️大聲到聽唔到個老師佢講乜春 想問其他中學係咪有一樣嘅情況… 如果早幾年出世就好了😀好似冇咁多大陸人 但係而家香港都好多大陸人?應該係

#NSS家庭 [ADMIN C TESTING] ADMIN C TESTINGADMIN C TESTINGADMIN C TESTING 圖Link: ADMIN C TESTING

#NSS社會 [GUEST] 論香港國族/民族主義 相信大家都睇到 #NSS211120A #NSS211119D 啲comment 小弟因此有感而發， 所以癈話唔多講直接入正題。 究竟乜嘢係中國？ 中華人民共和國？有幾千年歷史？ 其實喺清朝之前根本唔存在“中國”呢個概念，係直到晚清時期五四運動先出現。當時有班知識份子例如梁啓超為咗強化人民嘅凝聚力而鼓吹大中華主義。所以中國絕對冇幾千年歷史，由1949到2021衹有72年歷史。而所謂嘅“中國人”衹不過係共產政權將五十幾個有唔同文化嘅羣體統一起嚟。 牽涉到國族主義同民族主義呢啲政治性嘅主義就自然唔存在絕對性。既然有中國國族主義，咁點解唔可以有香港民族主義？ 講完香港民族喺邏輯方面嘅存在可能性，之後探討下香港民族主義嘅認同程度。 香港大學民意研究計劃在2019年6月27日公佈的調查結果顯示，認同「香港人」比例為53%，認同「中國人」比例為11%，認同「香港的中國人」比例為12%，認同「中國的香港人」比例為23%。換言之，76%認為自己是「廣義香港人」，23%則認為自己是「廣義中國人」。其中年齡為18-29歲組別對「香港人」身分認同比例更高達75%。 而香港民意研究所（前身為香港大學民意研究計劃）在2019年12月17日公佈的調查結果顯示，認同「香港人」比例為55%，認同「中國人」比例為11%，認同「香港的中國人」比例為10%，認同「中國的香港人」比例為22%。即78%認為自己是「廣義香港人」，21%則認為自己是「廣義中國人」，打破了6月時的記錄。 由上述數據可見香港本地居民對香港人嘅身份認同有上升趨勢，19年社運之後香港人更加有共同經歷有集體意識甚至用行動表達自己立場。所以香港人絕對有條件建立香港民族主義。 而且香港民族主義絕對唔係咩優越感，呢種主義衹不過係港共政權打壓香港人而產生嘅反作用力。 小弟認為喺和平手段冇用嘅情況之下，衹有武力先可以保護返香港民族。所以香港從權力上脫離中共政權先係唯一出路。 不過以上都係紙上談兵，可行性極低，即使成功都冇可能確保未來，而呢種方法絕對係血淋淋，係會死人。但係乜嘢都唔做香港民族主義衹有死路一條，咁大家又有冇覺悟？ 不過，冇人可以知道未來，可能有其他機會都唔出奇。都係嗰句，修文集武等待機會。 完。

#NSS愛情 [失眠迷茫少女:)] 我最近其實有dd迷茫 希望大家可以一齊諗下依個問題 係關於第一次拍拖時間既 大家覺得第一場戀愛應該要係幾時發生？ 我自己就幾想可以係未踏入社會前拍一場無憂無慮 唔需要諗太多未來，工作，前程既拖。 但係又會係度諗，初戀通常都係最刻骨銘心既，係會記得好耐既記憶，都話初戀係最愛既人，咁係咪應該要係踏入社會前出現呢？ 青春期既魯莽同不成熟會晤會好容易傷害到依個咁重要既人同關係 呢？ 但係如果係出社會先拍拖既話，就需要考慮到好多嘢，身邊果位都未必係最愛。有可能只係最適合自己既。又要考慮好多嘢，唔可以剩係注重自己心情 ，但係就會比較成熟，唔會做d白痴野傷害到對方。 利申：我雖然係a0，但係投稿唔係為咗自我安慰 純粹係唔想係未搞清楚自己心情？理想？前拍拖，唔好害左人地

#NSS個人 [GUEST] 求admin po ig 😭😭 小妹上年識左個男仔，一直都唔係好熟，因為其實佢係我個friend個friend，直至前排先會淨係我同佢兩個講嘢(ig dm) 問題lei la，佢直頭係癡架，完全唔識停，日日係咁講嘢，冇嘢講都格硬搵嘢講，初初都ok，日日講早晨早唞都ok(?)，但佢直情係好似報到咁，其實我真係冇咩興趣想知你做乜⋯你想我知你做乜都ok但做乜要問埋我做乜⋯我真係唔係同你好熟，最熟嘅朋友都冇咁chur la，講幾日都夠la講幾個月真係嚇親囉，加上我都幾內向，朋友唔係好多好多，我唔知外向d嘅人係咪日日都係咁⋯但真係覺得好尷lor ，但係我又唔知點完好，因為我從來都唔會已讀通常都係人地已讀我🥲，有冇人遇個d敢嘅人le點算好，就咁已讀又好似好冇禮貌咁⋯但真係唔知點完好 sorry for 1999

#NSS社會 [abcd] 好想知道大家對警察嘅仔女有乜睇法 係咁嘅，小妹有個朋友佢爸爸媽媽都係做警察，喺學校係好多人都欺凌佢，孤立佢，但係佢乜都冇做過，其實我想知道警察嘅仔女到底做左啲乜啲人會咁憎佢地？

#NSS愛情 [Lccsc] 我嗰班嘅27號我鐘意你 自從掉咗位之後，我識咗你，之後發現原來你啱啱好細我9個月，之後我哋越玩越癲，連你班frd都喺到傳我係你老婆，傳下傳下傳到全級都公認我哋係一對。玩下玩下我就發覺原來我已經鐘意咗你，覺得你有時候好可愛，上次你幫我睇份功課做錯啲乜嘅時候你個樣好認真，好吸引。個個都問我點解係都要搞你，係因為你份人真係好好，雖然有陣時會蝦我，但係當我有功課唔識做嘅時候你都會幫我。我記得你有講過點解冇女仔鐘意你，就係因為你鐘意蝦女仔，但係我唔介意你蝦我。Btw我真係好鐘意你！ 圖Link: https://ibb.co/TgRXNry

#NSS學校 [灣仔區B1女校] 我係form 4，有個同班同學（C)成日恰我。😠我本身天然呆，反應好慢，有時會做左啲好笑嘅嘢，C就會記住囇我所有7嘢同佢啲frd講。然後佢成日激嬲我同我鬥嘴，跟住又恰我矮（我15X,佢16X)，成日將啲嘢擺喺locker上面，搞到我攞唔到😡。仲有，我要佢幫手個陣，佢就會話：「求我啊，求我我就幫你！」 最後我想同C講：咪L再搞住我🤬

#NSS愛情 [港島區其中一間學校 勿相認] 浪費咗大家嘅時間睇呢篇文，好似有啲長，唔好意思。 我係一個正常到冇得再正常嘅高中女仔，由初中開始鍾意咗一個男老師 二十幾歲，係單身嘅。 記得呢個老師未教我之前，呢一科嘅成績係全部科最差、排名最低嘅一科，冇合格過，一次都冇例外。本身都認命，畢竟真係冇天份冇興趣，連打開本書嚟溫，或者自動自覺做練習都冇試過。 直至呢個老師教我嘅呢一年，好記得係上學期初。唔知點解我發現自己鍾意咗佢，本身以為係普通仰慕，後尾發現唔係，係暗戀、一見鍾情嗰種鍾意。為咗等佢記得我，對我有好印象，我好俾心機溫呢一科，有時間就做exercise，每次都做好多，做到成個練習啱曬為止。好幸運嘅，我嘅成績雖然冇顯著增長，但慢慢開始嶄露頭角。原本三十分，慢慢喺第一次考試變合格，變六十幾分、七十幾。雖然未係最犀利嗰堆，但係都開始搵到讀書嘅動力，而呢份動力就係每日見到佢，上佢嘅堂，行過嚟同我講「咦 呢part做得幾好喎」。 準備初中呢一年最尾一次考試，我每一日至少抽三個鐘溫呢一科 見到唔明嘅問題就text問佢。真係好開心，初中呢一年學期終考試前最後一次問佢，佢俾咗一句「加油」我，令到我信心多咗好多，因為，好似咁多年嚟冇人同我講過加油。因為呢一句加油同埋我嘅努力，我抱住一個「佢應該冇機會再教我㗎喇」嘅心態溫書，冇放棄任何一個機會溫書，即係我哋講嘅搏盡無悔。我呢次考試拎咗全級第二高分 九字頭。最令我開心嘅係，佢喺我試卷寫咗一句「excellent」。到派卷嘅一刻之前呢一科我淨係喺小學第一次考試，拎過一次九字頭。所以多謝你。 本來我好努力令自己忘記呢個人，我追返佢教我之前我追過嘅韓星，仲買咗好多專輯小卡，塑造自己一個毒𠹌形象，順便每日俾密密麻麻嘅idol日程塞住，慢慢由時間沖淡一切。 點知到高中，佢又教我同一科，我揀嘅其中一科選修科又咁啱係佢教(當然 我揀呢科選修科係因為想博吓係佢教 點知博中咗）。見到佢再踏入課室嘅時候，我以前忘記佢嘅努力好似白費曬…每次見到佢笑，發現我都會不自覺跟住笑 因為佢真係笑得好靚，佢唔係靚仔唔係高，但喺我心裡面真係好charm。我果斷咁脱曬飯，放棄我追嘅星，放時間心機嚟溫佢教嗰科。仲成日想增加同佢text嘅機會，雖然淨係可以講學校讀書，但係都好開心，例如幫你收完份功課交帶返比你聽邊個冇交、例如問你一啲outc嘢。雖然老師你冇follow都唔會睇到呢個po，我想同你講 我會好俾心機，即使我嘅資質冇可能拎到5**，都最少拎個5返嚟報答自己嘅努力、報答你，比起言語，我更加想用我dse嘅成績嚟多謝你。 當然，師生戀唔受到社會認同，畢竟超越咗道德界線，我梗係有ff過自己同你拍拖，不過都知道係冇可能。有時都好痛恨個社會點解唔接受（好自私添 對唔住）。我可以做嘅，應該淨係得努力讀書，儘量將自己嘅心意有幾密收到幾密。不過我生得又矮又肥又冇自信，就算社會接受 你點揀應該都唔會揀到我喇。 知道應該唔止我一個試過鍾意自己嘅老師，都相信你哋嘅心意唔係兒戲。坦白講鍾意一個人我唔覺得有錯，感情問題一律建議表白 我都贊成，但礙於我自信問題，我就唔會咁做喇。投稿呢篇文都用咗好多勇氣…… 老師我真係好鍾意你，不過希望你唔好知道，希望他朝有一日我可以成為老師，入返嚟呢間學校教，見返你。唔得嘅話，希望自己可以儘快忘記你 儘快move